| |
|

This overlay will guide you through the buttons:

Sukta Begins
अथद्वात्रिंशोऽध्यायः.
athadvātriṃśo'dhyāyaḥ.
Shloka 1
प्रकीर्णकम्.
अतःपरं प्रवक्ष्यामि ज्येष्ठायामुत्सवक्रमं । ज्येष्ठे मासि तु संप्राप्ते ज्येष्ठानक्षत्र संयुते ॥ ३२.१ ॥
ataḥparaṃ pravakṣyāmi jyeṣṭhāyāmutsavakramaṃ . jyeṣṭhe māsi tu saṃprāpte jyeṣṭhānakṣatra saṃyute .. 32.1 ..
Shloka 2
विष्णोरेव विशेषस्स्यात्सुगन्धं तैलमाहरेथ् । तैलक्रमं प्रवक्ष्यामि श्रुणुध्वं मुनिपुङ्गवाः ॥ ३२.२ ॥
viṣṇoreva viśeṣassyātsugandhaṃ tailamāhareth . tailakramaṃ pravakṣyāmi śruṇudhvaṃ munipuṅgavāḥ .. 32.2 ..
Shloka 3
यागशालां प्रकल्प्यैव सर्वालङ्कालसंयुतां । सभ्यं च पैण्डरीकं च कारयित्वा सलक्षणं ॥ ३२.३ ॥
yāgaśālāṃ prakalpyaiva sarvālaṅkālasaṃyutāṃ . sabhyaṃ ca paiṇḍarīkaṃ ca kārayitvā salakṣaṇaṃ .. 32.3 ..
Shloka 4
तद्दिनस्य तु पूर्वेद्युस्तृतीये पञ्चमेऽपि वा । सप्तमेऽहनि वा चापि अङ्कुरार्पणमाचरेथ् ॥ ३२.४ ॥
taddinasya tu pūrvedyustṛtīye pañcame'pi vā . saptame'hani vā cāpi aṅkurārpaṇamācareth .. 32.4 ..
Shloka 5
आघारं विधिवत्कृत्वा सर्वकार्यमदः परं । वेद्यास्तथोत्तरे पार्श्वे भूम्यामपटमाचरेथ् ॥ ३२.५ ॥
āghāraṃ vidhivatkṛtvā sarvakāryamadaḥ paraṃ . vedyāstathottare pārśve bhūmyāmapaṭamācareth .. 32.5 ..
Shloka 6
चतुस्तालप्रमाणेव विस्तारं निम्नमेव च । निम्नेतु विन्यसेद्भाण्डं द्विद्रोणपरिमाणकं ॥ ३२.६ ॥
catustālapramāṇeva vistāraṃ nimnameva ca . nimnetu vinyasedbhāṇḍaṃ dvidroṇaparimāṇakaṃ .. 32.6 ..
Shloka 7
भूः प्रतिऽऽ ष्ठेति मन्त्रेण निम्ने भाण्डं सुनिक्षिपेथ् । मलयागुरुदारूणि देवदारु तथैव च ॥ ३२.७ ॥
bhūḥ prati'' ṣṭheti mantreṇa nimne bhāṇḍaṃ sunikṣipeth . malayāgurudārūṇi devadāru tathaiva ca .. 32.7 ..
Shloka 8
यानि चात्र सुगन्धीनि देवयोग्यानि तानि वै । गुग्गुलं च समाहृत्य मर्दयित्वासकृत्सकृथ् ॥ ३२.८ ॥
yāni cātra sugandhīni devayogyāni tāni vai . guggulaṃ ca samāhṛtya mardayitvāsakṛtsakṛth .. 32.8 ..
Shloka 9
विष्णुऽगायत्रिया भाण्डे तानि द्रव्याणि निक्षिवेथ् । शरावेण पिधायाथ मृदा च परिलेपयेथ् ॥ ३२.९ ॥
viṣṇu'gāyatriyā bhāṇḍe tāni dravyāṇi nikṣiveth . śarāveṇa pidhāyātha mṛdā ca parilepayeth .. 32.9 ..
Shloka 10
गोकरीषाणि काष्ठानि तस्योपरि विनिक्षिपेथ् । मन्दाग्निना पचेत्तत्तु यावत्तैलागमं भवेथ् ॥ ३२.१० ॥
gokarīṣāṇi kāṣṭhāni tasyopari vinikṣipeth . mandāgninā pacettattu yāvattailāgamaṃ bhaveth .. 32.10 ..
Shloka 11
तावत्कालं पचेद्विद्वान्तैलमाहृत्य संभृतं । वासितानि तु वस्तूनि परिहृत्य तु तत्र वै ॥ ३२.११ ॥
tāvatkālaṃ pacedvidvāntailamāhṛtya saṃbhṛtaṃ . vāsitāni tu vastūni parihṛtya tu tatra vai .. 32.11 ..
Shloka 12
सुगन्धिदैलभाण्डं च ध्यान्यपीठोपरि न्यसेथ् । पूर्वोक्तेनैव मन्त्रेण तन्तुना परिवेष्टयेथ् ॥ ३२.१२ ॥
sugandhidailabhāṇḍaṃ ca dhyānyapīṭhopari nyaseth . pūrvoktenaiva mantreṇa tantunā pariveṣṭayeth .. 32.12 ..
Shloka 13
पितॄन्सोमं तथाभ्यर्च्य वनत्पतिमतः परं । तैले तस्मिन्विधानेन अर्घ्यान्तमभिपूजयेथ् ॥ ३२.१३ ॥
pitṝnsomaṃ tathābhyarcya vanatpatimataḥ paraṃ . taile tasminvidhānena arghyāntamabhipūjayeth .. 32.13 ..
Shloka 14
वैष्णवं विष्णुसूक्तं च नरसूक्तं तथैव च । जप्त्वातु विष्णुगायत्रीमष्टोत्तरसहस्रकं ॥ ३२.१४ ॥
vaiṣṇavaṃ viṣṇusūktaṃ ca narasūktaṃ tathaiva ca . japtvātu viṣṇugāyatrīmaṣṭottarasahasrakaṃ .. 32.14 ..
Shloka 15
आचार्यस्त्वरितो गत्वा सभ्याग्नेस्तु समीपतः । द्वितालविस्तृतं वृत्तं चतुरङ्गुलमुन्नतं ॥ ३२.१५ ॥
ācāryastvarito gatvā sabhyāgnestu samīpataḥ . dvitālavistṛtaṃ vṛttaṃ caturaṅgulamunnataṃ .. 32.15 ..
Shloka 16
कूर्माकृतिवदाकारं बिल्वाद्यैः परिकल्पितं ॥ ३२.१६ ॥
kūrmākṛtivadākāraṃ bilvādyaiḥ parikalpitaṃ .. 32.16 ..
Shloka 17
प्रतिष्ठायामुत्सवे च जपहोमार्चनादिषु । देवकार्येषु सर्वेषु तथान्येषु च कर्मसु ॥ ३२.१७ ॥
pratiṣṭhāyāmutsave ca japahomārcanādiṣu . devakāryeṣu sarveṣu tathānyeṣu ca karmasu .. 32.17 ..
Shloka 18
कूर्मपीठं तु गृह्णीयादन्यथा निष्फलं भवेथ् । असीनः कूर्मपीठे तु सभ्याग्नौ जुहुयात्तथा ॥ ३२.१८ ॥
kūrmapīṭhaṃ tu gṛhṇīyādanyathā niṣphalaṃ bhaveth . asīnaḥ kūrmapīṭhe tu sabhyāgnau juhuyāttathā .. 32.18 ..
Shloka 19
वैष्णवं विष्णुसूक्तं च नरसूक्तं तथेव च । जुहुयात्सर्वदैवत्यं पारमात्मिकमेव च ॥ ३२.१९ ॥
vaiṣṇavaṃ viṣṇusūktaṃ ca narasūktaṃ tatheva ca . juhuyātsarvadaivatyaṃ pāramātmikameva ca .. 32.19 ..
