| |
|

This overlay will guide you through the buttons:

This overlay will guide you through the buttons:

Shloka 1
वैशम्पायन उवाच॥
ततो विवाहे निर्वृत्ते स राजा शन्तनुर्नृपः । तां कन्यां रूपसम्पन्नां स्वगृहे संन्यवेशयत् ॥१॥

PADACHEDA

ततस् विवाहे निर्वृत्ते स राजा शन्तनुः नृपः । ताम् कन्याम् रूप-सम्पन्नाम् स्व-गृहे संन्यवेशयत् ॥१॥

TRANSLITERATION

tatas vivāhe nirvṛtte sa rājā śantanuḥ nṛpaḥ . tām kanyām rūpa-sampannām sva-gṛhe saṃnyaveśayat ..1..
Shloka 2
ततः शान्तनवो धीमान्सत्यवत्यामजायत । वीरश्चित्राङ्गदो नाम वीर्येण मनुजानति ॥२॥

PADACHEDA

ततस् शांतनवः धीमान् सत्यवत्याम् अजायत । वीरः चित्राङ्गदः नाम वीर्येण मनु-जानति ॥२॥

TRANSLITERATION

tatas śāṃtanavaḥ dhīmān satyavatyām ajāyata . vīraḥ citrāṅgadaḥ nāma vīryeṇa manu-jānati ..2..
Shloka 3
अथापरं महेष्वासं सत्यवत्यां पुनः प्रभुः । विचित्रवीर्यं राजानं जनयामास वीर्यवान् ॥३॥

PADACHEDA

अथ अपरम् महा-इष्वासम् सत्यवत्याम् पुनर् प्रभुः । विचित्रवीर्यम् राजानम् जनयामास वीर्यवान् ॥३॥

TRANSLITERATION

atha aparam mahā-iṣvāsam satyavatyām punar prabhuḥ . vicitravīryam rājānam janayāmāsa vīryavān ..3..
Shloka 4
अप्राप्तवति तस्मिंश्च यौवनं भरतर्षभ । स राजा शन्तनुर्धीमान्कालधर्ममुपेयिवान् ॥४॥

PADACHEDA

अप्राप्तवति तस्मिन् च यौवनम् भरत-ऋषभ । स राजा शन्तनुः धीमान् कालधर्मम् उपेयिवान् ॥४॥

TRANSLITERATION

aprāptavati tasmin ca yauvanam bharata-ṛṣabha . sa rājā śantanuḥ dhīmān kāladharmam upeyivān ..4..
Shloka 5
स्वर्गते शन्तनौ भीष्मश्चित्राङ्गदमरिंदमम् । स्थापयामास वै राज्ये सत्यवत्या मते स्थितः ॥५॥

PADACHEDA

स्वर्गते शन्तनौ भीष्मः चित्राङ्गदम् अरिंदमम् । स्थापयामास वै राज्ये सत्यवत्याः मते स्थितः ॥५॥

TRANSLITERATION

svargate śantanau bhīṣmaḥ citrāṅgadam ariṃdamam . sthāpayāmāsa vai rājye satyavatyāḥ mate sthitaḥ ..5..
Shloka 6
स तु चित्राङ्गदः शौर्यात्सर्वांश्चिक्षेप पार्थिवान् । मनुष्यं न हि मेने स कञ्चित्सदृशमात्मनः ॥६॥

PADACHEDA

स तु चित्राङ्गदः शौर्यात् सर्वान् चिक्षेप पार्थिवान् । मनुष्यम् न हि मेने स कञ्चिद् सदृशम् आत्मनः ॥६॥

TRANSLITERATION

sa tu citrāṅgadaḥ śauryāt sarvān cikṣepa pārthivān . manuṣyam na hi mene sa kañcid sadṛśam ātmanaḥ ..6..
Shloka 7
तं क्षिपन्तं सुरांश्चैव मनुष्यानसुरांस्तथा । गन्धर्वराजो बलवांस्तुल्यनामाभ्ययात्तदा ॥७॥ ( तेनास्य सुमहद्युद्धं कुरुक्षेत्रे बभूव ह ॥७॥ )

PADACHEDA

तम् क्षिपन्तम् सुरान् च एव मनुष्यान् असुरान् तथा । गन्धर्व-राजः बलवान् तुल्य-नामा अभ्ययात् तदा ॥७॥ ( तेन अस्य सु महत् युद्धम् कुरुक्षेत्रे बभूव ह ॥७॥ )

