| |
|

This overlay will guide you through the buttons:

Sukta Begins
अथैक त्रिंशोऽध्यायः.
athaika triṃśo'dhyāyaḥ.
Shloka 1
संप्रोक्षणत्रयम्.
अथ वक्ष्यामि तत्रोक्तप्रायश्चित्तस्य संग्रहं । जलसंप्रोक्षणं चैव लघुसंप्रोक्षणं तथा ॥ ३१.१ ॥
atha vakṣyāmi tatroktaprāyaścittasya saṃgrahaṃ . jalasaṃprokṣaṇaṃ caiva laghusaṃprokṣaṇaṃ tathā .. 31.1 ..
Shloka 2
महासंप्रोक्षणं चेति प्रायश्चित्तं त्रिधा स्मृतं । निमित्ते समनुप्राप्ते ज्ञात्वा गौरवलाघवं ॥ ३१.२ ॥
mahāsaṃprokṣaṇaṃ ceti prāyaścittaṃ tridhā smṛtaṃ . nimitte samanuprāpte jñātvā gauravalāghavaṃ .. 31.2 ..
Shloka 3
वक्ष्यमाणक्रारेण सद्यस्संप्रोक्षणं चरेथ् । संप्रोक्षणविधानस्य न कालनियमस्स्मृतः ॥ ३१.३ ॥
vakṣyamāṇakrāreṇa sadyassaṃprokṣaṇaṃ careth . saṃprokṣaṇavidhānasya na kālaniyamassmṛtaḥ .. 31.3 ..
Shloka 4
न कुर्यान्मासनक्षत्र तिथिवाराद्यवेक्षणं । तस्मान्निमित्ते संप्राप्ते सद्यस्संप्रोक्षणं चरेथ् ॥ ३१.४ ॥
na kuryānmāsanakṣatra tithivārādyavekṣaṇaṃ . tasmānnimitte saṃprāpte sadyassaṃprokṣaṇaṃ careth .. 31.4 ..
Shloka 5
देशकालाद्यवेक्षाया निमित्ते सति गौरवं । बहुबेरेषु चैकस्मिन्स्थावरे जङ्गमेऽथ वा ॥ ३१.५ ॥
deśakālādyavekṣāyā nimitte sati gauravaṃ . bahubereṣu caikasminsthāvare jaṅgame'tha vā .. 31.5 ..
Shloka 6
अर्चनायां विहीनायां कालातीते विपर्यये । निर्माल्यपूजने चैव निवेदितनिवेदने ॥ ३१.६ ॥
arcanāyāṃ vihīnāyāṃ kālātīte viparyaye . nirmālyapūjane caiva niveditanivedane .. 31.6 ..
Shloka 7
एकाहेऽप्यर्चनाहीने नित्यस्नापनवर्जने । बलिहोमादिहीनेच नित्योत्सवविवर्जने ॥ ३१.७ ॥
ekāhe'pyarcanāhīne nityasnāpanavarjane . balihomādihīneca nityotsavavivarjane .. 31.7 ..
Shloka 8
प्राकाराभ्यन्तरे प्राप्ते प्रमादादशुभे सति । अस्पृश्यागमने तत्र चण्डालाद्यैः प्रवेशने ॥ ३१.८ ॥
prākārābhyantare prāpte pramādādaśubhe sati . aspṛśyāgamane tatra caṇḍālādyaiḥ praveśane .. 31.8 ..
Shloka 9
श्वकुक्कुट वराहोष्ट्रगर्दभानां प्रवेशने । उदक्यया सूतिकया पाषण्डाद्यैरथापि वा ॥ ३१.९ ॥
śvakukkuṭa varāhoṣṭragardabhānāṃ praveśane . udakyayā sūtikayā pāṣaṇḍādyairathāpi vā .. 31.9 ..
Shloka 10
कुण्डगोलव्रतभ्रष्टतुरुष्कादिप्रवेशने । अन्यसूत्रिद्विजैस्स्पृष्टे मोहादज्ञानतोऽपिवा ॥ ३१.१० ॥
kuṇḍagolavratabhraṣṭaturuṣkādipraveśane . anyasūtridvijaisspṛṣṭe mohādajñānato'pivā .. 31.10 ..
Shloka 11
महावातहते बिंबे संसिक्ते वर्षबिन्दुभिः । विण्मूत्ररुधिरस्रावे बहुजल्पे च मैथुने ॥ ३१.११ ॥
mahāvātahate biṃbe saṃsikte varṣabindubhiḥ . viṇmūtrarudhirasrāve bahujalpe ca maithune .. 31.11 ..
Shloka 12
एवमादिनिमित्ते तु जलसंप्रोक्षणं चरेथ् । नैवासंप्रोक्षिते बिंबे हरिर्वसति निश्चयः ॥ ३१.१२ ॥
evamādinimitte tu jalasaṃprokṣaṇaṃ careth . naivāsaṃprokṣite biṃbe harirvasati niścayaḥ .. 31.12 ..
Shloka 13
तस्माद्बिंबविशुद्ध्यर्थं संप्रोक्ष्यैव समर्चयेथ् । दोषाधिक्ये समुत्पन्ने लघुसंप्रोक्षणं चरेथ् ॥ ३१.१३ ॥
tasmādbiṃbaviśuddhyarthaṃ saṃprokṣyaiva samarcayeth . doṣādhikye samutpanne laghusaṃprokṣaṇaṃ careth .. 31.13 ..
Shloka 14
राष्ट्रक्षोभे च दुर्भिक्षे तन्त्रसंकरदूषणे । शूद्रैर्वाथानुलोमैर्वापाषण्डैर्भ्रमितैरपि ॥ ३१.१४ ॥
rāṣṭrakṣobhe ca durbhikṣe tantrasaṃkaradūṣaṇe . śūdrairvāthānulomairvāpāṣaṇḍairbhramitairapi .. 31.14 ..
Shloka 15
उदक्यया सूतिकया पतितैर्वाथ पातकैः । चण्डालाद्यैः प्रविष्टे च गर्भागारे विशेषतः ॥ ३१.१५ ॥
udakyayā sūtikayā patitairvātha pātakaiḥ . caṇḍālādyaiḥ praviṣṭe ca garbhāgāre viśeṣataḥ .. 31.15 ..
Shloka 16
सूतैर्वा कुण्डगोलाद्यैस्तथा देवलकादिभिः । श्वकुक्कुट वराहाद्यैः प्रविष्टे गार्दभादिभिः ॥ ३१.१६ ॥
sūtairvā kuṇḍagolādyaistathā devalakādibhiḥ . śvakukkuṭa varāhādyaiḥ praviṣṭe gārdabhādibhiḥ .. 31.16 ..
