Gyaandweep | Atharva Veda , Kanda 6, Sukta 20

Sukta 1

अग्नेरिवास्य दहत एति शुष्मिण उतेव मत्तो विलपन्न् अपायति ।अन्यमस्मदिच्छतु कं चिदव्रतस्तपुर्वधाय नमो अस्तु तक्मने ॥१॥

PADACHEDA

अग्नेः इव अस्य दहतः एति शुष्मिणः उत इव मत्तः विलपन् अपायति ।अन्यम् अस्मत् इच्छतु कम् चित् अव्रतः तपुः-वधाय नमः अस्तु तक्मने ॥१॥

agneḥ iva asya dahataḥ eti śuṣmiṇaḥ uta iva mattaḥ vilapan apāyati .anyam asmat icchatu kam cit avrataḥ tapuḥ-vadhāya namaḥ astu takmane ..1..

Sukta 2

नमो रुद्राय नमो अस्तु तक्मने नमो राज्ञे वरुणाय त्विषीमते ।नमो दिवे नमः पृथिव्यै नम ओषधीभ्यः ॥२॥

नमः रुद्राय नमः अस्तु तक्मने नमः राज्ञे वरुणाय त्विषीमते ।नमः दिवे नमः पृथिव्यै नमः ओषधीभ्यः ॥२॥

namaḥ rudrāya namaḥ astu takmane namaḥ rājñe varuṇāya tviṣīmate .namaḥ dive namaḥ pṛthivyai namaḥ oṣadhībhyaḥ ..2..

Sukta 3

अयं यो अभिशोचयिष्णुर्विश्वा रूपाणि हरिता कृणोषि ।तस्मै तेऽरुणाय बभ्रवे नमः कृणोमि वन्याय तक्मने ॥३॥

अयम् यः अभिशोचयिष्णुः विश्वा रूपाणि हरिता कृणोषि ।तस्मै ते अरुणाय बभ्रवे नमः कृणोमि वन्याय तक्मने ॥३॥

ayam yaḥ abhiśocayiṣṇuḥ viśvā rūpāṇi haritā kṛṇoṣi .tasmai te aruṇāya babhrave namaḥ kṛṇomi vanyāya takmane ..3..