Gyaandweep | Bhrigu Samhita ,Saptavimsho Adhyaya

Sukta Begins

अथ सप्तविंशोऽध्यायः

atha saptaviṃśo'dhyāyaḥ

Shloka 1

प्रायश्चित्तम्

आचार्यस्यर्त्विजां चैव पूजकस्य विशेषतः । यथोक्तवरणे हीने शान्तिं कुर्याद्यथाविधि ॥ २७.१ ॥

ācāryasyartvijāṃ caiva pūjakasya viśeṣataḥ . yathoktavaraṇe hīne śāntiṃ kuryādyathāvidhi .. 27.1 ..

Shloka 2

अब्जाग्नौ तु महाशान्तिं दशवारं हुनेत्ततः । यथोक्तं वरणं कृत्वा पश्चात्कर्म समाचरेथ् ॥ २७.२ ॥

abjāgnau tu mahāśāntiṃ daśavāraṃ hunettataḥ . yathoktaṃ varaṇaṃ kṛtvā paścātkarma samācareth .. 27.2 ..

Shloka 3

अङ्कुरार्पणकाले तु ब्रह्मादीनामथार्ऽचने । हविर्निवेदने वापि हीने शान्तिं समाचरेथ् ॥ २७.३ ॥

aṅkurārpaṇakāle tu brahmādīnāmathār'cane . havirnivedane vāpi hīne śāntiṃ samācareth .. 27.3 ..

Shloka 4

तद्दैवत्यं वैष्णवं च हुत्वा-भ्यर्च्य निवेदयेथ् । अङ्कुरार्पणहीने तु वैष्णवं विष्णुसूक्तकं ॥ २७.४ ॥

taddaivatyaṃ vaiṣṇavaṃ ca hutvā-bhyarcya nivedayeth . aṅkurārpaṇahīne tu vaiṣṇavaṃ viṣṇusūktakaṃ .. 27.4 ..

Shloka 5

पुरुषसूक्तं च ब्राह्मं च व्याहृतीश्च हुनेत्तथा । पुनरप्यङ्कुरान्कृत्वा पश्चात्कार्यं समाचरेथ् ॥ २७.५ ॥

puruṣasūktaṃ ca brāhmaṃ ca vyāhṛtīśca hunettathā . punarapyaṅkurānkṛtvā paścātkāryaṃ samācareth .. 27.5 ..

Shloka 6

कृत्वांकुरार्पणं पश्चान्नाचरेत्कर्म चेत्ततः । राजराष्ट्रविनाशस्स्यान्महाशान्तिं समाचरेथ् ॥ २७.६ ॥

kṛtvāṃkurārpaṇaṃ paścānnācaretkarma cettataḥ . rājarāṣṭravināśassyānmahāśāntiṃ samācareth .. 27.6 ..

Shloka 7

क्षमऽस्वेति प्रणम्यैव पुनरङ्कुंमाचरेथ् । अक्ष्युन्मेषात्तु पूर्वं चेत्पीठसंघातकर्मणि ॥ २७.७ ॥

kṣama'sveti praṇamyaiva punaraṅkuṃmācareth . akṣyunmeṣāttu pūrvaṃ cetpīṭhasaṃghātakarmaṇi .. 27.7 ..

Shloka 8

अलाभे चैव रत्नानां वैष्णवं विष्णुसूक्तकं । सूक्तं तु पौरुषं ब्राह्मं स्ॐयं चैव तु व्याहृतिः ॥ २७.८ ॥

alābhe caiva ratnānāṃ vaiṣṇavaṃ viṣṇusūktakaṃ . sūktaṃ tu pauruṣaṃ brāhmaṃ s_oṃyaṃ caiva tu vyāhṛtiḥ .. 27.8 ..

Shloka 9

हुत्वा सुवर्णं बहुश स्तत्तत्थ्साने विनिक्षिपेथ् । अक्ष्युन्मेषणकाले तु गवादीनामसंभवे ॥ २७.९ ॥

hutvā suvarṇaṃ bahuśa stattatthsāne vinikṣipeth . akṣyunmeṣaṇakāle tu gavādīnāmasaṃbhave .. 27.9 ..

