Gyaandweep | Atharva Veda , Kanda 6, Sukta 68

आयमगन्त्सविता क्षुरेणोष्णेन वाय उदकेनेहि ।आदित्या रुद्रा वसव उन्दन्तु सचेतसः सोमस्य राज्ञो वपत प्रचेतसः ॥१॥

āyamagantsavitā kṣureṇoṣṇena vāya udakenehi |ādityā rudrā vasava undantu sacetasaḥ somasya rājño vapata pracetasaḥ ||1||

अदितिः श्मश्रु वपत्वाप उन्दन्तु वर्चसा ।चिकित्सतु प्रजापतिर्दीर्घायुत्वाय चक्षसे ॥२॥

aditiḥ śmaśru vapatvāpa undantu varcasā |cikitsatu prajāpatirdīrghāyutvāya cakṣase ||2||

येनावपत्सविता क्षुरेण सोमस्य राज्ञो वरुणस्य विद्वान् ।तेन ब्रह्माणो वपतेदमस्य गोमान् अश्ववान् अयमस्तु प्रजावान् ॥३॥

yenāvapatsavitā kṣureṇa somasya rājño varuṇasya vidvān |tena brahmāṇo vapatedamasya gomān aśvavān ayamastu prajāvān ||3||

Languages