श्रीमद्वाल्मीकियरामायणे अयोध्याकाण्डे अष्टोत्तरशततम:: सर्गः ॥२-१०८॥
śrīmadvālmīkiyarāmāyaṇe ayodhyākāṇḍe aṣṭottaraśatatama:: sargaḥ ||2-108||
आश्वासयन्तं भरतं जाबालिर्ब्राह्मणोत्तम: । उवाच रामं धर्मज्ञं धर्मापेतमिदं वच: ।। २.१०८.१ ।।
āśvāsayantaṃ bharataṃ jābālirbrāhmaṇottama: | uvāca rāmaṃ dharmajñaṃ dharmāpetamidaṃ vaca: || 2.108.1 ||
साधु राघव माभूत्ते बुद्धिरेवं निरर्थिका । प्राकृतस्य नरस्येव ह्यार्यबुद्धेर्मनस्विन: ।। २.१०८.२ ।।
sādhu rāghava mābhūtte buddhirevaṃ nirarthikā | prākṛtasya narasyeva hyāryabuddhermanasvina: || 2.108.2 ||
क: कस्य पुरुषो बन्धु: किमाप्यं कस्य केनचित् । यदेको जायते जन्तुरेक एव विनश्यति ।। २.१०८.३ ।।
ka: kasya puruṣo bandhu: kimāpyaṃ kasya kenacit | yadeko jāyate jantureka eva vinaśyati || 2.108.3 ||
तस्मान्माता पिता चेति राम सज्जेतयो नर: । उन्मत्त इव स ज्ञेयो नास्ति कश्चिद्धि कस्यचित् ।। २.१०८.४ ।।
tasmānmātā pitā ceti rāma sajjetayo nara: | unmatta iva sa jñeyo nāsti kaściddhi kasyacit || 2.108.4 ||
यथा ग्रामान्तरं गच्छन् नर: कश्चित् क्वचिद्वसेत् । उत्सृज्य च तमावासं प्रतिष्ठेतापरे ऽहनि ।। २.१०८.५ ।।
yathā grāmāntaraṃ gacchan nara: kaścit kvacidvaset | utsṛjya ca tamāvāsaṃ pratiṣṭhetāpare 'hani || 2.108.5 ||
एवमेव मनुष्याणां पिता माता गृहं वसु । आवासमात्रं काकुत्स्थ सज्जन्ते नात्र सज्जना: ।। २.१०८.६ ।।
evameva manuṣyāṇāṃ pitā mātā gṛhaṃ vasu | āvāsamātraṃ kākutstha sajjante nātra sajjanā: || 2.108.6 ||
पित्र्यं राज्यं परित्यज्य स नार्हसि नरोत्तम । आस्थातुं कापथं दु:खं विषमं बहुकण्टकम् ।। २.१०८.७ ।।
pitryaṃ rājyaṃ parityajya sa nārhasi narottama | āsthātuṃ kāpathaṃ du:khaṃ viṣamaṃ bahukaṇṭakam || 2.108.7 ||
समृद्धायामयोध्यायामात्मानमभिषेचय । एकवेणी धरा हि त्वां नगरी सम्प्रतीक्षते ।। २.१०८.८ ।।
samṛddhāyāmayodhyāyāmātmānamabhiṣecaya | ekaveṇī dharā hi tvāṃ nagarī sampratīkṣate || 2.108.8 ||
राजभोगाननुभवन् महार्हान् पार्थिवात्मज । विहर त्वमयोध्यायां यथा शक्रस्त्रिविष्टपे ।। २.१०८.९ ।।
rājabhogānanubhavan mahārhān pārthivātmaja | vihara tvamayodhyāyāṃ yathā śakrastriviṣṭape || 2.108.9 ||
न ते कश्चिद्दशरथस्त्वं च तस्य न कश्चन । अन्यो राजा त्वमन्य: स तस्मात् कुरु यदुच्यते ।। २.१०८.१० ।।
na te kaściddaśarathastvaṃ ca tasya na kaścana | anyo rājā tvamanya: sa tasmāt kuru yaducyate || 2.108.10 ||
बीजमात्रं पिता जन्तो: शुक्लं रुधिरमेव च । संयुक्तमृतुमन्मात्रा पुरुषस्येह जन्म तत् ।। २.१०८.११ ।।
bījamātraṃ pitā janto: śuklaṃ rudhirameva ca | saṃyuktamṛtumanmātrā puruṣasyeha janma tat || 2.108.11 ||
गत: स नृपतिस्तत्र गन्तव्यं यत्र तेन वै । प्रवृत्तिरेषा मर्त्त्यानां त्वं तु मिथ्या विहन्यसे ।। २.१०८.१२ ।।
gata: sa nṛpatistatra gantavyaṃ yatra tena vai | pravṛttireṣā marttyānāṃ tvaṃ tu mithyā vihanyase || 2.108.12 ||
अर्थधर्मपरा ये ये तांस्तान् शोचामि नेतरान् । ते हि दु:खमिह प्राप्य विनाशं प्रेत्य भेजिरे ।। २.१०८.१३ ।।
arthadharmaparā ye ye tāṃstān śocāmi netarān | te hi du:khamiha prāpya vināśaṃ pretya bhejire || 2.108.13 ||
अष्टका पितृदैवत्यमित्ययं प्रसृतो जन: । अन्नस्योपद्रवं पश्य मृतो हि किमशिष्यति ।। २.१०८.१४ ।।
aṣṭakā pitṛdaivatyamityayaṃ prasṛto jana: | annasyopadravaṃ paśya mṛto hi kimaśiṣyati || 2.108.14 ||
यदि भुक्तमिहान्येन देहमन्यस्य गच्छति । दद्यात् प्रवसत: श्राद्धं न तत् पथ्यशनं भवेत् ।। २.१०८.१५ ।।
yadi bhuktamihānyena dehamanyasya gacchati | dadyāt pravasata: śrāddhaṃ na tat pathyaśanaṃ bhavet || 2.108.15 ||
दानसंवनना ह्येते ग्रन्था मेधाविभि: कृता: । यजस्व देहि दीक्षस्व तपस्तप्यस्व सन्त्यज ।। २.१०८.१६ ।।
dānasaṃvananā hyete granthā medhāvibhi: kṛtā: | yajasva dehi dīkṣasva tapastapyasva santyaja || 2.108.16 ||
स नास्ति परमित्येव कुरु बुद्धिं महामते । प्रत्यक्षं यत्तदातिष्ठ परोक्षं पृष्ठत: कुरु ।। २.१०८.१७ ।।
sa nāsti paramityeva kuru buddhiṃ mahāmate | pratyakṣaṃ yattadātiṣṭha parokṣaṃ pṛṣṭhata: kuru || 2.108.17 ||
स तां बुद्धिं पुरस्कृत्य सर्वलोकनिदर्शिनीम् । राज्यं त्वं प्रतिगृह्णीष्व भरतेन प्रसादित: ।। २.१०८.१८ ।।
sa tāṃ buddhiṃ puraskṛtya sarvalokanidarśinīm | rājyaṃ tvaṃ pratigṛhṇīṣva bharatena prasādita: || 2.108.18 ||
इत्यार्षे श्रीमद्रामायणे वाल्मीकीये आदिकाव्ये श्रीमदयोध्याकाण्डे अष्टोत्तरशततम: सर्ग: ।। १०८ ।।
ityārṣe śrīmadrāmāyaṇe vālmīkīye ādikāvye śrīmadayodhyākāṇḍe aṣṭottaraśatatama: sarga: || 108 ||
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
