Gyaandweep | Mahabharatam - आदि पर्व

Shloka 1

और्व उवाच॥

उक्तवानस्मि यां क्रोधात्प्रतिज्ञां पितरस्तदा । सर्वलोकविनाशाय न सा मे वितथा भवेत् ॥१॥

uktavānasmi yāṃ krodhātpratijñāṃ pitarastadā . sarvalokavināśāya na sā me vitathā bhavet ..1..

Shloka 2

वृथारोषप्रतिज्ञो हि नाहं जीवितुमुत्सहे । अनिस्तीर्णो हि मां रोषो दहेदग्निरिवारणिम् ॥२॥

vṛthāroṣapratijño hi nāhaṃ jīvitumutsahe . anistīrṇo hi māṃ roṣo dahedagnirivāraṇim ..2..

Shloka 3

यो हि कारणतः क्रोधं सञ्जातं क्षन्तुमर्हति । नालं स मनुजः सम्यक्त्रिवर्गं परिरक्षितुम् ॥३॥

yo hi kāraṇataḥ krodhaṃ sañjātaṃ kṣantumarhati . nālaṃ sa manujaḥ samyaktrivargaṃ parirakṣitum ..3..

Shloka 4

अशिष्टानां नियन्ता हि शिष्टानां परिरक्षता । स्थाने रोषः प्रयुक्तः स्यान्नृपैः स्वर्गजिगीषुभिः ॥४॥

aśiṣṭānāṃ niyantā hi śiṣṭānāṃ parirakṣatā . sthāne roṣaḥ prayuktaḥ syānnṛpaiḥ svargajigīṣubhiḥ ..4..

Shloka 5

अश्रौषमहमूरुस्थो गर्भशय्यागतस्तदा । आरावं मातृवर्गस्य भृगूणां क्षत्रियैर्वधे ॥५॥

aśrauṣamahamūrustho garbhaśayyāgatastadā . ārāvaṃ mātṛvargasya bhṛgūṇāṃ kṣatriyairvadhe ..5..

Shloka 6

सामरैर्हि यदा लोकैर्भृगूणां क्षत्रियाधमैः । आगर्भोत्सादनं क्षान्तं तदा मां मन्युराविषत् ॥६॥

sāmarairhi yadā lokairbhṛgūṇāṃ kṣatriyādhamaiḥ . āgarbhotsādanaṃ kṣāntaṃ tadā māṃ manyurāviṣat ..6..

Shloka 7

आपूर्णकोशाः किल मे मातरः पितरस्तथा । भयात्सर्वेषु लोकेषु नाधिजग्मुः परायणम् ॥७॥

āpūrṇakośāḥ kila me mātaraḥ pitarastathā . bhayātsarveṣu lokeṣu nādhijagmuḥ parāyaṇam ..7..

Shloka 8

तान्भृगूणां तदा दारान्कश्चिन्नाभ्यवपद्यत । यदा तदा दधारेयमूरुणैकेन मां शुभा ॥८॥

tānbhṛgūṇāṃ tadā dārānkaścinnābhyavapadyata . yadā tadā dadhāreyamūruṇaikena māṃ śubhā ..8..

Shloka 9

प्रतिषेद्धा हि पापस्य यदा लोकेषु विद्यते । तदा सर्वेषु लोकेषु पापकृन्नोपपद्यते ॥९॥

pratiṣeddhā hi pāpasya yadā lokeṣu vidyate . tadā sarveṣu lokeṣu pāpakṛnnopapadyate ..9..

Shloka 10

यदा तु प्रतिषेद्धारं पापो न लभते क्वचित् । तिष्ठन्ति बहवो लोके तदा पापेषु कर्मसु ॥१०॥

yadā tu pratiṣeddhāraṃ pāpo na labhate kvacit . tiṣṭhanti bahavo loke tadā pāpeṣu karmasu ..10..

Shloka 11

जानन्नपि च यः पापं शक्तिमान्न नियच्छति । ईशः सन्सोऽपि तेनैव कर्मणा सम्प्रयुज्यते ॥११॥

jānannapi ca yaḥ pāpaṃ śaktimānna niyacchati . īśaḥ sanso'pi tenaiva karmaṇā samprayujyate ..11..

