| |
|

This overlay will guide you through the buttons:

Sukta 1
यौ ते मातोन्ममार्ज जातायाः पतिवेदनौ ।दुर्णामा तत्र मा गृधदलिंश उत वत्सपः ॥१॥

PADACHEDA

यौ ते माता उन्ममार्ज जातायाः पति-वेदनौ ।दुर्णामा तत्र मा गृधदलिंशः उत वत्सपः ॥१॥

TRANSLITERATION

yau te mātā unmamārja jātāyāḥ pati-vedanau .durṇāmā tatra mā gṛdhadaliṃśaḥ uta vatsapaḥ ..1..

Sukta 2
पलालानुपलालौ शर्कुं कोकं मलिम्लुचं पलीजकम् ।आश्रेषं वव्रिवाससमृक्षग्रीवं प्रमीलिनम् ॥२॥

PADACHEDA

पलाल-अनुपलालौ शर्कुम् कोकम् मलिम्लुचम् पलीजकम् ।आश्रेषम् वव्रिवाससम् ऋक्षग्रीवम् प्रमीलिनम् ॥२॥

TRANSLITERATION

palāla-anupalālau śarkum kokam malimlucam palījakam .āśreṣam vavrivāsasam ṛkṣagrīvam pramīlinam ..2..

Sukta 3
मा सं वृतो मोप सृप ऊरू माव सृपोऽन्तरा ।कृणोम्यस्यै भेषजं बजं दुर्णामचातनम् ॥३॥

PADACHEDA

मा सम् वृतः मा उप सृपः ऊरू मा अव सृपः अन्तरा ।कृणोमि अस्यै भेषजम् बजम् दुर्णाम-चातनम् ॥३॥

TRANSLITERATION

mā sam vṛtaḥ mā upa sṛpaḥ ūrū mā ava sṛpaḥ antarā .kṛṇomi asyai bheṣajam bajam durṇāma-cātanam ..3..

Sukta 4
दुर्णामा च सुनामा चोभा सम्वृतमिच्छतः ।अरायान् अप हन्मः सुनामा स्त्रैणमिच्छताम् ॥४॥

PADACHEDA

दुर्णामा च सुनामा च उभा सम्वृतम् इच्छतः ।अरायान् अप हन्मः सुनामा स्त्रैणम् इच्छताम् ॥४॥

TRANSLITERATION

durṇāmā ca sunāmā ca ubhā samvṛtam icchataḥ .arāyān apa hanmaḥ sunāmā straiṇam icchatām ..4..

Sukta 5
यः कृष्णः केश्यसुर स्तम्बज उत तुण्डिकः ।अरायान् अस्या मुष्काभ्यां भंससोऽप हन्मसि ॥५॥

PADACHEDA

यः कृष्णः केशी असुरः स्तम्ब-जः उत तुण्डिकः ।अरायान् अस्याः मुष्काभ्याम् भंससः अप हन्मसि ॥५॥

TRANSLITERATION

yaḥ kṛṣṇaḥ keśī asuraḥ stamba-jaḥ uta tuṇḍikaḥ .arāyān asyāḥ muṣkābhyām bhaṃsasaḥ apa hanmasi ..5..

Sukta 6
अनुजिघ्रं प्रमृशन्तं क्रव्यादमुत रेरिहम् ।अरायां छ्वकिष्किणो बजः पिङ्गो अनीनशत्॥६॥

PADACHEDA

अनुजिघ्रम् प्रमृशन्तम् क्रव्यादम् उत रेरिहम् ।अरायाम् छ्वकिष्किणः बजः पिङ्गः अनीनशत्॥६॥

TRANSLITERATION

anujighram pramṛśantam kravyādam uta reriham .arāyām chvakiṣkiṇaḥ bajaḥ piṅgaḥ anīnaśat..6..

Sukta 7
यस्त्वा स्वप्ने निपद्यते भ्राता भूत्वा पितेव च ।बजस्तान्त्सहतामितः क्लीबरूपांस्तिरीटिनः ॥७॥

PADACHEDA

यः त्वा स्वप्ने निपद्यते भ्राता भूत्वा पिता इव च ।बजः तान् सहताम् इतस् क्लीब-रूपान् तिरीटिनः ॥७॥

TRANSLITERATION

yaḥ tvā svapne nipadyate bhrātā bhūtvā pitā iva ca .bajaḥ tān sahatām itas klība-rūpān tirīṭinaḥ ..7..

