Gyaandweep | Mahabharatam - आदि पर्व

Shloka 1

वैशम्पायन उवाच॥

धृतराष्ट्राभ्यनुज्ञातः स्वबाहुविजितं धनम् । भीष्माय सत्यवत्यै च मात्रे चोपजहार सः ॥१॥

dhṛtarāṣṭrābhyanujñātaḥ svabāhuvijitaṃ dhanam . bhīṣmāya satyavatyai ca mātre copajahāra saḥ ..1..

Shloka 2

विदुराय च वै पाण्डुः प्रेषयामास तद्धनम् । सुहृदश्चापि धर्मात्मा धनेन समतर्पयत् ॥२॥

vidurāya ca vai pāṇḍuḥ preṣayāmāsa taddhanam . suhṛdaścāpi dharmātmā dhanena samatarpayat ..2..

Shloka 3

ततः सत्यवतीं भीष्मः कौसल्यां च यशस्विनीम् । शुभैः पाण्डुजितै रत्नैस्तोषयामास भारत ॥३॥

tataḥ satyavatīṃ bhīṣmaḥ kausalyāṃ ca yaśasvinīm . śubhaiḥ pāṇḍujitai ratnaistoṣayāmāsa bhārata ..3..

Shloka 4

ननन्द माता कौसल्या तमप्रतिमतेजसम् । जयन्तमिव पौलोमी परिष्वज्य नरर्षभम् ॥४॥

nananda mātā kausalyā tamapratimatejasam . jayantamiva paulomī pariṣvajya nararṣabham ..4..

Shloka 5

तस्य वीरस्य विक्रान्तैः सहस्रशतदक्षिणैः । अश्वमेधशतैरीजे धृतराष्ट्रो महामखैः ॥५॥

tasya vīrasya vikrāntaiḥ sahasraśatadakṣiṇaiḥ . aśvamedhaśatairīje dhṛtarāṣṭro mahāmakhaiḥ ..5..

Shloka 6

सम्प्रयुक्तश्च कुन्त्या च माद्र्या च भरतर्षभ । जिततन्द्रीस्तदा पाण्डुर्बभूव वनगोचरः ॥६॥

samprayuktaśca kuntyā ca mādryā ca bharatarṣabha . jitatandrīstadā pāṇḍurbabhūva vanagocaraḥ ..6..

Shloka 7

हित्वा प्रासादनिलयं शुभानि शयनानि च । अरण्यनित्यः सततं बभूव मृगयापरः ॥७॥

hitvā prāsādanilayaṃ śubhāni śayanāni ca . araṇyanityaḥ satataṃ babhūva mṛgayāparaḥ ..7..

Shloka 8

स चरन्दक्षिणं पार्श्वं रम्यं हिमवतो गिरेः । उवास गिरिपृष्ठेषु महाशालवनेषु च ॥८॥

sa carandakṣiṇaṃ pārśvaṃ ramyaṃ himavato gireḥ . uvāsa giripṛṣṭheṣu mahāśālavaneṣu ca ..8..

Shloka 9

रराज कुन्त्या माद्र्या च पाण्डुः सह वने वसन् । करेण्वोरिव मध्यस्थः श्रीमान्पौरंदरो गजः ॥९॥

rarāja kuntyā mādryā ca pāṇḍuḥ saha vane vasan . kareṇvoriva madhyasthaḥ śrīmānpauraṃdaro gajaḥ ..9..

Shloka 10

भारतं सह भार्याभ्यां बाणखड्गधनुर्धरम् । विचित्रकवचं वीरं परमास्त्रविदं नृपम् ॥१०॥ ( देवोऽयमित्यमन्यन्त चरन्तं वनवासिनः ॥१०॥ )

bhārataṃ saha bhāryābhyāṃ bāṇakhaḍgadhanurdharam . vicitrakavacaṃ vīraṃ paramāstravidaṃ nṛpam ..10.. ( devo'yamityamanyanta carantaṃ vanavāsinaḥ ..10.. )

Shloka 11

तस्य कामांश्च भोगांश्च नरा नित्यमतन्द्रिताः । उपजह्रुर्वनान्तेषु धृतराष्ट्रेण चोदिताः ॥११॥

tasya kāmāṃśca bhogāṃśca narā nityamatandritāḥ . upajahrurvanānteṣu dhṛtarāṣṭreṇa coditāḥ ..11..

Shloka 12

अथ पारशवीं कन्यां देवकस्य महीपतेः । रूपयौवनसम्पन्नां स शुश्रावापगासुतः ॥१२॥

atha pāraśavīṃ kanyāṃ devakasya mahīpateḥ . rūpayauvanasampannāṃ sa śuśrāvāpagāsutaḥ ..12..

Shloka 13

ततस्तु वरयित्वा तामानाय्य पुरुषर्षभः । विवाहं कारयामास विदुरस्य महामतेः ॥१३॥

tatastu varayitvā tāmānāyya puruṣarṣabhaḥ . vivāhaṃ kārayāmāsa vidurasya mahāmateḥ ..13..

Shloka 14

तस्यां चोत्पादयामास विदुरः कुरुनन्दनः । पुत्रान्विनयसम्पन्नानात्मनः सदृशान्गुणैः ॥१४॥1.113.14

tasyāṃ cotpādayāmāsa viduraḥ kurunandanaḥ . putrānvinayasampannānātmanaḥ sadṛśānguṇaiḥ ..14..1.113.14

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.