| |
|

This overlay will guide you through the buttons:

Sukta 1
सभा च मा समितिश्चावतां प्रजापतेर्दुहितरौ संविदाने ।येना संगछा उप मा स शिक्षाच्चारु वदानि पितरः संगतेषु ॥१॥

PADACHEDA

सभा च मा समितिः च अवताम् प्रजापतेः दुहितरौ संविदाने ।येन संगच्छाः उप मा स शिक्षात् चारु वदानि पितरः संगतेषु ॥१॥

TRANSLITERATION

sabhā ca mā samitiḥ ca avatām prajāpateḥ duhitarau saṃvidāne .yena saṃgacchāḥ upa mā sa śikṣāt cāru vadāni pitaraḥ saṃgateṣu ..1..

Sukta 2
विद्म ते सभे नाम नरिष्टा नाम वा असि ।ये ते के च सभासदस्ते मे सन्तु सवाचसः ॥२॥

PADACHEDA

विद्म ते सभे नाम नरिष्टा नाम वै असि ।ये ते के च सभासदः ते मे सन्तु सवाचसः ॥२॥

TRANSLITERATION

vidma te sabhe nāma nariṣṭā nāma vai asi .ye te ke ca sabhāsadaḥ te me santu savācasaḥ ..2..

Sukta 3
एषामहं समासीनानां वर्चो विज्ञानमा ददे ।अस्याः सर्वस्याः संसदो मामिन्द्र भगिनं कृणु ॥३॥

PADACHEDA

एषाम् अहम् समासीनानाम् वर्चः विज्ञानम् आ ददे ।अस्याः सर्वस्याः संसदः माम् इन्द्र भगिनम् कृणु ॥३॥

TRANSLITERATION

eṣām aham samāsīnānām varcaḥ vijñānam ā dade .asyāḥ sarvasyāḥ saṃsadaḥ mām indra bhaginam kṛṇu ..3..

Sukta 4
यद्वो मनः परागतं यद्बद्धमिह वेह वा ।तद्व आ वर्तयामसि मयि वो रमतां मनः ॥४॥

PADACHEDA

यत् वः मनः परागतम् यत् बद्धम् इह वा इह वा ।तत् वः आ वर्तयामसि मयि वः रमताम् मनः ॥४॥

TRANSLITERATION

yat vaḥ manaḥ parāgatam yat baddham iha vā iha vā .tat vaḥ ā vartayāmasi mayi vaḥ ramatām manaḥ ..4..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

नमो नमः

Practice 100+ Vedic scriptures and 1000s of chants — one verse at a time.

Sign In