Shloka 10

दर्शनद्रव्यरूपाणां यथालाभं प्रगृह्य च । तत्तद्द्रव्याधिदैवत्यं वैष्णवं जुहुयात्क्रमाथ् ॥ २७.१० ॥

darśanadravyarūpāṇāṃ yathālābhaṃ pragṛhya ca . tattaddravyādhidaivatyaṃ vaiṣṇavaṃ juhuyātkramāth .. 27.10 ..

Shloka 11

तत्तद्द्रव्यं च संपाद्य विधिवद्दर्शयेत्पुनः । अक्ष्युन्मेषणहीने वा राहुसौरोदयेऽथ वा ॥ २७.११ ॥

tattaddravyaṃ ca saṃpādya vidhivaddarśayetpunaḥ . akṣyunmeṣaṇahīne vā rāhusaurodaye'tha vā .. 27.11 ..

Shloka 12

अन्धकेचैव नक्षत्रे कृते चैवाक्षिमोचने । सर्वनाशो भवेत्तस्माद्वैष्णवं विष्णुसूक्तकं ॥ २७.१२ ॥

andhakecaiva nakṣatre kṛte caivākṣimocane . sarvanāśo bhavettasmādvaiṣṇavaṃ viṣṇusūktakaṃ .. 27.12 ..

Shloka 13

नवग्रहादिमन्त्राश्च हुत्वाक्ष्युन्मीलनं चरेथ् । पञ्चगव्यादिषु द्रव्येष्वधिवासे विवर्जिते ॥ २७.१३ ॥

navagrahādimantrāśca hutvākṣyunmīlanaṃ careth . pañcagavyādiṣu dravyeṣvadhivāse vivarjite .. 27.13 ..

Shloka 14

हुत्वा वैष्णवमार्षञ्च विष्णुसूक्तं तथैव च । जलाधिवासं त्रियहमेकाहं वापि कालयेथ् ॥ २७.१४ ॥

hutvā vaiṣṇavamārṣañca viṣṇusūktaṃ tathaiva ca . jalādhivāsaṃ triyahamekāhaṃ vāpi kālayeth .. 27.14 ..

Shloka 15

यज्ञालये महावेद्यां कृतायामप्रमाणतः । अन्यदेशकृतायां वा विहीनायां च शोभनैः ॥ २७.१५ ॥

yajñālaye mahāvedyāṃ kṛtāyāmapramāṇataḥ . anyadeśakṛtāyāṃ vā vihīnāyāṃ ca śobhanaiḥ .. 27.15 ..

Shloka 16

तत्तद्देशाधिदैवत्यं वैष्णवं विष्णुसूक्तकं । श्रीभूदैवत्यं च हुत्वैव यथोक्तं पुनराचरेथ् ॥ २७.१६ ॥

tattaddeśādhidaivatyaṃ vaiṣṇavaṃ viṣṇusūktakaṃ . śrībhūdaivatyaṃ ca hutvaiva yathoktaṃ punarācareth .. 27.16 ..

Shloka 17

ध्रुवबेराक्षिमोक्षान्ते यदि बेरं न शोधयेथ् । विपरीतेऽपि वा हुत्वा वैष्णवं विष्णुसूक्तकं ॥ २७.१७ ॥

dhruvaberākṣimokṣānte yadi beraṃ na śodhayeth . viparīte'pi vā hutvā vaiṣṇavaṃ viṣṇusūktakaṃ .. 27.17 ..

Shloka 18

पुरुषसूक्तं रौद्रमार्षं वारुणं च पुनश्चरेथ् । अग्निकुण्डान्यविधिना कृतान्यालक्ष्य सत्वरं ॥ २७.१८ ॥

puruṣasūktaṃ raudramārṣaṃ vāruṇaṃ ca punaścareth . agnikuṇḍānyavidhinā kṛtānyālakṣya satvaraṃ .. 27.18 ..

