| |
|

This overlay will guide you through the buttons:

ॐ श्री गणेशाय नमः

Chaupai / चोपाई
नाना तरु फल फूल सुहाए । खग मृग बृंद देखि मन भाए ॥ सैल बिसाल देखि एक आगें । ता पर धाइ चढेउ भय त्यागें ॥
Chaupai / चोपाई
उमा न कछु कपि कै अधिकाई । प्रभु प्रताप जो कालहि खाई ॥ गिरि पर चढि लंका तेहिं देखी । कहि न जाइ अति दुर्ग बिसेषी ॥
Chaupai / चोपाई
अति उतंग जलनिधि चहु पासा । कनक कोट कर परम प्रकासा ॥
Chanda / छन्द
छं=कनक कोट बिचित्र मनि कृत सुंदरायतना घना । चउहट्ट हट्ट सुबट्ट बीथीं चारु पुर बहु बिधि बना ॥ गज बाजि खच्चर निकर पदचर रथ बरूथिन्ह को गनै ॥ बहुरूप निसिचर जूथ अतिबल सेन बरनत नहिं बनै ॥ १ ॥
Chanda / छन्द
बन बाग उपबन बाटिका सर कूप बापीं सोहहीं । नर नाग सुर गंधर्ब कन्या रूप मुनि मन मोहहीं ॥ कहुँ माल देह बिसाल सैल समान अतिबल गर्जहीं । नाना अखारेन्ह भिरहिं बहु बिधि एक एकन्ह तर्जहीं ॥ २ ॥
Chanda / छन्द
करि जतन भट कोटिन्ह बिकट तन नगर चहुँ दिसि रच्छहीं । कहुँ महिष मानषु धेनु खर अज खल निसाचर भच्छहीं ॥ एहि लागि तुलसीदास इन्ह की कथा कछु एक है कही । रघुबीर सर तीरथ सरीरन्हि त्यागि गति पैहहिं सही ॥ ३ ॥
Doha / दोहा
दो. पुर रखवारे देखि बहु कपि मन कीन्ह बिचार । अति लघु रूप धरौं निसि नगर करौं पइसार ॥ ३ ॥
Chaupai / चोपाई
मसक समान रूप कपि धरी । लंकहि चलेउ सुमिरि नरहरी ॥ नाम लंकिनी एक निसिचरी । सो कह चलेसि मोहि निंदरी ॥
Chaupai / चोपाई
जानेहि नहीं मरमु सठ मोरा । मोर अहार जहाँ लगि चोरा ॥ मुठिका एक महा कपि हनी । रुधिर बमत धरनीं ढनमनी ॥
Chaupai / चोपाई
पुनि संभारि उठि सो लंका । जोरि पानि कर बिनय संसका ॥ जब रावनहि ब्रह्म बर दीन्हा । चलत बिरंचि कहा मोहि चीन्हा ॥
Chaupai / चोपाई
बिकल होसि तैं कपि कें मारे । तब जानेसु निसिचर संघारे ॥ तात मोर अति पुन्य बहूता । देखेउँ नयन राम कर दूता ॥
Doha / दोहा
दो. तात स्वर्ग अपबर्ग सुख धरिअ तुला एक अंग । तूल न ताहि सकल मिलि जो सुख लव सतसंग ॥ ४ ॥
Chaupai / चोपाई
प्रबिसि नगर कीजे सब काजा । हृदयँ राखि कौसलपुर राजा ॥ गरल सुधा रिपु करहिं मिताई । गोपद सिंधु अनल सितलाई ॥
Chaupai / चोपाई
गरुड़ सुमेरु रेनू सम ताही । राम कृपा करि चितवा जाही ॥ अति लघु रूप धरेउ हनुमाना । पैठा नगर सुमिरि भगवाना ॥
Chaupai / चोपाई
मंदिर मंदिर प्रति करि सोधा । देखे जहँ तहँ अगनित जोधा ॥ गयउ दसानन मंदिर माहीं । अति बिचित्र कहि जात सो नाहीं ॥
Chaupai / चोपाई
सयन किए देखा कपि तेही । मंदिर महुँ न दीखि बैदेही ॥ भवन एक पुनि दीख सुहावा । हरि मंदिर तहँ भिन्न बनावा ॥

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In