Shloka 17
उलूकगृध्रकाकाद्यैः प्रविष्टेऽन्तर्गृहे तथा । तुरुष्काद्यैःप्रविष्टे वा शुक्रणोणितयोरपि ॥ ३१.१७ ॥
ulūkagṛdhrakākādyaiḥ praviṣṭe'ntargṛhe tathā . turuṣkādyaiḥpraviṣṭe vā śukraṇoṇitayorapi .. 31.17 ..
Shloka 18
विण्मूत्रादेर्विसर्गे वा गर्भागारेर्धमण्डपे । त्षहादूर्ध्वं विहीने तु पूजने दीपवर्जने ॥ ३१.१८ ॥
viṇmūtrādervisarge vā garbhāgārerdhamaṇḍape . tṣahādūrdhvaṃ vihīne tu pūjane dīpavarjane .. 31.18 ..
Shloka 19
एक रात्रमतिक्रम्य देवेग्रामान्तरस्थिते । आग्निदाहेऽशनीपाते गर्भागारेर्ऽधमण्डपे ॥ ३१.१९ ॥
eka rātramatikramya devegrāmāntarasthite . āgnidāhe'śanīpāte garbhāgārer'dhamaṇḍape .. 31.19 ..
Shloka 20
अन्यसूत्षर्चिते बिंबेस्पृष्टे वा बुद्धिपूर्वकं । अन्यैरनुक्तैर्देषैश्च लघुसंप्रोक्षणं चरेथ् ॥ ३१.२० ॥
anyasūtṣarcite biṃbespṛṣṭe vā buddhipūrvakaṃ . anyairanuktairdeṣaiśca laghusaṃprokṣaṇaṃ careth .. 31.20 ..
Shloka 21
महानिमित्ते संप्राप्ते महासंप्रोक्षणं चरेथ् । द्वादशाहात्समारभ्य वत्सरान्तं विधानतः ॥ ३१.२१ ॥
mahānimitte saṃprāpte mahāsaṃprokṣaṇaṃ careth . dvādaśāhātsamārabhya vatsarāntaṃ vidhānataḥ .. 31.21 ..
Shloka 22
हीनायामर्चनायां च नित्ये नैमित्तिके तथा । क्रियाहीने विपर्यासे हीने मासोत्सवादिके ॥ ३१.२२ ॥
hīnāyāmarcanāyāṃ ca nitye naimittike tathā . kriyāhīne viparyāse hīne māsotsavādike .. 31.22 ..
Shloka 23
नित्यस्नपनहीनेऽपि मात्रादानविहीनके । बलिहोमादिहीने च संप्राप्ते शास्त्रसंकरे ॥ ३१.२३ ॥
nityasnapanahīne'pi mātrādānavihīnake . balihomādihīne ca saṃprāpte śāstrasaṃkare .. 31.23 ..
Shloka 24
एवमादिषु हीनेषु वत्सरान्तं प्रमादतः । पर्षदां परिवाराणामाश्रितालयसेविनां ॥ ३१.२४ ॥
evamādiṣu hīneṣu vatsarāntaṃ pramādataḥ . parṣadāṃ parivārāṇāmāśritālayasevināṃ .. 31.24 ..
Shloka 25
ध्वजारोहणपूर्वं तु कृते कालोत्सवादिके । विप्रादिमरणे प्राप्ते देवागारे विशेषतः ॥ ३१.२५ ॥
dhvajārohaṇapūrvaṃ tu kṛte kālotsavādike . viprādimaraṇe prāpte devāgāre viśeṣataḥ .. 31.25 ..
Shloka 26
गर्दभाश्वलुलायोष्ट्रश्वसूकरमुखे मृते । गजादिमृगनाशे च देवागारे प्रमादतः ॥ ३१.२६ ॥
gardabhāśvalulāyoṣṭraśvasūkaramukhe mṛte . gajādimṛganāśe ca devāgāre pramādataḥ .. 31.26 ..
Shloka 27
चण्डालाद्यन्त्यजातीनां मरणे वा विशेषतः । शूद्रैर्वाथानुलोमैर्वा पाषण्डैः पतितादिभिः ॥ ३१.२७ ॥
caṇḍālādyantyajātīnāṃ maraṇe vā viśeṣataḥ . śūdrairvāthānulomairvā pāṣaṇḍaiḥ patitādibhiḥ .. 31.27 ..
Shloka 28
संस्पृष्टे वैष्णवे बिंबे तुरुष्काद्यैर्मलिम्लुचैः । स्पृष्टे चण्डालकाद्यैर्वा महापातकदूषितैः ॥ ३१.२८ ॥
saṃspṛṣṭe vaiṣṇave biṃbe turuṣkādyairmalimlucaiḥ . spṛṣṭe caṇḍālakādyairvā mahāpātakadūṣitaiḥ .. 31.28 ..
Shloka 29
विमानेऽशनिपाते वा महोल्का पतनेऽपि वा । लोहितो पलवर्षे च वांसुवर्षे विशेषतः ॥ ३१.२९ ॥
vimāne'śanipāte vā maholkā patane'pi vā . lohito palavarṣe ca vāṃsuvarṣe viśeṣataḥ .. 31.29 ..
Shloka 30
भूकंपाच्चलिते बिंबे वल्मीकस्य समुद्भवे । शिथिलिभवने वापि चाष्टबन्धे विशेषतः ॥ ३१.३० ॥
bhūkaṃpāccalite biṃbe valmīkasya samudbhave . śithilibhavane vāpi cāṣṭabandhe viśeṣataḥ .. 31.30 ..
Shloka 31
जीर्णे स्तंभादिपतने देवागारेन वीकृते । अग्निस्पर्शे च बेरस्य मनुष्यप्रसवे तथा ॥ ३१.३१ ॥
jīrṇe staṃbhādipatane devāgārena vīkṛte . agnisparśe ca berasya manuṣyaprasave tathā .. 31.31 ..
Shloka 32
सुथाकर्मणि सर्वत्र गर्भगेहादिके पुनः । बिंबेषु गर्भगेहे वा कृमिकीटादिदर्शने ॥ ३१.३२ ॥
suthākarmaṇi sarvatra garbhagehādike punaḥ . biṃbeṣu garbhagehe vā kṛmikīṭādidarśane .. 31.32 ..
Shloka 33
हसने रोदने चैव भाषणे च विशेषतः । स्वेदशोणितयोर्वापि दर्शने वर्णसंक्षये ॥ ३१.३३ ॥
hasane rodane caiva bhāṣaṇe ca viśeṣataḥ . svedaśoṇitayorvāpi darśane varṇasaṃkṣaye .. 31.33 ..
