Rig Veda

Mandala 95

Sukta 95


This overlay will guide you through the buttons:

संस्कृत्म
A English

प्र क्षोद॑सा॒ धाय॑सा सस्र ए॒षा सर॑स्वती ध॒रुण॒माय॑सी॒ पूः । प्र॒बाब॑धाना र॒थ्ये॑व याति॒ विश्वा॑ अ॒पो म॑हि॒ना सिन्धु॑र॒न्याः ॥ ७.०९५.०१ ॥
pra kṣodasā dhāyasā sasra eṣā sarasvatī dharuṇamāyasī pūḥ | prabābadhānā rathyeva yāti viśvā apo mahinā sindhuranyāḥ || 7.095.01 ||

Mandala : 7

Sukta : 95

Suktam :   1



एका॑चेत॒त्सर॑स्वती न॒दीनां॒ शुचि॑र्य॒ती गि॒रिभ्य॒ आ स॑मु॒द्रात् । रा॒यश्चेत॑न्ती॒ भुव॑नस्य॒ भूरे॑र्घृ॒तं पयो॑ दुदुहे॒ नाहु॑षाय ॥ ७.०९५.०२ ॥
ekācetatsarasvatī nadīnāṃ śuciryatī giribhya ā samudrāt | rāyaścetantī bhuvanasya bhūrerghṛtaṃ payo duduhe nāhuṣāya || 7.095.02 ||

Mandala : 7

Sukta : 95

Suktam :   2



स वा॑वृधे॒ नर्यो॒ योष॑णासु॒ वृषा॒ शिशु॑र्वृष॒भो य॒ज्ञिया॑सु । स वा॒जिनं॑ म॒घव॑द्भ्यो दधाति॒ वि सा॒तये॑ त॒न्वं॑ मामृजीत ॥ ७.०९५.०३ ॥
sa vāvṛdhe naryo yoṣaṇāsu vṛṣā śiśurvṛṣabho yajñiyāsu | sa vājinaṃ maghavadbhyo dadhāti vi sātaye tanvaṃ māmṛjīta || 7.095.03 ||

Mandala : 7

Sukta : 95

Suktam :   3



उ॒त स्या नः॒ सर॑स्वती जुषा॒णोप॑ श्रवत्सु॒भगा॑ य॒ज्णे अ॒स्मिन् । मि॒तज्ञु॑भिर्नम॒स्यै॑रिया॒ना रा॒या यु॒जा चि॒दुत्त॑रा॒ सखि॑भ्यः ॥ ७.०९५.०४ ॥
uta syā naḥ sarasvatī juṣāṇopa śravatsubhagā yajṇe asmin | mitajñubhirnamasyairiyānā rāyā yujā ciduttarā sakhibhyaḥ || 7.095.04 ||

Mandala : 7

Sukta : 95

Suktam :   4



इ॒मा जुह्वा॑ना यु॒ष्मदा नमो॑भिः॒ प्रति॒ स्तोमं॑ सरस्वति जुषस्व । तव॒ शर्म॑न्प्रि॒यत॑मे॒ दधा॑ना॒ उप॑ स्थेयाम शर॒णं न वृ॒क्षम् ॥ ७.०९५.०५ ॥
imā juhvānā yuṣmadā namobhiḥ prati stomaṃ sarasvati juṣasva | tava śarmanpriyatame dadhānā upa stheyāma śaraṇaṃ na vṛkṣam || 7.095.05 ||

Mandala : 7

Sukta : 95

Suktam :   5



अ॒यमु॑ ते सरस्वति॒ वसि॑ष्ठो॒ द्वारा॑वृ॒तस्य॑ सुभगे॒ व्या॑वः । वर्ध॑ शुभ्रे स्तुव॒ते रा॑सि॒ वाजा॑न्यू॒यं पा॑त स्व॒स्तिभिः॒ सदा॑ नः ॥ ७.०९५.०६ ॥
ayamu te sarasvati vasiṣṭho dvārāvṛtasya subhage vyāvaḥ | vardha śubhre stuvate rāsi vājānyūyaṃ pāta svastibhiḥ sadā naḥ || 7.095.06 ||

Mandala : 7

Sukta : 95

Suktam :   6


Add to Playlist

Read Later

No Playlist Found

Mudra Cost :

Create a Verse Post


namo namaḥ!

भाषा चुने (Choose Language)

Gyaandweep Gyaandweep

namo namaḥ!

Sign Up to explore more than 35 Vedic Scriptures, one verse at a time.

Login to track your learning and teaching progress.


Sign In