Rig Veda

Mandala 175

Sukta 175


This overlay will guide you through the buttons:

संस्कृत्म
A English

मत्स्यपा॑यि ते॒ महः॒ पात्र॑स्येव हरिवो मत्स॒रो मदः॑ । वृषा॑ ते॒ वृष्ण॒ इन्दु॑र्वा॒जी स॑हस्र॒सात॑मः ॥ १.१७५.०१ ॥
matsyapā̍yi te̱ maha̱ḥ pātra̍syeva harivo matsa̱ro mada̍ḥ | vṛṣā̍ te̱ vṛṣṇa̱ indu̍rvā̱jī sa̍hasra̱sāta̍maḥ || 1.175.01 ||

Mandala : 1

Sukta : 175

Suktam :   1



आ न॑स्ते गन्तु मत्स॒रो वृषा॒ मदो॒ वरे॑ण्यः । स॒हावा॑ँ इन्द्र सान॒सिः पृ॑तना॒षाळम॑र्त्यः ॥ १.१७५.०२ ॥
ā na̍ste gantu matsa̱ro vṛṣā̱ mado̱ vare̍ṇyaḥ | sa̱hāvā̍ indra sāna̱siḥ pṛ̍tanā̱ṣāḻama̍rtyaḥ || 1.175.02 ||

Mandala : 1

Sukta : 175

Suktam :   2



त्वं हि शूरः॒ सनि॑ता चो॒दयो॒ मनु॑षो॒ रथ॑म् । स॒हावा॒न्दस्यु॑मव्र॒तमोषः॒ पात्रं॒ न शो॒चिषा॑ ॥ १.१७५.०३ ॥
tvaṁ hi śūra̱ḥ sani̍tā co̱dayo̱ manu̍ṣo̱ ratha̍m | sa̱hāvā̱ndasyu̍mavra̱tamoṣa̱ḥ pātra̱ṁ na śo̱ciṣā̍ || 1.175.03 ||

Mandala : 1

Sukta : 175

Suktam :   3



मु॒षा॒य सूर्यं॑ कवे च॒क्रमीशा॑न॒ ओज॑सा । वह॒ शुष्णा॑य व॒धं कुत्सं॒ वात॒स्याश्वैः॑ ॥ १.१७५.०४ ॥
mu̱ṣā̱ya sūrya̍ṁ kave ca̱kramīśā̍na̱ oja̍sā | vaha̱ śuṣṇā̍ya va̱dhaṁ kutsa̱ṁ vāta̱syāśvai̍ḥ || 1.175.04 ||

Mandala : 1

Sukta : 175

Suktam :   4



शु॒ष्मिन्त॑मो॒ हि ते॒ मदो॑ द्यु॒म्निन्त॑म उ॒त क्रतुः॑ । वृ॒त्र॒घ्ना व॑रिवो॒विदा॑ मंसी॒ष्ठा अ॑श्व॒सात॑मः ॥ १.१७५.०५ ॥
śu̱ṣminta̍mo̱ hi te̱ mado̍ dyu̱mninta̍ma u̱ta kratu̍ḥ | vṛ̱tra̱ghnā va̍rivo̱vidā̍ maṁsī̱ṣṭhā a̍śva̱sāta̍maḥ || 1.175.05 ||

Mandala : 1

Sukta : 175

Suktam :   5



यथा॒ पूर्वे॑भ्यो जरि॒तृभ्य॑ इन्द्र॒ मय॑ इ॒वापो॒ न तृष्य॑ते ब॒भूथ॑ । तामनु॑ त्वा नि॒विदं॑ जोहवीमि वि॒द्यामे॒षं वृ॒जनं॑ जी॒रदा॑नुम् ॥ १.१७५.०६ ॥
yathā̱ pūrve̍bhyo jari̱tṛbhya̍ indra̱ maya̍ i̱vāpo̱ na tṛṣya̍te ba̱bhūtha̍ | tāmanu̍ tvā ni̱vida̍ṁ johavīmi vi̱dyāme̱ṣaṁ vṛ̱jana̍ṁ jī̱radā̍num || 1.175.06 ||

Mandala : 1

Sukta : 175

Suktam :   6


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In