Ram Charita Manas

Aranyaka Kanda

Blessings on Shabari, Navadha devotional sermon and departure to Pampasar

ॐ श्री परमात्मने नमः


This overlay will guide you through the buttons:

संस्कृत्म
A English

ॐ श्री गणेशाय नमः

Chaupai / चोपाई

ताहि देइ गति राम उदारा। सबरी कें आश्रम पगु धारा ॥ सबरी देखि राम गृहँ आए। मुनि के बचन समुझि जियँ भाए ॥

Chapter : 14 Number : 41

सरसिज लोचन बाहु बिसाला। जटा मुकुट सिर उर बनमाला ॥ स्याम गौर सुंदर दोउ भाई। सबरी परी चरन लपटाई ॥

Chapter : 14 Number : 41

प्रेम मगन मुख बचन न आवा। पुनि पुनि पद सरोज सिर नावा ॥ सादर जल लै चरन पखारे। पुनि सुंदर आसन बैठारे ॥

Chapter : 14 Number : 41

Doha / दोहा

दो. कंद मूल फल सुरस अति दिए राम कहुँ आनि। प्रेम सहित प्रभु खाए बारंबार बखानि ॥ ३४ ॥

Chapter : 14 Number : 42

Chaupai / चोपाई

पानि जोरि आगें भइ ठाढ़ी। प्रभुहि बिलोकि प्रीति अति बाढ़ी ॥ केहि बिधि अस्तुति करौ तुम्हारी। अधम जाति मैं जड़मति भारी ॥

Chapter : 14 Number : 42

अधम ते अधम अधम अति नारी। तिन्ह महँ मैं मतिमंद अघारी ॥ कह रघुपति सुनु भामिनि बाता। मानउँ एक भगति कर नाता ॥

Chapter : 14 Number : 42

जाति पाँति कुल धर्म बड़ाई। धन बल परिजन गुन चतुराई ॥ भगति हीन नर सोहइ कैसा। बिनु जल बारिद देखिअ जैसा ॥

Chapter : 14 Number : 42

नवधा भगति कहउँ तोहि पाहीं। सावधान सुनु धरु मन माहीं ॥ प्रथम भगति संतन्ह कर संगा। दूसरि रति मम कथा प्रसंगा ॥

Chapter : 14 Number : 42

Doha / दोहा

दो. गुर पद पंकज सेवा तीसरि भगति अमान। चौथि भगति मम गुन गन करइ कपट तजि गान ॥ ३५ ॥

Chapter : 14 Number : 43

Chaupai / चोपाई

मंत्र जाप मम दृढ़ बिस्वासा। पंचम भजन सो बेद प्रकासा ॥ छठ दम सील बिरति बहु करमा। निरत निरंतर सज्जन धरमा ॥

Chapter : 14 Number : 43

सातवँ सम मोहि मय जग देखा। मोतें संत अधिक करि लेखा ॥ आठवँ जथालाभ संतोषा। सपनेहुँ नहिं देखइ परदोषा ॥

Chapter : 14 Number : 43

नवम सरल सब सन छलहीना। मम भरोस हियँ हरष न दीना ॥ नव महुँ एकउ जिन्ह के होई। नारि पुरुष सचराचर कोई ॥

Chapter : 14 Number : 43

सोइ अतिसय प्रिय भामिनि मोरे। सकल प्रकार भगति दृढ़ तोरें ॥ जोगि बृंद दुरलभ गति जोई। तो कहुँ आजु सुलभ भइ सोई ॥

Chapter : 14 Number : 43

मम दरसन फल परम अनूपा। जीव पाव निज सहज सरूपा ॥ जनकसुता कइ सुधि भामिनी। जानहि कहु करिबरगामिनी ॥

Chapter : 14 Number : 43

पंपा सरहि जाहु रघुराई। तहँ होइहि सुग्रीव मिताई ॥ सो सब कहिहि देव रघुबीरा। जानतहूँ पूछहु मतिधीरा ॥

