Gyaandweep | Atharva Veda , Kanda 6, Sukta 125

Sukta 1

वनस्पते वीड्वङ्गो हि भूया अस्मत्सखा प्रतरणः सुवीरः ।गोभिः संनद्धो असि वीडयस्वास्थाता ते जयतु जेत्वानि ॥१॥

PADACHEDA

वनस्पते वीडु-अङ्गः हि भूयाः अस्मद्-सखा प्रतरणः सु वीरः ।गोभिः संनद्धः असि वीडयस्व आस्थाता ते जयतु जेत्वानि ॥१॥

vanaspate vīḍu-aṅgaḥ hi bhūyāḥ asmad-sakhā prataraṇaḥ su vīraḥ .gobhiḥ saṃnaddhaḥ asi vīḍayasva āsthātā te jayatu jetvāni ..1..

Sukta 2

दिवस्पृथिव्याः पर्योज उद्भृतं वनस्पतिभ्यः पर्याभृतं सहः ।अपामोज्मानं परि गोभिरावृतमिन्द्रस्य वज्रं हविषा रथं यज ॥२॥

दिवस्पृथिव्याः पर्योजः उद्भृतम् वनस्पतिभ्यः पर्याभृतम् सहः ।अपाम् ऊज्मानम् परि गोभिः आवृतम् इन्द्रस्य वज्रम् हविषा रथम् यज ॥२॥

divaspṛthivyāḥ paryojaḥ udbhṛtam vanaspatibhyaḥ paryābhṛtam sahaḥ .apām ūjmānam pari gobhiḥ āvṛtam indrasya vajram haviṣā ratham yaja ..2..

Sukta 3

इन्द्रस्यौजो मरुतामनीकं मित्रस्य गर्भो वरुणस्य नाभिः ।स इमां नो हव्यदातिं जुषाणो देव रथ प्रति हव्या गृभाय ॥३॥

इन्द्रस्य ओजः मरुताम् अनीकम् मित्रस्य गर्भः वरुणस्य नाभिः ।सः इमाम् नः हव्य-दातिम् जुषाणः देव रथ प्रति हव्या गृभाय ॥३॥

indrasya ojaḥ marutām anīkam mitrasya garbhaḥ varuṇasya nābhiḥ .saḥ imām naḥ havya-dātim juṣāṇaḥ deva ratha prati havyā gṛbhāya ..3..