| |
|

This overlay will guide you through the buttons:

This overlay will guide you through the buttons:

Shloka 1
सूत उवाच॥
तत आहूय पुत्रं स्वं जरत्कारुर्भुजङ्गमा । वासुकेर्नागराजस्य वचनादिदमब्रवीत् ॥१॥
tata āhūya putraṃ svaṃ jaratkārurbhujaṅgamā . vāsukernāgarājasya vacanādidamabravīt ..1..
Shloka 2
अहं तव पितुः पुत्र भ्रात्रा दत्ता निमित्ततः । कालः स चायं सम्प्राप्तस्तत्कुरुष्व यथातथम् ॥२॥
ahaṃ tava pituḥ putra bhrātrā dattā nimittataḥ . kālaḥ sa cāyaṃ samprāptastatkuruṣva yathātatham ..2..
Shloka 3
आस्तीक उवाच॥
किंनिमित्तं मम पितुर्दत्ता त्वं मातुलेन मे । तन्ममाचक्ष्व तत्त्वेन श्रुत्वा कर्तास्मि तत्तथा ॥३॥
kiṃnimittaṃ mama piturdattā tvaṃ mātulena me . tanmamācakṣva tattvena śrutvā kartāsmi tattathā ..3..
Shloka 4
सूत उवाच॥
तत आचष्ट सा तस्मै बान्धवानां हितैषिणी । भगिनी नागराजस्य जरत्कारुरविक्लवा ॥४॥
tata ācaṣṭa sā tasmai bāndhavānāṃ hitaiṣiṇī . bhaginī nāgarājasya jaratkāruraviklavā ..4..
Shloka 5
भुजगानामशेषाणां माता कद्रूरिति श्रुतिः । तया शप्ता रुषितया सुता यस्मान्निबोध तत् ॥५॥
bhujagānāmaśeṣāṇāṃ mātā kadrūriti śrutiḥ . tayā śaptā ruṣitayā sutā yasmānnibodha tat ..5..
Shloka 6
उच्छैःश्रवाः सोऽश्वराजो यन्मिथ्या न कृतो मम । विनतानिमित्तं पणिते दासभावाय पुत्रकाः ॥६॥
ucchaiḥśravāḥ so'śvarājo yanmithyā na kṛto mama . vinatānimittaṃ paṇite dāsabhāvāya putrakāḥ ..6..
Shloka 7
जनमेजयस्य वो यज्ञे धक्ष्यत्यनिलसारथिः । तत्र पञ्चत्वमापन्नाः प्रेतलोकं गमिष्यथ ॥७॥
janamejayasya vo yajñe dhakṣyatyanilasārathiḥ . tatra pañcatvamāpannāḥ pretalokaṃ gamiṣyatha ..7..
Shloka 8
तां च शप्तवतीमेवं साक्षाल्लोकपितामहः । एवमस्त्विति तद्वाक्यं प्रोवाचानुमुमोद च ॥८॥
tāṃ ca śaptavatīmevaṃ sākṣāllokapitāmahaḥ . evamastviti tadvākyaṃ provācānumumoda ca ..8..
Shloka 9
वासुकिश्चापि तच्छ्रुत्वा पितामहवचस्तदा । अमृते मथिते तात देवाञ्शरणमीयिवान् ॥९॥
vāsukiścāpi tacchrutvā pitāmahavacastadā . amṛte mathite tāta devāñśaraṇamīyivān ..9..
Shloka 10
सिद्धार्थाश्च सुराः सर्वे प्राप्यामृतमनुत्तमम् । भ्रातरं मे पुरस्कृत्य प्रजापतिमुपागमन् ॥१०॥
siddhārthāśca surāḥ sarve prāpyāmṛtamanuttamam . bhrātaraṃ me puraskṛtya prajāpatimupāgaman ..10..
Shloka 11
ते तं प्रसादयामासुर्देवाः सर्वे पितामहम् । राज्ञा वासुकिना सार्धं स शापो न भवेदिति ॥११॥
te taṃ prasādayāmāsurdevāḥ sarve pitāmaham . rājñā vāsukinā sārdhaṃ sa śāpo na bhavediti ..11..
Shloka 12
वासुकिर्नागराजोऽयं दुःखितो ज्ञातिकारणात् । अभिशापः स मात्रास्य भगवन्न भवेदिति ॥१२॥
vāsukirnāgarājo'yaṃ duḥkhito jñātikāraṇāt . abhiśāpaḥ sa mātrāsya bhagavanna bhavediti ..12..
Shloka 13
ब्रह्मोवाच॥
जरत्कारुर्जरत्कारुं यां भार्यां समवाप्स्यति । तत्र जातो द्विजः शापाद्भुजगान्मोक्षयिष्यति ॥१३॥
jaratkārurjaratkāruṃ yāṃ bhāryāṃ samavāpsyati . tatra jāto dvijaḥ śāpādbhujagānmokṣayiṣyati ..13..
Shloka 14
जरत्कारुरुवाच॥
एतच्छ्रुत्वा तु वचनं वासुकिः पन्नगेश्वरः । प्रादान्माममरप्रख्य तव पित्रे महात्मने ॥१४॥ ( प्रागेवानागते काले तत्र त्वं मय्यजायथाः ॥१४॥ )
etacchrutvā tu vacanaṃ vāsukiḥ pannageśvaraḥ . prādānmāmamaraprakhya tava pitre mahātmane ..14.. ( prāgevānāgate kāle tatra tvaṃ mayyajāyathāḥ ..14.. )
Shloka 15
अयं स कालः सम्प्राप्तो भयान्नस्त्रातुमर्हसि । भ्रातरं चैव मे तस्मात्त्रातुमर्हसि पावकात् ॥१५॥