Shloka 34
विमाने मण्डपे वाथ यत्र कुत्रापि वा हरेः । देवागारे समुत्पन्ने दोषेष्वेतेषु वा पृथक् ॥ ३१.३४ ॥
vimāne maṇḍape vātha yatra kutrāpi vā hareḥ . devāgāre samutpanne doṣeṣveteṣu vā pṛthak .. 31.34 ..
Shloka 35
दुर्भिक्षे राष्ट्रसंक्षोभे दुर्निमित्तेषु चैव हि । दुस्स्वप्ने भूमिकंपे वा परराजाद्युपद्रवे ॥ ३१.३५ ॥
durbhikṣe rāṣṭrasaṃkṣobhe durnimitteṣu caiva hi . dussvapne bhūmikaṃpe vā pararājādyupadrave .. 31.35 ..
Shloka 36
भूगुप्ते चोद्धृते बिंबे चिरमन्यालये स्थिते । अतिक्रम्य त्रिरात्रं तु देवे ग्रामान्तरे स्थिते ॥ ३१.३६ ॥
bhūgupte coddhṛte biṃbe ciramanyālaye sthite . atikramya trirātraṃ tu deve grāmāntare sthite .. 31.36 ..
Shloka 37
कुण्डगोलकसूताद्यैर्दीक्षितैरर्चने कृते । अनुक्तानि च कर्वाणि दुरितान्यद्भुतानि च ॥ ३१.३७ ॥
kuṇḍagolakasūtādyairdīkṣitairarcane kṛte . anuktāni ca karvāṇi duritānyadbhutāni ca .. 31.37 ..
Shloka 38
दृष्ट्वातु यजमानश्च ये तत्परिसरे जनाः । ग्रामस्थिता चनाश्चैव राजा राष्ट्रं च यत्नतः ॥ ३१.३८ ॥
dṛṣṭvātu yajamānaśca ye tatparisare janāḥ . grāmasthitā canāścaiva rājā rāṣṭraṃ ca yatnataḥ .. 31.38 ..
Shloka 39
ज्ञात्वा शास्त्रोक्तविधिना दोषजं भक्तितः फलं । महासंप्रोक्षणं कुर्यान्महादोषापनुत्तये ॥ ३१.३९ ॥
jñātvā śāstroktavidhinā doṣajaṃ bhaktitaḥ phalaṃ . mahāsaṃprokṣaṇaṃ kuryānmahādoṣāpanuttaye .. 31.39 ..
Shloka 40
महदोषेषु सर्वत्र महाशान्तिर्विथीयते । पूर्वं स्थापितबिंबस्य न साधारणहेतुना ॥ ३१.४० ॥
mahadoṣeṣu sarvatra mahāśāntirvithīyate . pūrvaṃ sthāpitabiṃbasya na sādhāraṇahetunā .. 31.40 ..
Shloka 41
स्यात्पुनस्थ्सापनं तस्मान्महासंप्रोक्षणं चरेथ् । महासंप्रोक्षणविधेर्नूतनस्थापनस्य च ॥ ३१.४१ ॥
syātpunasthsāpanaṃ tasmānmahāsaṃprokṣaṇaṃ careth . mahāsaṃprokṣaṇavidhernūtanasthāpanasya ca .. 31.41 ..
Shloka 42
स्वल्पो भेद इति प्रोक्तमृषिभिः काश्यपादिभिः । जलसंप्रोक्षणविधिं प्रवक्ष्यामि तपोधनाः ॥ ३१.४२ ॥
svalpo bheda iti proktamṛṣibhiḥ kāśyapādibhiḥ . jalasaṃprokṣaṇavidhiṃ pravakṣyāmi tapodhanāḥ .. 31.42 ..
Shloka 43
यजमानाभ्यनुज्ञातो गुरुस्स्नात्वा विधानतः । आलयाभिमुखे वापि दक्षिणे वा मनोरमे ॥ ३१.४३ ॥
yajamānābhyanujñāto gurussnātvā vidhānataḥ . ālayābhimukhe vāpi dakṣiṇe vā manorame .. 31.43 ..
Shloka 44
स्थण्डिले सैकते शुद्धे पुण्याहाग्निमुखात्वरं । वास्तुहोमावसाने च दोषदुष्टं तु यत्स्थलं ॥ ३१.४४ ॥
sthaṇḍile saikate śuddhe puṇyāhāgnimukhātvaraṃ . vāstuhomāvasāne ca doṣaduṣṭaṃ tu yatsthalaṃ .. 31.44 ..
Shloka 45
पर्यग्निपञ्चगव्याभ्यां संस्क्रत्य विधिना बुधः । बिंबं पुरुषसूक्तेन कलशैरभिषिच्य च ॥ ३१.४५ ॥
paryagnipañcagavyābhyāṃ saṃskratya vidhinā budhaḥ . biṃbaṃ puruṣasūktena kalaśairabhiṣicya ca .. 31.45 ..
Shloka 46
षट्द्रोणधान्य राशौ तु पञ्चकुंभान्निधाय च । वस्त्रयुग्नेन संवेष्ट्य प्रतिमास्तेषु निक्षिपेथ् ॥ ३१.४६ ॥
ṣaṭdroṇadhānya rāśau tu pañcakuṃbhānnidhāya ca . vastrayugnena saṃveṣṭya pratimāsteṣu nikṣipeth .. 31.46 ..
Shloka 47
नालिकेराम्रपत्राद्यैरलङ्कृत्य पृथक्घटान् । पञ्चसूक्तं जपित्वैव पञ्चशान्तिभिरेव च ॥ ३१.४७ ॥
nālikerāmrapatrādyairalaṅkṛtya pṛthakghaṭān . pañcasūktaṃ japitvaiva pañcaśāntibhireva ca .. 31.47 ..
Shloka 48
पञ्चमूर्तिभिरावाह्य समभ्यर्च्याष्टविग्रहैः । पश्चादग्निं परिस्तीर्य पञ्चसूक्तं हुनेत्सुधीः र् ॥ ३१.४८ ॥
pañcamūrtibhirāvāhya samabhyarcyāṣṭavigrahaiḥ . paścādagniṃ paristīrya pañcasūktaṃ hunetsudhīḥ r .. 31.48 ..
Shloka 49
इङ्कारादींश्च जुहुयादष्टाशीतिमतः परं । पञ्चवारुणमन्त्रैश्च महाव्याहृतिभिस्सह ॥ ३१.४९ ॥
iṅkārādīṃśca juhuyādaṣṭāśītimataḥ paraṃ . pañcavāruṇamantraiśca mahāvyāhṛtibhissaha .. 31.49 ..
