Gyaandweep | Atharva Veda , Kanda 7, Sukta 17

धाता दधातु नो रयिमीशानो जगतस्पतिः ।स नः पूर्णेन यच्छतु ॥१॥

dhātā dadhātu no rayimīśāno jagataspatiḥ |sa naḥ pūrṇena yacchatu ||1||

धाता दधातु दाशुषे प्राचीं जीवातुमक्षिताम् ।वयं देवस्य धीमहि सुमतिं विश्वराधसः ॥२॥

dhātā dadhātu dāśuṣe prācīṃ jīvātumakṣitām |vayaṃ devasya dhīmahi sumatiṃ viśvarādhasaḥ ||2||

धाता विश्वा वार्या दधातु प्रजाकामाय दाशुषे दुरोणे ।तस्मै देवा अमृतं सं व्ययन्तु विश्वे देवा अदितिः सजोषाः ॥३॥

dhātā viśvā vāryā dadhātu prajākāmāya dāśuṣe duroṇe |tasmai devā amṛtaṃ saṃ vyayantu viśve devā aditiḥ sajoṣāḥ ||3||

धाता रातिः सवितेदं जुषन्तां प्रजापतिर्निधिपतिर्नो अग्निः ।त्वष्टा विष्णुः प्रजया संरराणो यजमानाय द्रविणं दधातु ॥४॥

dhātā rātiḥ savitedaṃ juṣantāṃ prajāpatirnidhipatirno agniḥ |tvaṣṭā viṣṇuḥ prajayā saṃrarāṇo yajamānāya draviṇaṃ dadhātu ||4||

Languages