ayaṃ sa kālaḥ samprāpto bhayānnastrātumarhasi . bhrātaraṃ caiva me tasmāttrātumarhasi pāvakāt ..15..
Shloka 16
अमोघं नः कृतं तत्स्याद्यदहं तव धीमते । पित्रे दत्ता विमोक्षार्थं कथं वा पुत्र मन्यसे ॥१६॥
amoghaṃ naḥ kṛtaṃ tatsyādyadahaṃ tava dhīmate . pitre dattā vimokṣārthaṃ kathaṃ vā putra manyase ..16..
Shloka 17
सूत उवाच॥
एवमुक्तस्तथेत्युक्त्वा सोऽस्तीको मातरं तदा । अब्रवीद्दुःखसन्तप्तं वासुकिं जीवयन्निव ॥१७॥
evamuktastathetyuktvā so'stīko mātaraṃ tadā . abravīdduḥkhasantaptaṃ vāsukiṃ jīvayanniva ..17..
Shloka 18
अहं त्वां मोक्षयिष्यामि वासुके पन्नगोत्तम । तस्माच्छापान्महासत्त्व सत्यमेतद्ब्रवीमि ते ॥१८॥
ahaṃ tvāṃ mokṣayiṣyāmi vāsuke pannagottama . tasmācchāpānmahāsattva satyametadbravīmi te ..18..
Shloka 19
भव स्वस्थमना नाग न हि ते विद्यते भयम् । प्रयतिष्ये तथा सौम्य यथा श्रेयो भविष्यति ॥१९॥ ( न मे वागनृतं प्राह स्वैरेष्वपि कुतोऽन्यथा ॥१९॥ )
bhava svasthamanā nāga na hi te vidyate bhayam . prayatiṣye tathā saumya yathā śreyo bhaviṣyati ..19.. ( na me vāganṛtaṃ prāha svaireṣvapi kuto'nyathā ..19.. )
Shloka 20
तं वै नृपवरं गत्वा दीक्षितं जनमेजयम् । वाग्भिर्मङ्गलयुक्ताभिस्तोषयिष्येऽद्य मातुल ॥२०॥ ( यथा स यज्ञो नृपतेर्निर्वर्तिष्यति सत्तम ॥२०॥ )
taṃ vai nṛpavaraṃ gatvā dīkṣitaṃ janamejayam . vāgbhirmaṅgalayuktābhistoṣayiṣye'dya mātula ..20.. ( yathā sa yajño nṛpaternirvartiṣyati sattama ..20.. )
Shloka 21
स सम्भावय नागेन्द्र मयि सर्वं महामते । न ते मयि मनो जातु मिथ्या भवितुमर्हति ॥२१॥
sa sambhāvaya nāgendra mayi sarvaṃ mahāmate . na te mayi mano jātu mithyā bhavitumarhati ..21..
Shloka 22
वासुकिरुवाच॥
आस्तीक परिघूर्णामि हृदयं मे विदीर्यते । दिशश्च न प्रजानामि ब्रह्मदण्डनिपीडितः ॥२२॥
āstīka parighūrṇāmi hṛdayaṃ me vidīryate . diśaśca na prajānāmi brahmadaṇḍanipīḍitaḥ ..22..
Shloka 23
आस्तीक उवाच॥
न सन्तापस्त्वया कार्यः कथञ्चित्पन्नगोत्तम । दीप्तादग्नेः समुत्पन्नं नाशयिष्यामि ते भयम् ॥२३॥
na santāpastvayā kāryaḥ kathañcitpannagottama . dīptādagneḥ samutpannaṃ nāśayiṣyāmi te bhayam ..23..
Shloka 24
ब्रह्मदण्डं महाघोरं कालाग्निसमतेजसम् । नाशयिष्यामि मात्र त्वं भयं कार्षीः कथञ्चन ॥२४॥
brahmadaṇḍaṃ mahāghoraṃ kālāgnisamatejasam . nāśayiṣyāmi mātra tvaṃ bhayaṃ kārṣīḥ kathañcana ..24..
Shloka 25
सूत उवाच॥
ततः स वासुकेर्घोरमपनीय मनोज्वरम् । आधाय चात्मनोऽङ्गेषु जगाम त्वरितो भृशम् ॥२५॥
tataḥ sa vāsukerghoramapanīya manojvaram . ādhāya cātmano'ṅgeṣu jagāma tvarito bhṛśam ..25..
Shloka 26
जनमेजयस्य तं यज्ञं सर्वैः समुदितं गुणैः । मोक्षाय भुजगेन्द्राणामास्तीको द्विजसत्तमः ॥२६॥
janamejayasya taṃ yajñaṃ sarvaiḥ samuditaṃ guṇaiḥ . mokṣāya bhujagendrāṇāmāstīko dvijasattamaḥ ..26..
Shloka 27
स गत्वापश्यदास्तीको यज्ञायतनमुत्तमम् । वृतं सदस्यैर्बहुभिः सूर्यवह्निसमप्रभैः ॥२७॥
sa gatvāpaśyadāstīko yajñāyatanamuttamam . vṛtaṃ sadasyairbahubhiḥ sūryavahnisamaprabhaiḥ ..27..
Shloka 28
स तत्र वारितो द्वाःस्थैः प्रविशन्द्विजसत्तमः । अभितुष्टाव तं यज्ञं प्रवेशार्थी द्विजोत्तमः ॥२८॥ 1.54.29
sa tatra vārito dvāḥsthaiḥ praviśandvijasattamaḥ . abhituṣṭāva taṃ yajñaṃ praveśārthī dvijottamaḥ ..28.. 1.54.29

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In