Gyaandweep | Atharva Veda , Kanda 7, Sukta 79

यत्ते देवा अकृण्वन् भागधेयममावास्ये संवसन्तो महित्वा ।तेना नो यज्ञं पिपृहि विश्ववारे रयिं नो धेहि सुभगे सुवीरम् ॥१॥

yatte devā akṛṇvan bhāgadheyamamāvāsye saṃvasanto mahitvā |tenā no yajñaṃ pipṛhi viśvavāre rayiṃ no dhehi subhage suvīram ||1||

अहमेवास्म्यमावास्या मामा वसन्ति सुकृतो मयीमे ।मयि देवा उभये साद्याश्चेन्द्रज्येष्ठाः समगच्छन्त सर्वे ॥२॥

ahamevāsmyamāvāsyā māmā vasanti sukṛto mayīme |mayi devā ubhaye sādyāścendrajyeṣṭhāḥ samagacchanta sarve ||2||

आगन् रात्री सङ्गमनी वसूनामूर्जं पुष्टं वस्वावेशयन्ती ।अमावास्यायै हविष विधेमोर्जं दुहाना पयसा न आगन् ॥३॥

āgan rātrī saṅgamanī vasūnāmūrjaṃ puṣṭaṃ vasvāveśayantī |amāvāsyāyai haviṣa vidhemorjaṃ duhānā payasā na āgan ||3||

अमावास्ये न त्वदेतान्यन्यो विश्वा रूपाणि परिभूर्जजान ।यत्कामास्ते जुहुमस्तन् नो अस्तु वयं स्याम पतयो रयिणाम् ॥४॥

amāvāsye na tvadetānyanyo viśvā rūpāṇi paribhūrjajāna |yatkāmāste juhumastan no astu vayaṃ syāma patayo rayiṇām ||4||

Languages