Rig Veda

Mandala 103

Sukta 103


This overlay will guide you through the buttons:

संस्कृत्म
A English

तत्त॑ इन्द्रि॒यं प॑र॒मं प॑रा॒चैरधा॑रयन्त क॒वयः॑ पु॒रेदम् । क्ष॒मेदम॒न्यद्दि॒व्य॑न्यद॑स्य॒ समी॑ पृच्यते सम॒नेव॑ के॒तुः ॥ १.१०३.०१ ॥
tatta̍ indri̱yaṁ pa̍ra̱maṁ pa̍rā̱cairadhā̍rayanta ka̱vaya̍ḥ pu̱redam | kṣa̱medama̱nyaddi̱vya1̱̍nyada̍sya̱ samī̍ pṛcyate sama̱neva̍ ke̱tuḥ || 1.103.01 ||

Mandala : 1

Sukta : 103

Suktam :   1



स धा॑रयत्पृथि॒वीं प॒प्रथ॑च्च॒ वज्रे॑ण ह॒त्वा निर॒पः स॑सर्ज । अह॒न्नहि॒मभि॑नद्रौहि॒णं व्यह॒न्व्यं॑सं म॒घवा॒ शची॑भिः ॥ १.१०३.०२ ॥
sa dhā̍rayatpṛthi̱vīṁ pa̱pratha̍cca̱ vajre̍ṇa ha̱tvā nira̱paḥ sa̍sarja | aha̱nnahi̱mabhi̍nadrauhi̱ṇaṁ vyaha̱nvya̍ṁsaṁ ma̱ghavā̱ śacī̍bhiḥ || 1.103.02 ||

Mandala : 1

Sukta : 103

Suktam :   2



स जा॒तूभ॑र्मा श्र॒द्दधा॑न॒ ओजः॒ पुरो॑ विभि॒न्दन्न॑चर॒द्वि दासीः॑ । वि॒द्वान्व॑ज्रि॒न्दस्य॑वे हे॒तिम॒स्यार्यं॒ सहो॑ वर्धया द्यु॒म्नमि॑न्द्र ॥ १.१०३.०३ ॥
sa jā̱tūbha̍rmā śra̱ddadhā̍na̱ oja̱ḥ puro̍ vibhi̱ndanna̍cara̱dvi dāsī̍ḥ | vi̱dvānva̍jri̱ndasya̍ve he̱tima̱syārya̱ṁ saho̍ vardhayā dyu̱mnami̍ndra || 1.103.03 ||

Mandala : 1

Sukta : 103

Suktam :   3



तदू॒चुषे॒ मानु॑षे॒मा यु॒गानि॑ की॒र्तेन्यं॑ म॒घवा॒ नाम॒ बिभ्र॑त् । उ॒प॒प्र॒यन्द॑स्यु॒हत्या॑य व॒ज्री यद्ध॑ सू॒नुः श्रव॑से॒ नाम॑ द॒धे ॥ १.१०३.०४ ॥
tadū̱cuṣe̱ mānu̍ṣe̱mā yu̱gāni̍ kī̱rtenya̍ṁ ma̱ghavā̱ nāma̱ bibhra̍t | u̱pa̱pra̱yanda̍syu̱hatyā̍ya va̱jrī yaddha̍ sū̱nuḥ śrava̍se̱ nāma̍ da̱dhe || 1.103.04 ||

Mandala : 1

Sukta : 103

Suktam :   4



तद॑स्ये॒दं प॑श्यता॒ भूरि॑ पु॒ष्टं श्रदिन्द्र॑स्य धत्तन वी॒र्या॑य । स गा अ॑विन्द॒त्सो अ॑विन्द॒दश्वा॒न्स ओष॑धीः॒ सो अ॒पः स वना॑नि ॥ १.१०३.०५ ॥
tada̍sye̱daṁ pa̍śyatā̱ bhūri̍ pu̱ṣṭaṁ śradindra̍sya dhattana vī̱ryā̍ya | sa gā a̍vinda̱tso a̍vinda̱daśvā̱nsa oṣa̍dhī̱ḥ so a̱paḥ sa vanā̍ni || 1.103.05 ||

Mandala : 1

Sukta : 103

Suktam :   5



भूरि॑कर्मणे वृष॒भाय॒ वृष्णे॑ स॒त्यशु॑ष्माय सुनवाम॒ सोम॑म् । य आ॒दृत्या॑ परिप॒न्थीव॒ शूरोऽय॑ज्वनो वि॒भज॒न्नेति॒ वेदः॑ ॥ १.१०३.०६ ॥
bhūri̍karmaṇe vṛṣa̱bhāya̱ vṛṣṇe̍ sa̱tyaśu̍ṣmāya sunavāma̱ soma̍m | ya ā̱dṛtyā̍ paripa̱nthīva̱ śūro'ya̍jvano vi̱bhaja̱nneti̱ veda̍ḥ || 1.103.06 ||

Mandala : 1

Sukta : 103

Suktam :   6



तदि॑न्द्र॒ प्रेव॑ वी॒र्यं॑ चकर्थ॒ यत्स॒सन्तं॒ वज्रे॒णाबो॑ध॒योऽहि॑म् । अनु॑ त्वा॒ पत्नी॑र्हृषि॒तं वय॑श्च॒ विश्वे॑ दे॒वासो॑ अमद॒न्ननु॑ त्वा ॥ १.१०३.०७ ॥
tadi̍ndra̱ preva̍ vī̱rya̍ṁ cakartha̱ yatsa̱santa̱ṁ vajre̱ṇābo̍dha̱yo'hi̍m | anu̍ tvā̱ patnī̍rhṛṣi̱taṁ vaya̍śca̱ viśve̍ de̱vāso̍ amada̱nnanu̍ tvā || 1.103.07 ||

Mandala : 1

Sukta : 103

Suktam :   7



शुष्णं॒ पिप्रुं॒ कुय॑वं वृ॒त्रमि॑न्द्र य॒दाव॑धी॒र्वि पुरः॒ शम्ब॑रस्य । तन्नो॑ मि॒त्रो वरु॑णो मामहन्ता॒मदि॑तिः॒ सिन्धुः॑ पृथि॒वी उ॒त द्यौः ॥ १.१०३.०८ ॥
śuṣṇa̱ṁ pipru̱ṁ kuya̍vaṁ vṛ̱trami̍ndra ya̱dāva̍dhī̱rvi pura̱ḥ śamba̍rasya | tanno̍ mi̱tro varu̍ṇo māmahantā̱madi̍ti̱ḥ sindhu̍ḥ pṛthi̱vī u̱ta dyauḥ || 1.103.08 ||

Mandala : 1

Sukta : 103

Suktam :   8


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In