Rig Veda

Mandala 160

Sukta 160


This overlay will guide you through the buttons:

अ संस्कृत्म
A English

ती॒व्रस्या॒भिव॑यसो अ॒स्य पा॑हि सर्वर॒था वि हरी॑ इ॒ह मु॑ञ्च । इन्द्र॒ मा त्वा॒ यज॑मानासो अ॒न्ये नि री॑रम॒न्तुभ्य॑मि॒मे सु॒तासः॑ ॥ १०.१६०.०१ ॥
tīvrasyābhivayaso asya pāhi sarvarathā vi harī iha muñca | indra mā tvā yajamānāso anye ni rīramantubhyamime sutāsaḥ || 10.160.01 ||

Mandala : 10

Sukta : 160

Suktam :   1


तुभ्यं॑ सु॒तास्तुभ्य॑मु॒ सोत्वा॑स॒स्त्वां गिरः॒ श्वात्र्या॒ आ ह्व॑यन्ति । इन्द्रे॒दम॒द्य सव॑नं जुषा॒णो विश्व॑स्य वि॒द्वाँ इ॒ह पा॑हि॒ सोम॑म् ॥ १०.१६०.०२ ॥
tubhyaṃ sutāstubhyamu sotvāsastvāṃ giraḥ śvātryā ā hvayanti | indredamadya savanaṃ juṣāṇo viśvasya vidvāँ iha pāhi somam || 10.160.02 ||

Mandala : 10

Sukta : 160

Suktam :   2


य उ॑श॒ता मन॑सा॒ सोम॑मस्मै सर्वहृ॒दा दे॒वका॑मः सु॒नोति॑ । न गा इन्द्र॒स्तस्य॒ परा॑ ददाति प्रश॒स्तमिच्चारु॑मस्मै कृणोति ॥ १०.१६०.०३ ॥
ya uśatā manasā somamasmai sarvahṛdā devakāmaḥ sunoti | na gā indrastasya parā dadāti praśastamiccārumasmai kṛṇoti || 10.160.03 ||

Mandala : 10

Sukta : 160

Suktam :   3


अनु॑स्पष्टो भवत्ये॒षो अ॑स्य॒ यो अ॑स्मै रे॒वान्न सु॒नोति॒ सोम॑म् । निर॑र॒त्नौ म॒घवा॒ तं द॑धाति ब्रह्म॒द्विषो॑ ह॒न्त्यना॑नुदिष्टः ॥ १०.१६०.०४ ॥
anuspaṣṭo bhavatyeṣo asya yo asmai revānna sunoti somam | niraratnau maghavā taṃ dadhāti brahmadviṣo hantyanānudiṣṭaḥ || 10.160.04 ||

Mandala : 10

Sukta : 160

Suktam :   4


अ॒श्वा॒यन्तो॑ ग॒व्यन्तो॑ वा॒जय॑न्तो॒ हवा॑महे॒ त्वोप॑गन्त॒वा उ॑ । आ॒भूष॑न्तस्ते सुम॒तौ नवा॑यां व॒यमि॑न्द्र त्वा शु॒नं हु॑वेम ॥ १०.१६०.०५ ॥
aśvāyanto gavyanto vājayanto havāmahe tvopagantavā u | ābhūṣantaste sumatau navāyāṃ vayamindra tvā śunaṃ huvema || 10.160.05 ||

Mandala : 10

Sukta : 160

Suktam :   5

Add to Playlist

Practice Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In