Sukta 8
यस्त्वा स्वपन्तीं त्सरति यस्त्वा दिप्सति जाग्रतीम् ।छायामिव प्र तान्त्सूर्यः परिक्रामन्न् अनीनशत्॥८॥

PADACHEDA

यः त्वा स्वपन्तीम् त्सरति यः त्वा दिप्सति जाग्रतीम् ।छायाम् इव प्र तान् सूर्यः परिक्रामन् अनीनशत्॥८॥

TRANSLITERATION

yaḥ tvā svapantīm tsarati yaḥ tvā dipsati jāgratīm .chāyām iva pra tān sūryaḥ parikrāman anīnaśat..8..

Sukta 9
यः कृणोति मृतवत्सामवतोकामिमां स्त्रियम् ।तमोषधे त्वं नाशयास्याः कमलमञ्जिवम् ॥९॥

PADACHEDA

यः कृणोति मृत-वत्साम् अवतोकाम् इमाम् स्त्रियम् ।तम् ओषधे त्वम् नाशय अस्याः कमल-मञ्जिवम् ॥९॥

TRANSLITERATION

yaḥ kṛṇoti mṛta-vatsām avatokām imām striyam .tam oṣadhe tvam nāśaya asyāḥ kamala-mañjivam ..9..

Sukta 10
ये शालाः परिनृत्यन्ति सायं गर्दभनादिनः ।कुसूला ये च कुक्षिलाः ककुभाः करुमाः स्रिमाः ।तान् ओषधे त्वं गन्धेन विषूचीनान् वि नाशय ॥१०॥ {१४}

PADACHEDA

ये शालाः परिनृत्यन्ति सायम् गर्दभ-नादिनः ।कुसूलाः ये च कुक्षिलाः ककुभाः करुमाः स्रिमाः ।तान् ओषधे त्वम् गन्धेन विषूचीनान् वि नाशय ॥१०॥

TRANSLITERATION

ye śālāḥ parinṛtyanti sāyam gardabha-nādinaḥ .kusūlāḥ ye ca kukṣilāḥ kakubhāḥ karumāḥ srimāḥ .tān oṣadhe tvam gandhena viṣūcīnān vi nāśaya ..10..

Sukta 11
ये कुकुन्धाः कुकिरभाः कृत्तीर्दूर्शानि बिभ्रति ।क्लीबा इव प्रनृत्यन्तो वने ये कुर्वते घोषं तान् इतो नाशयामसि ॥११॥

PADACHEDA

ये कुकुन्धाः कुकिरभाः कृत्तीः दूर्शानि बिभ्रति ।क्लीबाः इव प्रनृत्यन्तः वने ये कुर्वते घोषम् तान् इतस् नाशयामसि ॥११॥

TRANSLITERATION

ye kukundhāḥ kukirabhāḥ kṛttīḥ dūrśāni bibhrati .klībāḥ iva pranṛtyantaḥ vane ye kurvate ghoṣam tān itas nāśayāmasi ..11..

Sukta 12
ये सूर्यं न तितिक्षन्त आतपन्तममुं दिवः ।अरायान् बस्तवासिनो दुर्गन्धींल्लोहितास्यान् मककान् नाशयामसि ॥१२॥

PADACHEDA

ये सूर्यम् न तितिक्षन्ते आतपन्तम् अमुम् दिवः ।अरायान् बस्त-वासिनः दुर्गन्धीन् लोहित-आस्यान् मककान् नाशयामसि ॥१२॥

TRANSLITERATION

ye sūryam na titikṣante ātapantam amum divaḥ .arāyān basta-vāsinaḥ durgandhīn lohita-āsyān makakān nāśayāmasi ..12..

Sukta 13
य आत्मानमतिमात्रमंस आधाय बिभ्रति ।स्त्रीणां श्रोणिप्रतोदिन इन्द्र रक्षांसि नाशय ॥१३॥

PADACHEDA

ये आत्मानम् अतिमात्रम् अंसे आधाय बिभ्रति ।स्त्रीणाम् श्रोणि-प्रतोदिनः इन्द्र रक्षांसि नाशय ॥१३॥

TRANSLITERATION

ye ātmānam atimātram aṃse ādhāya bibhrati .strīṇām śroṇi-pratodinaḥ indra rakṣāṃsi nāśaya ..13..

