Rig Veda

Mandala 10

Sukta 10


This overlay will guide you through the buttons:

अ संस्कृत्म
A English

जो॒हूत्रो॑ अ॒ग्निः प्र॑थ॒मः पि॒तेवे॒ळस्प॒दे मनु॑षा॒ यत्समि॑द्धः । श्रियं॒ वसा॑नो अ॒मृतो॒ विचे॑ता मर्मृ॒जेन्यः॑ श्रव॒स्य१॒ः॑ स वा॒जी ॥ २.०१०.०१ ॥
jo̱hūtro̍ a̱gniḥ pra̍tha̱maḥ pi̱teve̱ḻaspa̱de manu̍ṣā̱ yatsami̍ddhaḥ | śriya̱ṁ vasā̍no a̱mṛto̱ vice̍tā marmṛ̱jenya̍ḥ śrava̱sya1̱̍ḥ sa vā̱jī || 2.010.01 ||

Mandala : 2

Sukta : 10

Suktam :   1


श्रू॒या अ॒ग्निश्चि॒त्रभा॑नु॒र्हवं॑ मे॒ विश्वा॑भिर्गी॒र्भिर॒मृतो॒ विचे॑ताः । श्या॒वा रथं॑ वहतो॒ रोहि॑ता वो॒तारु॒षाह॑ चक्रे॒ विभृ॑त्रः ॥ २.०१०.०२ ॥
śrū̱yā a̱gniści̱trabhā̍nu̱rhava̍ṁ me̱ viśvā̍bhirgī̱rbhira̱mṛto̱ vice̍tāḥ | śyā̱vā ratha̍ṁ vahato̱ rohi̍tā vo̱tāru̱ṣāha̍ cakre̱ vibhṛ̍traḥ || 2.010.02 ||

Mandala : 2

Sukta : 10

Suktam :   2


उ॒त्ता॒नाया॑मजनय॒न्सुषू॑तं॒ भुव॑द॒ग्निः पु॑रु॒पेशा॑सु॒ गर्भः॑ । शिरि॑णायां चिद॒क्तुना॒ महो॑भि॒रप॑रीवृतो वसति॒ प्रचे॑ताः ॥ २.०१०.०३ ॥
u̱ttā̱nāyā̍majanaya̱nsuṣū̍ta̱ṁ bhuva̍da̱gniḥ pu̍ru̱peśā̍su̱ garbha̍ḥ | śiri̍ṇāyāṁ cida̱ktunā̱ maho̍bhi̱rapa̍rīvṛto vasati̱ prace̍tāḥ || 2.010.03 ||

Mandala : 2

Sukta : 10

Suktam :   3


जिघ॑र्म्य॒ग्निं ह॒विषा॑ घृ॒तेन॑ प्रतिक्षि॒यन्तं॒ भुव॑नानि॒ विश्वा॑ । पृ॒थुं ति॑र॒श्चा वय॑सा बृ॒हन्तं॒ व्यचि॑ष्ठ॒मन्नै॑ रभ॒सं दृशा॑नम् ॥ २.०१०.०४ ॥
jigha̍rmya̱gniṁ ha̱viṣā̍ ghṛ̱tena̍ pratikṣi̱yanta̱ṁ bhuva̍nāni̱ viśvā̍ | pṛ̱thuṁ ti̍ra̱ścā vaya̍sā bṛ̱hanta̱ṁ vyaci̍ṣṭha̱mannai̍ rabha̱saṁ dṛśā̍nam || 2.010.04 ||

Mandala : 2

Sukta : 10

Suktam :   4


आ वि॒श्वतः॑ प्र॒त्यञ्चं॑ जिघर्म्यर॒क्षसा॒ मन॑सा॒ तज्जु॑षेत । मर्य॑श्रीः स्पृह॒यद्व॑र्णो अ॒ग्निर्नाभि॒मृशे॑ त॒न्वा॒॑ जर्भु॑राणः ॥ २.०१०.०५ ॥
ā vi̱śvata̍ḥ pra̱tyañca̍ṁ jigharmyara̱kṣasā̱ mana̍sā̱ tajju̍ṣeta | marya̍śrīḥ spṛha̱yadva̍rṇo a̱gnirnābhi̱mṛśe̍ ta̱nvā̱3̱̍ jarbhu̍rāṇaḥ || 2.010.05 ||

Mandala : 2

Sukta : 10

Suktam :   5


ज्ञे॒या भा॒गं स॑हसा॒नो वरे॑ण॒ त्वादू॑तासो मनु॒वद्व॑देम । अनू॑नम॒ग्निं जु॒ह्वा॑ वच॒स्या म॑धु॒पृचं॑ धन॒सा जो॑हवीमि ॥ २.०१०.०६ ॥
jñe̱yā bhā̱gaṁ sa̍hasā̱no vare̍ṇa̱ tvādū̍tāso manu̱vadva̍dema | anū̍nama̱gniṁ ju̱hvā̍ vaca̱syā ma̍dhu̱pṛca̍ṁ dhana̱sā jo̍havīmi || 2.010.06 ||

Mandala : 2

Sukta : 10

Suktam :   6

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In