रावणं क्रुद्धमाज्ञाय महापार्श्वो महाबलः । मुहूर्तमनुसञ्चिन्त्य प्राञ्जलिर्वाक्यमब्रवीत् ।। 1 ।।
rāvaṇaṃ kruddhamājñāya mahāpārśvo mahābalaḥ | muhūrtamanusañcintya prāñjalirvākyamabravīt || 1 ||
यः खल्वपि वनं प्राप्य मृगव्यालनिषेवितम् । न पिबेन्मधु सम्प्राप्य स नरो बालिशो भवेत् ।। 2 ।।
yaḥ khalvapi vanaṃ prāpya mṛgavyālaniṣevitam | na pibenmadhu samprāpya sa naro bāliśo bhavet || 2 ||
ईश्वरस्येश्वरः कोऽस्ति तव शत्रुनिबर्हण: । रमस्व सह वैदेह्या शत्रूनाक्रम्य मूर्धसु ।। 3 ।।
īśvarasyeśvaraḥ ko'sti tava śatrunibarhaṇa: | ramasva saha vaidehyā śatrūnākramya mūrdhasu || 3 ||
बलात् कुक्कुटवृत्तेन प्रवर्तस्व महाबल: । आक्रम्याक्रम्य सीतां वै तां भुङ्क्ष्व च रमस्व च ।। 4 ।।
balāt kukkuṭavṛttena pravartasva mahābala: | ākramyākramya sītāṃ vai tāṃ bhuṅkṣva ca ramasva ca || 4 ||
लब्धकामस्य ते पश्चादागमिष्यति किं भयम् । प्राप्तमप्राप्तकालं वा सर्वं प्रतिसहिष्यति ।। 5 ।।
labdhakāmasya te paścādāgamiṣyati kiṃ bhayam | prāptamaprāptakālaṃ vā sarvaṃ pratisahiṣyati || 5 ||
कुम्भकर्ण सहास्माभिरिन्द्रजिच्च महाबलः । प्रतिषेधयितुं शक्तौ सवज्रमपि वज्रिणम् ।। 6 ।।
kumbhakarṇa sahāsmābhirindrajicca mahābalaḥ | pratiṣedhayituṃ śaktau savajramapi vajriṇam || 6 ||
उपप्रदानं सान्त्वं वा भेदं वा कुशलैः कृतम् । समतिक्रम्य दण्डेन सिद्धिमर्थेषु रोचये ।। 7 ।।
upapradānaṃ sāntvaṃ vā bhedaṃ vā kuśalaiḥ kṛtam | samatikramya daṇḍena siddhimartheṣu rocaye || 7 ||
इह प्राप्ता वयं सर्वाञ्छत्रूंस्तव महाबल: । वशे शस्त्र प्तापेन करिष्यामो न संशयः ।। 8 ।।
iha prāptā vayaṃ sarvāñchatrūṃstava mahābala: | vaśe śastra ptāpena kariṣyāmo na saṃśayaḥ || 8 ||
एवमुक्तस्तदा राजा महापार्श्वेन रावणः । तस्य सम्पूजय वाक्यमिदं वचनमब्रवीत् ।। 9 ।।
evamuktastadā rājā mahāpārśvena rāvaṇaḥ | tasya sampūjaya vākyamidaṃ vacanamabravīt || 9 ||
महापार्श्व निबोध त्वं रहस्यं किञ्चिदात्मन: । चिरवृत्तं तदाख्यास्ये यदवाप्तं पुरा मया ।। 10 ।।
mahāpārśva nibodha tvaṃ rahasyaṃ kiñcidātmana: | ciravṛttaṃ tadākhyāsye yadavāptaṃ purā mayā || 10 ||
पितामहस्य भवनं गच्छन्तीं पुञ्जिकस्थलाम् । चञ्चूर्यमाणामद्राक्षमाकाशेऽग्निशिखामिव ।। 11 ।।
pitāmahasya bhavanaṃ gacchantīṃ puñjikasthalām | cañcūryamāṇāmadrākṣamākāśe'gniśikhāmiva || 11 ||