Shloka 50
पश्चादग्निं विसृज्यैव गुरवे दक्षिणां ददेथ् । निष्काहीनसुवर्णं च वस्त्राभरणकुण्डलान् ॥ ३१.५० ॥
paścādagniṃ visṛjyaiva gurave dakṣiṇāṃ dadeth . niṣkāhīnasuvarṇaṃ ca vastrābharaṇakuṇḍalān .. 31.50 ..
Shloka 51
पश्चात्कुंभजलेनैव प्रोक्षयित्वा समन्त्रकं । प्रभूतं च निवेद्यैव नित्यार्चनमथाचरेथ् ॥ ३१.५१ ॥
paścātkuṃbhajalenaiva prokṣayitvā samantrakaṃ . prabhūtaṃ ca nivedyaiva nityārcanamathācareth .. 31.51 ..
Shloka 52
अनेन विधिना दोषा नश्यत्येव न संशयः । तद्बिंबे देवसान्निध्यं भवेदित्याह चाङ्गिराः ॥ ३१.५२ ॥
anena vidhinā doṣā naśyatyeva na saṃśayaḥ . tadbiṃbe devasānnidhyaṃ bhavedityāha cāṅgirāḥ .. 31.52 ..
Shloka 53
एतावानेव संप्रोक्तो जलसंप्रोक्षणक्रमः । लघुसंप्रोक्षणं कुर्याद्यजमानेन वै गुरुः ॥ ३१.५३ ॥
etāvāneva saṃprokto jalasaṃprokṣaṇakramaḥ . laghusaṃprokṣaṇaṃ kuryādyajamānena vai guruḥ .. 31.53 ..
Shloka 54
यथार्हं पूजितः पूर्वमारंभदिवसादधः । त्षहे वा द्वियहे वापि कृत्वा चैवाङ्कुरार्पणं ॥ ३१.५४ ॥
yathārhaṃ pūjitaḥ pūrvamāraṃbhadivasādadhaḥ . tṣahe vā dviyahe vāpi kṛtvā caivāṅkurārpaṇaṃ .. 31.54 ..
Shloka 55
औपासनाग्नौ श्वोभूते वास्तुहोमं विधाय च । पर्यग्नि पञ्चगव्याभ्यां शोधयित्वा समन्ततः ॥ ३१.५५ ॥
aupāsanāgnau śvobhūte vāstuhomaṃ vidhāya ca . paryagni pañcagavyābhyāṃ śodhayitvā samantataḥ .. 31.55 ..
Shloka 56
अभिषिच्य च देवेशमष्टोत्तरशतैर्घुटैः । शोथयित्वा विधानेन वस्तुवास्तुपरिच्छदान् ॥ ३१.५६ ॥
abhiṣicya ca deveśamaṣṭottaraśatairghuṭaiḥ . śothayitvā vidhānena vastuvāstuparicchadān .. 31.56 ..
Shloka 57
पश्चात्पद्माग्निमासाद्य कृताघारं विधानतः । कुंभपूजां ततः कुर्यात्सम्यक्ध्यानयुतो गुरुः ॥ ३१.५७ ॥
paścātpadmāgnimāsādya kṛtāghāraṃ vidhānataḥ . kuṃbhapūjāṃ tataḥ kuryātsamyakdhyānayuto guruḥ .. 31.57 ..
Shloka 58
द्वात्रिंशत्प्रस्थसंपूर्णान्कुंभानाहृत्य शोभनान् । तन्तुना वेष्टयित्वा तु तोयैरापूर्य मन्त्रत ॥ ३१.५८ ॥
dvātriṃśatprasthasaṃpūrṇānkuṃbhānāhṛtya śobhanān . tantunā veṣṭayitvā tu toyairāpūrya mantrata .. 31.58 ..
Shloka 59
षड्भारधान्यरोशौ तु वेद्यां सप्तदश क्रमाथ् । वस्त्रयुग्मेन संवेष्ट्य प्रतिमास्तेषु निक्षिपेथ् ॥ ३१.५९ ॥
ṣaḍbhāradhānyarośau tu vedyāṃ saptadaśa kramāth . vastrayugmena saṃveṣṭya pratimāsteṣu nikṣipeth .. 31.59 ..
Shloka 60
निष्कत्रयकृतांस्तत्र नव रत्नानि यत्नतः । रत्नालाभे सुवर्णं वा प्रत्येकं निक्षिपेद्घटे ॥ ३१.६० ॥
niṣkatrayakṛtāṃstatra nava ratnāni yatnataḥ . ratnālābhe suvarṇaṃ vā pratyekaṃ nikṣipedghaṭe .. 31.60 ..
Shloka 61
गन्धपुष्पैस्समभ्यर्च्य नालिकेराम्रपल्लवैः । आयुधैःपञ्चभिस्तद्वत्तोरणैरष्टमङ्गलैः ॥ ३१.६१ ॥
gandhapuṣpaissamabhyarcya nālikerāmrapallavaiḥ . āyudhaiḥpañcabhistadvattoraṇairaṣṭamaṅgalaiḥ .. 31.61 ..
Shloka 62
अलङ्कृत्य गुरुर्धीमान्त्पृष्ट्वा कूर्चेन तान्घटान् । पञ्चसूक्तं पञ्चशान्तिं ततो द्वादशसूक्तकं ॥ ३१.६२ ॥
alaṅkṛtya gururdhīmāntpṛṣṭvā kūrcena tānghaṭān . pañcasūktaṃ pañcaśāntiṃ tato dvādaśasūktakaṃ .. 31.62 ..
Shloka 63
सारस्वतादिसूक्तं च दिक्सूक्तं पञ्चवारुणं । स्वस्तिसूक्तं जपित्वैव तथैवौषधिसूक्तकं ॥ ३१.६३ ॥
sārasvatādisūktaṃ ca diksūktaṃ pañcavāruṇaṃ . svastisūktaṃ japitvaiva tathaivauṣadhisūktakaṃ .. 31.63 ..
Shloka 64
नवमूर्तिभिरावाह्य देवीभ्यां सह पार्षदैः । द्वात्रिंशद्विग्रहैस्सम्यगभ्यर्च्य तु निवेदयेथ् ॥ ३१.६४ ॥
navamūrtibhirāvāhya devībhyāṃ saha pārṣadaiḥ . dvātriṃśadvigrahaissamyagabhyarcya tu nivedayeth .. 31.64 ..
Shloka 65
पैण्डरीकाग्निमासाद्य परिषिच्य च पावकं । पञ्चसूक्तेन जुहुयाद्व्यापकत्रयमन्त्रतः ॥ ३१.६५ ॥
paiṇḍarīkāgnimāsādya pariṣicya ca pāvakaṃ . pañcasūktena juhuyādvyāpakatrayamantrataḥ .. 31.65 ..
