Narayaneeyam

Dashakam

ॐ नमो नारायणाय


This overlay will guide you through the buttons:

संस्कृत्म
A English
सान्द्रानन्दावबोधात्मकमनुपमितं कालदेशावधिभ्यां निर्मुक्तं नित्यमुक्तं निगमशतसहस्रेण निर्भास्यमानम् । अस्पष्टं दृष्टमात्रे पुनरुरुपुरुषार्थात्मकं ब्रह्म तत्वम् तत्तावद्भाति साक्षाद्गुरुपवनपुरे हन्त भाग्यं जनानाम् ॥ 1.1 ॥
sāndrānandāvabodhātmakamanupamitaṃ kāladeśāvadhibhyāṃ nirmuktaṃ nityamuktaṃ nigamaśatasahasreṇa nirbhāsyamānam | aspaṣṭaṃ dṛṣṭamātre punarurupuruṣārthātmakaṃ brahma tatvam tattāvadbhāti sākṣādgurupavanapure hanta bhāgyaṃ janānām || 1.1 ||

Adhyaya : 1

Shloka :   1

एवं दुर्लभ्यवस्तुन्यपि सुलभतया हस्तलब्धे यदन्यत् तन्वा वाचा धिया वा भजति बत जनः क्षुद्रतैव स्फुटेयम् । एते तावद्वयं तु स्थिरतरमनसा विश्वपीडापहत्यै निश्शेषात्मानमेनं गुरुपवनपुराधीशमेवाश्रयामः ॥ 1.2 ॥
evaṃ durlabhyavastunyapi sulabhatayā hastalabdhe yadanyat tanvā vācā dhiyā vā bhajati bata janaḥ kṣudrataiva sphuṭeyam | ete tāvadvayaṃ tu sthirataramanasā viśvapīḍāpahatyai niśśeṣātmānamenaṃ gurupavanapurādhīśamevāśrayāmaḥ || 1.2 ||

Adhyaya : 2

Shloka :   2

सत्त्वं यत्तत्पराभ्यामपरिकलनतो निर्मलं तेन तावद् भूतैर्भूतेनिद्रयैस्ते वपुरिति बहुशः श्रूयते व्यासवाक्यम् । तत्स्वच्छत्वाद्यदच्छादितपरसुखचिद्गर्भनिर्भासरूपं तस्मिन् धन्या रमन्ते श्रुतिमतिमधुरे सुग्रहे विग्रहे ते ॥ 1.3 ॥
sattvaṃ yattatparābhyāmaparikalanato nirmalaṃ tena tāvad bhūtairbhūtenidrayaiste vapuriti bahuśaḥ śrūyate vyāsavākyam | tatsvacchatvādyadacchāditaparasukhacidgarbhanirbhāsarūpaṃ tasmin dhanyā ramante śrutimatimadhure sugrahe vigrahe te || 1.3 ||

Adhyaya : 3

Shloka :   3

निष्कम्पे नित्यपूर्णे निरवधि परमानन्दपीयूषरूपे निर्लीनानेकमुक्तावलिसुभगतमे निर्मलब्रह्मसिन्धौ । कल्लोलोल्लासतुल्यं खलु विमलतरं सत्त्वमाहुस्तदात्मा कस्मान्नो निष्कलस्त्वं सकल इति वचस्त्वत्कलास्वेव भूमन् ॥ 1.4 ॥
niṣkampe nityapūrṇe niravadhi paramānandapīyūṣarūpe nirlīnānekamuktāvalisubhagatame nirmalabrahmasindhau | kallolollāsatulyaṃ khalu vimalataraṃ sattvamāhustadātmā kasmānno niṣkalastvaṃ sakala iti vacastvatkalāsveva bhūman || 1.4 ||

Adhyaya : 4

Shloka :   4

निर्व्यापारोऽपि निष्कारणमज भजसे यत्क्रियामीक्षणाख्यां तेनैवोदेति लीना प्रकृतिरसतिकल्पाऽपि कल्पादिकाले । तस्याः संशुद्धमंशं कमपि तमतिरोधायकं सत्त्वरूपं स त्वं धृत्वा दधासि स्वमहिमविभवाकुण्ठ वैकुण्ठ रूपम् ॥ 1.5 ॥
nirvyāpāro'pi niṣkāraṇamaja bhajase yatkriyāmīkṣaṇākhyāṃ tenaivodeti līnā prakṛtirasatikalpā'pi kalpādikāle | tasyāḥ saṃśuddhamaṃśaṃ kamapi tamatirodhāyakaṃ sattvarūpaṃ sa tvaṃ dhṛtvā dadhāsi svamahimavibhavākuṇṭha vaikuṇṭha rūpam || 1.5 ||

