Gyaandweep | Mahabharatam - आदि पर्व

Shloka 1

शौनक उवाच॥

कोऽपराधो महेन्द्रस्य कः प्रमादश्च सूतज । तपसा वालखिल्यानां सम्भूतो गरुडः कथम् ॥१॥

ko'parādho mahendrasya kaḥ pramādaśca sūtaja . tapasā vālakhilyānāṃ sambhūto garuḍaḥ katham ..1..

Shloka 2

कश्यपस्य द्विजातेश्च कथं वै पक्षिराट्सुतः । अधृष्यः सर्वभूतानामवध्यश्चाभवत्कथम् ॥२॥

kaśyapasya dvijāteśca kathaṃ vai pakṣirāṭsutaḥ . adhṛṣyaḥ sarvabhūtānāmavadhyaścābhavatkatham ..2..

Shloka 3

कथं च कामचारी स कामवीर्यश्च खेचरः । एतदिच्छाम्यहं श्रोतुं पुराणे यदि पठ्यते ॥३॥

kathaṃ ca kāmacārī sa kāmavīryaśca khecaraḥ . etadicchāmyahaṃ śrotuṃ purāṇe yadi paṭhyate ..3..

Shloka 4

सूत उवाच॥

विषयोऽयं पुराणस्य यन्मां त्वं परिपृच्छसि । शृणु मे वदतः सर्वमेतत्सङ्क्षेपतो द्विज ॥४॥

viṣayo'yaṃ purāṇasya yanmāṃ tvaṃ paripṛcchasi . śṛṇu me vadataḥ sarvametatsaṅkṣepato dvija ..4..

Shloka 5

यजतः पुत्रकामस्य कश्यपस्य प्रजापतेः । साहाय्यमृषयो देवा गन्धर्वाश्च ददुः किल ॥५॥

yajataḥ putrakāmasya kaśyapasya prajāpateḥ . sāhāyyamṛṣayo devā gandharvāśca daduḥ kila ..5..

Shloka 6

तत्रेध्मानयने शक्रो नियुक्तः कश्यपेन ह । मुनयो वालखिल्याश्च ये चान्ये देवतागणाः ॥६॥

tatredhmānayane śakro niyuktaḥ kaśyapena ha . munayo vālakhilyāśca ye cānye devatāgaṇāḥ ..6..

Shloka 7

शक्रस्तु वीर्यसदृशमिध्मभारं गिरिप्रभम् । समुद्यम्यानयामास नातिकृच्छ्रादिव प्रभुः ॥७॥

śakrastu vīryasadṛśamidhmabhāraṃ giriprabham . samudyamyānayāmāsa nātikṛcchrādiva prabhuḥ ..7..

Shloka 8

अथापश्यदृषीन्ह्रस्वानङ्गुष्ठोदरपर्वणः । पलाशवृन्तिकामेकां सहितान्वहतः पथि ॥८॥

athāpaśyadṛṣīnhrasvānaṅguṣṭhodaraparvaṇaḥ . palāśavṛntikāmekāṃ sahitānvahataḥ pathi ..8..

Shloka 9

प्रलीनान्स्वेष्विवाङ्गेषु निराहारांस्तपोधनान् । क्लिश्यमानान्मन्दबलान्गोष्पदे सम्प्लुतोदके ॥९॥

pralīnānsveṣvivāṅgeṣu nirāhārāṃstapodhanān . kliśyamānānmandabalāngoṣpade samplutodake ..9..

Shloka 10

तांश्च सर्वान्स्मयाविष्टो वीर्योन्मत्तः पुरंदरः । अवहस्यात्यगाच्छीघ्रं लङ्घयित्वावमन्य च ॥१०॥

tāṃśca sarvānsmayāviṣṭo vīryonmattaḥ puraṃdaraḥ . avahasyātyagācchīghraṃ laṅghayitvāvamanya ca ..10..

Shloka 11

तेऽथ रोषसमाविष्टाः सुभृशं जातमन्यवः । आरेभिरे महत्कर्म तदा शक्रभयङ्करम् ॥११॥

te'tha roṣasamāviṣṭāḥ subhṛśaṃ jātamanyavaḥ . ārebhire mahatkarma tadā śakrabhayaṅkaram ..11..