Shloka 12

राजभिश्चेश्वरैश्चैव यदि वै पितरो मम । शक्तैर्न शकिता त्रातुमिष्टं मत्वेह जीवितम् ॥१२॥

rājabhiśceśvaraiścaiva yadi vai pitaro mama . śaktairna śakitā trātumiṣṭaṃ matveha jīvitam ..12..

Shloka 13

अत एषामहं क्रुद्धो लोकानामीश्वरोऽद्य सन् । भवतां तु वचो नाहमलं समतिवर्तितुम् ॥१३॥

ata eṣāmahaṃ kruddho lokānāmīśvaro'dya san . bhavatāṃ tu vaco nāhamalaṃ samativartitum ..13..

Shloka 14

मम चापि भवेदेतदीश्वरस्य सतो महत् । उपेक्षमाणस्य पुनर्लोकानां किल्बिषाद्भयम् ॥१४॥

mama cāpi bhavedetadīśvarasya sato mahat . upekṣamāṇasya punarlokānāṃ kilbiṣādbhayam ..14..

Shloka 15

यश्चायं मन्युजो मेऽग्निर्लोकानादातुमिच्छति । दहेदेष च मामेव निगृहीतः स्वतेजसा ॥१५॥

yaścāyaṃ manyujo me'gnirlokānādātumicchati . dahedeṣa ca māmeva nigṛhītaḥ svatejasā ..15..

Shloka 16

भवतां च विजानामि सर्वलोकहितेप्सुताम् । तस्माद्विदध्वं यच्छ्रेयो लोकानां मम चेश्वराः ॥१६॥

bhavatāṃ ca vijānāmi sarvalokahitepsutām . tasmādvidadhvaṃ yacchreyo lokānāṃ mama ceśvarāḥ ..16..

Shloka 17

पितर ऊचुः॥

य एष मन्युजस्तेऽग्निर्लोकानादातुमिच्छति । अप्सु तं मुञ्च भद्रं ते लोका ह्यप्सु प्रतिष्ठिताः ॥१७॥

ya eṣa manyujaste'gnirlokānādātumicchati . apsu taṃ muñca bhadraṃ te lokā hyapsu pratiṣṭhitāḥ ..17..

Shloka 18

आपोमयाः सर्वरसाः सर्वमापोमयं जगत् । तस्मादप्सु विमुञ्चेमं क्रोधाग्निं द्विजसत्तम ॥१८॥

āpomayāḥ sarvarasāḥ sarvamāpomayaṃ jagat . tasmādapsu vimuñcemaṃ krodhāgniṃ dvijasattama ..18..

Shloka 19

अयं तिष्ठतु ते विप्र यदीच्छसि महोदधौ । मन्युजोऽग्निर्दहन्नापो लोका ह्यापोमयाः स्मृताः ॥१९॥

ayaṃ tiṣṭhatu te vipra yadīcchasi mahodadhau . manyujo'gnirdahannāpo lokā hyāpomayāḥ smṛtāḥ ..19..

Shloka 20

एवं प्रतिज्ञा सत्येयं तवानघ भविष्यति । न चैव सामरा लोका गमिष्यन्ति पराभवम् ॥२०॥

evaṃ pratijñā satyeyaṃ tavānagha bhaviṣyati . na caiva sāmarā lokā gamiṣyanti parābhavam ..20..

Shloka 21

वसिष्ठ उवाच॥

ततस्तं क्रोधजं तात और्वोऽग्निं वरुणालये । उत्ससर्ज स चैवाप उपयुङ्क्ते महोदधौ ॥२१॥

tatastaṃ krodhajaṃ tāta aurvo'gniṃ varuṇālaye . utsasarja sa caivāpa upayuṅkte mahodadhau ..21..

Shloka 22

महद्धयशिरो भूत्वा यत्तद्वेदविदो विदुः । तमग्निमुद्गिरन्वक्त्रात्पिबत्यापो महोदधौ ॥२२॥

mahaddhayaśiro bhūtvā yattadvedavido viduḥ . tamagnimudgiranvaktrātpibatyāpo mahodadhau ..22..

Shloka 23

तस्मात्त्वमपि भद्रं ते न लोकान्हन्तुमर्हसि । पराशर परान्धर्माञ्जानञ्ज्ञानवतां वर ॥२३॥1.179.23

tasmāttvamapi bhadraṃ te na lokānhantumarhasi . parāśara parāndharmāñjānañjñānavatāṃ vara ..23..1.179.23

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.