Gyaandweep | Mahabharatam - आदि पर्व

Shloka 1

कुन्त्युवाच॥

कुतोमूलमिदं दुःखं ज्ञातुमिच्छामि तत्त्वतः । विदित्वा अपकर्षेयं शक्यं चेदपकर्षितुम् ॥१॥

kutomūlamidaṃ duḥkhaṃ jñātumicchāmi tattvataḥ . viditvā apakarṣeyaṃ śakyaṃ cedapakarṣitum ..1..

Shloka 2

ब्राह्मण उवाच॥

उपपन्नं सतामेतद्यद्ब्रवीषि तपोधने । न तु दुःखमिदं शक्यं मानुषेण व्यपोहितुम् ॥२॥

upapannaṃ satāmetadyadbravīṣi tapodhane . na tu duḥkhamidaṃ śakyaṃ mānuṣeṇa vyapohitum ..2..

Shloka 3

समीपे नगरस्यास्य बको वसति राक्षसः । ईशो जनपदस्यास्य पुरस्य च महाबलः ॥३॥

samīpe nagarasyāsya bako vasati rākṣasaḥ . īśo janapadasyāsya purasya ca mahābalaḥ ..3..

Shloka 4

पुष्टो मानुषमांसेन दुर्बुद्धिः पुरुषादकः । रक्षत्यसुरराण्नित्यमिमं जनपदं बली ॥४॥

puṣṭo mānuṣamāṃsena durbuddhiḥ puruṣādakaḥ . rakṣatyasurarāṇnityamimaṃ janapadaṃ balī ..4..

Shloka 5

नगरं चैव देशं च रक्षोबलसमन्वितः । तत्कृते परचक्राच्च भूतेभ्यश्च न नो भयम् ॥५॥

nagaraṃ caiva deśaṃ ca rakṣobalasamanvitaḥ . tatkṛte paracakrācca bhūtebhyaśca na no bhayam ..5..

Shloka 6

वेतनं तस्य विहितं शालिवाहस्य भोजनम् । महिषौ पुरुषश्चैको यस्तदादाय गच्छति ॥६॥

vetanaṃ tasya vihitaṃ śālivāhasya bhojanam . mahiṣau puruṣaścaiko yastadādāya gacchati ..6..

Shloka 7

एकैकश्चैव पुरुषस्तत्प्रयच्छति भोजनम् । स वारो बहुभिर्वर्षैर्भवत्यसुतरो नरैः ॥७॥

ekaikaścaiva puruṣastatprayacchati bhojanam . sa vāro bahubhirvarṣairbhavatyasutaro naraiḥ ..7..

Shloka 8

तद्विमोक्षाय ये चापि यतन्ते पुरुषाः क्वचित् । सपुत्रदारांस्तान्हत्वा तद्रक्षो भक्षयत्युत ॥८॥

tadvimokṣāya ye cāpi yatante puruṣāḥ kvacit . saputradārāṃstānhatvā tadrakṣo bhakṣayatyuta ..8..

Shloka 9

वेत्रकीयगृहे राजा नायं नयमिहास्थितः । अनामयं जनस्यास्य येन स्यादद्य शाश्वतम् ॥९॥

vetrakīyagṛhe rājā nāyaṃ nayamihāsthitaḥ . anāmayaṃ janasyāsya yena syādadya śāśvatam ..9..

Shloka 10

एतदर्हा वयं नूनं वसामो दुर्बलस्य ये । विषये नित्यमुद्विग्नाः कुराजानमुपाश्रिताः ॥१०॥

etadarhā vayaṃ nūnaṃ vasāmo durbalasya ye . viṣaye nityamudvignāḥ kurājānamupāśritāḥ ..10..

Shloka 11

ब्राह्मणाः कस्य वक्तव्याः कस्य वा छन्दचारिणः । गुणैरेते हि वास्यन्ते कामगाः पक्षिणो यथा ॥११॥

brāhmaṇāḥ kasya vaktavyāḥ kasya vā chandacāriṇaḥ . guṇairete hi vāsyante kāmagāḥ pakṣiṇo yathā ..11..

Shloka 12

राजानं प्रथमं विन्देत्ततो भार्यां ततो धनम् । त्रयस्य सञ्चये चास्य ज्ञातीन्पुत्रांश्च धारयेत् ॥१२॥

rājānaṃ prathamaṃ vindettato bhāryāṃ tato dhanam . trayasya sañcaye cāsya jñātīnputrāṃśca dhārayet ..12..

Shloka 13

विपरीतं मया चेदं त्रयं सर्वमुपार्जितम् । त इमामापदं प्राप्य भृशं तप्स्यामहे वयम् ॥१३॥

viparītaṃ mayā cedaṃ trayaṃ sarvamupārjitam . ta imāmāpadaṃ prāpya bhṛśaṃ tapsyāmahe vayam ..13..

Shloka 14

सोऽयमस्माननुप्राप्तो वारः कुलविनाशनः । भोजनं पुरुषश्चैकः प्रदेयं वेतनं मया ॥१४॥

so'yamasmānanuprāpto vāraḥ kulavināśanaḥ . bhojanaṃ puruṣaścaikaḥ pradeyaṃ vetanaṃ mayā ..14..

Shloka 15

न च मे विद्यते वित्तं सङ्क्रेतुं पुरुषं क्वचित् । सुहृज्जनं प्रदातुं च न शक्ष्यामि कथञ्चन ॥१५॥ ( गतिं चापि न पश्यामि तस्मान्मोक्षाय रक्षसः ॥१५॥ )

na ca me vidyate vittaṃ saṅkretuṃ puruṣaṃ kvacit . suhṛjjanaṃ pradātuṃ ca na śakṣyāmi kathañcana ..15.. ( gatiṃ cāpi na paśyāmi tasmānmokṣāya rakṣasaḥ ..15.. )

Shloka 16

सोऽहं दुःखार्णवे मग्नो महत्यसुतरे भृशम् । सहैवैतैर्गमिष्यामि बान्धवैरद्य राक्षसम् ॥१६॥ ( ततो नः सहितन्क्षुद्रः सर्वानेवोपभोक्ष्यति ॥१६॥1,159.17 )

so'haṃ duḥkhārṇave magno mahatyasutare bhṛśam . sahaivaitairgamiṣyāmi bāndhavairadya rākṣasam ..16.. ( tato naḥ sahitankṣudraḥ sarvānevopabhokṣyati ..16..1,159.17 )

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.