Rig Veda

Mandala 147

Sukta 147


This overlay will guide you through the buttons:

संस्कृत्म
A English

क॒था ते॑ अग्ने शु॒चय॑न्त आ॒योर्द॑दा॒शुर्वाजे॑भिराशुषा॒णाः । उ॒भे यत्तो॒के तन॑ये॒ दधा॑ना ऋ॒तस्य॒ साम॑न्र॒णय॑न्त दे॒वाः ॥ १.१४७.०१ ॥
ka̱thā te̍ agne śu̱caya̍nta ā̱yorda̍dā̱śurvāje̍bhirāśuṣā̱ṇāḥ | u̱bhe yatto̱ke tana̍ye̱ dadhā̍nā ṛ̱tasya̱ sāma̍nra̱ṇaya̍nta de̱vāḥ || 1.147.01 ||

Mandala : 1

Sukta : 147

Suktam :   1



बोधा॑ मे अ॒स्य वच॑सो यविष्ठ॒ मंहि॑ष्ठस्य॒ प्रभृ॑तस्य स्वधावः । पीय॑ति त्वो॒ अनु॑ त्वो गृणाति व॒न्दारु॑स्ते त॒न्वं॑ वन्दे अग्ने ॥ १.१४७.०२ ॥
bodhā̍ me a̱sya vaca̍so yaviṣṭha̱ maṁhi̍ṣṭhasya̱ prabhṛ̍tasya svadhāvaḥ | pīya̍ti tvo̱ anu̍ tvo gṛṇāti va̱ndāru̍ste ta̱nva̍ṁ vande agne || 1.147.02 ||

Mandala : 1

Sukta : 147

Suktam :   2



ये पा॒यवो॑ मामते॒यं ते॑ अग्ने॒ पश्य॑न्तो अ॒न्धं दु॑रि॒तादर॑क्षन् । र॒रक्ष॒ तान्सु॒कृतो॑ वि॒श्ववे॑दा॒ दिप्स॑न्त॒ इद्रि॒पवो॒ नाह॑ देभुः ॥ १.१४७.०३ ॥
ye pā̱yavo̍ māmate̱yaṁ te̍ agne̱ paśya̍nto a̱ndhaṁ du̍ri̱tādara̍kṣan | ra̱rakṣa̱ tānsu̱kṛto̍ vi̱śvave̍dā̱ dipsa̍nta̱ idri̱pavo̱ nāha̍ debhuḥ || 1.147.03 ||

Mandala : 1

Sukta : 147

Suktam :   3



यो नो॑ अग्ने॒ अर॑रिवाँ अघा॒युर॑राती॒वा म॒र्चय॑ति द्व॒येन॑ । मन्त्रो॑ गु॒रुः पुन॑रस्तु॒ सो अ॑स्मा॒ अनु॑ मृक्षीष्ट त॒न्वं॑ दुरु॒क्तैः ॥ १.१४७.०४ ॥
yo no̍ agne̱ ara̍rivā aghā̱yura̍rātī̱vā ma̱rcaya̍ti dva̱yena̍ | mantro̍ gu̱ruḥ puna̍rastu̱ so a̍smā̱ anu̍ mṛkṣīṣṭa ta̱nva̍ṁ duru̱ktaiḥ || 1.147.04 ||

Mandala : 1

Sukta : 147

Suktam :   4



उ॒त वा॒ यः स॑हस्य प्रवि॒द्वान्मर्तो॒ मर्तं॑ म॒र्चय॑ति द्व॒येन॑ । अतः॑ पाहि स्तवमान स्तु॒वन्त॒मग्ने॒ माकि॑र्नो दुरि॒ताय॑ धायीः ॥ १.१४७.०५ ॥
u̱ta vā̱ yaḥ sa̍hasya pravi̱dvānmarto̱ marta̍ṁ ma̱rcaya̍ti dva̱yena̍ | ata̍ḥ pāhi stavamāna stu̱vanta̱magne̱ māki̍rno duri̱tāya̍ dhāyīḥ || 1.147.05 ||

Mandala : 1

Sukta : 147

Suktam :   5


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In