Gyaandweep | Mahabharatam - आदि पर्व

अर्जुन उवाच॥

अस्माकमनुरूपो वै यः स्याद्गन्धर्व वेदवित् । पुरोहितस्तमाचक्ष्व सर्वं हि विदितं तव ॥१॥

asmākamanurūpo vai yaḥ syādgandharva vedavit |purohitastamācakṣva sarvaṃ hi viditaṃ tava ||1||

गन्धर्व उवाच॥

यवीयान्देवलस्यैष वने भ्राता तपस्यति । धौम्य उत्कोचके तीर्थे तं वृणुध्वं यदीच्छथ ॥२॥

yavīyāndevalasyaiṣa vane bhrātā tapasyati |dhaumya utkocake tīrthe taṃ vṛṇudhvaṃ yadīcchatha ||2||

वैशम्पायन उवाच॥

ततोऽर्जुनोऽस्त्रमाग्नेयं प्रददौ तद्यथाविधि । गन्धर्वाय तदा प्रीतो वचनं चेदमब्रवीत् ॥३॥

tato'rjuno'stramāgneyaṃ pradadau tadyathāvidhi |gandharvāya tadā prīto vacanaṃ cedamabravīt ||3||

त्वय्येव तावत्तिष्ठन्तु हया गन्धर्वसत्तम । कर्मकाले ग्रहीष्यामि स्वस्ति तेऽस्त्विति चाब्रवीत् ॥४॥

tvayyeva tāvattiṣṭhantu hayā gandharvasattama |karmakāle grahīṣyāmi svasti te'stviti cābravīt ||4||

तेऽन्योन्यमभिसम्पूज्य गन्धर्वः पाण्डवाश्च ह । रम्याद्भागीरथीकच्छाद्यथाकामं प्रतस्थिरे ॥५॥

te'nyonyamabhisampūjya gandharvaḥ pāṇḍavāśca ha |ramyādbhāgīrathīkacchādyathākāmaṃ pratasthire ||5||

तत उत्कोचकं तीर्थं गत्वा धौम्याश्रमं तु ते । तं वव्रुः पाण्डवा धौम्यं पौरोहित्याय भारत ॥६॥

tata utkocakaṃ tīrthaṃ gatvā dhaumyāśramaṃ tu te |taṃ vavruḥ pāṇḍavā dhaumyaṃ paurohityāya bhārata ||6||

तान्धौम्यः प्रतिजग्राह सर्ववेदविदां वरः । पाद्येन फलमूलेन पौरोहित्येन चैव ह ॥७॥

tāndhaumyaḥ pratijagrāha sarvavedavidāṃ varaḥ |pādyena phalamūlena paurohityena caiva ha ||7||

ते तदाशंसिरे लब्धां श्रियं राज्यं च पाण्डवाः । तं ब्राह्मणं पुरस्कृत्य पाञ्चाल्याश्च स्वयंवरम् ॥८॥

te tadāśaṃsire labdhāṃ śriyaṃ rājyaṃ ca pāṇḍavāḥ |taṃ brāhmaṇaṃ puraskṛtya pāñcālyāśca svayaṃvaram ||8||

मातृषष्ठास्तु ते तेन गुरुणा सङ्गतास्तदा । नाथवन्तमिवात्मानं मेनिरे भरतर्षभाः ॥९॥

mātṛṣaṣṭhāstu te tena guruṇā saṅgatāstadā |nāthavantamivātmānaṃ menire bharatarṣabhāḥ ||9||

स हि वेदार्थतत्त्वज्ञस्तेषां गुरुरुदारधीः । तेन धर्मविदा पार्था याज्याः सर्वविदा कृताः ॥१०॥

sa hi vedārthatattvajñasteṣāṃ gururudāradhīḥ |tena dharmavidā pārthā yājyāḥ sarvavidā kṛtāḥ ||10||

वीरांस्तु स हि तान्मेने प्राप्तराज्यान्स्वधर्मतः । बुद्धिवीर्यबलोत्साहैर्युक्तान्देवानिवापरान् ॥११॥

vīrāṃstu sa hi tānmene prāptarājyānsvadharmataḥ |buddhivīryabalotsāhairyuktāndevānivāparān ||11||

कृतस्वस्त्ययनास्तेन ततस्ते मनुजाधिपाः । मेनिरे सहिता गन्तुं पाञ्चाल्यास्तं स्वयंवरम् ॥१२॥1.182.12

kṛtasvastyayanāstena tataste manujādhipāḥ |menire sahitā gantuṃ pāñcālyāstaṃ svayaṃvaram ||12||1.182.12

Languages