Ram Charita Manas

Bala-Kanda

Vishwamohini's Swayamvara. Curse to Shivganas and God's, Narad's disillusionment.

ॐ श्री परमात्मने नमः


This overlay will guide you through the buttons:

संस्कृत्म
A English

ॐ श्री गणेशाय नमः

Doha / दोहा

दो. आनि देखाई नारदहि भूपति राजकुमारि । कहहु नाथ गुन दोष सब एहि के हृदयँ बिचारि ॥ १३० ॥

Chapter : 31 Number : 149

Chaupai / चोपाई

देखि रूप मुनि बिरति बिसारी । बड़ी बार लगि रहे निहारी ॥ लच्छन तासु बिलोकि भुलाने । हृदयँ हरष नहिं प्रगट बखाने ॥

Chapter : 31 Number : 149

जो एहि बरइ अमर सोइ होई । समरभूमि तेहि जीत न कोई ॥ सेवहिं सकल चराचर ताही । बरइ सीलनिधि कन्या जाही ॥

Chapter : 31 Number : 149

लच्छन सब बिचारि उर राखे । कछुक बनाइ भूप सन भाषे ॥ सुता सुलच्छन कहि नृप पाहीं । नारद चले सोच मन माहीं ॥

Chapter : 31 Number : 149

करौं जाइ सोइ जतन बिचारी । जेहि प्रकार मोहि बरै कुमारी ॥ जप तप कछु न होइ तेहि काला । हे बिधि मिलइ कवन बिधि बाला ॥

Chapter : 31 Number : 149

Doha / दोहा

दो. एहि अवसर चाहिअ परम सोभा रूप बिसाल । जो बिलोकि रीझै कुअँरि तब मेलै जयमाल ॥ १३१ ॥

Chapter : 31 Number : 150

Chaupai / चोपाई

हरि सन मागौं सुंदरताई । होइहि जात गहरु अति भाई ॥ मोरें हित हरि सम नहिं कोऊ । एहि अवसर सहाय सोइ होऊ ॥

Chapter : 31 Number : 150

बहुबिधि बिनय कीन्हि तेहि काला । प्रगटेउ प्रभु कौतुकी कृपाला ॥ प्रभु बिलोकि मुनि नयन जुड़ाने । होइहि काजु हिएँ हरषाने ॥

Chapter : 31 Number : 150

अति आरति कहि कथा सुनाई । करहु कृपा करि होहु सहाई ॥ आपन रूप देहु प्रभु मोही । आन भाँति नहिं पावौं ओही ॥

Chapter : 31 Number : 150

जेहि बिधि नाथ होइ हित मोरा । करहु सो बेगि दास मैं तोरा ॥ निज माया बल देखि बिसाला । हियँ हँसि बोले दीनदयाला ॥

Chapter : 31 Number : 150

Doha / दोहा

दो. जेहि बिधि होइहि परम हित नारद सुनहु तुम्हार । सोइ हम करब न आन कछु बचन न मृषा हमार ॥ १३२ ॥

Chapter : 31 Number : 151

Chaupai / चोपाई

कुपथ माग रुज ब्याकुल रोगी । बैद न देइ सुनहु मुनि जोगी ॥ एहि बिधि हित तुम्हार मैं ठयऊ । कहि अस अंतरहित प्रभु भयऊ ॥

Chapter : 31 Number : 151

माया बिबस भए मुनि मूढ़ा । समुझी नहिं हरि गिरा निगूढ़ा ॥ गवने तुरत तहाँ रिषिराई । जहाँ स्वयंबर भूमि बनाई ॥

Chapter : 31 Number : 151

निज निज आसन बैठे राजा । बहु बनाव करि सहित समाजा ॥ मुनि मन हरष रूप अति मोरें । मोहि तजि आनहि बारिहि न भोरें ॥

Chapter : 31 Number : 151

मुनि हित कारन कृपानिधाना । दीन्ह कुरूप न जाइ बखाना ॥ सो चरित्र लखि काहुँ न पावा । नारद जानि सबहिं सिर नावा ॥

Chapter : 31 Number : 151

Doha / दोहा

दो. रहे तहाँ दुइ रुद्र गन ते जानहिं सब भेउ । बिप्रबेष देखत फिरहिं परम कौतुकी तेउ ॥ १३३ ॥

Chapter : 31 Number : 152

Chaupai / चोपाई

जेंहि समाज बैंठे मुनि जाई । हृदयँ रूप अहमिति अधिकाई ॥ तहँ बैठ महेस गन दोऊ । बिप्रबेष गति लखइ न कोऊ ॥

Chapter : 31 Number : 152

करहिं कूटि नारदहि सुनाई । नीकि दीन्हि हरि सुंदरताई ॥ रीझहि राजकुअँरि छबि देखी । इन्हहि बरिहि हरि जानि बिसेषी ॥