Shloka 20
महाव्याहृतिभिर्हुत्वा अन्तहोमं समाचरेथ् । प्रणिध्यां शङ्खपात्रे वा अग्निमारोपयेत्सुधीः? ॥ ३२.२० ॥
mahāvyāhṛtibhirhutvā antahomaṃ samācareth . praṇidhyāṃ śaṅkhapātre vā agnimāropayetsudhīḥ? .. 32.20 ..
Shloka 21
तैलस्यालेपनात्पूर्वं ध्रुवादग्निं समाहरेथ् । स्रग्वस्त्रकुण्डलाद्यैश्च आचार्यं पूजयेत्ततः ॥ ३२.२१ ॥
tailasyālepanātpūrvaṃ dhruvādagniṃ samāhareth . sragvastrakuṇḍalādyaiśca ācāryaṃ pūjayettataḥ .. 32.21 ..
Shloka 22
परिचारकमाहूय यथार्हं पूज्य तं ततः । उष्णीषं धारयित्वातं परिचारकमूर्धनि ॥ ३२.२२ ॥
paricārakamāhūya yathārhaṃ pūjya taṃ tataḥ . uṣṇīṣaṃ dhārayitvātaṃ paricārakamūrdhani .. 32.22 ..
Shloka 23
सुगन्धितैलभाण्डं तु यत्नेनापि विनिक्षिपेथ् । शनैश्सनैश्च गत्वा तु सर्ववाद्यसमन्वितं ॥ ३२.२३ ॥
sugandhitailabhāṇḍaṃ tu yatnenāpi vinikṣipeth . śanaiśsanaiśca gatvā tu sarvavādyasamanvitaṃ .. 32.23 ..
Shloka 24
सर्वालङ्कारसंयुक्तं ब्रह्मघोषसमन्वितं । वीथिं प्रदक्षिणीकृत्य देवस्याग्रेतु निक्षिपेथ् ॥ ३२.२४ ॥
sarvālaṅkārasaṃyuktaṃ brahmaghoṣasamanvitaṃ . vīthiṃ pradakṣiṇīkṛtya devasyāgretu nikṣipeth .. 32.24 ..
Shloka 25
अर्घ्यान्तमभिपूज्यैव देवेशं संप्रणम्य च । वैष्णवं विष्णुसूक्तं च नरसूक्तं जपेत्क्रमाथ् ॥ ३२.२५ ॥
arghyāntamabhipūjyaiva deveśaṃ saṃpraṇamya ca . vaiṣṇavaṃ viṣṇusūktaṃ ca narasūktaṃ japetkramāth .. 32.25 ..
Shloka 26
तैलेनालेपयेद्देवमाचार्य स्त्वरितस्तथा । देवीभ्यां च ततः पश्चात्तत्तन्मन्त्रेण लेपयेथ् ॥ ३२.२६ ॥
tailenālepayeddevamācārya stvaritastathā . devībhyāṃ ca tataḥ paścāttattanmantreṇa lepayeth .. 32.26 ..
Shloka 27
सर्वेषां परिवाराणां तत्तन्मन्त्रैश्च कारयेथ् । आचार्यस्त्वरितोगत्वा चौत्सवस्य समीपतः ॥ ३२.२७ ॥
sarveṣāṃ parivārāṇāṃ tattanmantraiśca kārayeth . ācāryastvaritogatvā cautsavasya samīpataḥ .. 32.27 ..
Shloka 28
परिलिखितऽमिति मन्त्रेण कवचं परिशोधयेथ् । जीर्णे भिन्ने च कवचे शिल्पिनैन सुसन्नयेथ् ॥ ३२.२८ ॥
parilikhita'miti mantreṇa kavacaṃ pariśodhayeth . jīrṇe bhinne ca kavace śilpinaina susannayeth .. 32.28 ..
Shloka 29
प्रक्षाल्य पञ्चगव्येन जलेन परिशोधयेथ् । कृत्वापि वास्तुशुद्धिं च यथोक्तां निष्कृतिं चरेथ् ॥ ३२.२९ ॥
prakṣālya pañcagavyena jalena pariśodhayeth . kṛtvāpi vāstuśuddhiṃ ca yathoktāṃ niṣkṛtiṃ careth .. 32.29 ..
Shloka 30
विष्णोर्नुकादिमन्त्रैश्च संदध्यात्कवचं तथा । दृढीकृत्य तु पूर्वोक्तं यत्नेन परिकल्पयेथ् ॥ ३२.३० ॥
viṣṇornukādimantraiśca saṃdadhyātkavacaṃ tathā . dṛḍhīkṛtya tu pūrvoktaṃ yatnena parikalpayeth .. 32.30 ..
Shloka 31
सहस्रकलशैर्देवं स्नापयित्वा यथाविधे । नित्यपूजाविधानेन देवमाराध्य पूर्ववथ् ॥ ३२.३१ ॥
sahasrakalaśairdevaṃ snāpayitvā yathāvidhe . nityapūjāvidhānena devamārādhya pūrvavath .. 32.31 ..
Shloka 32
महाहविःप्रभूतं वा पायसं च निवेदयेथ् । क्षमस्वेऽऽति वदन्भूयः प्रणमेत्पुरुषोत्तमं ॥ ३२.३२ ॥
mahāhaviḥprabhūtaṃ vā pāyasaṃ ca nivedayeth . kṣamasve''ti vadanbhūyaḥ praṇametpuruṣottamaṃ .. 32.32 ..
Shloka 33
ब्रह्मघोषं ततः कुर्याद्दद्यादाचार्यदक्षिणां । दिने पक्षे च मासे च तथा संनत्सरे चरेथ् ॥ ३२.३३ ॥
brahmaghoṣaṃ tataḥ kuryāddadyādācāryadakṣiṇāṃ . dine pakṣe ca māse ca tathā saṃnatsare careth .. 32.33 ..
Shloka 34
यद्यद्रूपं तथाध्यायेत्तत्तद्बिंबेषु योजयेथ् । तस्मात्सर्वप्रयत्नेन बिंबरक्षां समाचरेथ् ॥ ३२.३४ ॥
yadyadrūpaṃ tathādhyāyettattadbiṃbeṣu yojayeth . tasmātsarvaprayatnena biṃbarakṣāṃ samācareth .. 32.34 ..
Shloka 35
पवित्रारोपणम्
अथ वक्ष्ये विशेषण पवित्रारोपणं हरेः ॥ ३२.३५ ॥
atha vakṣye viśeṣaṇa pavitrāropaṇaṃ hareḥ .. 32.35 ..
Shloka 36
सर्वदोषोपशमनं सर्वयज्ञफलप्रदं । सर्वकामप्रदं चैव सर्वतुष्टिकरं परं ॥ ३२.३६ ॥
sarvadoṣopaśamanaṃ sarvayajñaphalapradaṃ . sarvakāmapradaṃ caiva sarvatuṣṭikaraṃ paraṃ .. 32.36 ..
Shloka 37
सर्वलोकस्य वृद्ध्यर्थं सर्वलोकस्य शान्तिदं । यद्यन्मन्त्रक्रियाहीनं द्रव्यहीनं च यत्कृतं ॥ ३२.३७ ॥
sarvalokasya vṛddhyarthaṃ sarvalokasya śāntidaṃ . yadyanmantrakriyāhīnaṃ dravyahīnaṃ ca yatkṛtaṃ .. 32.37 ..
Shloka 38
तद्दोषशमनायैव पवित्रारोपणं चरेथ् । पवित्रारोपणे हीने या पूजा निष्फला भवेथ् ॥ ३२.३८ ॥
taddoṣaśamanāyaiva pavitrāropaṇaṃ careth . pavitrāropaṇe hīne yā pūjā niṣphalā bhaveth .. 32.38 ..
Shloka 39
संक्षोभो जायते तत्र तस्माद्यत्नेन कारयेथ् । आषाढे श्रावणे मासि प्रोष्ठपद्यां विशेषतः ॥ ३२.३९ ॥
saṃkṣobho jāyate tatra tasmādyatnena kārayeth . āṣāḍhe śrāvaṇe māsi proṣṭhapadyāṃ viśeṣataḥ .. 32.39 ..
