Gyaandweep | Mahabharatam - आदि पर्व

Shloka 1

वैशम्पायन उवाच॥

तां विदित्वा चिरगतां हिडिम्बो राक्षसेश्वरः । अवतीर्य द्रुमात्तस्मादाजगामाथ पाण्डवान् ॥१॥

tāṃ viditvā ciragatāṃ hiḍimbo rākṣaseśvaraḥ . avatīrya drumāttasmādājagāmātha pāṇḍavān ..1..

Shloka 2

लोहिताक्षो महाबाहुरूर्ध्वकेशो महाबलः । मेघसङ्घातवर्ष्मा च तीक्ष्णदंष्ट्रोज्ज्वलाननः ॥२॥

lohitākṣo mahābāhurūrdhvakeśo mahābalaḥ . meghasaṅghātavarṣmā ca tīkṣṇadaṃṣṭrojjvalānanaḥ ..2..

Shloka 3

तमापतन्तं दृष्ट्वैव तथा विकृतदर्शनम् । हिडिम्बोवाच वित्रस्ता भीमसेनमिदं वचः ॥३॥

tamāpatantaṃ dṛṣṭvaiva tathā vikṛtadarśanam . hiḍimbovāca vitrastā bhīmasenamidaṃ vacaḥ ..3..

Shloka 4

आपतत्येष दुष्टात्मा सङ्क्रुद्धः पुरुषादकः । त्वामहं भ्रातृभिः सार्धं यद्ब्रवीमि तथा कुरु ॥४॥

āpatatyeṣa duṣṭātmā saṅkruddhaḥ puruṣādakaḥ . tvāmahaṃ bhrātṛbhiḥ sārdhaṃ yadbravīmi tathā kuru ..4..

Shloka 5

अहं कामगमा वीर रक्षोबलसमन्विता । आरुहेमां मम श्रोणीं नेष्यामि त्वां विहायसा ॥५॥

ahaṃ kāmagamā vīra rakṣobalasamanvitā . āruhemāṃ mama śroṇīṃ neṣyāmi tvāṃ vihāyasā ..5..

Shloka 6

प्रबोधयैनान्संसुप्तान्मातरं च परन्तप । सर्वानेव गमिष्यामि गृहीत्वा वो विहायसा ॥६॥

prabodhayainānsaṃsuptānmātaraṃ ca parantapa . sarvāneva gamiṣyāmi gṛhītvā vo vihāyasā ..6..

Shloka 7

भीम उवाच॥

मा भैस्त्वं विपुलश्रोणि नैष कश्चिन्मयि स्थिते । अहमेनं हनिष्यामि प्रेक्षन्त्यास्ते सुमध्यमे ॥७॥

mā bhaistvaṃ vipulaśroṇi naiṣa kaścinmayi sthite . ahamenaṃ haniṣyāmi prekṣantyāste sumadhyame ..7..

Shloka 8

नायं प्रतिबलो भीरु राक्षसापसदो मम । सोढुं युधि परिस्पन्दमथवा सर्वराक्षसाः ॥८॥

nāyaṃ pratibalo bhīru rākṣasāpasado mama . soḍhuṃ yudhi parispandamathavā sarvarākṣasāḥ ..8..

Shloka 9

पश्य बाहू सुवृत्तौ मे हस्तिहस्तनिभाविमौ । ऊरू परिघसङ्काशौ संहतं चाप्युरो मम ॥९॥

paśya bāhū suvṛttau me hastihastanibhāvimau . ūrū parighasaṅkāśau saṃhataṃ cāpyuro mama ..9..

Shloka 10

विक्रमं मे यथेन्द्रस्य साद्य द्रक्ष्यसि शोभने । मावमंस्थाः पृथुश्रोणि मत्वा मामिह मानुषम् ॥१०॥

vikramaṃ me yathendrasya sādya drakṣyasi śobhane . māvamaṃsthāḥ pṛthuśroṇi matvā māmiha mānuṣam ..10..