Sukta 14
ये पूर्वे बध्वो यन्ति हस्ते शृङ्गानि बिभ्रतः ।आपाकेस्थाः प्रहासिन स्तम्बे ये कुर्वते ज्योतिस्तान् इतो नाशयामसि ॥१४॥

PADACHEDA

ये पूर्वे बध्वः यन्ति हस्ते शृङ्गानि बिभ्रतः ।आपाकेस्थाः प्रहासिनः स्तम्बे ये कुर्वते ज्योतिः तान् इतस् नाशयामसि ॥१४॥

TRANSLITERATION

ye pūrve badhvaḥ yanti haste śṛṅgāni bibhrataḥ .āpākesthāḥ prahāsinaḥ stambe ye kurvate jyotiḥ tān itas nāśayāmasi ..14..

Sukta 15
येषां पश्चात्प्रपदानि पुरः पार्ष्णीः पुरो मुखा ।खलजाः शकधूमजा उरुण्डा ये च मट्मटाः कुम्भमुष्का अयाशवः ।तान् अस्या ब्रह्मणस्पते प्रतीबोधेन नाशय ॥१५॥

PADACHEDA

येषाम् पश्चात् प्रपदानि पुरस् पार्ष्णीः पुरस् मुखा ।खल-जाः शक-धूम-जाः उरुण्डाः ये च मट्मटाः कुम्भ-मुष्काः अयाशवः ।तान् अस्याः ब्रह्मणस्पते प्रतीबोधेन नाशय ॥१५॥

TRANSLITERATION

yeṣām paścāt prapadāni puras pārṣṇīḥ puras mukhā .khala-jāḥ śaka-dhūma-jāḥ uruṇḍāḥ ye ca maṭmaṭāḥ kumbha-muṣkāḥ ayāśavaḥ .tān asyāḥ brahmaṇaspate pratībodhena nāśaya ..15..

Sukta 16
पर्यस्ताक्षा अप्रचङ्कशा अस्त्रैणाः सन्तु पण्डगाः ।अव भेषज पादय य इमां संविवृत्सत्यपतिः स्वपतिं स्त्रियम् ॥१६॥

PADACHEDA

पर्यस्त-अक्षाः अप्रचङ्कशाः अस्त्रैणाः सन्तु पण्डगाः ।अव भेषज पादय यः इमाम् संविवृत्सति अपतिः स्व-पतिम् स्त्रियम् ॥१६॥

TRANSLITERATION

paryasta-akṣāḥ apracaṅkaśāḥ astraiṇāḥ santu paṇḍagāḥ .ava bheṣaja pādaya yaḥ imām saṃvivṛtsati apatiḥ sva-patim striyam ..16..

Sukta 17
उद्धर्षिणं मुनिकेशं जम्भयन्तं मरीमृशम् ।उपेषन्तमुदुम्बलं तुण्डेलमुत शालुडम् ।पदा प्र विध्य पार्ष्ण्या स्थालीं गौरिव स्पन्दना ॥१७॥

PADACHEDA

उद्धर्षिणम् मुनि-केशम् जम्भयन्तम् मरीमृशम् ।उपेषन्तम् उदुम्बलम् तुण्डेलम् उत शालुडम् ।पदा प्र विध्य पार्ष्ण्या स्थालीम् गौः इव स्पन्दना ॥१७॥

TRANSLITERATION

uddharṣiṇam muni-keśam jambhayantam marīmṛśam .upeṣantam udumbalam tuṇḍelam uta śāluḍam .padā pra vidhya pārṣṇyā sthālīm gauḥ iva spandanā ..17..

Sukta 18
यस्ते गर्भं प्रतिमृशाज्जातं वा मारयाति ते ।पिङ्गस्तमुग्रधन्वा कृणोतु हृदयाविधम् ॥१८॥

PADACHEDA

यः ते गर्भम् प्रतिमृशात् जातम् वा मारयाति ते ।पिङ्गः तम् उग्र-धन्वा कृणोतु हृदयाविधम् ॥१८॥

TRANSLITERATION

yaḥ te garbham pratimṛśāt jātam vā mārayāti te .piṅgaḥ tam ugra-dhanvā kṛṇotu hṛdayāvidham ..18..

Sukta 19
ये अम्नो जतान् मारयन्ति सूतिका अनुशेरते ।स्त्रीभागान् पिङ्गो गन्धर्वान् वातो अभ्रमिवाजतु ॥१९॥

PADACHEDA

ये अम्नस् जतान् मारयन्ति सूतिकाः अनुशेरते ।स्त्री-भागान् पिङ्गः गन्धर्वान् वातः अभ्रम् इव अजतु ॥१९॥

TRANSLITERATION

ye amnas jatān mārayanti sūtikāḥ anuśerate .strī-bhāgān piṅgaḥ gandharvān vātaḥ abhram iva ajatu ..19..