Shloka 40
द्वादश्यां शुक्लपक्षे तु विष्णुपञ्चदिनेऽथ वा । संसर्पमधिमासं च तिथिवारं च शून्यकं ॥ ३२.४० ॥
dvādaśyāṃ śuklapakṣe tu viṣṇupañcadine'tha vā . saṃsarpamadhimāsaṃ ca tithivāraṃ ca śūnyakaṃ .. 32.40 ..
Shloka 41
दशम्येकादशीमिश्रं तद्दिनं च विवर्जयेथ् । हरितिथ्यां च निर्दुष्टे पवित्रारोपणं शुभं ॥ ३२.४१ ॥
daśamyekādaśīmiśraṃ taddinaṃ ca vivarjayeth . haritithyāṃ ca nirduṣṭe pavitrāropaṇaṃ śubhaṃ .. 32.41 ..
Shloka 42
नवाहं वाथ सप्ताहं पञ्चाहमथ वा त्षहं । उक्तलक्षणसंपन्नमाचार्यं वरयेत्क्रमाथ् ॥ ३२.४२ ॥
navāhaṃ vātha saptāhaṃ pañcāhamatha vā tṣahaṃ . uktalakṣaṇasaṃpannamācāryaṃ varayetkramāth .. 32.42 ..
Shloka 43
ऋत्विजो वरयेत्तद्वच्छिष्यांश्च वरयेत्ततः । तद्दिनात्पूर्वरात्रौ तु देवेशं प्रार्थयेद्गुरुः ॥ ३२.४३ ॥
ṛtvijo varayettadvacchiṣyāṃśca varayettataḥ . taddinātpūrvarātrau tu deveśaṃ prārthayedguruḥ .. 32.43 ..
Shloka 44
भगवतो बलेऽऽनेति प्रोच्य नम्राङ्गस्सुसमाहितः । पाद्याद्यैश्च विशेषेण देवमभ्यर्च्य सत्वरः ॥ ३२.४४ ॥
bhagavato bale''neti procya namrāṅgassusamāhitaḥ . pādyādyaiśca viśeṣeṇa devamabhyarcya satvaraḥ .. 32.44 ..
Shloka 45
प्रार्थनासूक्तमुच्चार्य वेदाध्ययनमारभेथ् । परितो यागशालायाश्शिष्यैः परिवृतोगुरुः ॥ ३२.४५ ॥
prārthanāsūktamuccārya vedādhyayanamārabheth . parito yāgaśālāyāśśiṣyaiḥ parivṛtoguruḥ .. 32.45 ..
Shloka 46
चतुर्षु द्वारदेशेषु क्रमात्प्रागादिषु स्वयं । चतुर्वेदान्दिमन्त्रांश्च शक्त्याध्ययनमाचरेथ् ॥ ३२.४६ ॥
caturṣu dvāradeśeṣu kramātprāgādiṣu svayaṃ . caturvedāndimantrāṃśca śaktyādhyayanamācareth .. 32.46 ..
Shloka 47
पुण्याहं च ततः कृत्वा मृत्संग्रहणमाचरेथ् । अङ्कुरानल्पयित्वैव मुद्गान्नं च निवेदयेथ् ॥ ३२.४७ ॥
puṇyāhaṃ ca tataḥ kṛtvā mṛtsaṃgrahaṇamācareth . aṅkurānalpayitvaiva mudgānnaṃ ca nivedayeth .. 32.47 ..
Shloka 48
औपासनाग्निकुण्डे तु आघारं विधिवद्यजेथ् । वास्तुहोमं च हुत्वा तु गव्यं कृत्वा विधानतः ॥ ३२.४८ ॥
aupāsanāgnikuṇḍe tu āghāraṃ vidhivadyajeth . vāstuhomaṃ ca hutvā tu gavyaṃ kṛtvā vidhānataḥ .. 32.48 ..
Shloka 49
पर्यग्नि पञ्चगव्याभ्यां योगशालां विशोधयेथ् । तमेकनेमिऽऽ मित्युक्त्वा आमावाजस्यऽऽ इत्यपि ॥ ३२.४९ ॥
paryagni pañcagavyābhyāṃ yogaśālāṃ viśodhayeth . tamekanemi'' mityuktvā āmāvājasya'' ityapi .. 32.49 ..
Shloka 50
तन्तुन्तव्वऽऽन्निति प्रोच्य यन्मेगर्भऽऽ इतीरयन् । षड्भिश्च वैष्णवैर्मन्त्रैर्विष्णुगायत्रिया तथा ॥ ३२.५० ॥
tantuntavva''nniti procya yanmegarbha'' itīrayan . ṣaḍbhiśca vaiṣṇavairmantrairviṣṇugāyatriyā tathā .. 32.50 ..
Shloka 51
पवित्राणि सुसंप्रोक्ष्य विधिना पञ्चगव्यकैः । प्रतद्विष्णुस्तवतऽऽ इति इदं विष्णुऽऽ रितीरयन् ॥ ३२.५१ ॥
pavitrāṇi susaṃprokṣya vidhinā pañcagavyakaiḥ . pratadviṣṇustavata'' iti idaṃ viṣṇu'' ritīrayan .. 32.51 ..
Shloka 52
विष्णुगायत्रिया पश्चात्पवित्रं संप्रणम्य च ॥ ३२.५२ ॥
viṣṇugāyatriyā paścātpavitraṃ saṃpraṇamya ca .. 32.52 ..
Shloka 53
उत्तमं स्वर्णसूत्रं च मध्यमं रौप्यसूत्रकं । कार्पासमधमं गृह्य सर्वदोषविवर्जितं ॥ ३२.५३ ॥
uttamaṃ svarṇasūtraṃ ca madhyamaṃ raupyasūtrakaṃ . kārpāsamadhamaṃ gṛhya sarvadoṣavivarjitaṃ .. 32.53 ..
Shloka 54
सुमङ्गलीभिर्युग्माभिर्ब्राह्मणीभिर्विशेषतः । अलाभे कन्यकाभिर्वा निर्मितं सूत्रमुत्तमं ॥ ३२.५४ ॥
sumaṅgalībhiryugmābhirbrāhmaṇībhirviśeṣataḥ . alābhe kanyakābhirvā nirmitaṃ sūtramuttamaṃ .. 32.54 ..
Shloka 55
गृह्णीयाद्बिंबमानेन चाष्टोत्तरसहस्रकं । ग्रन्थयोंगुष्ठमात्रास्स्युस्ताभिर्मालां च कारयेथ् ॥ ३२.५५ ॥
gṛhṇīyādbiṃbamānena cāṣṭottarasahasrakaṃ . granthayoṃguṣṭhamātrāssyustābhirmālāṃ ca kārayeth .. 32.55 ..
Shloka 56
वनमाला समाख्याता विष्णोःप्रियतमा भवेथ् । विष्णुसूक्तं च जप्त्वातु "अणोरणीयाऽऽनिति ब्रुर्न ॥ ३२.५६ ॥
vanamālā samākhyātā viṣṇoḥpriyatamā bhaveth . viṣṇusūktaṃ ca japtvātu "aṇoraṇīyā''niti brurna .. 32.56 ..
Shloka 57
प्रोक्ष्य हारिद्रतोयेन "इमे धूऽऽ पेति धूपयेथ् । चतुर्वेदादिमन्त्रैश्च तोरणाद्यैरलङ्कृतं ॥ ३२.५७ ॥
prokṣya hāridratoyena "ime dhū'' peti dhūpayeth . caturvedādimantraiśca toraṇādyairalaṅkṛtaṃ .. 32.57 ..
Shloka 58
नभ्याग्निकुण्डं कृत्वैव आघारं विधिवद्यजेथ् ॥ ३२.५८ ॥
nabhyāgnikuṇḍaṃ kṛtvaiva āghāraṃ vidhivadyajeth .. 32.58 ..
