Gyaandweep | Atharva Veda , Kanda 6, Sukta 73

एह यातु वरुणः सोमो अग्निर्बृहस्पतिर्वसुभिरेह यातु ।अस्य श्रियमुपसंयात सर्व उग्रस्य चेत्तुः संमनसः सजाताः ॥१॥

eha yātu varuṇaḥ somo agnirbṛhaspatirvasubhireha yātu |asya śriyamupasaṃyāta sarva ugrasya cettuḥ saṃmanasaḥ sajātāḥ ||1||

यो वः शुष्मो हृदयेष्वन्तराकूतिर्या वो मनसि प्रविष्टा ।तान्त्सीवयामि हविषा घृतेन मयि सजाता रमतिर्वो अस्तु ॥२॥

yo vaḥ śuṣmo hṛdayeṣvantarākūtiryā vo manasi praviṣṭā |tāntsīvayāmi haviṣā ghṛtena mayi sajātā ramatirvo astu ||2||

इहैव स्त माप याताध्यस्मत्पूषा परस्तादपथं वः कृणोतु ।वास्तोष्पतिरनु वो जोहवीतु मयि सजाता रमतिः वो अस्तु ॥३॥

ihaiva sta māpa yātādhyasmatpūṣā parastādapathaṃ vaḥ kṛṇotu |vāstoṣpatiranu vo johavītu mayi sajātā ramatiḥ vo astu ||3||

Languages