Rig Veda

Mandala 158

Sukta 158


This overlay will guide you through the buttons:

अ संस्कृत्म
A English

वसू॑ रु॒द्रा पु॑रु॒मन्तू॑ वृ॒धन्ता॑ दश॒स्यतं॑ नो वृषणाव॒भिष्टौ॑ । दस्रा॑ ह॒ यद्रेक्ण॑ औच॒थ्यो वां॒ प्र यत्स॒स्राथे॒ अक॑वाभिरू॒ती ॥ १.१५८.०१ ॥
vasū̍ ru̱drā pu̍ru̱mantū̍ vṛ̱dhantā̍ daśa̱syata̍ṁ no vṛṣaṇāva̱bhiṣṭau̍ | dasrā̍ ha̱ yadrekṇa̍ auca̱thyo vā̱ṁ pra yatsa̱srāthe̱ aka̍vābhirū̱tī || 1.158.01 ||

Mandala : 1

Sukta : 158

Suktam :   1


को वां॑ दाशत्सुम॒तये॑ चिद॒स्यै वसू॒ यद्धेथे॒ नम॑सा प॒दे गोः । जि॒गृ॒तम॒स्मे रे॒वतीः॒ पुरं॑धीः काम॒प्रेणे॑व॒ मन॑सा॒ चर॑न्ता ॥ १.१५८.०२ ॥
ko vā̍ṁ dāśatsuma̱taye̍ cida̱syai vasū̱ yaddhethe̱ nama̍sā pa̱de goḥ | ji̱gṛ̱tama̱sme re̱vatī̱ḥ pura̍ṁdhīḥ kāma̱preṇe̍va̱ mana̍sā̱ cara̍ntā || 1.158.02 ||

Mandala : 1

Sukta : 158

Suktam :   2


यु॒क्तो ह॒ यद्वां॑ तौ॒ग्र्याय॑ पे॒रुर्वि मध्ये॒ अर्ण॑सो॒ धायि॑ प॒ज्रः । उप॑ वा॒मवः॑ शर॒णं ग॑मेयं॒ शूरो॒ नाज्म॑ प॒तय॑द्भि॒रेवैः॑ ॥ १.१५८.०३ ॥
yu̱kto ha̱ yadvā̍ṁ tau̱gryāya̍ pe̱rurvi madhye̱ arṇa̍so̱ dhāyi̍ pa̱jraḥ | upa̍ vā̱mava̍ḥ śara̱ṇaṁ ga̍meya̱ṁ śūro̱ nājma̍ pa̱taya̍dbhi̱revai̍ḥ || 1.158.03 ||

Mandala : 1

Sukta : 158

Suktam :   3


उप॑स्तुतिरौच॒थ्यमु॑रुष्ये॒न्मा मामि॒मे प॑त॒त्रिणी॒ वि दु॑ग्धाम् । मा मामेधो॒ दश॑तयश्चि॒तो धा॒क्प्र यद्वां॑ ब॒द्धस्त्मनि॒ खाद॑ति॒ क्षाम् ॥ १.१५८.०४ ॥
upa̍stutirauca̱thyamu̍ruṣye̱nmā māmi̱me pa̍ta̱triṇī̱ vi du̍gdhām | mā māmedho̱ daśa̍tayaści̱to dhā̱kpra yadvā̍ṁ ba̱ddhastmani̱ khāda̍ti̱ kṣām || 1.158.04 ||

Mandala : 1

Sukta : 158

Suktam :   4


न मा॑ गरन्न॒द्यो॑ मा॒तृत॑मा दा॒सा यदीं॒ सुस॑मुब्धम॒वाधुः॑ । शिरो॒ यद॑स्य त्रैत॒नो वि॒तक्ष॑त्स्व॒यं दा॒स उरो॒ अंसा॒वपि॑ ग्ध ॥ १.१५८.०५ ॥
na mā̍ garanna̱dyo̍ mā̱tṛta̍mā dā̱sā yadī̱ṁ susa̍mubdhama̱vādhu̍ḥ | śiro̱ yada̍sya traita̱no vi̱takṣa̍tsva̱yaṁ dā̱sa uro̱ aṁsā̱vapi̍ gdha || 1.158.05 ||

Mandala : 1

Sukta : 158

Suktam :   5


दी॒र्घत॑मा मामते॒यो जु॑जु॒र्वान्द॑श॒मे यु॒गे । अ॒पामर्थं॑ य॒तीनां॑ ब्र॒ह्मा भ॑वति॒ सार॑थिः ॥ १.१५८.०६ ॥
dī̱rghata̍mā māmate̱yo ju̍ju̱rvānda̍śa̱me yu̱ge | a̱pāmartha̍ṁ ya̱tīnā̍ṁ bra̱hmā bha̍vati̱ sāra̍thiḥ || 1.158.06 ||

Mandala : 1

Sukta : 158

Suktam :   6

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In