Shloka 59
बिंबाध्यर्धप्रमाणेन शय्यावेदिं प्रकल्पयेथ् । तिलतण्डुलधान्यैश्च धान्यपीठं प्रकल्प्य च ॥ ३२.५९ ॥
biṃbādhyardhapramāṇena śayyāvediṃ prakalpayeth . tilataṇḍuladhānyaiśca dhānyapīṭhaṃ prakalpya ca .. 32.59 ..
Shloka 60
दर्भांस्तत्र समास्तीर्य चाण्डजादीनि चास्तरेथ् । प्रतद्विष्णुऽऽरिति प्रोच्य पवित्रं सन्निधाय च ॥ ३२.६० ॥
darbhāṃstatra samāstīrya cāṇḍajādīni cāstareth . pratadviṣṇu''riti procya pavitraṃ sannidhāya ca .. 32.60 ..
Shloka 61
पञ्चमूर्तभिरावाह्य समभ्यर्च्य प्रणम्य च । जप्त्वा प्रतिसरं मन्त्रं धूपदीपादि दर्शयेत्? ॥ ३२.६१ ॥
pañcamūrtabhirāvāhya samabhyarcya praṇamya ca . japtvā pratisaraṃ mantraṃ dhūpadīpādi darśayet? .. 32.61 ..
Shloka 62
अतो देवाऽऽ दिना पश्चाद्देवेशं प्रार्थयेद्गुरुः । पाद्यादिभिस्समभ्यर्च्य धूपदीपादिदर्शयेथ् ॥ ३२.६२ ॥
ato devā'' dinā paścāddeveśaṃ prārthayedguruḥ . pādyādibhissamabhyarcya dhūpadīpādidarśayeth .. 32.62 ..
Shloka 63
बद्ध्वा प्रतिसरं देवं श्रीभूम्यौ च तथैव च । आचार्यस्यर्त्विजां चैव बद्ध्वाप्रतिसरं तथा ॥ ३२.६३ ॥
baddhvā pratisaraṃ devaṃ śrībhūmyau ca tathaiva ca . ācāryasyartvijāṃ caiva baddhvāpratisaraṃ tathā .. 32.63 ..
Shloka 64
यद्वैष्णवं समुच्चार्य पवित्रं शयनं चरेथ् । सूक्ष्मवस्त्रेण चाच्छाद्य चार्पयेत्पुष्बमक्षतं ॥ ३२.६४ ॥
yadvaiṣṇavaṃ samuccārya pavitraṃ śayanaṃ careth . sūkṣmavastreṇa cācchādya cārpayetpuṣbamakṣataṃ .. 32.64 ..
Shloka 65
विष्णुसूक्तं च गोदानसूक्तं चैवात्मसूक्तकं । एकाक्षरादिसूक्तं च वैष्णवं सूक्तमेव च ॥ ३२.६५ ॥
viṣṇusūktaṃ ca godānasūktaṃ caivātmasūktakaṃ . ekākṣarādisūktaṃ ca vaiṣṇavaṃ sūktameva ca .. 32.65 ..
Shloka 66
नृसूक्तं रुद्र सूक्तं च दुर्गासूक्तं तथैव च । सारस्वतं तथा सूक्तं रात्रिसूक्तमतः परं ॥ ३२.६६ ॥
nṛsūktaṃ rudra sūktaṃ ca durgāsūktaṃ tathaiva ca . sārasvataṃ tathā sūktaṃ rātrisūktamataḥ paraṃ .. 32.66 ..
Shloka 67
ऋतं च सत्यंऽऽ जप्त्वैव "सहस्रशीर्षऽऽमेव च । श्रीभूसूक्तञ्च जप्त्वैव कारयेद्देशिकोत्तमः ॥ ३२.६७ ॥
ṛtaṃ ca satyaṃ'' japtvaiva "sahasraśīrṣa''meva ca . śrībhūsūktañca japtvaiva kārayeddeśikottamaḥ .. 32.67 ..
Shloka 68
दशानां चैव पञ्चानां सूक्तानां जप उत्तमं । मध्यमं दशसूक्तानां पञ्चानामधमं भवेथ् ॥ ३२.६८ ॥
daśānāṃ caiva pañcānāṃ sūktānāṃ japa uttamaṃ . madhyamaṃ daśasūktānāṃ pañcānāmadhamaṃ bhaveth .. 32.68 ..
Shloka 69
प्रागादिदिक्षु च तथा विदिक्षु च चतुर्ष्वपि । क्रमाच्छान्तं खगाधीशं चक्रं शङ्खं तथैव च ॥ ३२.६९ ॥
prāgādidikṣu ca tathā vidikṣu ca caturṣvapi . kramācchāntaṃ khagādhīśaṃ cakraṃ śaṅkhaṃ tathaiva ca .. 32.69 ..
Shloka 70
विमानपालांश्चावाह्य समभ्यर्च्य विशेषतः । मुद्गान्नं विनिवेद्यैव प्रणामं मुहुराचरेथ् ॥ ३२.७० ॥
vimānapālāṃścāvāhya samabhyarcya viśeṣataḥ . mudgānnaṃ vinivedyaiva praṇāmaṃ muhurācareth .. 32.70 ..
Shloka 71
सर्वरक्षाकरं चक्रं पवित्रोपरि चार्चयेथ् । निवेदयेत्तदान्नेन शान्तादीनां बलिं ददेथ् ॥ ३२.७१ ॥
sarvarakṣākaraṃ cakraṃ pavitropari cārcayeth . nivedayettadānnena śāntādīnāṃ baliṃ dadeth .. 32.71 ..
Shloka 72
पादौ प्रक्षाल्य चाचम्य यथोक्तेन विधानतः । हौत्रं प्रशंस्य विधिवदावाहन मथाचरेथ् ॥ ३२.७२ ॥
pādau prakṣālya cācamya yathoktena vidhānataḥ . hautraṃ praśaṃsya vidhivadāvāhana mathācareth .. 32.72 ..
Shloka 73
जुष्टाकारं च कृत्वा तु जुहुयाच्च यथाक्रमं । हावयेत्पञ्चभिस्सुक्तैस्तत्तद्दैवत्यमेव च ॥ ३२.७३ ॥
juṣṭākāraṃ ca kṛtvā tu juhuyācca yathākramaṃ . hāvayetpañcabhissuktaistattaddaivatyameva ca .. 32.73 ..
Shloka 74
वश्चादग्निं विसृज्यैव रात्रिशेषं नयेद्गुरुः । ततः प्रभाते धर्मात्मा स्नात्वा स्नानविधानतः ॥ ३२.७४ ॥
vaścādagniṃ visṛjyaiva rātriśeṣaṃ nayedguruḥ . tataḥ prabhāte dharmātmā snātvā snānavidhānataḥ .. 32.74 ..
Shloka 75
नित्यपूजा विधेरन्ते देवेशं प्रार्थयेद्गुरुः । अष्टोत्तरशतैर्देवं स्नापयेत्कलशैस्ततः ॥ ३२.७५ ॥
nityapūjā vidherante deveśaṃ prārthayedguruḥ . aṣṭottaraśatairdevaṃ snāpayetkalaśaistataḥ .. 32.75 ..
Shloka 76
अलङ्कृत्यच देवेशं धूपदीपादिकं ददेथ् ॥ ३२.७६ ॥
alaṅkṛtyaca deveśaṃ dhūpadīpādikaṃ dadeth .. 32.76 ..
Shloka 77
औद्यन्तम्ऽऽ इतिमन्त्रेण पवित्रं मूर्ध्नि धारयन् । सर्ववाद्यसमायुक्तं तो यधारापुरस्सरं ॥ ३२.७७ ॥
audyantam'' itimantreṇa pavitraṃ mūrdhni dhārayan . sarvavādyasamāyuktaṃ to yadhārāpurassaraṃ .. 32.77 ..
