Jñānadvīpa | Atharva Veda , Kanda 6, Sukta 34

प्राग्नये वाचमीरय वृषभाय क्षितीनाम् ।स नः पर्षदति द्विषः ॥१॥

prāgnaye vācamīraya vṛṣabhāya kṣitīnām |sa naḥ parṣadati dviṣaḥ ||1||

यो रक्षांसि निजूर्वत्यग्निस्तिग्मेन शोचिषा ।स नः पर्षदति द्विषः ॥२॥

yo rakṣāṃsi nijūrvatyagnistigmena śociṣā |sa naḥ parṣadati dviṣaḥ ||2||

यः परस्याः परावतस्तिरो धन्वातिरोचते ।स नः पर्षदति द्विषः ॥३॥

yaḥ parasyāḥ parāvatastiro dhanvātirocate |sa naḥ parṣadati dviṣaḥ ||3||

यो विश्वाभि विपश्यति भुवना सं च पश्यति ।स नः पर्षदति द्विषः ॥४॥

yo viśvābhi vipaśyati bhuvanā saṃ ca paśyati |sa naḥ parṣadati dviṣaḥ ||4||

यो अस्य पारे रजसः शुक्रो अग्निरजायत ।स नः पर्षदति द्विषः ॥५॥

yo asya pāre rajasaḥ śukro agnirajāyata |sa naḥ parṣadati dviṣaḥ ||5||

Languages