Gyaandweep | Mahabharatam - आदि पर्व

Shloka 1

सूत उवाच॥

जाम्बूनदमयो भूत्वा मरीचिविकचोज्ज्वलः । प्रविवेश बलात्पक्षी वारिवेग इवार्णवम् ॥१॥

jāmbūnadamayo bhūtvā marīcivikacojjvalaḥ . praviveśa balātpakṣī vārivega ivārṇavam ..1..

Shloka 2

स चक्रं क्षुरपर्यन्तमपश्यदमृतान्तिके । परिभ्रमन्तमनिशं तीक्ष्णधारमयस्मयम् ॥२॥

sa cakraṃ kṣuraparyantamapaśyadamṛtāntike . paribhramantamaniśaṃ tīkṣṇadhāramayasmayam ..2..

Shloka 3

ज्वलनार्कप्रभं घोरं छेदनं सोमहारिणाम् । घोररूपं तदत्यर्थं यन्त्रं देवैः सुनिर्मितम् ॥३॥

jvalanārkaprabhaṃ ghoraṃ chedanaṃ somahāriṇām . ghorarūpaṃ tadatyarthaṃ yantraṃ devaiḥ sunirmitam ..3..

Shloka 4

तस्यान्तरं स दृष्ट्वैव पर्यवर्तत खेचरः । अरान्तरेणाभ्यपतत्सङ्क्षिप्याङ्गं क्षणेन ह ॥४॥

tasyāntaraṃ sa dṛṣṭvaiva paryavartata khecaraḥ . arāntareṇābhyapatatsaṅkṣipyāṅgaṃ kṣaṇena ha ..4..

Shloka 5

अधश्चक्रस्य चैवात्र दीप्तानलसमद्युती । विद्युज्जिह्वौ महाघोरौ दीप्तास्यौ दीप्तलोचनौ ॥५॥

adhaścakrasya caivātra dīptānalasamadyutī . vidyujjihvau mahāghorau dīptāsyau dīptalocanau ..5..

Shloka 6

चक्षुर्विषौ महावीर्यौ नित्यक्रुद्धौ तरस्विनौ । रक्षार्थमेवामृतस्य ददर्श भुजगोत्तमौ ॥६॥

cakṣurviṣau mahāvīryau nityakruddhau tarasvinau . rakṣārthamevāmṛtasya dadarśa bhujagottamau ..6..

Shloka 7

सदा संरब्धनयनौ सदा चानिमिषेक्षणौ । तयोरेकोऽपि यं पश्येत्स तूर्णं भस्मसाद्भवेत् ॥७॥

sadā saṃrabdhanayanau sadā cānimiṣekṣaṇau . tayoreko'pi yaṃ paśyetsa tūrṇaṃ bhasmasādbhavet ..7..

Shloka 8

तयोश्चक्षूंषि रजसा सुपर्णस्तूर्णमावृणोत् । अदृष्टरूपस्तौ चापि सर्वतः पर्यकालयत् ॥८॥

tayoścakṣūṃṣi rajasā suparṇastūrṇamāvṛṇot . adṛṣṭarūpastau cāpi sarvataḥ paryakālayat ..8..

Shloka 9

तयोरङ्गे समाक्रम्य वैनतेयोऽन्तरिक्षगः । आच्छिनत्तरसा मध्ये सोममभ्यद्रवत्ततः ॥९॥

tayoraṅge samākramya vainateyo'ntarikṣagaḥ . ācchinattarasā madhye somamabhyadravattataḥ ..9..

Shloka 10

समुत्पाट्यामृतं तत्तु वैनतेयस्ततो बली । उत्पपात जवेनैव यन्त्रमुन्मथ्य वीर्यवान् ॥१०॥

samutpāṭyāmṛtaṃ tattu vainateyastato balī . utpapāta javenaiva yantramunmathya vīryavān ..10..

Shloka 11

अपीत्वैवामृतं पक्षी परिगृह्याशु वीर्यवान् । अगच्छदपरिश्रान्त आवार्यार्कप्रभां खगः ॥११॥

apītvaivāmṛtaṃ pakṣī parigṛhyāśu vīryavān . agacchadapariśrānta āvāryārkaprabhāṃ khagaḥ ..11..