Shloka 78
प्रदक्षिणं शनैर्गत्वादेवाग्रेसन्निधायच । सुर्यऽऽ च मन्त्रेण शतञ्जप्त्वा तु पल्लवं ॥ ३२.७८ ॥
pradakṣiṇaṃ śanairgatvādevāgresannidhāyaca . surya'' ca mantreṇa śatañjaptvā tu pallavaṃ .. 32.78 ..
Shloka 79
आचार्यस्सुप्रसन्नात्मा स्वात्मरक्षां विधायच । विष्णुसूक्तं समुच्चार्य कनिष्ठादि च रोपयेथ् ॥ ३२.७९ ॥
ācāryassuprasannātmā svātmarakṣāṃ vidhāyaca . viṣṇusūktaṃ samuccārya kaniṣṭhādi ca ropayeth .. 32.79 ..
Shloka 80
पाद्याद्यैर्देवमभ्यर्च्य मुखवासान्तमादराथ् । कुंभांस्तु सप्तदश च अलङ्कृत्य यथाविधि ॥ ३२.८० ॥
pādyādyairdevamabhyarcya mukhavāsāntamādarāth . kuṃbhāṃstu saptadaśa ca alaṅkṛtya yathāvidhi .. 32.80 ..
Shloka 81
वेद्यामारोपयेत्कुंभान्स्वस्तिके सन्निधाय च । शय्यावेदि च तत्प्राच्यां सभ्यकुण्डं प्रकल्प्यच ॥ ३२.८१ ॥
vedyāmāropayetkuṃbhānsvastike sannidhāya ca . śayyāvedi ca tatprācyāṃ sabhyakuṇḍaṃ prakalpyaca .. 32.81 ..
Shloka 82
भादस्यस्थितिरत्रऽशङ्कितापि निवेश्यते । परस्तीर्य विधानेन पावकं विधिवद्यजेथ् ॥ ३२.८२ ॥
bhādasyasthitiratra'śaṅkitāpi niveśyate . parastīrya vidhānena pāvakaṃ vidhivadyajeth .. 32.82 ..
Shloka 83
लाजापूपै राज्य मिश्रैर्मूलमन्त्रं समुच्चरन् । अष्टात्तरशतेनैव होमयेद्देशिकोत्तमः ॥ ३२.८३ ॥
lājāpūpai rājya miśrairmūlamantraṃ samuccaran . aṣṭāttaraśatenaiva homayeddeśikottamaḥ .. 32.83 ..
Shloka 84
पुरुषसूक्तं च जुहुयात्ततो द्वात्रिंशसंख्यया । पश्चादग्निं परिस्तीर्य क्षयऽऽस्वेति प्रणम्य च ॥ ३२.८४ ॥
puruṣasūktaṃ ca juhuyāttato dvātriṃśasaṃkhyayā . paścādagniṃ paristīrya kṣaya''sveti praṇamya ca .. 32.84 ..
Shloka 85
एवं प्रतिदिनं कुर्यादन्ते देवं तु रोपयेथ् । सायं संध्यामुपासित्वा यागशालां प्रविश्य च ॥ ३२.८५ ॥
evaṃ pratidinaṃ kuryādante devaṃ tu ropayeth . sāyaṃ saṃdhyāmupāsitvā yāgaśālāṃ praviśya ca .. 32.85 ..
Shloka 86
सभ्याग्निं पैण्डरीकाग्निं चासाद्याघारमाचरेथ् । अब्जाग्नौ शान्तिहोमं च हुत्वैव गुरुरत्वरः ॥ ३२.८६ ॥
sabhyāgniṃ paiṇḍarīkāgniṃ cāsādyāghāramācareth . abjāgnau śāntihomaṃ ca hutvaiva gururatvaraḥ .. 32.86 ..
Shloka 87
कुंभं विना महाशान्तिहोमं के चिद्वदन्तिहि । वेद्यां तु पुरतस्तिष्ठन्प्राणायामादिकं चरेथ् ॥ ३२.८७ ॥
kuṃbhaṃ vinā mahāśāntihomaṃ ke cidvadantihi . vedyāṃ tu puratastiṣṭhanprāṇāyāmādikaṃ careth .. 32.87 ..
Shloka 88
नवमूर्तिभिरावाह्य दिक्पालानावहेत्क्रमाथ् । अष्टोपचारैरभ्यर्छ्य मुद्गान्नं विनिवेदयेथ् ॥ ३२.८८ ॥
navamūrtibhirāvāhya dikpālānāvahetkramāth . aṣṭopacārairabhyarchya mudgānnaṃ vinivedayeth .. 32.88 ..
Shloka 89
पानीयाचमनं दत्वा मुखवासं ददेत्ततः । आपो वाऽऽ इति मन्त्रेण पवित्रं धारयेद्घटं ॥ ३२.८९ ॥
pānīyācamanaṃ datvā mukhavāsaṃ dadettataḥ . āpo vā'' iti mantreṇa pavitraṃ dhārayedghaṭaṃ .. 32.89 ..
Shloka 90
अग्नावग्निऽऽरिति प्रोच्य पवित्रं चाग्निकुण्डके । कुण्डस्यैव तु मानेन समलङ्कृत्य पावकं ॥ ३२.९० ॥
agnāvagni''riti procya pavitraṃ cāgnikuṇḍake . kuṇḍasyaiva tu mānena samalaṅkṛtya pāvakaṃ .. 32.90 ..
Shloka 91
पवित्रन्तुऽऽ इति प्रोच्य पवित्रं धारयेद्गुरुः । समिन्थ्यैव तु सभ्याग्निं परिषिच्य विधानतः ॥ ३२.९१ ॥
pavitrantu'' iti procya pavitraṃ dhārayedguruḥ . saminthyaiva tu sabhyāgniṃ pariṣicya vidhānataḥ .. 32.91 ..
Shloka 92
हौत्रं प्रशंस्य विधिवत्समिद्भिर्हावयेद्गुरुः । तदालयगतान्श्चैव देवानावाहयेत्क्रमाथ् ॥ ३२.९२ ॥
hautraṃ praśaṃsya vidhivatsamidbhirhāvayedguruḥ . tadālayagatānścaiva devānāvāhayetkramāth .. 32.92 ..
Shloka 93
जुष्टाकारं ततः पश्चात्स्वाहाकालं ततः परं । विष्णुसूक्तं सुहुत्वा तु पुरुषसूक्तमतः परं ॥ ३२.९३ ॥
juṣṭākāraṃ tataḥ paścātsvāhākālaṃ tataḥ paraṃ . viṣṇusūktaṃ suhutvā tu puruṣasūktamataḥ paraṃ .. 32.93 ..
Shloka 94
चरुं लाजांस्तथापूपानाज्यमिश्रांश्च हावयेथ् । पश्चात्तु वैष्णवैर्मन्त्रैश्चतमष्टोत्तरं यजेर्थ् ॥ ३२.९४ ॥
caruṃ lājāṃstathāpūpānājyamiśrāṃśca hāvayeth . paścāttu vaiṣṇavairmantraiścatamaṣṭottaraṃ yajerth .. 32.94 ..
Shloka 95
इङ्कारादींस्ततः पश्चात्पारमात्मिकसंयुतं । अष्टाशीतिं ततो हुत्वा तत्तद्दैवत्यमेव च ॥ ३२.९५ ॥
iṅkārādīṃstataḥ paścātpāramātmikasaṃyutaṃ . aṣṭāśītiṃ tato hutvā tattaddaivatyameva ca .. 32.95 ..
Shloka 96
सर्वदैवत्यमन्त्रांश्च धातादीन्पञ्च वारुणं । मूलहोमं ततो हुत्वा तथान्ते परिषिच्य च ॥ ३२.९६ ॥
sarvadaivatyamantrāṃśca dhātādīnpañca vāruṇaṃ . mūlahomaṃ tato hutvā tathānte pariṣicya ca .. 32.96 ..
