Rig Veda

Mandala 83

Sukta 83


This overlay will guide you through the buttons:

अ संस्कृत्म
A English

अश्वा॑वति प्रथ॒मो गोषु॑ गच्छति सुप्रा॒वीरि॑न्द्र॒ मर्त्य॒स्तवो॒तिभिः॑ । तमित्पृ॑णक्षि॒ वसु॑ना॒ भवी॑यसा॒ सिन्धु॒मापो॒ यथा॒भितो॒ विचे॑तसः ॥ १.८३.०१ ॥
aśvā̍vati pratha̱mo goṣu̍ gacchati suprā̱vīri̍ndra̱ martya̱stavo̱tibhi̍ḥ | tamitpṛ̍ṇakṣi̱ vasu̍nā̱ bhavī̍yasā̱ sindhu̱māpo̱ yathā̱bhito̱ vice̍tasaḥ || 1.083.01 ||

Mandala : 1

Sukta : 83

Suktam :   1


आपो॒ न दे॒वीरुप॑ यन्ति हो॒त्रिय॑म॒वः प॑श्यन्ति॒ वित॑तं॒ यथा॒ रजः॑ । प्रा॒चैर्दे॒वासः॒ प्र ण॑यन्ति देव॒युं ब्र॑ह्म॒प्रियं॑ जोषयन्ते व॒रा इ॑व ॥ १.८३.०२ ॥
āpo̱ na de̱vīrupa̍ yanti ho̱triya̍ma̱vaḥ pa̍śyanti̱ vita̍ta̱ṁ yathā̱ raja̍ḥ | prā̱cairde̱vāsa̱ḥ pra ṇa̍yanti deva̱yuṁ bra̍hma̱priya̍ṁ joṣayante va̱rā i̍va || 1.083.02 ||

Mandala : 1

Sukta : 83

Suktam :   2


अधि॒ द्वयो॑रदधा उ॒क्थ्यं॑ वचो॑ य॒तस्रु॑चा मिथु॒ना या स॑प॒र्यतः॑ । असं॑यत्तो व्र॒ते ते॑ क्षेति॒ पुष्य॑ति भ॒द्रा श॒क्तिर्यज॑मानाय सुन्व॒ते ॥ १.८३.०३ ॥
adhi̱ dvayo̍radadhā u̱kthyaṁ1̱̍ vaco̍ ya̱tasru̍cā mithu̱nā yā sa̍pa̱ryata̍ḥ | asa̍ṁyatto vra̱te te̍ kṣeti̱ puṣya̍ti bha̱drā śa̱ktiryaja̍mānāya sunva̱te || 1.083.03 ||

Mandala : 1

Sukta : 83

Suktam :   3


आदङ्गि॑राः प्रथ॒मं द॑धिरे॒ वय॑ इ॒द्धाग्न॑यः॒ शम्या॒ ये सु॑कृ॒त्यया॑ । सर्वं॑ प॒णेः सम॑विन्दन्त॒ भोज॑न॒मश्वा॑वन्तं॒ गोम॑न्त॒मा प॒शुं नरः॑ ॥ १.८३.०४ ॥
ādaṅgi̍rāḥ pratha̱maṁ da̍dhire̱ vaya̍ i̱ddhāgna̍ya̱ḥ śamyā̱ ye su̍kṛ̱tyayā̍ | sarva̍ṁ pa̱ṇeḥ sama̍vindanta̱ bhoja̍na̱maśvā̍vanta̱ṁ goma̍nta̱mā pa̱śuṁ nara̍ḥ || 1.083.04 ||

Mandala : 1

Sukta : 83

Suktam :   4


य॒ज्ञैरथ॑र्वा प्रथ॒मः प॒थस्त॑ते॒ ततः॒ सूर्यो॑ व्रत॒पा वे॒न आज॑नि । आ गा आ॑जदु॒शना॑ का॒व्यः सचा॑ य॒मस्य॑ जा॒तम॒मृतं॑ यजामहे ॥ १.८३.०५ ॥
ya̱jñairatha̍rvā pratha̱maḥ pa̱thasta̍te̱ tata̱ḥ sūryo̍ vrata̱pā ve̱na āja̍ni | ā gā ā̍jadu̱śanā̍ kā̱vyaḥ sacā̍ ya̱masya̍ jā̱tama̱mṛta̍ṁ yajāmahe || 1.083.05 ||

Mandala : 1

Sukta : 83

Suktam :   5


ब॒र्हिर्वा॒ यत्स्व॑प॒त्याय॑ वृ॒ज्यते॒ऽर्को वा॒ श्लोक॑मा॒घोष॑ते दि॒वि । ग्रावा॒ यत्र॒ वद॑ति का॒रुरु॒क्थ्य॑स्तस्येदिन्द्रो॑ अभिपि॒त्वेषु॑ रण्यति ॥ १.८३.०६ ॥
ba̱rhirvā̱ yatsva̍pa̱tyāya̍ vṛ̱jyate̱'rko vā̱ śloka̍mā̱ghoṣa̍te di̱vi | grāvā̱ yatra̱ vada̍ti kā̱ruru̱kthya1̱̍stasyedindro̍ abhipi̱tveṣu̍ raṇyati || 1.083.06 ||

Mandala : 1

Sukta : 83

Suktam :   6

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In