Shloka 12

जुहुवुस्ते सुतपसो विधिवज्जातवेदसम् । मन्त्रैरुच्चावचैर्विप्रा येन कामेन तच्छृणु ॥१२॥

juhuvuste sutapaso vidhivajjātavedasam . mantrairuccāvacairviprā yena kāmena tacchṛṇu ..12..

Shloka 13

कामवीर्यः कामगमो देवराजभयप्रदः । इन्द्रोऽन्यः सर्वदेवानां भवेदिति यतव्रताः ॥१३॥

kāmavīryaḥ kāmagamo devarājabhayapradaḥ . indro'nyaḥ sarvadevānāṃ bhavediti yatavratāḥ ..13..

Shloka 14

इन्द्राच्छतगुणः शौर्ये वीर्ये चैव मनोजवः । तपसो नः फलेनाद्य दारुणः सम्भवत्विति ॥१४॥

indrācchataguṇaḥ śaurye vīrye caiva manojavaḥ . tapaso naḥ phalenādya dāruṇaḥ sambhavatviti ..14..

Shloka 15

तद्बुद्ध्वा भृशसन्तप्तो देवराजः शतक्रतुः । जगाम शरणं तत्र कश्यपं संशितव्रतम् ॥१५॥

tadbuddhvā bhṛśasantapto devarājaḥ śatakratuḥ . jagāma śaraṇaṃ tatra kaśyapaṃ saṃśitavratam ..15..

Shloka 16

तच्छ्रुत्वा देवराजस्य कश्यपोऽथ प्रजापतिः । वालखिल्यानुपागम्य कर्मसिद्धिमपृच्छत ॥१६॥

tacchrutvā devarājasya kaśyapo'tha prajāpatiḥ . vālakhilyānupāgamya karmasiddhimapṛcchata ..16..

Shloka 17

एवमस्त्विति तं चापि प्रत्यूचुः सत्यवादिनः । तान्कश्यप उवाचेदं सान्त्वपूर्वं प्रजापतिः ॥१७॥

evamastviti taṃ cāpi pratyūcuḥ satyavādinaḥ . tānkaśyapa uvācedaṃ sāntvapūrvaṃ prajāpatiḥ ..17..

Shloka 18

अयमिन्द्रस्त्रिभुवने नियोगाद्ब्रह्मणः कृतः । इन्द्रार्थं च भवन्तोऽपि यत्नवन्तस्तपोधनाः ॥१८॥

ayamindrastribhuvane niyogādbrahmaṇaḥ kṛtaḥ . indrārthaṃ ca bhavanto'pi yatnavantastapodhanāḥ ..18..

Shloka 19

न मिथ्या ब्रह्मणो वाक्यं कर्तुमर्हथ सत्तमाः । भवतां च न मिथ्यायं सङ्कल्पो मे चिकीर्षितः ॥१९॥

na mithyā brahmaṇo vākyaṃ kartumarhatha sattamāḥ . bhavatāṃ ca na mithyāyaṃ saṅkalpo me cikīrṣitaḥ ..19..

Shloka 20

भवत्वेष पतत्रीणामिन्द्रोऽतिबलसत्त्ववान् । प्रसादः क्रियतां चैव देवराजस्य याचतः ॥२०॥

bhavatveṣa patatrīṇāmindro'tibalasattvavān . prasādaḥ kriyatāṃ caiva devarājasya yācataḥ ..20..

Shloka 21

एवमुक्ताः कश्यपेन वालखिल्यास्तपोधनाः । प्रत्यूचुरभिसम्पूज्य मुनिश्रेष्ठं प्रजापतिम् ॥२१॥

evamuktāḥ kaśyapena vālakhilyāstapodhanāḥ . pratyūcurabhisampūjya muniśreṣṭhaṃ prajāpatim ..21..

Shloka 22

इन्द्रार्थोऽयं समारम्भः सर्वेषां नः प्रजापते । अपत्यार्थं समारम्भो भवतश्चायमीप्सितः ॥२२॥

indrārtho'yaṃ samārambhaḥ sarveṣāṃ naḥ prajāpate . apatyārthaṃ samārambho bhavataścāyamīpsitaḥ ..22..

Shloka 23

तदिदं सफलं कर्म त्वया वै प्रतिगृह्यताम् । तथा चैव विधत्स्वात्र यथा श्रेयोऽनुपश्यसि ॥२३॥

tadidaṃ saphalaṃ karma tvayā vai pratigṛhyatām . tathā caiva vidhatsvātra yathā śreyo'nupaśyasi ..23..