Shloka 97
यागशालाचतुर्द्वारे चतुर्वेदानथोच्चरेथ् । ऐशान्यां तु विशेषेण जपेदष्टाक्षरं मनुं ॥ ३२.९७ ॥
yāgaśālācaturdvāre caturvedānathoccareth . aiśānyāṃ tu viśeṣeṇa japedaṣṭākṣaraṃ manuṃ .. 32.97 ..
Shloka 98
द्वादशाक्षरमन्त्रं च गायत्रीं वैष्णवं तथा । नारायणाख्यगायत्रीं पारमात्मिकमित्यपि ॥ ३२.९८ ॥
dvādaśākṣaramantraṃ ca gāyatrīṃ vaiṣṇavaṃ tathā . nārāyaṇākhyagāyatrīṃ pāramātmikamityapi .. 32.98 ..
Shloka 99
व्यापकत्रयसंयुक्तं विष्णुगायत्रिया युतं । ततश्च वैष्णवं जप्त्वा यो वा भूऽऽ तेति पञ्चकं ॥ ३२.९९ ॥
vyāpakatrayasaṃyuktaṃ viṣṇugāyatriyā yutaṃ . tataśca vaiṣṇavaṃ japtvā yo vā bhū'' teti pañcakaṃ .. 32.99 ..
Shloka 100
पुष्बाञ्जलिं जपित्वैव न्यसेद्देवस्य पादयोः । नृत्तगीतादिवाद्यैश्च रात्रिशेषं नयेद्गुरुः ॥ ३२.१०० ॥
puṣbāñjaliṃ japitvaiva nyaseddevasya pādayoḥ . nṛttagītādivādyaiśca rātriśeṣaṃ nayedguruḥ .. 32.100 ..
Shloka 101
ततः प्रभाते धर्मात्मा स्नात्वा संध्यामुपास्य च । यागशालां प्रविश्यैव देवेशं प्रार्थयेत्ततः ॥ ३२.१०१ ॥
tataḥ prabhāte dharmātmā snātvā saṃdhyāmupāsya ca . yāgaśālāṃ praviśyaiva deveśaṃ prārthayettataḥ .. 32.101 ..
Shloka 102
भूरग्नयऽऽ इति प्रोच्य वेदिं संप्रोक्ष्य चात्वरः । कुंभाराधनहोमादीन्सर्वं पूर्ववदाचरेथ् ॥ ३२.१०२ ॥
bhūragnaya'' iti procya vediṃ saṃprokṣya cātvaraḥ . kuṃbhārādhanahomādīnsarvaṃ pūrvavadācareth .. 32.102 ..
Shloka 103
कुंभमाराधयेत्पूर्वं बिंबपूजा त्वनन्तरं । पश्चाद्धोमं प्रकुर्वीत बलिदानं ततः परं ॥ ३२.१०३ ॥
kuṃbhamārādhayetpūrvaṃ biṃbapūjā tvanantaraṃ . paścāddhomaṃ prakurvīta balidānaṃ tataḥ paraṃ .. 32.103 ..
Shloka 104
एवं कुर्याद्विधानेन दिनं प्रति गुरूत्तमः । समाप्ते तु दिने सायं पूर्णाहुति मथाचरेथ् ॥ ३२.१०४ ॥
evaṃ kuryādvidhānena dinaṃ prati gurūttamaḥ . samāpte tu dine sāyaṃ pūrṇāhuti mathācareth .. 32.104 ..
Shloka 105
तदग्निं त्रियहादूर्ध्वं साधयेदग्निकुण्डके? ॥ ३२.१०५ ॥
tadagniṃ triyahādūrdhvaṃ sādhayedagnikuṇḍake? .. 32.105 ..
Shloka 106
कुंभमादाय शिरसा तोयधारापुरस्सरं । प्रदक्षिणं शनैर्गत्वा देवाग्रे सन्निधाय च ॥ ३२.१०६ ॥
kuṃbhamādāya śirasā toyadhārāpurassaraṃ . pradakṣiṇaṃ śanairgatvā devāgre sannidhāya ca .. 32.106 ..
Shloka 107
हिरण्य पवमानाऽऽ द्यैःकुंभतोयेन प्रोक्षयेथ् । देवमभ्यर्च्य पाद्याद्यैः प्रभूतं च निवेदयेथ् ॥ ३२.१०७ ॥
hiraṇya pavamānā'' dyaiḥkuṃbhatoyena prokṣayeth . devamabhyarcya pādyādyaiḥ prabhūtaṃ ca nivedayeth .. 32.107 ..
Shloka 108
पानीयाचमलं दत्वा मुखवासं ददेत्पुनः । क्षमामन्त्रं समुच्चार्य "क्षमऽऽ स्वेति नमेन्मुहुः ॥ ३२.१०८ ॥
pānīyācamalaṃ datvā mukhavāsaṃ dadetpunaḥ . kṣamāmantraṃ samuccārya "kṣama'' sveti namenmuhuḥ .. 32.108 ..
Shloka 109
यजमानोऽपि शुद्धात्मा भक्तिनम्रस्समाहितः । आचार्यं पूजयेत्तत्र गन्धमार्यानुलेपनैः ॥ ३२.१०९ ॥
yajamāno'pi śuddhātmā bhaktinamrassamāhitaḥ . ācāryaṃ pūjayettatra gandhamāryānulepanaiḥ .. 32.109 ..
Shloka 110
पञ्चाङ्गभूषणैश्चैव दुकूलैश्च नवैस्तथा । ततो गुरुः प्रसन्नात्मा प्रयुञ्ज्यादाशिषस्तदा ॥ ३२.११० ॥
pañcāṅgabhūṣaṇaiścaiva dukūlaiśca navaistathā . tato guruḥ prasannātmā prayuñjyādāśiṣastadā .. 32.110 ..
Shloka 111
तदुक्तं भगवत्प्रोक्तं प्रतिगृह्णीयुरादराथ् । एवं कुर्वीत प्रत्यब्दं पवित्रारोपणं हरेः ॥ ३२.१११ ॥
taduktaṃ bhagavatproktaṃ pratigṛhṇīyurādarāth . evaṃ kurvīta pratyabdaṃ pavitrāropaṇaṃ hareḥ .. 32.111 ..
Shloka 112
इहलोके सुखीभूत्वा स याति परमां गतिं । प्रियतां भगवान्विष्णुः प्रार्थनासूक्तमुच्यते ॥ ३२.११२ ॥
ihaloke sukhībhūtvā sa yāti paramāṃ gatiṃ . priyatāṃ bhagavānviṣṇuḥ prārthanāsūktamucyate .. 32.112 ..
Shloka 113
कनिक्रदाऽऽपिमन्त्राश्च शाकुनं सूक्तमीरितं । स्वस्तिनो मिमीऽऽतेत्युक्त्वा स्वस्तिसूक्तमिति स्मृतं ॥ ३२.११३ ॥
kanikradā''pimantrāśca śākunaṃ sūktamīritaṃ . svastino mimī''tetyuktvā svastisūktamiti smṛtaṃ .. 32.113 ..
Shloka 114
शुद्धा इमे पशवऽऽ इति गोसूक्तं समुदाहृतं । ऋतं च सत्यंऽऽ चेत्यादि अघमर्षणमुच्यते ॥ ३२.११४ ॥
śuddhā ime paśava'' iti gosūktaṃ samudāhṛtaṃ . ṛtaṃ ca satyaṃ'' cetyādi aghamarṣaṇamucyate .. 32.114 ..
Shloka 115
अणोरणीयाऽऽ नित्युक्त्वासूक्तं प्रोक्षणमीरितं । अपो हिरण्यवर्णाश्च पवमानऽऽ इति त्रयः ॥ ३२.११५ ॥
aṇoraṇīyā'' nityuktvāsūktaṃ prokṣaṇamīritaṃ . apo hiraṇyavarṇāśca pavamāna'' iti trayaḥ .. 32.115 ..
