Rig Veda

Mandala 20

Sukta 20


This overlay will guide you through the buttons:

संस्कृत्म
A English

अ॒यं दे॒वाय॒ जन्म॑ने॒ स्तोमो॒ विप्रे॑भिरास॒या । अका॑रि रत्न॒धात॑मः ॥ १.२०.०१ ॥
a̱yaṁ de̱vāya̱ janma̍ne̱ stomo̱ vipre̍bhirāsa̱yā | akā̍ri ratna̱dhāta̍maḥ || 1.020.01 ||

Mandala : 1

Sukta : 20

Suktam :   1



य इन्द्रा॑य वचो॒युजा॑ तत॒क्षुर्मन॑सा॒ हरी॑ । शमी॑भिर्य॒ज्ञमा॑शत ॥ १.२०.०२ ॥
ya indrā̍ya vaco̱yujā̍ tata̱kṣurmana̍sā̱ harī̍ | śamī̍bhirya̱jñamā̍śata || 1.020.02 ||

Mandala : 1

Sukta : 20

Suktam :   2



तक्ष॒न्नास॑त्याभ्यां॒ परि॑ज्मानं सु॒खं रथ॑म् । तक्ष॑न्धे॒नुं स॑ब॒र्दुघा॑म् ॥ १.२०.०३ ॥
takṣa̱nnāsa̍tyābhyā̱ṁ pari̍jmānaṁ su̱khaṁ ratha̍m | takṣa̍ndhe̱nuṁ sa̍ba̱rdughā̍m || 1.020.03 ||

Mandala : 1

Sukta : 20

Suktam :   3



युवा॑ना पि॒तरा॒ पुनः॑ स॒त्यम॑न्त्रा ऋजू॒यवः॑ । ऋ॒भवो॑ वि॒ष्ट्य॑क्रत ॥ १.२०.०४ ॥
yuvā̍nā pi̱tarā̱ puna̍ḥ sa̱tyama̍ntrā ṛjū̱yava̍ḥ | ṛ̱bhavo̍ vi̱ṣṭya̍krata || 1.020.04 ||

Mandala : 1

Sukta : 20

Suktam :   4



सं वो॒ मदा॑सो अग्म॒तेन्द्रे॑ण च म॒रुत्व॑ता । आ॒दि॒त्येभि॑श्च॒ राज॑भिः ॥ १.२०.०५ ॥
saṁ vo̱ madā̍so agma̱tendre̍ṇa ca ma̱rutva̍tā | ā̱di̱tyebhi̍śca̱ rāja̍bhiḥ || 1.020.05 ||

Mandala : 1

Sukta : 20

Suktam :   5



उ॒त त्यं च॑म॒सं नवं॒ त्वष्टु॑र्दे॒वस्य॒ निष्कृ॑तम् । अक॑र्त च॒तुरः॒ पुनः॑ ॥ १.२०.०६ ॥
u̱ta tyaṁ ca̍ma̱saṁ nava̱ṁ tvaṣṭu̍rde̱vasya̱ niṣkṛ̍tam | aka̍rta ca̱tura̱ḥ puna̍ḥ || 1.020.06 ||

Mandala : 1

Sukta : 20

Suktam :   6



ते नो॒ रत्ना॑नि धत्तन॒ त्रिरा साप्ता॑नि सुन्व॒ते । एक॑मेकं सुश॒स्तिभिः॑ ॥ १.२०.०७ ॥
te no̱ ratnā̍ni dhattana̱ trirā sāptā̍ni sunva̱te | eka̍mekaṁ suśa̱stibhi̍ḥ || 1.020.07 ||

Mandala : 1

Sukta : 20

Suktam :   7



अधा॑रयन्त॒ वह्न॒योऽभ॑जन्त सुकृ॒त्यया॑ । भा॒गं दे॒वेषु॑ य॒ज्ञिय॑म् ॥ १.२०.०८ ॥
adhā̍rayanta̱ vahna̱yo'bha̍janta sukṛ̱tyayā̍ | bhā̱gaṁ de̱veṣu̍ ya̱jñiya̍m || 1.020.08 ||

Mandala : 1

Sukta : 20

Suktam :   8


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In