TRANSLITERATION

tam kṣipantam surān ca eva manuṣyān asurān tathā . gandharva-rājaḥ balavān tulya-nāmā abhyayāt tadā ..7.. ( tena asya su mahat yuddham kurukṣetre babhūva ha ..7.. )
Shloka 8
तयोर्बलवतोस्तत्र गन्धर्वकुरुमुख्ययोः । नद्यास्तीरे हिरण्वत्याः समास्तिस्रोऽभवद्रणः ॥८॥

PADACHEDA

तयोः बलवतोः तत्र गन्धर्व-कुरु-मुख्ययोः । नद्याः तीरे हिरण्वत्याः समाः तिस्रः अभवत् रणः ॥८॥

TRANSLITERATION

tayoḥ balavatoḥ tatra gandharva-kuru-mukhyayoḥ . nadyāḥ tīre hiraṇvatyāḥ samāḥ tisraḥ abhavat raṇaḥ ..8..
Shloka 9
तस्मिन्विमर्दे तुमुले शस्त्रवृष्टिसमाकुले । मायाधिकोऽवधीद्वीरं गन्धर्वः कुरुसत्तमम् ॥९॥

PADACHEDA

तस्मिन् विमर्दे तुमुले शस्त्र-वृष्टि-समाकुले । माया-अधिकः अवधीत् वीरम् गन्धर्वः कुरु-सत्तमम् ॥९॥

TRANSLITERATION

tasmin vimarde tumule śastra-vṛṣṭi-samākule . māyā-adhikaḥ avadhīt vīram gandharvaḥ kuru-sattamam ..9..
Shloka 10
चित्राङ्गदं कुरुश्रेष्ठं विचित्रशरकार्मुकम् । अन्ताय कृत्वा गन्धर्वो दिवमाचक्रमे ततः ॥१०॥

PADACHEDA

चित्राङ्गदम् कुरु-श्रेष्ठम् विचित्र-शर-कार्मुकम् । अन्ताय कृत्वा गन्धर्वः दिवम् आचक्रमे ततस् ॥१०॥

TRANSLITERATION

citrāṅgadam kuru-śreṣṭham vicitra-śara-kārmukam . antāya kṛtvā gandharvaḥ divam ācakrame tatas ..10..
Shloka 11
तस्मिन्नृपतिशार्दूले निहते भूरिवर्चसि । भीष्मः शान्तनवो राजन्प्रेतकार्याण्यकारयत् ॥११॥

PADACHEDA

तस्मिन् नृपति-शार्दूले निहते भूरि-वर्चसि । भीष्मः शान्तनवः राजन् प्रेतकार्याणि अकारयत् ॥११॥

TRANSLITERATION

tasmin nṛpati-śārdūle nihate bhūri-varcasi . bhīṣmaḥ śāntanavaḥ rājan pretakāryāṇi akārayat ..11..
Shloka 12
विचित्रवीर्यं च तदा बालमप्राप्तयौवनम् । कुरुराज्ये महाबाहुरभ्यषिञ्चदनन्तरम् ॥१२॥

PADACHEDA

विचित्रवीर्यम् च तदा बालम् अप्राप्त-यौवनम् । कुरु-राज्ये महा-बाहुः अभ्यषिञ्चत् अनन्तरम् ॥१२॥

TRANSLITERATION

vicitravīryam ca tadā bālam aprāpta-yauvanam . kuru-rājye mahā-bāhuḥ abhyaṣiñcat anantaram ..12..
Shloka 13
विचित्रवीर्यस्तु तदा भीष्मस्य वचने स्थितः । अन्वशासन्महाराज पितृपैतामहं पदम् ॥१३॥

PADACHEDA

विचित्रवीर्यः तु तदा भीष्मस्य वचने स्थितः । अन्वशासन् महा-राज पितृपैतामहम् पदम् ॥१३॥

TRANSLITERATION

vicitravīryaḥ tu tadā bhīṣmasya vacane sthitaḥ . anvaśāsan mahā-rāja pitṛpaitāmaham padam ..13..
Shloka 14
स धर्मशास्त्रकुशलो भीष्मं शान्तनवं नृपः । पूजयामास धर्मेण स चैनं प्रत्यपालयत् ॥१४॥ 1.101.14

PADACHEDA

स धर्म-शास्त्र-कुशलः भीष्मम् शान्तनवम् नृपः । पूजयामास धर्मेण स च एनम् प्रत्यपालयत् ॥१४॥ १।१०१।१४

TRANSLITERATION

sa dharma-śāstra-kuśalaḥ bhīṣmam śāntanavam nṛpaḥ . pūjayāmāsa dharmeṇa sa ca enam pratyapālayat ..14.. 1.101.14

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

नमो नमः

Practice 100+ Vedic scriptures and 1000s of chants — one verse at a time.

Sign In