Rig Veda

Mandala 13

Sukta 13


This overlay will guide you through the buttons:

संस्कृत्म
A English

प्र वो॑ दे॒वाया॒ग्नये॒ बर्हि॑ष्ठमर्चास्मै । गम॑द्दे॒वेभि॒रा स नो॒ यजि॑ष्ठो ब॒र्हिरा स॑दत् ॥ ३.०१३.०१ ॥
pra vo̍ de̱vāyā̱gnaye̱ barhi̍ṣṭhamarcāsmai | gama̍dde̱vebhi̱rā sa no̱ yaji̍ṣṭho ba̱rhirā sa̍dat || 3.013.01 ||

Mandala : 3

Sukta : 13

Suktam :   1



ऋ॒तावा॒ यस्य॒ रोद॑सी॒ दक्षं॒ सच॑न्त ऊ॒तयः॑ । ह॒विष्म॑न्त॒स्तमी॑ळते॒ तं स॑नि॒ष्यन्तोऽव॑से ॥ ३.०१३.०२ ॥
ṛ̱tāvā̱ yasya̱ roda̍sī̱ dakṣa̱ṁ saca̍nta ū̱taya̍ḥ | ha̱viṣma̍nta̱stamī̍ḻate̱ taṁ sa̍ni̱ṣyanto'va̍se || 3.013.02 ||

Mandala : 3

Sukta : 13

Suktam :   2



स य॒न्ता विप्र॑ एषां॒ स य॒ज्ञाना॒मथा॒ हि षः । अ॒ग्निं तं वो॑ दुवस्यत॒ दाता॒ यो वनि॑ता म॒घम् ॥ ३.०१३.०३ ॥
sa ya̱ntā vipra̍ eṣā̱ṁ sa ya̱jñānā̱mathā̱ hi ṣaḥ | a̱gniṁ taṁ vo̍ duvasyata̱ dātā̱ yo vani̍tā ma̱gham || 3.013.03 ||

Mandala : 3

Sukta : 13

Suktam :   3



स नः॒ शर्मा॑णि वी॒तये॒ऽग्निर्य॑च्छतु॒ शंत॑मा । यतो॑ नः प्रु॒ष्णव॒द्वसु॑ दि॒वि क्षि॒तिभ्यो॑ अ॒प्स्वा ॥ ३.०१३.०४ ॥
sa na̱ḥ śarmā̍ṇi vī̱taye̱'gnirya̍cchatu̱ śaṁta̍mā | yato̍ naḥ pru̱ṣṇava̱dvasu̍ di̱vi kṣi̱tibhyo̍ a̱psvā || 3.013.04 ||

Mandala : 3

Sukta : 13

Suktam :   4



दी॒दि॒वांस॒मपू॑र्व्यं॒ वस्वी॑भिरस्य धी॒तिभिः॑ । ऋक्वा॑णो अ॒ग्निमि॑न्धते॒ होता॑रं वि॒श्पतिं॑ वि॒शाम् ॥ ३.०१३.०५ ॥
dī̱di̱vāṁsa̱mapū̍rvya̱ṁ vasvī̍bhirasya dhī̱tibhi̍ḥ | ṛkvā̍ṇo a̱gnimi̍ndhate̱ hotā̍raṁ vi̱śpati̍ṁ vi̱śām || 3.013.05 ||

Mandala : 3

Sukta : 13

Suktam :   5



उ॒त नो॒ ब्रह्म॑न्नविष उ॒क्थेषु॑ देव॒हूत॑मः । शं नः॑ शोचा म॒रुद्वृ॒धोऽग्ने॑ सहस्र॒सात॑मः ॥ ३.०१३.०६ ॥
u̱ta no̱ brahma̍nnaviṣa u̱ktheṣu̍ deva̱hūta̍maḥ | śaṁ na̍ḥ śocā ma̱rudvṛ̱dho'gne̍ sahasra̱sāta̍maḥ || 3.013.06 ||

Mandala : 3

Sukta : 13

Suktam :   6



नू नो॑ रास्व स॒हस्र॑वत्तो॒कव॑त्पुष्टि॒मद्वसु॑ । द्यु॒मद॑ग्ने सु॒वीर्यं॒ वर्षि॑ष्ठ॒मनु॑पक्षितम् ॥ ३.०१३.०७ ॥
nū no̍ rāsva sa̱hasra̍vatto̱kava̍tpuṣṭi̱madvasu̍ | dyu̱mada̍gne su̱vīrya̱ṁ varṣi̍ṣṭha̱manu̍pakṣitam || 3.013.07 ||

Mandala : 3

Sukta : 13

Suktam :   7


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In