Shloka 66
अष्टोत्तरशतं तद्वदष्टाविंशतिरेव वा । रिङ्कारादींश्च जुहुयादष्टाशीतिमतः परं ॥ ३१.६६ ॥
aṣṭottaraśataṃ tadvadaṣṭāviṃśatireva vā . riṅkārādīṃśca juhuyādaṣṭāśītimataḥ paraṃ .. 31.66 ..
Shloka 67
धातादिं मूलहोमं च पञ्चवारुणमेव च । हुत्वा कूश्माण्डहोमं च पञ्चवारुणमेव च ॥ ३१.६७ ॥
dhātādiṃ mūlahomaṃ ca pañcavāruṇameva ca . hutvā kūśmāṇḍahomaṃ ca pañcavāruṇameva ca .. 31.67 ..
Shloka 68
पङ्कजैर्बिल्वपत्रैर्वा विष्णुगायत्रिया ततः । अष्टोत्तरशतं हुत्वा पश्चादग्निं विसर्चयेथ् ॥ ३१.६८ ॥
paṅkajairbilvapatrairvā viṣṇugāyatriyā tataḥ . aṣṭottaraśataṃ hutvā paścādagniṃ visarcayeth .. 31.68 ..
Shloka 69
पश्चाद्गुरुः पूजितस्सन्वस्त्राभरणकुण्डलैः । कुंभमादाय शिरसो ग्राममालयमेव वा ॥ ३१.६९ ॥
paścādguruḥ pūjitassanvastrābharaṇakuṇḍalaiḥ . kuṃbhamādāya śiraso grāmamālayameva vā .. 31.69 ..
Shloka 70
प्रदक्षिणं परीत्याथ देवदेवस्य सन्निधौ । कूर्चेनादाय तत्तोयं प्रोक्षयेत्पञ्चमूर्तिभिः ॥ ३१.७० ॥
pradakṣiṇaṃ parītyātha devadevasya sannidhau . kūrcenādāya tattoyaṃ prokṣayetpañcamūrtibhiḥ .. 31.70 ..
Shloka 71
शुची वो हव्यऽऽ मन्त्रेण प्रोक्षयेत्सर्वमन्दिरं । उपचारैस्समभ्यर्च्य क्षमऽऽस्वेति प्रणम्य च ॥ ३१.७१ ॥
śucī vo havya'' mantreṇa prokṣayetsarvamandiraṃ . upacāraissamabhyarcya kṣama''sveti praṇamya ca .. 31.71 ..
Shloka 72
महाहविः प्रभूतं वा देवेशाय निवेदयेथ् । ब्राह्मणानां सहस्रं च भोजयेद्गुरुणा सह ॥ ३१.७२ ॥
mahāhaviḥ prabhūtaṃ vā deveśāya nivedayeth . brāhmaṇānāṃ sahasraṃ ca bhojayedguruṇā saha .. 31.72 ..
Shloka 73
गुरवे दक्षिणां दद्यात्सुवर्णं पञ्चनिष्ककं । प्रदद्याद्भूमिमिष्टां च प्रोन्मिषत्सस्यमालिनीं ॥ ३१.७३ ॥
gurave dakṣiṇāṃ dadyātsuvarṇaṃ pañcaniṣkakaṃ . pradadyādbhūmimiṣṭāṃ ca pronmiṣatsasyamālinīṃ .. 31.73 ..
Shloka 74
दशदानं ततः कृत्वा नित्यार्चनमथाचरेथ् । एवं यः कुरुते भक्त्या लघुसंप्रोक्षणं हरेः ॥ ३१.७४ ॥
daśadānaṃ tataḥ kṛtvā nityārcanamathācareth . evaṃ yaḥ kurute bhaktyā laghusaṃprokṣaṇaṃ hareḥ .. 31.74 ..
Shloka 75
विष्णुसान्निध्यमाप्नोति दोषशान्तिश्च जायते । राजराष्ट्राभिवृद्धिश्च जगत्पुष्टिकरं भवेथ् ॥ ३१.७५ ॥
viṣṇusānnidhyamāpnoti doṣaśāntiśca jāyate . rājarāṣṭrābhivṛddhiśca jagatpuṣṭikaraṃ bhaveth .. 31.75 ..
Shloka 76
लघुसंप्रोक्षणविधिर्मया प्रख्यापितः किल । काश्यपाद्यैश्च मुनिभिरेवमेव प्रचोदितः ॥ ३१.७६ ॥
laghusaṃprokṣaṇavidhirmayā prakhyāpitaḥ kila . kāśyapādyaiśca munibhirevameva pracoditaḥ .. 31.76 ..
Shloka 77
महासंप्रोक्षण विधौ विशेषो वक्ष्यते मया । जलाधिवासरहितं नेत्रोन्मीलनवर्जनं ॥ ३१.७७ ॥
mahāsaṃprokṣaṇa vidhau viśeṣo vakṣyate mayā . jalādhivāsarahitaṃ netronmīlanavarjanaṃ .. 31.77 ..
Shloka 78
प्रतिष्ठोक्तविधानेन सर्वं पूर्ववदाचरेथ् । नेत्रयोस्तेजने तद्वद्दृष्टिदोषे विशेषतः ॥ ३१.७८ ॥
pratiṣṭhoktavidhānena sarvaṃ pūrvavadācareth . netrayostejane tadvaddṛṣṭidoṣe viśeṣataḥ .. 31.78 ..
Shloka 79
जलाधिवासनं कुर्यादक्ष्णोरुन्मीलनं पुनः । महाशान्तिविधानस्य विशेषोऽत्र प्रकीर्तितः ॥ ३१.७९ ॥
jalādhivāsanaṃ kuryādakṣṇorunmīlanaṃ punaḥ . mahāśāntividhānasya viśeṣo'tra prakīrtitaḥ .. 31.79 ..
Shloka 80
जङ्गमप्रतिमास्सर्वा अधिवासपुरस्सरं । प्रोक्षयित्वा विधानेन देवं पूर्ववदर्चयेथ् ॥ ३१.८० ॥
jaṅgamapratimāssarvā adhivāsapurassaraṃ . prokṣayitvā vidhānena devaṃ pūrvavadarcayeth .. 31.80 ..
Shloka 81
महानिमित्ते संप्राप्ते यजमानार्थितो गुरुः । प्रतिष्ठोक्तदिने विद्वानृत्विग्भिर्लक्षणान्वितैः ॥ ३१.८१ ॥
mahānimitte saṃprāpte yajamānārthito guruḥ . pratiṣṭhoktadine vidvānṛtvigbhirlakṣaṇānvitaiḥ .. 31.81 ..