Adhyaya : 5

Shloka :   5

तत्ते प्रत्यग्रधाराधरललितकळायावलीकेलिकारं लावण्यस्यैकसारं सुकृतिजनदृशां पूर्णपुण्यावतारम् । लक्ष्मीनिश्शङ्कलीलानिलयनममृतस्यन्दसन्दोहमन्तः सिञ्चत्सञ्चिन्तकानां वपुरनुकलये मारुतागारनाथ ॥ 1.6 ॥
tatte pratyagradhārādharalalitakaळ्āyāvalīkelikāraṃ lāvaṇyasyaikasāraṃ sukṛtijanadṛśāṃ pūrṇapuṇyāvatāram | lakṣmīniśśaṅkalīlānilayanamamṛtasyandasandohamantaḥ siñcatsañcintakānāṃ vapuranukalaye mārutāgāranātha || 1.6 ||

Adhyaya : 6

Shloka :   6

कष्टा ते सृष्टिचेष्टा बहुतरभवखेदावहा जीवभाजा मित्येवं पूर्वमालोचितमजित मया नैवमद्याभिजाने । नो चेज्जीवाः कथं वा मधुरतरमिदं त्वद्वपुश्चिद्रसार्द्रं नेत्रैः श्रोत्रैश्च पीत्वा परमरससुधांभोधिपूरे रमेरन् ॥ 1.7 ॥
kaṣṭā te sṛṣṭiceṣṭā bahutarabhavakhedāvahā jīvabhājā mityevaṃ pūrvamālocitamajita mayā naivamadyābhijāne | no cejjīvāḥ kathaṃ vā madhurataramidaṃ tvadvapuścidrasārdraṃ netraiḥ śrotraiśca pītvā paramarasasudhāṃbhodhipūre rameran || 1.7 ||

Adhyaya : 7

Shloka :   7

नम्राणां सन्निधत्ते सततमपि पुरस्तैरनभ्यार्थितानप्यर्थान प्यर्थान् कामानजस्रं वितरति परमानन्दसान्द्रां गतिं च । इत्थं निश्शेषलभ्यो निरवधिकफलः पारिजातो हरे त्वं क्षुद्रं तं शक्रवाटीद्रुममभिलषति व्यर्थमर्थिव्रजोऽयम् ॥ 1.8 ॥
namrāṇāṃ sannidhatte satatamapi purastairanabhyārthitānapyarthāna pyarthān kāmānajasraṃ vitarati paramānandasāndrāṃ gatiṃ ca | itthaṃ niśśeṣalabhyo niravadhikaphalaḥ pārijāto hare tvaṃ kṣudraṃ taṃ śakravāṭīdrumamabhilaṣati vyarthamarthivrajo'yam || 1.8 ||

Adhyaya : 8

Shloka :   8

कारुण्यात्काममन्यं ददति खलु परे स्वात्मदस्त्वं विशेषा दैश्वर्यादीशतेऽन्ये जगति परजने स्वात्मनोऽपीश्वरस्त्वम् । त्वय्युच्चैरारमन्ति प्रतिपदमधुरे चेतनाः स्फीतभाग्यास् त्वं चाऽऽत्माराम् एवेत्यतुलगुणगणाधार शौरे नमस्ते ॥ 1.9 ॥
kāruṇyātkāmamanyaṃ dadati khalu pare svātmadastvaṃ viśeṣā daiśvaryādīśate'nye jagati parajane svātmano'pīśvarastvam | tvayyuccairāramanti pratipadamadhure cetanāḥ sphītabhāgyās tvaṃ cā''tmārām evetyatulaguṇagaṇādhāra śaure namaste || 1.9 ||

Adhyaya : 9

Shloka :   9

ऐश्वर्यं शङ्करादीश्वरविनियमनं विश्वतेजोहराणां तेजस्संहारि वीर्यं विमलमपि यशो निस्पृहैश्चोपगीतम् । अङ्गासङ्गा सदा श्रीरखिलविदसि न क्वापि ते सङ्गवार्ता तद्वातागारवासिन् मुरहर भगवcछब्दमुख्याश्रयोऽसि ॥ 1.10 ॥
aiśvaryaṃ śaṅkarādīśvaraviniyamanaṃ viśvatejoharāṇāṃ tejassaṃhāri vīryaṃ vimalamapi yaśo nispṛhaiścopagītam | aṅgāsaṅgā sadā śrīrakhilavidasi na kvāpi te saṅgavārtā tadvātāgāravāsin murahara bhagavacchabdamukhyāśrayo'si || 1.10 ||

Adhyaya : 10

Shloka :   10

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In