Shloka 19

ब्राह्मं स्ॐयमथाग्नेयं विधिना कारयेत्ततः । अप्रमाणेषु कूर्चादिष्वाज्यपात्र स्रुवादिषु ॥ २७.१९ ॥

brāhmaṃ s_oṃyamathāgneyaṃ vidhinā kārayettataḥ . apramāṇeṣu kūrcādiṣvājyapātra sruvādiṣu .. 27.19 ..

Shloka 20

मिन्दाहुती च सावित्रं व्याहृतीश्च हुनेद्बधः । पञ्चाग्निषु यथास्थानं प्रोक्षणोल्लेखने कृते ॥ २७.२० ॥

mindāhutī ca sāvitraṃ vyāhṛtīśca hunedbadhaḥ . pañcāgniṣu yathāsthānaṃ prokṣaṇollekhane kṛte .. 27.20 ..

Shloka 21

मथिताग्नावलाभे तु प्राप्य चाचार्यमन्दिरं । अथ वा श्रोत्रियागारादाहृत्याग्निं समाचरेथ् ॥ २७.२१ ॥

mathitāgnāvalābhe tu prāpya cācāryamandiraṃ . atha vā śrotriyāgārādāhṛtyāgniṃ samācareth .. 27.21 ..

Shloka 22

निधाय गार्हपत्येग्निमाघारं जुहुयाद्बुधः । वैष्णवं भूमिदैवत्यमाग्नेयं च हुनेत्क्रमाथ् ॥ २७.२२ ॥

nidhāya gārhapatyegnimāghāraṃ juhuyādbudhaḥ . vaiṣṇavaṃ bhūmidaivatyamāgneyaṃ ca hunetkramāth .. 27.22 ..

Shloka 23

तमग्निं वर्धयित्वातु दक्षिणाग्नौ प्रणीय च । तत आहवनीयाग्नावावसध्ये ततः परं ॥ २७.२३ ॥

tamagniṃ vardhayitvātu dakṣiṇāgnau praṇīya ca . tata āhavanīyāgnāvāvasadhye tataḥ paraṃ .. 27.23 ..

Shloka 24

सभ्ये पद्मानले चैवं क्रमात्प्रणयनं चरेथ् । विपरीते प्रणयने तत्तन्मन्त्रविवर्जिते ॥ २७.२४ ॥

sabhye padmānale caivaṃ kramātpraṇayanaṃ careth . viparīte praṇayane tattanmantravivarjite .. 27.24 ..

Shloka 25

वैष्णवं पावकं ब्राह्मंस्ॐयं हुत्वा पुनश्चरेथ् । तत्तदग्निषु चाघारात्पूर्वं तेषामथान्तरा ॥ २७.२५ ॥

vaiṣṇavaṃ pāvakaṃ brāhmaṃs_oṃyaṃ hutvā punaścareth . tattadagniṣu cāghārātpūrvaṃ teṣāmathāntarā .. 27.25 ..

Shloka 26

नगच्छेद्यदि गच्छेत्तु तत्तद्दिक्पालदैवतं । वैष्णवं पावकं चेति प्रायश्चित्तं हुनैत्क्रमाथ् ॥ २७.२६ ॥

nagacchedyadi gacchettu tattaddikpāladaivataṃ . vaiṣṇavaṃ pāvakaṃ ceti prāyaścittaṃ hunaitkramāth .. 27.26 ..