Shloka 82
वस्त्रैराभरणैश्चापि पूर्वोक्तमिव भूषितः । प्रोक्षणादिवसात्सूर्वमङ्कुरार्पणमाचरेथ् ॥ ३१.८२ ॥
vastrairābharaṇaiścāpi pūrvoktamiva bhūṣitaḥ . prokṣaṇādivasātsūrvamaṅkurārpaṇamācareth .. 31.82 ..
Shloka 83
द्रव्याण्यपि सुसंभृत्य यागशालां प्रविश्य च । कदलीपूगमालाद्यैः पताकाद्यैरलङ्कृतां ॥ ३१.८३ ॥
dravyāṇyapi susaṃbhṛtya yāgaśālāṃ praviśya ca . kadalīpūgamālādyaiḥ patākādyairalaṅkṛtāṃ .. 31.83 ..
Shloka 84
तन्मध्येकल्पयेद्वेदिं शयनार्थं विधानतः । तस्यास्तु पूर्वदिग्भागे कुंभवेदिं सलक्षणं ॥ ३१.८४ ॥
tanmadhyekalpayedvediṃ śayanārthaṃ vidhānataḥ . tasyāstu pūrvadigbhāge kuṃbhavediṃ salakṣaṇaṃ .. 31.84 ..
Shloka 85
परितश्चाग्निकुण्डांश्च पैण्डरीकं च कारयेथ् । देवालयं च संशोध्य मृष्टसिक्तोपलेपनैः ॥ ३१.८५ ॥
paritaścāgnikuṇḍāṃśca paiṇḍarīkaṃ ca kārayeth . devālayaṃ ca saṃśodhya mṛṣṭasiktopalepanaiḥ .. 31.85 ..
Shloka 86
आचार्यस्सुप्रसन्नात्मा यजमानार्थितो मुहुः । स्नात्वास्नानविधानेन गायत्रीं च सहस्रशः ॥ ३१.८६ ॥
ācāryassuprasannātmā yajamānārthito muhuḥ . snātvāsnānavidhānena gāyatrīṃ ca sahasraśaḥ .. 31.86 ..
Shloka 87
जप्त्वा द्वादशसूक्तानि पुण्याहमपि वाचयेथ् । वास्तुहोमं ततः कृत्वा कुण्डे त्वौपासने गुरुः ॥ ३१.८७ ॥
japtvā dvādaśasūktāni puṇyāhamapi vācayeth . vāstuhomaṃ tataḥ kṛtvā kuṇḍe tvaupāsane guruḥ .. 31.87 ..
Shloka 88
पर्यग्नि पञ्चगव्याभ्यां संशोध्यैव च सर्वतः । गार्हपत्यादिकुण्डेषु क्रमादाघारमाचरेथ् ॥ ३१.८८ ॥
paryagni pañcagavyābhyāṃ saṃśodhyaiva ca sarvataḥ . gārhapatyādikuṇḍeṣu kramādāghāramācareth .. 31.88 ..
Shloka 89
पक्वबिंबसमाकारघटानां पञ्चविंशतिं । तन्तुना त्रिवृता वेष्ट्य शोधयित्वा सुधूपितान् ॥ ३१.८९ ॥
pakvabiṃbasamākāraghaṭānāṃ pañcaviṃśatiṃ . tantunā trivṛtā veṣṭya śodhayitvā sudhūpitān .. 31.89 ..
Shloka 90
आदाय मन्त्रवद्दिव्यं जलमाहृत्य यत्नतः । पूताभिरद्भिरापूर्य नालिकेराम्रपल्लवैः ॥ ३१.९० ॥
ādāya mantravaddivyaṃ jalamāhṛtya yatnataḥ . pūtābhiradbhirāpūrya nālikerāmrapallavaiḥ .. 31.90 ..
Shloka 91
अलङ्कृत्य तथा कूर्चैर्गन्धपुष्पाक्षतादिभिः । यवैर्वाह्रीहिभिर्वाथ वेद्यां द्वादशभारकैः ॥ ३१.९१ ॥
alaṅkṛtya tathā kūrcairgandhapuṣpākṣatādibhiḥ . yavairvāhrīhibhirvātha vedyāṃ dvādaśabhārakaiḥ .. 31.91 ..
Shloka 92
आस्तीर्य तेषु संस्थाप्य पृथग्वस्त्रेण वेष्टयेथ् । सौवर्णप्रतिमास्तत्र पञ्चनिष्ककृताः पृथक् ॥ ३१.९२ ॥
āstīrya teṣu saṃsthāpya pṛthagvastreṇa veṣṭayeth . sauvarṇapratimāstatra pañcaniṣkakṛtāḥ pṛthak .. 31.92 ..
Shloka 93
गजकूर्मादिरूपाणि नवरत्नादि च क्षिपेथ् । ध्यानमार्गेण कुंभेषु मध्यमादिषु चक्रमाथ् ॥ ३१.९३ ॥
gajakūrmādirūpāṇi navaratnādi ca kṣipeth . dhyānamārgeṇa kuṃbheṣu madhyamādiṣu cakramāth .. 31.93 ..
Shloka 94
नवमूर्तिक्रमेणैव मन्त्रेणावाहयेद्गुरुः । वेद्यधस्थेषु कुंभेषु चें दादीनष्टदिक्पतीन् ॥ ३१.९४ ॥
navamūrtikrameṇaiva mantreṇāvāhayedguruḥ . vedyadhastheṣu kuṃbheṣu ceṃ dādīnaṣṭadikpatīn .. 31.94 ..
Shloka 95
आवाह्य गन्धपुष्पाद्यैस्समभ्यर्च्य निवेदयेथ् । सहस्रकलशैस्स्नाप्य स्नपनोक्तप्रकारतः ॥ ३१.९५ ॥
āvāhya gandhapuṣpādyaissamabhyarcya nivedayeth . sahasrakalaśaissnāpya snapanoktaprakārataḥ .. 31.95 ..
Shloka 96
सौवर्णं कौतुकं बद्ध्वा प्रतिष्ठोक्तविधानतः । शय्यावेदिं समभ्युक्ष्य पञ्चतल्पान्प्राकल्प्यच ॥ ३१.९६ ॥
sauvarṇaṃ kautukaṃ baddhvā pratiṣṭhoktavidhānataḥ . śayyāvediṃ samabhyukṣya pañcatalpānprākalpyaca .. 31.96 ..
