| |
|

This overlay will guide you through the buttons:

Sukta 1
यदद्य त्वा प्रयति यज्ञे अस्मिन् होतश्चिकित्वन्न् अवृणीमहीह ।ध्रुवमयो ध्रुवमुता शविष्ठैप्रविद्वान् यज्ञमुप याहि सोमम् ॥१॥

PADACHEDA

यत् अद्य त्वा प्रयति यज्ञे अस्मिन् होतर् चिकित्वन् अवृणीमहि इह ।ध्रुवम् अयः ध्रुवम् उत शविष्ठैः प्रविद्वान् यज्ञम् उप याहि सोमम् ॥१॥

TRANSLITERATION

yat adya tvā prayati yajñe asmin hotar cikitvan avṛṇīmahi iha .dhruvam ayaḥ dhruvam uta śaviṣṭhaiḥ pravidvān yajñam upa yāhi somam ..1..

Sukta 2
समिन्द्र नो मनसा नेष गोभिः सं सूरिभिर्हरिवन्त्सं स्वस्त्या ।सं ब्रह्मणा देवहितं यदस्ति सं देवानां सुमतौ यज्ञियानाम् ॥२॥

PADACHEDA

सम् इन्द्र नः मनसा नेषः गोभिः सम् सूरिभिः हरिवन् सम् स्वस्त्या ।सम् ब्रह्मणा देव-हितम् यत् अस्ति सम् देवानाम् सुमतौ यज्ञियानाम् ॥२॥

TRANSLITERATION

sam indra naḥ manasā neṣaḥ gobhiḥ sam sūribhiḥ harivan sam svastyā .sam brahmaṇā deva-hitam yat asti sam devānām sumatau yajñiyānām ..2..

Sukta 3
यान् आवह उशतो देव देवांस्तान् प्रेरय स्वे अग्ने सधस्थे ।जक्षिवांसः पपिवांसो मधून्यस्मै धत्त वसवो वसूनि ॥३॥

PADACHEDA

यान् आवहः उशतः देव देवान् तान् प्रेरय स्वे अग्ने सधस्थे ।जक्षिवांसः पपिवांसः मधूनि अस्मै धत्त वसवः वसूनि ॥३॥

TRANSLITERATION

yān āvahaḥ uśataḥ deva devān tān preraya sve agne sadhasthe .jakṣivāṃsaḥ papivāṃsaḥ madhūni asmai dhatta vasavaḥ vasūni ..3..

Sukta 4
सुगा वो देवाः सदना अकर्म य आजग्म सवने मा जुषाणाः ।वहमाना भरमाणाः स्वा वसूनि वसुं घर्मं दिवमा रोहतानु ॥४॥

PADACHEDA

सुगा वः देवाः सदना अकर्म ये आजग्म सवने मा जुषाणाः ।वहमानाः भरमाणाः स्वा वसूनि वसुम् घर्मम् दिवम् आ रोहत अनु ॥४॥

TRANSLITERATION

sugā vaḥ devāḥ sadanā akarma ye ājagma savane mā juṣāṇāḥ .vahamānāḥ bharamāṇāḥ svā vasūni vasum gharmam divam ā rohata anu ..4..

Sukta 5
यज्ञ यज्ञं गच्छ यज्ञपतिं गच्छ ।स्वां योनिं गच्छ स्वाहा ॥५॥

PADACHEDA

यज्ञ यज्ञम् गच्छ यज्ञपतिम् गच्छ ।स्वाम् योनिम् गच्छ स्वाहा ॥५॥

TRANSLITERATION

yajña yajñam gaccha yajñapatim gaccha .svām yonim gaccha svāhā ..5..

Sukta 6
एष ते यज्ञो यज्ञपते सहसूक्तवाकः ।सुवीर्यः स्वाहा ॥६॥

PADACHEDA

एष ते यज्ञः यज्ञपते सहसूक्तवाकः ।सु वीर्यः स्वाहा ॥६॥

TRANSLITERATION

eṣa te yajñaḥ yajñapate sahasūktavākaḥ .su vīryaḥ svāhā ..6..

Sukta 7
वषड्धुतेभ्यो वषडहुतेभ्यः ।देवा गातुविदो गातुं वित्त्वा गातुमित ॥७॥

PADACHEDA

वषट् हुतेभ्यः वषट् अहुतेभ्यः ।देवाः गातु-विदः गातुम् वित्त्वा गातुम् इत ॥७॥

TRANSLITERATION

vaṣaṭ hutebhyaḥ vaṣaṭ ahutebhyaḥ .devāḥ gātu-vidaḥ gātum vittvā gātum ita ..7..

Sukta 8
मनसस्पत इमं नो दिवि देवेषु यज्ञम् ।स्वाहा दिवि स्वाहा पृथिव्यां स्वाहान्तरिक्षे स्वाहा वाते धां स्वाहा ॥८॥

PADACHEDA

मनसस्पते इमम् नः दिवि देवेषु यज्ञम् ।स्वाहा दिवि स्वाहा पृथिव्याम् स्वाहा अन्तरिक्षे स्वाहा वाते धाम् स्वाहा ॥८॥

TRANSLITERATION

manasaspate imam naḥ divi deveṣu yajñam .svāhā divi svāhā pṛthivyām svāhā antarikṣe svāhā vāte dhām svāhā ..8..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In