Shloka 12

विष्णुना तु तदाकाशे वैनतेयः समेयिवान् । तस्य नारायणस्तुष्टस्तेनालौल्येन कर्मणा ॥१२॥

viṣṇunā tu tadākāśe vainateyaḥ sameyivān . tasya nārāyaṇastuṣṭastenālaulyena karmaṇā ..12..

Shloka 13

तमुवाचाव्ययो देवो वरदोऽस्मीति खेचरम् । स वव्रे तव तिष्ठेयमुपरीत्यन्तरिक्षगः ॥१३॥

tamuvācāvyayo devo varado'smīti khecaram . sa vavre tava tiṣṭheyamuparītyantarikṣagaḥ ..13..

Shloka 14

उवाच चैनं भूयोऽपि नारायणमिदं वचः । अजरश्चामरश्च स्याममृतेन विनाप्यहम् ॥१४॥

uvāca cainaṃ bhūyo'pi nārāyaṇamidaṃ vacaḥ . ajaraścāmaraśca syāmamṛtena vināpyaham ..14..

Shloka 15

प्रतिगृह्य वरौ तौ च गरुडो विष्णुमब्रवीत् । भवतेऽपि वरं दद्मि वृणीतां भगवानपि ॥१५॥

pratigṛhya varau tau ca garuḍo viṣṇumabravīt . bhavate'pi varaṃ dadmi vṛṇītāṃ bhagavānapi ..15..

Shloka 16

तं वव्रे वाहनं कृष्णो गरुत्मन्तं महाबलम् । ध्वजं च चक्रे भगवानुपरि स्थास्यसीति तम् ॥१६॥

taṃ vavre vāhanaṃ kṛṣṇo garutmantaṃ mahābalam . dhvajaṃ ca cakre bhagavānupari sthāsyasīti tam ..16..

Shloka 17

अनुपत्य खगं त्विन्द्रो वज्रेणाङ्गेऽभ्यताडयत् । विहङ्गमं सुरामित्रं हरन्तममृतं बलात् ॥१७॥

anupatya khagaṃ tvindro vajreṇāṅge'bhyatāḍayat . vihaṅgamaṃ surāmitraṃ harantamamṛtaṃ balāt ..17..

Shloka 18

तमुवाचेन्द्रमाक्रन्दे गरुडः पततां वरः । प्रहसञ्श्लक्ष्णया वाचा तथा वज्रसमाहतः ॥१८॥

tamuvācendramākrande garuḍaḥ patatāṃ varaḥ . prahasañślakṣṇayā vācā tathā vajrasamāhataḥ ..18..

Shloka 19

ऋषेर्मानं करिष्यामि वज्रं यस्यास्थिसम्भवम् । वज्रस्य च करिष्यामि तव चैव शतक्रतो ॥१९॥

ṛṣermānaṃ kariṣyāmi vajraṃ yasyāsthisambhavam . vajrasya ca kariṣyāmi tava caiva śatakrato ..19..

Shloka 20

एष पत्रं त्यजाम्येकं यस्यान्तं नोपलप्स्यसे । न हि वज्रनिपातेन रुजा मेऽस्ति कदाचन ॥२०॥

eṣa patraṃ tyajāmyekaṃ yasyāntaṃ nopalapsyase . na hi vajranipātena rujā me'sti kadācana ..20..

Shloka 21

तत्र तं सर्वभूतानि विस्मितान्यब्रुवंस्तदा । सुरूपं पत्रमालक्ष्य सुपर्णोऽयं भवत्विति ॥२१॥

tatra taṃ sarvabhūtāni vismitānyabruvaṃstadā . surūpaṃ patramālakṣya suparṇo'yaṃ bhavatviti ..21..

Shloka 22

दृष्ट्वा तदद्भुतं चापि सहस्राक्षः पुरंदरः । खगो महदिदं भूतमिति मत्वाभ्यभाषत ॥२२॥

dṛṣṭvā tadadbhutaṃ cāpi sahasrākṣaḥ puraṃdaraḥ . khago mahadidaṃ bhūtamiti matvābhyabhāṣata ..22..

Shloka 23

बलं विज्ञातुमिच्छामि यत्ते परमनुत्तमम् । सख्यं चानन्तमिच्छामि त्वया सह खगोत्तम ॥२३॥ 1.33.25

balaṃ vijñātumicchāmi yatte paramanuttamam . sakhyaṃ cānantamicchāmi tvayā saha khagottama ..23.. 1.33.25

Languages

Saved

Languages

Saved

Adi Parva

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.