Rig Veda

Mandala 21

Sukta 21


This overlay will guide you through the buttons:

संस्कृत्म
A English

इ॒मं नो॑ य॒ज्ञम॒मृते॑षु धेही॒मा ह॒व्या जा॑तवेदो जुषस्व । स्तो॒काना॑मग्ने॒ मेद॑सो घृ॒तस्य॒ होतः॒ प्राशा॑न प्रथ॒मो नि॒षद्य॑ ॥ ३.०२१.०१ ॥
i̱maṁ no̍ ya̱jñama̱mṛte̍ṣu dhehī̱mā ha̱vyā jā̍tavedo juṣasva | sto̱kānā̍magne̱ meda̍so ghṛ̱tasya̱ hota̱ḥ prāśā̍na pratha̱mo ni̱ṣadya̍ || 3.021.01 ||

Mandala : 3

Sukta : 21

Suktam :   1



घृ॒तव॑न्तः पावक ते स्तो॒काः श्चो॑तन्ति॒ मेद॑सः । स्वध॑र्मन्दे॒ववी॑तये॒ श्रेष्ठं॑ नो धेहि॒ वार्य॑म् ॥ ३.०२१.०२ ॥
ghṛ̱tava̍ntaḥ pāvaka te sto̱kāḥ śco̍tanti̱ meda̍saḥ | svadha̍rmande̱vavī̍taye̱ śreṣṭha̍ṁ no dhehi̱ vārya̍m || 3.021.02 ||

Mandala : 3

Sukta : 21

Suktam :   2



तुभ्यं॑ स्तो॒का घृ॑त॒श्चुतोऽग्ने॒ विप्रा॑य सन्त्य । ऋषिः॒ श्रेष्ठः॒ समि॑ध्यसे य॒ज्ञस्य॑ प्रावि॒ता भ॑व ॥ ३.०२१.०३ ॥
tubhya̍ṁ sto̱kā ghṛ̍ta̱ścuto'gne̱ viprā̍ya santya | ṛṣi̱ḥ śreṣṭha̱ḥ sami̍dhyase ya̱jñasya̍ prāvi̱tā bha̍va || 3.021.03 ||

Mandala : 3

Sukta : 21

Suktam :   3



तुभ्यं॑ श्चोतन्त्यध्रिगो शचीवः स्तो॒कासो॑ अग्ने॒ मेद॑सो घृ॒तस्य॑ । क॒वि॒श॒स्तो बृ॑ह॒ता भा॒नुनागा॑ ह॒व्या जु॑षस्व मेधिर ॥ ३.०२१.०४ ॥
tubhya̍ṁ ścotantyadhrigo śacīvaḥ sto̱kāso̍ agne̱ meda̍so ghṛ̱tasya̍ | ka̱vi̱śa̱sto bṛ̍ha̱tā bhā̱nunāgā̍ ha̱vyā ju̍ṣasva medhira || 3.021.04 ||

Mandala : 3

Sukta : 21

Suktam :   4



ओजि॑ष्ठं ते मध्य॒तो मेद॒ उद्भृ॑तं॒ प्र ते॑ व॒यं द॑दामहे । श्चोत॑न्ति ते वसो स्तो॒का अधि॑ त्व॒चि प्रति॒ तान्दे॑व॒शो वि॑हि ॥ ३.०२१.०५ ॥
oji̍ṣṭhaṁ te madhya̱to meda̱ udbhṛ̍ta̱ṁ pra te̍ va̱yaṁ da̍dāmahe | ścota̍nti te vaso sto̱kā adhi̍ tva̱ci prati̱ tānde̍va̱śo vi̍hi || 3.021.05 ||

Mandala : 3

Sukta : 21

Suktam :   5


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In