Chapter : 31 Number : 152

मुनिहि मोह मन हाथ पराएँ । हँसहिं संभु गन अति सचु पाएँ ॥ जदपि सुनहिं मुनि अटपटि बानी । समुझि न परइ बुद्धि भ्रम सानी ॥

Chapter : 31 Number : 152

काहुँ न लखा सो चरित बिसेषा । सो सरूप नृपकन्याँ देखा ॥ मर्कट बदन भयंकर देही । देखत हृदयँ क्रोध भा तेही ॥

Chapter : 31 Number : 152

Doha / दोहा

दो. सखीं संग लै कुअँरि तब चलि जनु राजमराल । देखत फिरइ महीप सब कर सरोज जयमाल ॥ १३४ ॥

Chapter : 31 Number : 153

Chaupai / चोपाई

जेहि दिसि बैठे नारद फूली । सो दिसि देहि न बिलोकी भूली ॥ पुनि पुनि मुनि उकसहिं अकुलाहीं । देखि दसा हर गन मुसकाहीं ॥

Chapter : 31 Number : 153

धरि नृपतनु तहँ गयउ कृपाला । कुअँरि हरषि मेलेउ जयमाला ॥ दुलहिनि लै गे लच्छिनिवासा । नृपसमाज सब भयउ निरासा ॥

Chapter : 31 Number : 153

मुनि अति बिकल मोंहँ मति नाठी । मनि गिरि गई छूटि जनु गाँठी ॥ तब हर गन बोले मुसुकाई । निज मुख मुकुर बिलोकहु जाई ॥

Chapter : 31 Number : 153

अस कहि दोउ भागे भयँ भारी । बदन दीख मुनि बारि निहारी ॥ बेषु बिलोकि क्रोध अति बाढ़ा । तिन्हहि सराप दीन्ह अति गाढ़ा ॥

Chapter : 31 Number : 153

Doha / दोहा

दो. होहु निसाचर जाइ तुम्ह कपटी पापी दोउ । हँसेहु हमहि सो लेहु फल बहुरि हँसेहु मुनि कोउ ॥ १३५ ॥

Chapter : 31 Number : 154

Chaupai / चोपाई

पुनि जल दीख रूप निज पावा । तदपि हृदयँ संतोष न आवा ॥ फरकत अधर कोप मन माहीं । सपदी चले कमलापति पाहीं ॥

Chapter : 31 Number : 154

देहउँ श्राप कि मरिहउँ जाई । जगत मोर उपहास कराई ॥ बीचहिं पंथ मिले दनुजारी । संग रमा सोइ राजकुमारी ॥

Chapter : 31 Number : 154

बोले मधुर बचन सुरसाईं । मुनि कहँ चले बिकल की नाईं ॥ सुनत बचन उपजा अति क्रोधा । माया बस न रहा मन बोधा ॥

Chapter : 31 Number : 154

पर संपदा सकहु नहिं देखी । तुम्हरें इरिषा कपट बिसेषी ॥ मथत सिंधु रुद्रहि बौरायहु । सुरन्ह प्रेरी बिष पान करायहु ॥

Chapter : 31 Number : 154

Doha / दोहा

दो. असुर सुरा बिष संकरहि आपु रमा मनि चारु । स्वारथ साधक कुटिल तुम्ह सदा कपट ब्यवहारु ॥ १३६ ॥

Chapter : 31 Number : 155

Chaupai / चोपाई

परम स्वतंत्र न सिर पर कोई । भावइ मनहि करहु तुम्ह सोई ॥ भलेहि मंद मंदेहि भल करहू । बिसमय हरष न हियँ कछु धरहू ॥

Chapter : 31 Number : 155

डहकि डहकि परिचेहु सब काहू । अति असंक मन सदा उछाहू ॥ करम सुभासुभ तुम्हहि न बाधा । अब लगि तुम्हहि न काहूँ साधा ॥

Chapter : 31 Number : 155

भले भवन अब बायन दीन्हा । पावहुगे फल आपन कीन्हा ॥ बंचेहु मोहि जवनि धरि देहा । सोइ तनु धरहु श्राप मम एहा ॥

Chapter : 31 Number : 155

कपि आकृति तुम्ह कीन्हि हमारी । करिहहिं कीस सहाय तुम्हारी ॥ मम अपकार कीन्ही तुम्ह भारी । नारी बिरहँ तुम्ह होब दुखारी ॥

Chapter : 31 Number : 155

Doha / दोहा

दो. श्राप सीस धरी हरषि हियँ प्रभु बहु बिनती कीन्हि । निज माया कै प्रबलता करषि कृपानिधि लीन्हि ॥ १३७ ॥

