Gyaandweep | Mahabharatam - आदि पर्व

वैशम्पायन उवाच॥

स गन्धर्ववचः श्रुत्वा तत्तदा भरतर्षभ । अर्जुनः परया प्रीत्या पूर्णचन्द्र इवाबभौ ॥१॥

sa gandharvavacaḥ śrutvā tattadā bharatarṣabha |arjunaḥ parayā prītyā pūrṇacandra ivābabhau ||1||

उवाच च महेष्वासो गन्धर्वं कुरुसत्तमः । जातकौतूहलोऽतीव वसिष्ठस्य तपोबलात् ॥२॥

uvāca ca maheṣvāso gandharvaṃ kurusattamaḥ |jātakautūhalo'tīva vasiṣṭhasya tapobalāt ||2||

वसिष्ठ इति यस्यैतदृषेर्नाम त्वयेरितम् । एतदिच्छाम्यहं श्रोतुं यथावत्तद्वदस्व मे ॥३॥

vasiṣṭha iti yasyaitadṛṣernāma tvayeritam |etadicchāmyahaṃ śrotuṃ yathāvattadvadasva me ||3||

य एष गन्धर्वपते पूर्वेषां नः पुरोहितः । आसीदेतन्ममाचक्ष्व क एष भगवानृषिः ॥४॥

ya eṣa gandharvapate pūrveṣāṃ naḥ purohitaḥ |āsīdetanmamācakṣva ka eṣa bhagavānṛṣiḥ ||4||

गन्धर्व उवाच॥

तपसा निर्जितौ शश्वदजेयावमरैरपि । कामक्रोधावुभौ यस्य चरणौ संववाहतुः ॥५॥

tapasā nirjitau śaśvadajeyāvamarairapi |kāmakrodhāvubhau yasya caraṇau saṃvavāhatuḥ ||5||

यस्तु नोच्छेदनं चक्रे कुशिकानामुदारधीः । विश्वामित्रापराधेन धारयन्मन्युमुत्तमम् ॥६॥

yastu nocchedanaṃ cakre kuśikānāmudāradhīḥ |viśvāmitrāparādhena dhārayanmanyumuttamam ||6||

पुत्रव्यसनसन्तप्तः शक्तिमानपि यः प्रभुः । विश्वामित्रविनाशाय न मेने कर्म दारुणम् ॥७॥

putravyasanasantaptaḥ śaktimānapi yaḥ prabhuḥ |viśvāmitravināśāya na mene karma dāruṇam ||7||

मृतांश्च पुनराहर्तुं यः स पुत्रान्यमक्षयात् । कृतान्तं नातिचक्राम वेलामिव महोदधिः ॥८॥

mṛtāṃśca punarāhartuṃ yaḥ sa putrānyamakṣayāt |kṛtāntaṃ nāticakrāma velāmiva mahodadhiḥ ||8||

यं प्राप्य विजितात्मानं महात्मानं नराधिपाः । इक्ष्वाकवो महीपाला लेभिरे पृथिवीमिमाम् ॥९॥

yaṃ prāpya vijitātmānaṃ mahātmānaṃ narādhipāḥ |ikṣvākavo mahīpālā lebhire pṛthivīmimām ||9||

पुरोहितवरं प्राप्य वसिष्ठमृषिसत्तमम् । ईजिरे क्रतुभिश्चापि नृपास्ते कुरुनन्दन ॥१०॥

purohitavaraṃ prāpya vasiṣṭhamṛṣisattamam |ījire kratubhiścāpi nṛpāste kurunandana ||10||

स हि तान्याजयामास सर्वान्नृपतिसत्तमान् । ब्रह्मर्षिः पाण्डवश्रेष्ठ बृहस्पतिरिवामरान् ॥११॥

sa hi tānyājayāmāsa sarvānnṛpatisattamān |brahmarṣiḥ pāṇḍavaśreṣṭha bṛhaspatirivāmarān ||11||

तस्माद्धर्मप्रधानात्मा वेदधर्मविदीप्सितः । ब्राह्मणो गुणवान्कश्चित्पुरोधाः प्रविमृश्यताम् ॥१२॥

tasmāddharmapradhānātmā vedadharmavidīpsitaḥ |brāhmaṇo guṇavānkaścitpurodhāḥ pravimṛśyatām ||12||

क्षत्रियेण हि जातेन पृथिवीं जेतुमिच्छता । पूर्वं पुरोहितः कार्यः पार्थ राज्याभिवृद्धये ॥१३॥

kṣatriyeṇa hi jātena pṛthivīṃ jetumicchatā |pūrvaṃ purohitaḥ kāryaḥ pārtha rājyābhivṛddhaye ||13||

महीं जिगीषता राज्ञा ब्रह्म कार्यं पुरःसरम् । तस्मात्पुरोहितः कश्चिद्गुणवानस्तु वो द्विजः ॥१४॥1.173.15

mahīṃ jigīṣatā rājñā brahma kāryaṃ puraḥsaram |tasmātpurohitaḥ kaścidguṇavānastu vo dvijaḥ ||14||1.173.15

Languages