Shloka 27

उत्पन्ने मथिताग्नौ तु शान्ते तत्र प्रमादतः । आदौ प्रणयनादर्वागथवाग्निषु सर्वशः शान्तिं यथोदितां कुर्यादग्नि सूक्तं सहस्रशः) । तण्डुलैरेकजातीयैर्द्विप्रस्थैः पाचयेच्चरुं गव्यं च नवनीतं च लौकिकानलसंस्कृतं ॥ २७.२७ ॥

utpanne mathitāgnau tu śānte tatra pramādataḥ . ādau praṇayanādarvāgathavāgniṣu sarvaśaḥ śāntiṃ yathoditāṃ kuryādagni sūktaṃ sahasraśaḥ) . taṇḍulairekajātīyairdviprasthaiḥ pācayeccaruṃ gavyaṃ ca navanītaṃ ca laukikānalasaṃskṛtaṃ .. 27.27 ..

Shloka 28

संस्कारकाले संस्कुर्यात्तदग्निं मन्त्रवत्तदा । आज्यस्थाल्यामथ चरौ मक्षिकादिः पतेद्यदि ॥ २७.२८ ॥

saṃskārakāle saṃskuryāttadagniṃ mantravattadā . ājyasthālyāmatha carau makṣikādiḥ patedyadi .. 27.28 ..

Shloka 29

तद्व्यपोह्यान्यदादाय प्राजापत्यं च पावकं । वैष्णवं च हुनेदाज्ये त्वलब्धे नूतने पूनः ॥ २७.२९ ॥

tadvyapohyānyadādāya prājāpatyaṃ ca pāvakaṃ . vaiṣṇavaṃ ca hunedājye tvalabdhe nūtane pūnaḥ .. 27.29 ..

Shloka 30

व्यपोह्य दोषं तं दर्भैरुद्दीप्योत्पूय चाचरेथ् । आघारितेऽग्नौ नष्टे तु अयं ते योनिऽ मुच्चरन् ॥ २७.३० ॥

vyapohya doṣaṃ taṃ darbhairuddīpyotpūya cācareth . āghārite'gnau naṣṭe tu ayaṃ te yoni' muccaran .. 27.30 ..

Shloka 31

आरोपयेच्च समिधं तद्भस्मनि यथार्हतः । उद्बुद्ध्यऽस्वेति निक्षिप्य विधिना लौकिकेऽनले ॥ २७.३१ ॥

āropayecca samidhaṃ tadbhasmani yathārhataḥ . udbuddhya'sveti nikṣipya vidhinā laukike'nale .. 27.31 ..

Shloka 32

विच्छिन्नं मिन्दाहुती च वैष्णवं व्याहृतिपूर्वकं । परिस्तरादिद्रव्याणां दाहे भेदेऽथ नाशने ॥ २७.३२ ॥

vicchinnaṃ mindāhutī ca vaiṣṇavaṃ vyāhṛtipūrvakaṃ . paristarādidravyāṇāṃ dāhe bhede'tha nāśane .. 27.32 ..

Shloka 33

पुनस्तत्तच्च संयोज्य महाव्याहृतिपूर्वकं । आग्नेयं मिन्दाहुती च वैष्णवं च हुनेद्बुधः ॥ २७.३३ ॥

punastattacca saṃyojya mahāvyāhṛtipūrvakaṃ . āgneyaṃ mindāhutī ca vaiṣṇavaṃ ca hunedbudhaḥ .. 27.33 ..

Shloka 34

पात्रेऽनुक्ते स्रुवं पात्रं गृह्णीयाद्धोमकर्मणि । हविर्विशेषेऽनु क्तेतु घृतं वा सघृतं चरु ॥ २७.३४ ॥

pātre'nukte sruvaṃ pātraṃ gṛhṇīyāddhomakarmaṇi . havirviśeṣe'nu ktetu ghṛtaṃ vā saghṛtaṃ caru .. 27.34 ..

Shloka 35

द्रव्ये प्रमाणहीने तु कापिलेन घृतेन वै । वैष्णवं विंशतिर्हुत्वा पश्चात्कार्यं समाचरेथ् ॥ २७.३५ ॥

dravye pramāṇahīne tu kāpilena ghṛtena vai . vaiṣṇavaṃ viṃśatirhutvā paścātkāryaṃ samācareth .. 27.35 ..