Shloka 116
प्रोक्षणं सूक्तमिति तु केचिद्वैकल्पिकं जगुः । या जाताऽऽ इति मन्त्राश्च ओषधीसूक्तमुच्यते ॥ ३२.११६ ॥
prokṣaṇaṃ sūktamiti tu kecidvaikalpikaṃ jaguḥ . yā jātā'' iti mantrāśca oṣadhīsūktamucyate .. 32.116 ..
Shloka 117
कृणुष्व पाजऽऽ इत्यादि सूक्तं प्रतिसराह्वयं । ("अतोदेवाऽऽदि षड्भिस्तु वैष्णवं सूक्तमुच्यतेः) ॥ ३२.११७ ॥
kṛṇuṣva pāja'' ityādi sūktaṃ pratisarāhvayaṃ . ("atodevā''di ṣaḍbhistu vaiṣṇavaṃ sūktamucyateḥ) .. 32.117 ..
Shloka 118
अतोदेवादि षण्मन्त्राऽऽष्,ड्वैष्णवपदाह्वयाः । विष्णोर्नुऽऽकादि षण्मन्त्रा विष्णुसूक्तमुदीरितं ॥ ३२.११८ ॥
atodevādi ṣaṇmantrā''ṣ,ḍvaiṣṇavapadāhvayāḥ . viṣṇornu''kādi ṣaṇmantrā viṣṇusūktamudīritaṃ .. 32.118 ..
Shloka 119
सहस्रशीर्षा पुरुषऽऽ इति पौरुषसूक्तकं । हिरण्य वर्णाऽऽ इत्यादि श्रीसूक्तं सर्वकामदं ॥ ३२.११९ ॥
sahasraśīrṣā puruṣa'' iti pauruṣasūktakaṃ . hiraṇya varṇā'' ityādi śrīsūktaṃ sarvakāmadaṃ .. 32.119 ..
Shloka 120
भूमिर्भूम्नेऽऽत्यादिमन्त्रा भूमिसूक्तमुदाहृतं । उप श्वासयऽऽ इत्यादि दुन्दुभीसूक्तमुच्यते ॥ ३२.१२० ॥
bhūmirbhūmne''tyādimantrā bhūmisūktamudāhṛtaṃ . upa śvāsaya'' ityādi dundubhīsūktamucyate .. 32.120 ..
Shloka 121
सुपर्णोऽसि गरुत्माऽऽनित्युक्तं सूक्तं च गारुडं । हिरण्यगर्भऽऽइत्यादि ब्रह्मसूक्तमुधृतं ॥ ३२.१२१ ॥
suparṇo'si garutmā''nityuktaṃ sūktaṃ ca gāruḍaṃ . hiraṇyagarbha''ityādi brahmasūktamudhṛtaṃ .. 32.121 ..
Shloka 122
इन्द्रं वो विश्वतऽऽ इति इन्द्रसूक्तमिहोच्यते । अग्ने नयेत्याऽऽदिषड्भिरग्निसूक्तं प्रचक्षते ॥ ३२.१२२ ॥
indraṃ vo viśvata'' iti indrasūktamihocyate . agne nayetyā''diṣaḍbhiragnisūktaṃ pracakṣate .. 32.122 ..
Shloka 123
आयातुदेवऽऽ इत्यादियमसूक्तंप्रकीर्तितं । नमस्सुते निरृतेऽऽ सूक्तंनैरृतमुच्यते ॥ ३२.१२३ ॥
āyātudeva'' ityādiyamasūktaṃprakīrtitaṃ . namassute nirṛte'' sūktaṃnairṛtamucyate .. 32.123 ..
Shloka 124
अस्तभ्नाद्यामृषभऽऽइति वारुणसूक्तकं । पीवोन्नांरयि वृधस्सुमेधाऽऽइति वायवं ॥ ३२.१२४ ॥
astabhnādyāmṛṣabha''iti vāruṇasūktakaṃ . pīvonnāṃrayi vṛdhassumedhā''iti vāyavaṃ .. 32.124 ..
Shloka 125
अद्भ्यस्तिरोधाऽऽइत्यादि कौवेरं सूक्तमुच्यते । स्तुहि श्रुतं गर्तऽऽइति रुद्रसूक्तं प्रकीर्तितं ॥ ३२.१२५ ॥
adbhyastirodhā''ityādi kauveraṃ sūktamucyate . stuhi śrutaṃ garta''iti rudrasūktaṃ prakīrtitaṃ .. 32.125 ..
Shloka 126
ओमासश्चर्षणीऽऽत्यादि सूक्तं सारस्वतं भवेथ् । विश्वजितेधनऽऽइति विश्वजित्सूक्तमुच्यते ॥ ३२.१२६ ॥
omāsaścarṣaṇī''tyādi sūktaṃ sārasvataṃ bhaveth . viśvajitedhana''iti viśvajitsūktamucyate .. 32.126 ..
Shloka 127
रात्री व्यख्यऽऽदित्यादि रात्रिसूक्तमुदाहृतं । जातवेदसऽऽइत्यादि षड्दुर्गासूक्तमुच्यते ॥ ३२.१२७ ॥
rātrī vyakhya''dityādi rātrisūktamudāhṛtaṃ . jātavedasa''ityādi ṣaḍdurgāsūktamucyate .. 32.127 ..
Shloka 128
आ गोदानाऽऽदिति प्रोच्यगोदानं सूक्तमुच्यते । एकाक्षरम्ऽऽ इतिप्रोच्य सूक्तमेकाक्षरादिकं ॥ ३२.१२८ ॥
ā godānā''diti procyagodānaṃ sūktamucyate . ekākṣaram'' itiprocya sūktamekākṣarādikaṃ .. 32.128 ..
Shloka 129
आत्मात्मा परमेत्यादि आत्मसूक्तं प्रकीर्तितं ॥ ३२.१२९ ॥
ātmātmā parametyādi ātmasūktaṃ prakīrtitaṃ .. 32.129 ..
Shloka 130
वैष्णवं विष्णुसूक्तं च पुरुष सूक्तमतः परं । श्रीभूसूक्तं च पञ्चैतं पञ्चसूक्तमिहोच्यते ॥ ३२.१३० ॥
vaiṣṇavaṃ viṣṇusūktaṃ ca puruṣa sūktamataḥ paraṃ . śrībhūsūktaṃ ca pañcaitaṃ pañcasūktamihocyate .. 32.130 ..
Shloka 131
विष्णुसूक्तं नृसूक्तं च श्रीभूसूक्तमतः परं । एकाक्षरादि सूक्तं च पञ्चसूक्तं जगुःपरे ॥ ३२.१३१ ॥
viṣṇusūktaṃ nṛsūktaṃ ca śrībhūsūktamataḥ paraṃ . ekākṣarādi sūktaṃ ca pañcasūktaṃ jaguḥpare .. 32.131 ..
Shloka 132
विष्णुसूक्तं नृसूक्तं च श्रीभूसूक्तं च वैष्णवं । एकाक्षरादिसूक्तं च विष्णुगायत्रिया सहा ॥ ३२.१३२ ॥
viṣṇusūktaṃ nṛsūktaṃ ca śrībhūsūktaṃ ca vaiṣṇavaṃ . ekākṣarādisūktaṃ ca viṣṇugāyatriyā sahā .. 32.132 ..
Shloka 133
आहत्य सप्तभिश्चैतैस्सप्तसूक्तं समीरितं । रुद्रसूक्तं ध्रुवसूक्तं दुर्गासूक्तं ततः परं ॥ ३२.१३३ ॥
āhatya saptabhiścaitaissaptasūktaṃ samīritaṃ . rudrasūktaṃ dhruvasūktaṃ durgāsūktaṃ tataḥ paraṃ .. 32.133 ..
Shloka 134
रात्रिसूक्तं तथा सूक्तं सारस्वतमपि क्रमाथ् । विश्वजित्सूक्तमथ च सहस्रशीर्षमित्यपि ॥ ३२.१३४ ॥
rātrisūktaṃ tathā sūktaṃ sārasvatamapi kramāth . viśvajitsūktamatha ca sahasraśīrṣamityapi .. 32.134 ..