Shloka 11

हिडिम्बोवाच॥

नावमन्ये नरव्याघ्र त्वामहं देवरूपिणम् । दृष्टापदानस्तु मया मानुषेष्वेव राक्षसः ॥११॥

nāvamanye naravyāghra tvāmahaṃ devarūpiṇam . dṛṣṭāpadānastu mayā mānuṣeṣveva rākṣasaḥ ..11..

Shloka 12

वैशम्पायन उवाच॥

तथा सञ्जल्पतस्तस्य भीमसेनस्य भारत । वाचः शुश्राव ताः क्रुद्धो राक्षसः पुरुषादकः ॥१२॥

tathā sañjalpatastasya bhīmasenasya bhārata . vācaḥ śuśrāva tāḥ kruddho rākṣasaḥ puruṣādakaḥ ..12..

Shloka 13

अवेक्षमाणस्तस्याश्च हिडिम्बो मानुषं वपुः । स्रग्दामपूरितशिखं समग्रेन्दुनिभाननम् ॥१३॥

avekṣamāṇastasyāśca hiḍimbo mānuṣaṃ vapuḥ . sragdāmapūritaśikhaṃ samagrendunibhānanam ..13..

Shloka 14

सुभ्रूनासाक्षिकेशान्तं सुकुमारनखत्वचम् । सर्वाभरणसंयुक्तं सुसूक्ष्माम्बरवाससम् ॥१४॥

subhrūnāsākṣikeśāntaṃ sukumāranakhatvacam . sarvābharaṇasaṃyuktaṃ susūkṣmāmbaravāsasam ..14..

Shloka 15

तां तथा मानुषं रूपं बिभ्रतीं सुमनोहरम् । पुंस्कामां शङ्कमानश्च चुक्रोध पुरुषादकः ॥१५॥

tāṃ tathā mānuṣaṃ rūpaṃ bibhratīṃ sumanoharam . puṃskāmāṃ śaṅkamānaśca cukrodha puruṣādakaḥ ..15..

Shloka 16

सङ्क्रुद्धो राक्षसस्तस्या भगिन्याः कुरुसत्तम । उत्फाल्य विपुले नेत्रे ततस्तामिदमब्रवीत् ॥१६॥

saṅkruddho rākṣasastasyā bhaginyāḥ kurusattama . utphālya vipule netre tatastāmidamabravīt ..16..

Shloka 17

को हि मे भोक्तुकामस्य विघ्नं चरति दुर्मतिः । न बिभेषि हिडिम्बे किं मत्कोपाद्विप्रमोहिता ॥१७॥

ko hi me bhoktukāmasya vighnaṃ carati durmatiḥ . na bibheṣi hiḍimbe kiṃ matkopādvipramohitā ..17..

Shloka 18

धिक्त्वामसति पुंस्कामे मम विप्रियकारिणि । पूर्वेषां राक्षसेन्द्राणां सर्वेषामयशस्करि ॥१८॥

dhiktvāmasati puṃskāme mama vipriyakāriṇi . pūrveṣāṃ rākṣasendrāṇāṃ sarveṣāmayaśaskari ..18..

Shloka 19

यानिमानाश्रिताकार्षीरप्रियं सुमहन्मम । एष तानद्य वै सर्वान्हनिष्यामि त्वया सह ॥१९॥

yānimānāśritākārṣīrapriyaṃ sumahanmama . eṣa tānadya vai sarvānhaniṣyāmi tvayā saha ..19..

Shloka 20

एवमुक्त्वा हिडिम्बां स हिडिम्बो लोहितेक्षणः । वधायाभिपपातैनां दन्तैर्दन्तानुपस्पृशन् ॥२०॥

evamuktvā hiḍimbāṃ sa hiḍimbo lohitekṣaṇaḥ . vadhāyābhipapātaināṃ dantairdantānupaspṛśan ..20..

Shloka 21

तमापतन्तं सम्प्रेक्ष्य भीमः प्रहरतां वरः । भर्त्सयामास तेजस्वी तिष्ठ तिष्ठेति चाब्रवीत् ॥२१॥1.152.21

tamāpatantaṃ samprekṣya bhīmaḥ praharatāṃ varaḥ . bhartsayāmāsa tejasvī tiṣṭha tiṣṭheti cābravīt ..21..1.152.21

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.