Shloka 24

एतस्मिन्नेव काले तु देवी दाक्षायणी शुभा । विनता नाम कल्याणी पुत्रकामा यशस्विनी ॥२४॥

etasminneva kāle tu devī dākṣāyaṇī śubhā . vinatā nāma kalyāṇī putrakāmā yaśasvinī ..24..

Shloka 25

तपस्तप्त्वा व्रतपरा स्नाता पुंसवने शुचिः । उपचक्राम भर्तारं तामुवाचाथ कश्यपः ॥२५॥

tapastaptvā vrataparā snātā puṃsavane śuciḥ . upacakrāma bhartāraṃ tāmuvācātha kaśyapaḥ ..25..

Shloka 26

आरम्भः सफलो देवि भवितायं तवेप्सितः । जनयिष्यसि पुत्रौ द्वौ वीरौ त्रिभुवनेश्वरौ ॥२६॥

ārambhaḥ saphalo devi bhavitāyaṃ tavepsitaḥ . janayiṣyasi putrau dvau vīrau tribhuvaneśvarau ..26..

Shloka 27

तपसा वालखिल्यानां मम सङ्कल्पजौ तथा । भविष्यतो महाभागौ पुत्रौ ते लोकपूजितौ ॥२७॥

tapasā vālakhilyānāṃ mama saṅkalpajau tathā . bhaviṣyato mahābhāgau putrau te lokapūjitau ..27..

Shloka 28

उवाच चैनां भगवान्मारीचः पुनरेव ह । धार्यतामप्रमादेन गर्भोऽयं सुमहोदयः ॥२८॥

uvāca caināṃ bhagavānmārīcaḥ punareva ha . dhāryatāmapramādena garbho'yaṃ sumahodayaḥ ..28..

Shloka 29

एकः सर्वपतत्रीणामिन्द्रत्वं कारयिष्यति । लोकसम्भावितो वीरः कामवीर्यो विहङ्गमः ॥२९॥

ekaḥ sarvapatatrīṇāmindratvaṃ kārayiṣyati . lokasambhāvito vīraḥ kāmavīryo vihaṅgamaḥ ..29..

Shloka 30

शतक्रतुमथोवाच प्रीयमाणः प्रजापतिः । त्वत्सहायौ खगावेतौ भ्रातरौ ते भविष्यतः ॥३०॥

śatakratumathovāca prīyamāṇaḥ prajāpatiḥ . tvatsahāyau khagāvetau bhrātarau te bhaviṣyataḥ ..30..

Shloka 31

नैताभ्यां भविता दोषः सकाशात्ते पुरंदर । व्येतु ते शक्र सन्तापस्त्वमेवेन्द्रो भविष्यसि ॥३१॥

naitābhyāṃ bhavitā doṣaḥ sakāśātte puraṃdara . vyetu te śakra santāpastvamevendro bhaviṣyasi ..31..

Shloka 32

न चाप्येवं त्वया भूयः क्षेप्तव्या ब्रह्मवादिनः । न चावमान्या दर्पात्ते वाग्विषा भृशकोपनाः ॥३२॥

na cāpyevaṃ tvayā bhūyaḥ kṣeptavyā brahmavādinaḥ . na cāvamānyā darpātte vāgviṣā bhṛśakopanāḥ ..32..

Shloka 33

एवमुक्तो जगामेन्द्रो निर्विशङ्कस्त्रिविष्टपम् । विनता चापि सिद्धार्था बभूव मुदिता तदा ॥३३॥

evamukto jagāmendro nirviśaṅkastriviṣṭapam . vinatā cāpi siddhārthā babhūva muditā tadā ..33..

Shloka 34

जनयामास पुत्रौ द्वावरुणं गरुडं तथा । अरुणस्तयोस्तु विकल आदित्यस्य पुरःसरः ॥३४॥

janayāmāsa putrau dvāvaruṇaṃ garuḍaṃ tathā . aruṇastayostu vikala ādityasya puraḥsaraḥ ..34..

Shloka 35

पतत्रीणां तु गरुड इन्द्रत्वेनाभ्यषिच्यत । तस्यैतत्कर्म सुमहच्छ्रूयतां भृगुनन्दन ॥३५॥1.31.35

patatrīṇāṃ tu garuḍa indratvenābhyaṣicyata . tasyaitatkarma sumahacchrūyatāṃ bhṛgunandana ..35..1.31.35

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.