Chapter : 14 Number : 43

बार बार प्रभु पद सिरु नाई। प्रेम सहित सब कथा सुनाई ॥

Chapter : 14 Number : 43

Chanda / छन्द

छं. कहि कथा सकल बिलोकि हरि मुख हृदयँ पद पंकज धरे। तजि जोग पावक देह हरि पद लीन भइ जहँ नहिं फिरे ॥

Chapter : 14 Number : 44

नर बिबिध कर्म अधर्म बहु मत सोकप्रद सब त्यागहू। बिस्वास करि कह दास तुलसी राम पद अनुरागहू ॥

Chapter : 14 Number : 44

Doha / दोहा

दो. जाति हीन अघ जन्म महि मुक्त कीन्हि असि नारि। महामंद मन सुख चहसि ऐसे प्रभुहि बिसारि ॥ ३६ ॥

Chapter : 14 Number : 45

Chaupai / चोपाई

चले राम त्यागा बन सोऊ। अतुलित बल नर केहरि दोऊ ॥ बिरही इव प्रभु करत बिषादा। कहत कथा अनेक संबादा ॥

Chapter : 14 Number : 45

लछिमन देखु बिपिन कइ सोभा। देखत केहि कर मन नहिं छोभा ॥ नारि सहित सब खग मृग बृंदा। मानहुँ मोरि करत हहिं निंदा ॥

Chapter : 14 Number : 45

हमहि देखि मृग निकर पराहीं। मृगीं कहहिं तुम्ह कहँ भय नाहीं ॥ तुम्ह आनंद करहु मृग जाए। कंचन मृग खोजन ए आए ॥

Chapter : 14 Number : 45

संग लाइ करिनीं करि लेहीं। मानहुँ मोहि सिखावनु देहीं ॥ सास्त्र सुचिंतित पुनि पुनि देखिअ। भूप सुसेवित बस नहिं लेखिअ ॥

Chapter : 14 Number : 45

राखिअ नारि जदपि उर माहीं। जुबती सास्त्र नृपति बस नाहीं ॥ देखहु तात बसंत सुहावा। प्रिया हीन मोहि भय उपजावा ॥

Chapter : 14 Number : 45

Doha / दोहा

दो. बिरह बिकल बलहीन मोहि जानेसि निपट अकेल। सहित बिपिन मधुकर खग मदन कीन्ह बगमेल ॥ ३७(क) ॥

Chapter : 14 Number : 46

देखि गयउ भ्राता सहित तासु दूत सुनि बात। डेरा कीन्हेउ मनहुँ तब कटकु हटकि मनजात ॥ ३७(ख) ॥

Chapter : 14 Number : 46

Chaupai / चोपाई

बिटप बिसाल लता अरुझानी। बिबिध बितान दिए जनु तानी ॥ कदलि ताल बर धुजा पताका। दैखि न मोह धीर मन जाका ॥

Chapter : 14 Number : 46

बिबिध भाँति फूले तरु नाना। जनु बानैत बने बहु बाना ॥ कहुँ कहुँ सुन्दर बिटप सुहाए। जनु भट बिलग बिलग होइ छाए ॥

Chapter : 14 Number : 46

कूजत पिक मानहुँ गज माते। ढेक महोख ऊँट बिसराते ॥ मोर चकोर कीर बर बाजी। पारावत मराल सब ताजी ॥

Chapter : 14 Number : 46

तीतिर लावक पदचर जूथा। बरनि न जाइ मनोज बरुथा ॥ रथ गिरि सिला दुंदुभी झरना। चातक बंदी गुन गन बरना ॥

Chapter : 14 Number : 46

मधुकर मुखर भेरि सहनाई। त्रिबिध बयारि बसीठीं आई ॥ चतुरंगिनी सेन सँग लीन्हें। बिचरत सबहि चुनौती दीन्हें ॥

Chapter : 14 Number : 46

लछिमन देखत काम अनीका। रहहिं धीर तिन्ह कै जग लीका ॥ एहि कें एक परम बल नारी। तेहि तें उबर सुभट सोइ भारी ॥