Chapter : 31 Number : 156

Chaupai / चोपाई

जब हरि माया दूरि निवारी । नहिं तहँ रमा न राजकुमारी ॥ तब मुनि अति सभीत हरि चरना । गहे पाहि प्रनतारति हरना ॥

Chapter : 31 Number : 156

मृषा होउ मम श्राप कृपाला । मम इच्छा कह दीनदयाला ॥ मैं दुर्बचन कहे बहुतेरे । कह मुनि पाप मिटिहिं किमि मेरे ॥

Chapter : 31 Number : 156

जपहु जाइ संकर सत नामा । होइहि हृदयँ तुरंत बिश्रामा ॥ कोउ नहिं सिव समान प्रिय मोरें । असि परतीति तजहु जनि भोरें ॥

Chapter : 31 Number : 156

जेहि पर कृपा न करहिं पुरारी । सो न पाव मुनि भगति हमारी ॥ अस उर धरि महि बिचरहु जाई । अब न तुम्हहि माया निअराई ॥

Chapter : 31 Number : 156

Doha / दोहा

दो. बहुबिधि मुनिहि प्रबोधि प्रभु तब भए अंतरधान ॥ सत्यलोक नारद चले करत राम गुन गान ॥ १३८ ॥

Chapter : 31 Number : 157

Chaupai / चोपाई

हर गन मुनिहि जात पथ देखी । बिगतमोह मन हरष बिसेषी ॥ अति सभीत नारद पहिं आए । गहि पद आरत बचन सुनाए ॥

Chapter : 31 Number : 157

हर गन हम न बिप्र मुनिराया । बड़ अपराध कीन्ह फल पाया ॥ श्राप अनुग्रह करहु कृपाला । बोले नारद दीनदयाला ॥

Chapter : 31 Number : 157

निसिचर जाइ होहु तुम्ह दोऊ । बैभव बिपुल तेज बल होऊ ॥ भुजबल बिस्व जितब तुम्ह जहिआ । धरिहहिं बिष्नु मनुज तनु तहिआ ।

Chapter : 31 Number : 157

समर मरन हरि हाथ तुम्हारा । होइहहु मुकुत न पुनि संसारा ॥ चले जुगल मुनि पद सिर नाई । भए निसाचर कालहि पाई ॥

Chapter : 31 Number : 157

Doha / दोहा

दो. एक कलप एहि हेतु प्रभु लीन्ह मनुज अवतार । सुर रंजन सज्जन सुखद हरि भंजन भुबि भार ॥ १३९ ॥

Chapter : 31 Number : 158

Chaupai / चोपाई

एहि बिधि जनम करम हरि केरे । सुंदर सुखद बिचित्र घनेरे ॥ कलप कलप प्रति प्रभु अवतरहीं । चारु चरित नानाबिधि करहीं ॥

Chapter : 31 Number : 158

तब तब कथा मुनीसन्ह गाई । परम पुनीत प्रबंध बनाई ॥ बिबिध प्रसंग अनूप बखाने । करहिं न सुनि आचरजु सयाने ॥

Chapter : 31 Number : 158

हरि अनंत हरिकथा अनंता । कहहिं सुनहिं बहुबिधि सब संता ॥ रामचंद्र के चरित सुहाए । कलप कोटि लगि जाहिं न गाए ॥

Chapter : 31 Number : 158

यह प्रसंग मैं कहा भवानी । हरिमायाँ मोहहिं मुनि ग्यानी ॥ प्रभु कौतुकी प्रनत हितकारी ॥ सेवत सुलभ सकल दुख हारी ॥

Chapter : 31 Number : 158

Sortha/ सोरठा

सो. सुर नर मुनि कोउ नाहिं जेहि न मोह माया प्रबल ॥ अस बिचारि मन माहिं भजिअ महामाया पतिहि ॥ १४० ॥

Chapter : 31 Number : 159

Chaupai / चोपाई

अपर हेतु सुनु सैलकुमारी । कहउँ बिचित्र कथा बिस्तारी ॥ जेहि कारन अज अगुन अरूपा । ब्रह्म भयउ कोसलपुर भूपा ॥

Chapter : 31 Number : 159

जो प्रभु बिपिन फिरत तुम्ह देखा । बंधु समेत धरें मुनिबेषा ॥ जासु चरित अवलोकि भवानी । सती सरीर रहिहु बौरानी ॥

Chapter : 31 Number : 159

अजहुँ न छाया मिटति तुम्हारी । तासु चरित सुनु भ्रम रुज हारी ॥ लीला कीन्हि जो तेहिं अवतारा । सो सब कहिहउँ मति अनुसारा ॥

Chapter : 31 Number : 159

भरद्वाज सुनि संकर बानी । सकुचि सप्रेम उमा मुसकानी ॥ लगे बहुरि बरने बृषकेतू । सो अवतार भयउ जेहि हेतू ॥

Chapter : 31 Number : 159

Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In