Gyaandweep | Atharva Veda , Kanda 6, Sukta 137

यां जमदग्निरखनद्दुहित्रे केशवर्धनीम् ।तां वीतहव्य आभरदसितस्य गृहेभ्यः ॥१॥

yāṃ jamadagnirakhanadduhitre keśavardhanīm |tāṃ vītahavya ābharadasitasya gṛhebhyaḥ ||1||

अभीशुना मेया आसन् व्यामेनानुमेयाः ।केशा नडा इव वर्धन्तां शीर्ष्णस्ते असिताः परि ॥२॥

abhīśunā meyā āsan vyāmenānumeyāḥ |keśā naḍā iva vardhantāṃ śīrṣṇaste asitāḥ pari ||2||

दृंह मूलमाग्रं यच्छ वि मध्यं यामयौषधे ।केशा नडा इव वर्धन्तां शीर्ष्णस्ते असिताः परि ॥३॥

dṛṃha mūlamāgraṃ yaccha vi madhyaṃ yāmayauṣadhe |keśā naḍā iva vardhantāṃ śīrṣṇaste asitāḥ pari ||3||

Languages