Shloka 135
अघमर्षणसूक्तं च गोदानं सूक्तमेव च । आत्मसूक्तेन संयुक्तं दशमूक्तमुदाहृतं ॥ ३२.१३५ ॥
aghamarṣaṇasūktaṃ ca godānaṃ sūktameva ca . ātmasūktena saṃyuktaṃ daśamūktamudāhṛtaṃ .. 32.135 ..
Shloka 136
दशसूक्तं पञ्चसूक्तं कृत्वा संहृतमेव च एवं । भवेत्पञ्च दशसूक्तमिति संज्ञा प्रभाषिता ॥ ३२.१३६ ॥
daśasūktaṃ pañcasūktaṃ kṛtvā saṃhṛtameva ca evaṃ . bhavetpañca daśasūktamiti saṃjñā prabhāṣitā .. 32.136 ..
Shloka 137
अतःपरं प्रवक्ष्यामि श्रुणुध्वं मुनिसत्तमाः । मण्डलाराधनं नित्यं पुण्याहं स्नपनं चरेथ् ॥ ३२.१३७ ॥
ataḥparaṃ pravakṣyāmi śruṇudhvaṃ munisattamāḥ . maṇḍalārādhanaṃ nityaṃ puṇyāhaṃ snapanaṃ careth .. 32.137 ..
Shloka 138
चत्पारिंशद्धिनादूर्ध्वं मण्डलं दिनपञ्चकं । पुण्याहं विधिवत्कृत्वा व्रीहिभिस्तण्डुलोपरि ॥ ३२.१३८ ॥
catpāriṃśaddhinādūrdhvaṃ maṇḍalaṃ dinapañcakaṃ . puṇyāhaṃ vidhivatkṛtvā vrīhibhistaṇḍulopari .. 32.138 ..
Shloka 139
नवं कलशमादाय पूर्वोक्तेन विधानतः । समभ्यर्च्य जपं कुर्याद्ब्राह्मणैर्ब्रह्मवादिभिः ॥ ३२.१३९ ॥
navaṃ kalaśamādāya pūrvoktena vidhānataḥ . samabhyarcya japaṃ kuryādbrāhmaṇairbrahmavādibhiḥ .. 32.139 ..
Shloka 140
वैष्णवं विष्णुसूक्तं च पुरुषसूक्तमतः परं । श्रीभूसूक्तं तथा पञ्चशान्तिं चैव पृथक्पृथक् ॥ ३२.१४० ॥
vaiṣṇavaṃ viṣṇusūktaṃ ca puruṣasūktamataḥ paraṃ . śrībhūsūktaṃ tathā pañcaśāntiṃ caiva pṛthakpṛthak .. 32.140 ..
Shloka 141
चतुरावर्त्य जप्त्वा तु स्नापयेद्ध्रुवमच्युतं । तथैव कौतुकादींश्च स्नापयेद्विधिना बुधः ॥ ३२.१४१ ॥
caturāvartya japtvā tu snāpayeddhruvamacyutaṃ . tathaiva kautukādīṃśca snāpayedvidhinā budhaḥ .. 32.141 ..
Shloka 142
दध्योदनं गुडान्नं च पायसं च विशेषतः । निवेद्य देवदेवस्य मुखवासं प्रदापयेथ् ॥ ३२.१४२ ॥
dadhyodanaṃ guḍānnaṃ ca pāyasaṃ ca viśeṣataḥ . nivedya devadevasya mukhavāsaṃ pradāpayeth .. 32.142 ..
Shloka 143
आचार्यदक्षिणां दद्यादृत्विजां च तथैव च । प्रतिष्ठादिनमारभ्य मण्डलान्तं दिनं प्रति ॥ ३२.१४३ ॥
ācāryadakṣiṇāṃ dadyādṛtvijāṃ ca tathaiva ca . pratiṣṭhādinamārabhya maṇḍalāntaṃ dinaṃ prati .. 32.143 ..
Shloka 144
एवमेव क्रमेणैव कारयेत्तु विशेषतः । मण्डलार्धं तु कुर्याच्छेन्मध्यमं तत्प्रचक्षते ॥ ३२.१४४ ॥
evameva krameṇaiva kārayettu viśeṣataḥ . maṇḍalārdhaṃ tu kuryācchenmadhyamaṃ tatpracakṣate .. 32.144 ..
Shloka 145
मण्डलान्ते विशेषेण कारयेद्द्विजभोजनं । सभ्याग्निकुण्डं कृत्वैव पुण्याहमसि वाचयेथ् ॥ ३२.१४५ ॥
maṇḍalānte viśeṣeṇa kārayeddvijabhojanaṃ . sabhyāgnikuṇḍaṃ kṛtvaiva puṇyāhamasi vācayeth .. 32.145 ..
Shloka 146
आघारं विधिवद्धुत्वा वैष्णवं सूक्तमेव च । विष्णुसूक्तं ततो हुत्वा पुरुषसूक्त समन्वितं ॥ ३२.१४६ ॥
āghāraṃ vidhivaddhutvā vaiṣṇavaṃ sūktameva ca . viṣṇusūktaṃ tato hutvā puruṣasūkta samanvitaṃ .. 32.146 ..
Shloka 147
श्रीभूसूक्तं समुच्चार्य पञ्चशान्तिमतः परं । पारमात्मिकमीङ्काराद्यष्टाशीतिं क्रमाद्धुनेथ् ॥ ३२.१४७ ॥
śrībhūsūktaṃ samuccārya pañcaśāntimataḥ paraṃ . pāramātmikamīṅkārādyaṣṭāśītiṃ kramāddhuneth .. 32.147 ..
Shloka 148
अष्टाक्षरं समुच्चार्य तथैव द्वादशाक्षरं । पूर्णाहुतिं ततो हुत्वा अन्तहोमश्चहूयते ॥ ३२.१४८ ॥
aṣṭākṣaraṃ samuccārya tathaiva dvādaśākṣaraṃ . pūrṇāhutiṃ tato hutvā antahomaścahūyate .. 32.148 ..
Shloka 149
संस्नापयेच्छ कलशैरष्टाधिकशतैःक्रमाथ् । वर्णयुक्तन्ध्रुवं बेरं प्राङ्गयेत्(?) स्नापयेन्नतु ॥ ३२.१४९ ॥
saṃsnāpayeccha kalaśairaṣṭādhikaśataiḥkramāth . varṇayuktandhruvaṃ beraṃ prāṅgayet(?) snāpayennatu .. 32.149 ..
Shloka 150
द्वादशाराधनं कुर्यान्मध्ये मध्ये विधानतः । ग्रामं प्रदक्षिणीकृत्य सर्ववाद्यसमन्वितं ॥ ३२.१५० ॥
dvādaśārādhanaṃ kuryānmadhye madhye vidhānataḥ . grāmaṃ pradakṣiṇīkṛtya sarvavādyasamanvitaṃ .. 32.150 ..
Shloka 151
पक्षिराजोपरि स्थाप्य रक्षादीपं च दर्शयेथ् । जीवस्थाने सुसंस्थाप्य प्रणामं कारयेत्ततः ॥ ३२.१५१ ॥
pakṣirājopari sthāpya rakṣādīpaṃ ca darśayeth . jīvasthāne susaṃsthāpya praṇāmaṃ kārayettataḥ .. 32.151 ..
Shloka 152
एवं यःकुरुते भक्त्या मण्डलाराधनं हरेः । सर्वान्कामानवाप्यैव स याति परमाङ्गतिं ॥ ३२.१५२ ॥
evaṃ yaḥkurute bhaktyā maṇḍalārādhanaṃ hareḥ . sarvānkāmānavāpyaiva sa yāti paramāṅgatiṃ .. 32.152 ..
Shloka 153
इति श्रीवैखानसे भगवच्छास्त्रे भृगुप्रोक्तायां संहितायां प्रकीर्णाधिकारे. द्वात्रिंशोऽध्यायः.
iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre. dvātriṃśo'dhyāyaḥ.

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In