Sukta 20
परिसृष्टं धरयतु यद्धितं माव पादि तत्।गर्भं त उग्रौ रक्षतां भेषजौ नीविभार्यौ ॥२०॥ {१५}

PADACHEDA

परिसृष्टम् धरयतु यत् हितम् मा अव पादि तत्।गर्भम् ते उग्रौ रक्षताम् भेषजौ नीवि-भार्यौ ॥२०॥

TRANSLITERATION

parisṛṣṭam dharayatu yat hitam mā ava pādi tat.garbham te ugrau rakṣatām bheṣajau nīvi-bhāryau ..20..

Sukta 21
पवीनसात्तङ्गल्वाच्छायकादुत नग्नकात्।प्रजायै पत्ये त्वा पिङ्गः परि पातु किमीदिनः ॥२१॥

PADACHEDA

पवीनसात् तङ्गल्वात् छायकात् उत नग्नकात्।प्रजायै पत्ये त्वा पिङ्गः परि पातु किमीदिनः ॥२१॥

TRANSLITERATION

pavīnasāt taṅgalvāt chāyakāt uta nagnakāt.prajāyai patye tvā piṅgaḥ pari pātu kimīdinaḥ ..21..

Sukta 22
द्व्यास्याच्चतुरक्षात्पञ्चपदादनङ्गुरेः ।वृन्तादभि प्रसर्पतः परि पाहि वरीवृतात्॥२२॥

PADACHEDA

द्वि-आस्यात् चतुर्-अक्षात् पञ्च-पदात् अनङ्गुरेः ।वृन्तात् अभि प्रसर्पतः परि पाहि वरीवृतात्॥२२॥

TRANSLITERATION

dvi-āsyāt catur-akṣāt pañca-padāt anaṅgureḥ .vṛntāt abhi prasarpataḥ pari pāhi varīvṛtāt..22..

Sukta 23
य आमं मांसमदन्ति पौरुषेयं च ये क्रविः ।गर्भान् खादन्ति केशवास्तान् इतो नाशयामसि ॥२३॥

PADACHEDA

ये आमम् मांसम् अदन्ति पौरुषेयम् च ये क्रविः ।गर्भान् खादन्ति केशवाः तान् इतस् नाशयामसि ॥२३॥

TRANSLITERATION

ye āmam māṃsam adanti pauruṣeyam ca ye kraviḥ .garbhān khādanti keśavāḥ tān itas nāśayāmasi ..23..

Sukta 24
ये सूर्यात्परिसर्पन्ति स्नुषेव श्वशुरादधि ।बजश्च तेषां पिङ्गश्च हृदयेऽधि नि विध्यताम् ॥२४॥

PADACHEDA

ये सूर्यात् परिसर्पन्ति स्नुषा इव श्वशुरात् अधि ।बजः च तेषाम् पिङ्गः च हृदये अधि नि विध्यताम् ॥२४॥

TRANSLITERATION

ye sūryāt parisarpanti snuṣā iva śvaśurāt adhi .bajaḥ ca teṣām piṅgaḥ ca hṛdaye adhi ni vidhyatām ..24..

Sukta 25
पिङ्ग रक्ष जायमानं मा पुमांसं स्त्रियं क्रन् ।आण्डादो गर्भान् मा दभन् बाधस्वेतः किमीदिनः ॥२५॥

PADACHEDA

पिङ्ग रक्ष जायमानम् मा पुमांसम् स्त्रियम् क्रन् ।आण्ड-अदः गर्भान् मा दभन् बाधस्व इतस् किमीदिनः ॥२५॥

TRANSLITERATION

piṅga rakṣa jāyamānam mā pumāṃsam striyam kran .āṇḍa-adaḥ garbhān mā dabhan bādhasva itas kimīdinaḥ ..25..

Sukta 26
अप्रजास्त्वं मार्तवत्समाद्रोदमघमावयम् ।वृक्षादिव स्रजं कृत्वाप्रिये प्रति मुञ्च तत्॥२६॥ {१६}

PADACHEDA

अप्रजास्त्वम् मार्तवत्सम् आद्रोदम् अघम् आवयम् ।वृक्षात् इव स्रजम् कृत्वा अप्रिये प्रति मुञ्च तत्॥२६॥

TRANSLITERATION

aprajāstvam mārtavatsam ādrodam agham āvayam .vṛkṣāt iva srajam kṛtvā apriye prati muñca tat..26..

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In