Shloka 97
शालिव्रीहियवैश्चापि षड्भारैश्च पृथक्पृथक् । तदर्धैस्तण्डुलैश्चाथ तदर्धैश्च तिलैस्तथा ॥ ३१.९७ ॥
śālivrīhiyavaiścāpi ṣaḍbhāraiśca pṛthakpṛthak . tadardhaistaṇḍulaiścātha tadardhaiśca tilaistathā .. 31.97 ..
Shloka 98
उपर्युपरि चास्तीर्य चर्मजादीन्समास्तरेथ् । शयने शाययेद्वेद्यामौत्सवं बिंबमुक्तवथ् ॥ ३१.९८ ॥
uparyupari cāstīrya carmajādīnsamāstareth . śayane śāyayedvedyāmautsavaṃ biṃbamuktavath .. 31.98 ..
Shloka 99
कूर्चाधिवासं कुर्वीत ध्रुवमात्रं यदिक्रमाथ् । वेदानध्यापयेद्दिक्षु "ऋचां प्राचीऽऽरिति श्रुतिः ॥ ३१.९९ ॥
kūrcādhivāsaṃ kurvīta dhruvamātraṃ yadikramāth . vedānadhyāpayeddikṣu "ṛcāṃ prācī''riti śrutiḥ .. 31.99 ..
Shloka 100
गार्हपत्यादिकुण्डेषु प्रतिष्ठोक्तविधानतः । ऋत्विग्भिः कारयेद्धोमं तत्तद्दैवत्यपूर्वकं ॥ ३१.१०० ॥
gārhapatyādikuṇḍeṣu pratiṣṭhoktavidhānataḥ . ṛtvigbhiḥ kārayeddhomaṃ tattaddaivatyapūrvakaṃ .. 31.100 ..
Shloka 101
गुरुस्सभ्याग्निमासाद्य परिषिच्य च पावकं । पञ्चसूक्तं क्रमेणैव महाव्याहृतिपूर्वकं ॥ ३१.१०१ ॥
gurussabhyāgnimāsādya pariṣicya ca pāvakaṃ . pañcasūktaṃ krameṇaiva mahāvyāhṛtipūrvakaṃ .. 31.101 ..
Shloka 102
व्यापकत्रयमन्त्रं च विष्णुगायत्रिया पुनः । अषोत्तरशतं हुत्वा व्याहृत्या च तथैव च ॥ ३१.१०२ ॥
vyāpakatrayamantraṃ ca viṣṇugāyatriyā punaḥ . aṣottaraśataṃ hutvā vyāhṛtyā ca tathaiva ca .. 31.102 ..
Shloka 103
ततोऽब्जाग्निं समासाद्य पञ्चसूक्तैस्सहैव तु । धातादिमूलहोमं च पञ्चवारुणसंयुतं ॥ ३१.१०३ ॥
tato'bjāgniṃ samāsādya pañcasūktaissahaiva tu . dhātādimūlahomaṃ ca pañcavāruṇasaṃyutaṃ .. 31.103 ..
Shloka 104
महाशान्त्युक्तमन्त्रांश्च त्रिरावर्त्य हुनेत्ततः । कुंभवेदिं समासाद्य समभ्यर्च्याष्टविग्रहैः ॥ ३१.१०४ ॥
mahāśāntyuktamantrāṃśca trirāvartya hunettataḥ . kuṃbhavediṃ samāsādya samabhyarcyāṣṭavigrahaiḥ .. 31.104 ..
Shloka 105
स्पृष्ट्वा कूर्चेन तत्कुंभानृत्विग्भिस्सह वै गुरुः । आत्मसूक्तं जपित्वैव पञ्चसूक्तमतः परं ॥ ३१.१०५ ॥
spṛṣṭvā kūrcena tatkuṃbhānṛtvigbhissaha vai guruḥ . ātmasūktaṃ japitvaiva pañcasūktamataḥ paraṃ .. 31.105 ..
Shloka 106
स्वस्तिसूक्तं च दौर्गं च रात्रिमेकाक्षरं तथा । अष्टदिक्पालसूक्तानि पञ्चशान्तिमतः परं ॥ ३१.१०६ ॥
svastisūktaṃ ca daurgaṃ ca rātrimekākṣaraṃ tathā . aṣṭadikpālasūktāni pañcaśāntimataḥ paraṃ .. 31.106 ..
Shloka 107
आपो हिरण्यवर्णाऽऽभ्यां पावमानीभिरेव च । जप्त्वा द्वादशसूक्तं च ततस्सभ्यानले क्रमाथ् ॥ ३१.१०७ ॥
āpo hiraṇyavarṇā''bhyāṃ pāvamānībhireva ca . japtvā dvādaśasūktaṃ ca tatassabhyānale kramāth .. 31.107 ..
Shloka 108
हौत्रप्रशसनं कुर्यात्सर्वं होत्तु पूर्ववथ् । चतुर्मूर्तिक्रमेणैव सहस्राहुतिना सह ॥ ३१.१०८ ॥
hautrapraśasanaṃ kuryātsarvaṃ hottu pūrvavath . caturmūrtikrameṇaiva sahasrāhutinā saha .. 31.108 ..
Shloka 109
यद्देवाऽऽद्यैश्च कूश्माण्डैस्सर्वदैवत्यमन्त्रकैः । हुत्वातु दोषशान्त्यर्थं लोजैस्तद्वत्तिलैरपि ॥ ३१.१०९ ॥
yaddevā''dyaiśca kūśmāṇḍaissarvadaivatyamantrakaiḥ . hutvātu doṣaśāntyarthaṃ lojaistadvattilairapi .. 31.109 ..
Shloka 110
सापूपैर्विष्णुगायत्षा हुत्वाकुण्डेषु पूर्ववथ् । अष्टोत्तरशतं तद्वदष्टाविंशतिरेव वा ॥ ३१.११० ॥
sāpūpairviṣṇugāyatṣā hutvākuṇḍeṣu pūrvavath . aṣṭottaraśataṃ tadvadaṣṭāviṃśatireva vā .. 31.110 ..
Shloka 111
परिषेगं ततः कृत्वा पैण्डरीके विशेषतः । पद्मैर्वा बिल्वपत्रैर्वा विष्णुगायत्रिया ततः ॥ ३१.१११ ॥
pariṣegaṃ tataḥ kṛtvā paiṇḍarīke viśeṣataḥ . padmairvā bilvapatrairvā viṣṇugāyatriyā tataḥ .. 31.111 ..
Shloka 112
अषोत्तरसहस्रं तु घृतेनाप्लुत्य वै हुनेथ् । पारमात्मिकमन्त्रैश्च रिङ्काराद्यैश्च यत्नतः ॥ ३१.११२ ॥
aṣottarasahasraṃ tu ghṛtenāplutya vai huneth . pāramātmikamantraiśca riṅkārādyaiśca yatnataḥ .. 31.112 ..
