Rig Veda

Mandala 152

Sukta 152


This overlay will guide you through the buttons:

संस्कृत्म
A English

यु॒वं वस्त्रा॑णि पीव॒सा व॑साथे यु॒वोरच्छि॑द्रा॒ मन्त॑वो ह॒ सर्गाः॑ । अवा॑तिरत॒मनृ॑तानि॒ विश्व॑ ऋ॒तेन॑ मित्रावरुणा सचेथे ॥ १.१५२.०१ ॥
yu̱vaṁ vastrā̍ṇi pīva̱sā va̍sāthe yu̱voracchi̍drā̱ manta̍vo ha̱ sargā̍ḥ | avā̍tirata̱manṛ̍tāni̱ viśva̍ ṛ̱tena̍ mitrāvaruṇā sacethe || 1.152.01 ||

Mandala : 1

Sukta : 152

Suktam :   1



ए॒तच्च॒न त्वो॒ वि चि॑केतदेषां स॒त्यो मन्त्रः॑ कविश॒स्त ऋघा॑वान् । त्रि॒रश्रिं॑ हन्ति॒ चतु॑रश्रिरु॒ग्रो दे॑व॒निदो॒ ह प्र॑थ॒मा अ॑जूर्यन् ॥ १.१५२.०२ ॥
e̱tacca̱na tvo̱ vi ci̍ketadeṣāṁ sa̱tyo mantra̍ḥ kaviśa̱sta ṛghā̍vān | tri̱raśri̍ṁ hanti̱ catu̍raśriru̱gro de̍va̱nido̱ ha pra̍tha̱mā a̍jūryan || 1.152.02 ||

Mandala : 1

Sukta : 152

Suktam :   2



अ॒पादे॑ति प्रथ॒मा प॒द्वती॑नां॒ कस्तद्वां॑ मित्रावरु॒णा चि॑केत । गर्भो॑ भा॒रं भ॑र॒त्या चि॑दस्य ऋ॒तं पिप॒र्त्यनृ॑तं॒ नि ता॑रीत् ॥ १.१५२.०३ ॥
a̱pāde̍ti pratha̱mā pa̱dvatī̍nā̱ṁ kastadvā̍ṁ mitrāvaru̱ṇā ci̍keta | garbho̍ bhā̱raṁ bha̍ra̱tyā ci̍dasya ṛ̱taṁ pipa̱rtyanṛ̍ta̱ṁ ni tā̍rīt || 1.152.03 ||

Mandala : 1

Sukta : 152

Suktam :   3



प्र॒यन्त॒मित्परि॑ जा॒रं क॒नीनां॒ पश्या॑मसि॒ नोप॑नि॒पद्य॑मानम् । अन॑वपृग्णा॒ वित॑ता॒ वसा॑नं प्रि॒यं मि॒त्रस्य॒ वरु॑णस्य॒ धाम॑ ॥ १.१५२.०४ ॥
pra̱yanta̱mitpari̍ jā̱raṁ ka̱nīnā̱ṁ paśyā̍masi̱ nopa̍ni̱padya̍mānam | ana̍vapṛgṇā̱ vita̍tā̱ vasā̍naṁ pri̱yaṁ mi̱trasya̱ varu̍ṇasya̱ dhāma̍ || 1.152.04 ||

Mandala : 1

Sukta : 152

Suktam :   4



अ॒न॒श्वो जा॒तो अ॑नभी॒शुरर्वा॒ कनि॑क्रदत्पतयदू॒र्ध्वसा॑नुः । अ॒चित्तं॒ ब्रह्म॑ जुजुषु॒र्युवा॑नः॒ प्र मि॒त्रे धाम॒ वरु॑णे गृ॒णन्तः॑ ॥ १.१५२.०५ ॥
a̱na̱śvo jā̱to a̍nabhī̱śurarvā̱ kani̍kradatpatayadū̱rdhvasā̍nuḥ | a̱citta̱ṁ brahma̍ jujuṣu̱ryuvā̍na̱ḥ pra mi̱tre dhāma̱ varu̍ṇe gṛ̱ṇanta̍ḥ || 1.152.05 ||

Mandala : 1

Sukta : 152

Suktam :   5



आ धे॒नवो॑ मामते॒यमव॑न्तीर्ब्रह्म॒प्रियं॑ पीपय॒न्सस्मि॒न्नूध॑न् । पि॒त्वो भि॑क्षेत व॒युना॑नि वि॒द्वाना॒साविवा॑स॒न्नदि॑तिमुरुष्येत् ॥ १.१५२.०६ ॥
ā dhe̱navo̍ māmate̱yamava̍ntīrbrahma̱priya̍ṁ pīpaya̱nsasmi̱nnūdha̍n | pi̱tvo bhi̍kṣeta va̱yunā̍ni vi̱dvānā̱sāvivā̍sa̱nnadi̍timuruṣyet || 1.152.06 ||

Mandala : 1

Sukta : 152

Suktam :   6



आ वां॑ मित्रावरुणा ह॒व्यजु॑ष्टिं॒ नम॑सा देवा॒वव॑सा ववृत्याम् । अ॒स्माकं॒ ब्रह्म॒ पृत॑नासु सह्या अ॒स्माकं॑ वृ॒ष्टिर्दि॒व्या सु॑पा॒रा ॥ १.१५२.०७ ॥
ā vā̍ṁ mitrāvaruṇā ha̱vyaju̍ṣṭi̱ṁ nama̍sā devā̱vava̍sā vavṛtyām | a̱smāka̱ṁ brahma̱ pṛta̍nāsu sahyā a̱smāka̍ṁ vṛ̱ṣṭirdi̱vyā su̍pā̱rā || 1.152.07 ||

Mandala : 1

Sukta : 152

Suktam :   7


Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In