Shloka 36

प्रायश्चित्तानलेऽनुक्ते छुल्ल्यां नित्यानलेऽपि वा । क्रियाहीने विपर्यासे मन्त्राणां संकरेऽपि वा ॥ २७.३६ ॥

prāyaścittānale'nukte chullyāṃ nityānale'pi vā . kriyāhīne viparyāse mantrāṇāṃ saṃkare'pi vā .. 27.36 ..

Shloka 37

वैष्णवं व्याहृतीश्चैव व्याहृत्यन्तं हुनेत्क्रमाथ् । पुण्याहहीने पुण्याहमन्त्रान्द्वादशशो जपेथ् ॥ २७.३७ ॥

vaiṣṇavaṃ vyāhṛtīścaiva vyāhṛtyantaṃ hunetkramāth . puṇyāhahīne puṇyāhamantrāndvādaśaśo japeth .. 27.37 ..

Shloka 38

वास्तुहोमविहीने तु तन्मन्त्रान्दशशो हुनेथ् । प्रायश्चित्तविशेषे यद्यनुक्ते वैष्णवं ततः ॥ २७.३८ ॥

vāstuhomavihīne tu tanmantrāndaśaśo huneth . prāyaścittaviśeṣe yadyanukte vaiṣṇavaṃ tataḥ .. 27.38 ..

Shloka 39

विष्णुसूक्तं पौरुषं च सूक्तं हुत्वा समाचरेथ् । रत्नप्रतिनिधी रुक्मं धातूनां पारदं तथा ॥ २७.३९ ॥

viṣṇusūktaṃ pauruṣaṃ ca sūktaṃ hutvā samācareth . ratnapratinidhī rukmaṃ dhātūnāṃ pāradaṃ tathā .. 27.39 ..

Shloka 40

बीजानां च यवाः प्रोक्ताः पूर्वालाभे परस्स्मतः । रत्नानां प्रणिधिं गृह्य वैष्णवं विष्णुसूक्तकं ॥ २७.४० ॥

bījānāṃ ca yavāḥ proktāḥ pūrvālābhe parassmataḥ . ratnānāṃ praṇidhiṃ gṛhya vaiṣṇavaṃ viṣṇusūktakaṃ .. 27.40 ..

Shloka 41

दिग्दैवत्यं वैष्णवं च धातूनामथ तत्परं । बीजानां प्रणिधिं गृह्य वायव्यं वैष्णवं तथा ॥ २७.४१ ॥

digdaivatyaṃ vaiṣṇavaṃ ca dhātūnāmatha tatparaṃ . bījānāṃ praṇidhiṃ gṛhya vāyavyaṃ vaiṣṇavaṃ tathā .. 27.41 ..

Shloka 42

हुने द्विंशतिवारं तु प्रत्येकं दोषशान्तये । वस्त्रेलक्षणहीने वा युक्ते छेदादिना ततः ॥ २७.४२ ॥

hune dviṃśativāraṃ tu pratyekaṃ doṣaśāntaye . vastrelakṣaṇahīne vā yukte chedādinā tataḥ .. 27.42 ..

Shloka 43

तत्त्यक्त्वान्यं समाहृत्य श्रीदैवत्यं च वैष्णवं । अण्डजादिद्वलब्धेषु वस्त्रं प्रत्येकमाहरेथ् ॥ २७.४३ ॥

tattyaktvānyaṃ samāhṛtya śrīdaivatyaṃ ca vaiṣṇavaṃ . aṇḍajādidvalabdheṣu vastraṃ pratyekamāhareth .. 27.43 ..

Shloka 44

वैष्णवं श्रीभूदैवत्यं हुत्वा कार्यं समाचरेथ् । प्रमाणहीनेषु पुनस्तोरणादिषु चात्वरः ॥ २७.४४ ॥

vaiṣṇavaṃ śrībhūdaivatyaṃ hutvā kāryaṃ samācareth . pramāṇahīneṣu punastoraṇādiṣu cātvaraḥ .. 27.44 ..