Shloka 113
अष्टाशीतिं ततो हुत्वा महाव्याहृतिपूर्वकं । हुत्वा तद्दोषनाशाय राजराष्ट्राभिवृद्धये ॥ ३१.११३ ॥
aṣṭāśītiṃ tato hutvā mahāvyāhṛtipūrvakaṃ . hutvā taddoṣanāśāya rājarāṣṭrābhivṛddhaye .. 31.113 ..
Shloka 114
सभ्याग्निं पौण्डरीकाग्निं हित्वान्येष्वन्तहोमकं ॥ ३१.११४ ॥
sabhyāgniṃ pauṇḍarīkāgniṃ hitvānyeṣvantahomakaṃ .. 31.114 ..
Shloka 115
नृत्तगीतादिवाद्यैश्च रात्रिशेषं नयेद्गुरुः । प्रातस्स्नात्वा विधानेन कलशैस्स्नपनं चरेथ् ॥ ३१.११५ ॥
nṛttagītādivādyaiśca rātriśeṣaṃ nayedguruḥ . prātassnātvā vidhānena kalaśaissnapanaṃ careth .. 31.115 ..
Shloka 116
पञ्चसूक्तैश्च संस्नाप्य पञ्चशान्तिसमन्वितं । पश्चाद्देवमलङ्कृत्य सुवस्त्राभरणादिकैः ॥ ३१.११६ ॥
pañcasūktaiśca saṃsnāpya pañcaśāntisamanvitaṃ . paścāddevamalaṅkṛtya suvastrābharaṇādikaiḥ .. 31.116 ..
Shloka 117
गन्धपुष्पैस्सुगन्धैश्च यापन्नेत्रमनःप्रियं । मुहूर्ते समनुप्राप्ते कुंभमादाय देशिकः ॥ ३१.११७ ॥
gandhapuṣpaissugandhaiśca yāpannetramanaḥpriyaṃ . muhūrte samanuprāpte kuṃbhamādāya deśikaḥ .. 31.117 ..
Shloka 118
स्वस्तिसूक्तं जपन्ग्राममालयं वा प्रदक्षिणं । कृत्वा देवाग्रतः कुंभं ध्यान्यपीठे निवेशयेथ् ॥ ३१.११८ ॥
svastisūktaṃ japangrāmamālayaṃ vā pradakṣiṇaṃ . kṛtvā devāgrataḥ kuṃbhaṃ dhyānyapīṭhe niveśayeth .. 31.118 ..
Shloka 119
यजमानेन शक्त्यावै गुरुस्संपूजितस्तदा । कूर्यादनन्तरोक्तांश्च संस्कारान्भगवत्प्रियान् ॥ ३१.११९ ॥
yajamānena śaktyāvai gurussaṃpūjitastadā . kūryādanantaroktāṃśca saṃskārānbhagavatpriyān .. 31.119 ..
Shloka 120
वस्त्रेराभरणैश्शुभ्रैः कुण्डलैश्च विशेषतः । यजमानस्सुसंपूज्य पशुभूम्यादिभिर्गुरुं ॥ ३१.१२० ॥
vastrerābharaṇaiśśubhraiḥ kuṇḍalaiśca viśeṣataḥ . yajamānassusaṃpūjya paśubhūmyādibhirguruṃ .. 31.120 ..
Shloka 121
गुरवे दक्षिणां दद्यान्निष्काणामेकविंशतिं । ऋत्विग्भ्यश्च तथा दद्यात्सुप्रीतो भगवान्हरिः ॥ ३१.१२१ ॥
gurave dakṣiṇāṃ dadyānniṣkāṇāmekaviṃśatiṃ . ṛtvigbhyaśca tathā dadyātsuprīto bhagavānhariḥ .. 31.121 ..
Shloka 122
गुरुः पश्चात्समावाह्य समभ्यर्च्याष्टविग्रहैः । महाहविर्नि वेद्यैन पायसापूपसंयुतं ॥ ३१.१२२ ॥
guruḥ paścātsamāvāhya samabhyarcyāṣṭavigrahaiḥ . mahāhavirni vedyaina pāyasāpūpasaṃyutaṃ .. 31.122 ..
Shloka 123
साज्यं सव्यञ्जनं दत्वा मुखवासं निवेदयेथ् । पुष्पाञ्जलिं ततो दत्वा "क्षयऽऽ स्वेति प्रणम्य च ॥ ३१.१२३ ॥
sājyaṃ savyañjanaṃ datvā mukhavāsaṃ nivedayeth . puṣpāñjaliṃ tato datvā "kṣaya'' sveti praṇamya ca .. 31.123 ..
Shloka 124
सहस्रं ब्राह्मणानां च भोजयेच्छान्तिहेतवे । दशदानं विशेषेण देवप्रीतिकं भवेथ् ॥ ३१.१२४ ॥
sahasraṃ brāhmaṇānāṃ ca bhojayecchāntihetave . daśadānaṃ viśeṣeṇa devaprītikaṃ bhaveth .. 31.124 ..
Shloka 125
एवमाद्वादशाब्दात्तु प्रतिष्ठामाचरेत्ततः । पुनस्थ्सापनसंस्कारात्प्रायश्चित्तं न हीतरथ् ॥ ३१.१२५ ॥
evamādvādaśābdāttu pratiṣṭhāmācarettataḥ . punasthsāpanasaṃskārātprāyaścittaṃ na hītarath .. 31.125 ..
Shloka 126
तस्मात्सर्वप्रयत्नेन शास्त्रोक्तं सर्वमाचरेथ् । एवं यःकुरुते भक्त्या विष्णोस्संप्रोक्षणत्रयं ॥ ३१.१२६ ॥
tasmātsarvaprayatnena śāstroktaṃ sarvamācareth . evaṃ yaḥkurute bhaktyā viṣṇossaṃprokṣaṇatrayaṃ .. 31.126 ..
Shloka 127
प्रतिष्ठाफलमासाद्य वैष्णवं लोकमाप्नुयाथ् ॥ ३१.१२७ ॥
pratiṣṭhāphalamāsādya vaiṣṇavaṃ lokamāpnuyāth .. 31.127 ..
Shloka 128
इति श्रीवैखानसे भगवच्छास्त्रे भृगुप्रोक्तायां संहितायां प्रकीर्णाधिकारे एकत्रिंशोऽध्यायः.
iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre ekatriṃśo'dhyāyaḥ.

Add to Playlist

Practice Later

No Playlist Found

Create a Verse Post


namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.


Sign In