Rig Veda

Mandala 71

Sukta 71


This overlay will guide you through the buttons:

संस्कृत्म
A English

अप॒ स्वसु॑रु॒षसो॒ नग्जि॑हीते रि॒णक्ति॑ कृ॒ष्णीर॑रु॒षाय॒ पन्था॑म् । अश्वा॑मघा॒ गोम॑घा वां हुवेम॒ दिवा॒ नक्तं॒ शरु॑म॒स्मद्यु॑योतम् ॥ ७.०७१.०१ ॥
apa svasuruṣaso nagjihīte riṇakti kṛṣṇīraruṣāya panthām | aśvāmaghā gomaghā vāṃ huvema divā naktaṃ śarumasmadyuyotam || 7.071.01 ||

Mandala : 7

Sukta : 71

Suktam :   1



उ॒पाया॑तं दा॒शुषे॒ मर्त्या॑य॒ रथे॑न वा॒मम॑श्विना॒ वह॑न्ता । यु॒यु॒तम॒स्मदनि॑रा॒ममी॑वां॒ दिवा॒ नक्तं॑ माध्वी॒ त्रासी॑थां नः ॥ ७.०७१.०२ ॥
upāyātaṃ dāśuṣe martyāya rathena vāmamaśvinā vahantā | yuyutamasmadanirāmamīvāṃ divā naktaṃ mādhvī trāsīthāṃ naḥ || 7.071.02 ||

Mandala : 7

Sukta : 71

Suktam :   2



आ वां॒ रथ॑मव॒मस्यां॒ व्यु॑ष्टौ सुम्ना॒यवो॒ वृष॑णो वर्तयन्तु । स्यूम॑गभस्तिमृत॒युग्भि॒रश्वै॒राश्वि॑ना॒ वसु॑मन्तं वहेथाम् ॥ ७.०७१.०३ ॥
ā vāṃ rathamavamasyāṃ vyuṣṭau sumnāyavo vṛṣaṇo vartayantu | syūmagabhastimṛtayugbhiraśvairāśvinā vasumantaṃ vahethām || 7.071.03 ||

Mandala : 7

Sukta : 71

Suktam :   3



यो वां॒ रथो॑ नृपती॒ अस्ति॑ वो॒ळ्हा त्रि॑वन्धु॒रो वसु॑माँ उ॒स्रया॑मा । आ न॑ ए॒ना ना॑स॒त्योप॑ यातम॒भि यद्वां॑ वि॒श्वप्स्न्यो॒ जिगा॑ति ॥ ७.०७१.०४ ॥
yo vāṃ ratho nṛpatī asti voळ्hā trivandhuro vasumāँ usrayāmā | ā na enā nāsatyopa yātamabhi yadvāṃ viśvapsnyo jigāti || 7.071.04 ||

Mandala : 7

Sukta : 71

Suktam :   4



यु॒वं च्यवा॑नं ज॒रसो॑ऽमुमुक्तं॒ नि पे॒दव॑ ऊहथुरा॒शुमश्व॑म् । निरंह॑स॒स्तम॑सः स्पर्त॒मत्रिं॒ नि जा॑हु॒षं शि॑थि॒रे धा॑तम॒न्तः ॥ ७.०७१.०५ ॥
yuvaṃ cyavānaṃ jaraso'mumuktaṃ ni pedava ūhathurāśumaśvam | niraṃhasastamasaḥ spartamatriṃ ni jāhuṣaṃ śithire dhātamantaḥ || 7.071.05 ||

Mandala : 7

Sukta : 71

Suktam :   5



इ॒यं म॑नी॒षा इ॒यम॑श्विना॒ गीरि॒मां सु॑वृ॒क्तिं वृ॑षणा जुषेथाम् । इ॒मा ब्रह्मा॑णि युव॒यून्य॑ग्मन्यू॒यं पा॑त स्व॒स्तिभिः॒ सदा॑ नः ॥ ७.०७१.०६ ॥
iyaṃ manīṣā iyamaśvinā gīrimāṃ suvṛktiṃ vṛṣaṇā juṣethām | imā brahmāṇi yuvayūnyagmanyūyaṃ pāta svastibhiḥ sadā naḥ || 7.071.06 ||

Mandala : 7

Sukta : 71

Suktam :   6


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In