Chapter : 14 Number : 46

Doha / दोहा

दो. तात तीनि अति प्रबल खल काम क्रोध अरु लोभ। मुनि बिग्यान धाम मन करहिं निमिष महुँ छोभ ॥ ३८(क) ॥

Chapter : 14 Number : 47

लोभ कें इच्छा दंभ बल काम कें केवल नारि। क्रोध के परुष बचन बल मुनिबर कहहिं बिचारि ॥ ३८(ख) ॥

Chapter : 14 Number : 47

Chaupai / चोपाई

गुनातीत सचराचर स्वामी। राम उमा सब अंतरजामी ॥ कामिन्ह कै दीनता देखाई। धीरन्ह कें मन बिरति दृढ़ाई ॥

Chapter : 14 Number : 47

क्रोध मनोज लोभ मद माया। छूटहिं सकल राम कीं दाया ॥ सो नर इंद्रजाल नहिं भूला। जा पर होइ सो नट अनुकूला ॥

Chapter : 14 Number : 47

उमा कहउँ मैं अनुभव अपना। सत हरि भजनु जगत सब सपना ॥ पुनि प्रभु गए सरोबर तीरा। पंपा नाम सुभग गंभीरा ॥

Chapter : 14 Number : 47

संत हृदय जस निर्मल बारी। बाँधे घाट मनोहर चारी ॥ जहँ तहँ पिअहिं बिबिध मृग नीरा। जनु उदार गृह जाचक भीरा ॥

Chapter : 14 Number : 47

Doha / दोहा

दो. पुरइनि सबन ओट जल बेगि न पाइअ मर्म। मायाछन्न न देखिऐ जैसे निर्गुन ब्रह्म ॥ ३९(क) ॥

Chapter : 14 Number : 48

सुखि मीन सब एकरस अति अगाध जल माहिं। जथा धर्मसीलन्ह के दिन सुख संजुत जाहिं ॥ ३९(ख) ॥

Chapter : 14 Number : 48

Chaupai / चोपाई

बिकसे सरसिज नाना रंगा। मधुर मुखर गुंजत बहु भृंगा ॥ बोलत जलकुक्कुट कलहंसा। प्रभु बिलोकि जनु करत प्रसंसा ॥

Chapter : 14 Number : 48

चक्रवाक बक खग समुदाई। देखत बनइ बरनि नहिं जाई ॥ सुन्दर खग गन गिरा सुहाई। जात पथिक जनु लेत बोलाई ॥

Chapter : 14 Number : 48

ताल समीप मुनिन्ह गृह छाए। चहु दिसि कानन बिटप सुहाए ॥ चंपक बकुल कदंब तमाला। पाटल पनस परास रसाला ॥

Chapter : 14 Number : 48

नव पल्लव कुसुमित तरु नाना। चंचरीक पटली कर गाना ॥ सीतल मंद सुगंध सुभाऊ। संतत बहइ मनोहर बाऊ ॥

Chapter : 14 Number : 48

कुहू कुहू कोकिल धुनि करहीं। सुनि रव सरस ध्यान मुनि टरहीं ॥

Chapter : 14 Number : 48

Doha / दोहा

दो. फल भारन नमि बिटप सब रहे भूमि निअराइ। पर उपकारी पुरुष जिमि नवहिं सुसंपति पाइ ॥ ४० ॥

Chapter : 14 Number : 49

Chaupai / चोपाई

देखि राम अति रुचिर तलावा। मज्जनु कीन्ह परम सुख पावा ॥ देखी सुंदर तरुबर छाया। बैठे अनुज सहित रघुराया ॥

Chapter : 14 Number : 49

तहँ पुनि सकल देव मुनि आए। अस्तुति करि निज धाम सिधाए ॥ बैठे परम प्रसन्न कृपाला। कहत अनुज सन कथा रसाला ॥

Chapter : 14 Number : 49

Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In