सा प्रसह्य मया भुक्ता कृता विवसना ततः । स्वयम्भूभवनं प्राप्ता लोलिता नलिनी यथा ।। 12 ।।
sā prasahya mayā bhuktā kṛtā vivasanā tataḥ | svayambhūbhavanaṃ prāptā lolitā nalinī yathā || 12 ||
तच्च तस्य तदा मन्ये ज्ञातमासीन्महात्मनः । अथ सकुपितो वेधा मामिदं वाक्यमब्रवीत् ।। 13 ।।
tacca tasya tadā manye jñātamāsīnmahātmanaḥ | atha sakupito vedhā māmidaṃ vākyamabravīt || 13 ||
अद्यप्रभृति यामन्या बलान्नारीं गमिष्यसि । तदा ते शतधा मूर्धा फलिष्यति न संशयः ।। 14 ।।
adyaprabhṛti yāmanyā balānnārīṃ gamiṣyasi | tadā te śatadhā mūrdhā phaliṣyati na saṃśayaḥ || 14 ||
इत्यहं तस्य शापस्य भीतः प्रसभमेव ताम् । नारोहये बलात् सीतां वैदेहीं शयने शुभे ।। 15 ।।
ityahaṃ tasya śāpasya bhītaḥ prasabhameva tām | nārohaye balāt sītāṃ vaidehīṃ śayane śubhe || 15 ||
सागरस्येन मे वेगो मारुतस्येव मे गतिः । नैत द्दाशरथिर्वेद ह्यासादयति तेन माम् ।। 16 ।।
sāgarasyena me vego mārutasyeva me gatiḥ | naita ddāśarathirveda hyāsādayati tena mām || 16 ||
को हि सिंहमिवासीनं सुप्तं गिरिगुहाशये । क्रुद्धं मृत्युमिवाऽसीनं सम्भोधयितुमिच्छति ।। 17 ।।
ko hi siṃhamivāsīnaṃ suptaṃ giriguhāśaye | kruddhaṃ mṛtyumivā'sīnaṃ sambhodhayitumicchati || 17 ||
न मत्तो निर्गताम् बाणान् द्विजिह्वान् पन्नगानिव । रामः पश्यति सङ्ग्रामे तेन मामभिगच्छति ।। 18 ।।
na matto nirgatām bāṇān dvijihvān pannagāniva | rāmaḥ paśyati saṅgrāme tena māmabhigacchati || 18 ||
क्षिप्रं वज्रसमैर्बाणै शतथा कार्मुकच्युतैः । राममादीपयिष्यामि उल्काभिरिव कुञ्जरम् ।। 19 ।।
kṣipraṃ vajrasamairbāṇai śatathā kārmukacyutaiḥ | rāmamādīpayiṣyāmi ulkābhiriva kuñjaram || 19 ||
तच्चास्य बलमादास्ये बलेन महता वृतः । उदितः सविता काले नक्षत्राणा प्रभामिव।। 20 ।।
taccāsya balamādāsye balena mahatā vṛtaḥ | uditaḥ savitā kāle nakṣatrāṇā prabhāmiva|| 20 ||
न वासनेनापि सहस्रचक्षुषा युधास्मि शक्यो वरुणेन वा पुनः । मया त्वियं बाहुबलेन निर्जिता पुरा पुरी वैश्रवणेन पालिता ।। 21 ।।
na vāsanenāpi sahasracakṣuṣā yudhāsmi śakyo varuṇena vā punaḥ | mayā tviyaṃ bāhubalena nirjitā purā purī vaiśravaṇena pālitā || 21 ||
AnonymousUser
150
5 Days
Learn
Teach
Discuss
Panchanga
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
