Rig Veda

Mandala 37

Sukta 37


This overlay will guide you through the buttons:

अ संस्कृत्म
A English

अ॒र्वाग्रथं॑ वि॒श्ववा॑रं त उ॒ग्रेन्द्र॑ यु॒क्तासो॒ हर॑यो वहन्तु । की॒रिश्चि॒द्धि त्वा॒ हव॑ते॒ स्व॑र्वानृधी॒महि॑ सध॒माद॑स्ते अ॒द्य ॥ ६.०३७.०१ ॥
arvāgrathaṃ viśvavāraṃ ta ugrendra yuktāso harayo vahantu | kīriściddhi tvā havate svarvānṛdhīmahi sadhamādaste adya || 6.037.01 ||

Mandala : 6

Sukta : 37

Suktam :   1


प्रो द्रोणे॒ हर॑यः॒ कर्मा॑ग्मन्पुना॒नास॒ ऋज्य॑न्तो अभूवन् । इन्द्रो॑ नो अ॒स्य पू॒र्व्यः प॑पीयाद्द्यु॒क्षो मद॑स्य सो॒म्यस्य॒ राजा॑ ॥ ६.०३७.०२ ॥
pro droṇe harayaḥ karmāgmanpunānāsa ṛjyanto abhūvan | indro no asya pūrvyaḥ papīyāddyukṣo madasya somyasya rājā || 6.037.02 ||

Mandala : 6

Sukta : 37

Suktam :   2


आ॒स॒स्रा॒णासः॑ शवसा॒नमच्छेन्द्रं॑ सुच॒क्रे र॒थ्या॑सो॒ अश्वाः॑ । अ॒भि श्रव॒ ऋज्य॑न्तो वहेयु॒र्नू चि॒न्नु वा॒योर॒मृतं॒ वि द॑स्येत् ॥ ६.०३७.०३ ॥
āsasrāṇāsaḥ śavasānamacchendraṃ sucakre rathyāso aśvāḥ | abhi śrava ṛjyanto vaheyurnū cinnu vāyoramṛtaṃ vi dasyet || 6.037.03 ||

Mandala : 6

Sukta : 37

Suktam :   3


वरि॑ष्ठो अस्य॒ दक्षि॑णामिय॒र्तीन्द्रो॑ म॒घोनां॑ तुविकू॒र्मित॑मः । यया॑ वज्रिवः परि॒यास्यंहो॑ म॒घा च॑ धृष्णो॒ दय॑से॒ वि सू॒रीन् ॥ ६.०३७.०४ ॥
variṣṭho asya dakṣiṇāmiyartīndro maghonāṃ tuvikūrmitamaḥ | yayā vajrivaḥ pariyāsyaṃho maghā ca dhṛṣṇo dayase vi sūrīn || 6.037.04 ||

Mandala : 6

Sukta : 37

Suktam :   4


इन्द्रो॒ वाज॑स्य॒ स्थवि॑रस्य दा॒तेन्द्रो॑ गी॒र्भिर्व॑र्धतां वृ॒द्धम॑हाः । इन्द्रो॑ वृ॒त्रं हनि॑ष्ठो अस्तु॒ सत्वा ता सू॒रिः पृ॑णति॒ तूतु॑जानः ॥ ६.०३७.०५ ॥
indro vājasya sthavirasya dātendro gīrbhirvardhatāṃ vṛddhamahāḥ | indro vṛtraṃ haniṣṭho astu satvā tā sūriḥ pṛṇati tūtujānaḥ || 6.037.05 ||

Mandala : 6

Sukta : 37

Suktam :   5

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In