Shloka 45

पृथग्द्वाराधिदैवत्यं जुहुयाद्विंशतिं बुधः । दर्भरज्ज्वां विहीनायां हुनैदार्षं च वैष्णवम्, ॥ २७.४५ ॥

pṛthagdvārādhidaivatyaṃ juhuyādviṃśatiṃ budhaḥ . darbharajjvāṃ vihīnāyāṃ hunaidārṣaṃ ca vaiṣṇavam, .. 27.45 ..

Shloka 46

कुंभे प्रमाणहीने वा दोषयुक्तेऽपि वा तथा । वस्त्राभ्यां वर्णचिह्नैश्च हीने नात्रवसेद्धरिः ॥ २७.४६ ॥

kuṃbhe pramāṇahīne vā doṣayukte'pi vā tathā . vastrābhyāṃ varṇacihnaiśca hīne nātravaseddhariḥ .. 27.46 ..

Shloka 47

यत्नेन तानि निक्षिप्य वैष्णवं विष्णुसूक्तकं । पुरुषसूक्तं ब्राह्मं च मुनिमन्त्रांश्च पावकं ॥ २७.४७ ॥

yatnena tāni nikṣipya vaiṣṇavaṃ viṣṇusūktakaṃ . puruṣasūktaṃ brāhmaṃ ca munimantrāṃśca pāvakaṃ .. 27.47 ..

Shloka 48

जुहुयाद्दशकृत्वन्तु विप्राणां भोजनं चरेथ् । आचार्यदक्षिणान्दद्यात्सफलं भवति ध्रुवं ॥ २७.४८ ॥

juhuyāddaśakṛtvantu viprāṇāṃ bhojanaṃ careth . ācāryadakṣiṇāndadyātsaphalaṃ bhavati dhruvaṃ .. 27.48 ..

Shloka 49

भिन्ने तु साधिते कुंभे वैष्णपं विष्णुसूक्तकं । पुरुषसूक्तं ब्राह्ममैन्द्रमाग्नेयं चार्षमेव च ॥ २७.४९ ॥

bhinne tu sādhite kuṃbhe vaiṣṇapaṃ viṣṇusūktakaṃ . puruṣasūktaṃ brāhmamaindramāgneyaṃ cārṣameva ca .. 27.49 ..

Shloka 50

हुत्वा विंशतिकृत्वन्तु दद्यादाचार्यदक्षिणां । ब्राह्मणान्भोजयित्वैव संपूज्यैव च वैष्मवान् ॥ २७.५० ॥

hutvā viṃśatikṛtvantu dadyādācāryadakṣiṇāṃ . brāhmaṇānbhojayitvaiva saṃpūjyaiva ca vaiṣmavān .. 27.50 ..

Shloka 51

अन्यत्कुंभं समाहृत्य पूर्ववत्साधयेद्बुधः । स्पृष्टे तु साथिते कुंभे पतितैः कुक्कुटादिभिः ॥ २७.५१ ॥

anyatkuṃbhaṃ samāhṛtya pūrvavatsādhayedbudhaḥ . spṛṣṭe tu sāthite kuṃbhe patitaiḥ kukkuṭādibhiḥ .. 27.51 ..

Shloka 52

तद्व्यपोह्यार्यदादाय पूर्ववत्साधयेत्तथा । वैष्णवं विष्णुसूक्तं च पुरुषसूक्तं तथैव च ॥ २७.५२ ॥

tadvyapohyāryadādāya pūrvavatsādhayettathā . vaiṣṇavaṃ viṣṇusūktaṃ ca puruṣasūktaṃ tathaiva ca .. 27.52 ..

Shloka 53

ब्राह्मं सौरमथाग्नेयमष्टाधिकशतं यजेथ् । आचार्यदक्षिणां दद्याद्वैष्णवान्पूजयेद्विधिः ॥ २७.५३ ॥

brāhmaṃ sauramathāgneyamaṣṭādhikaśataṃ yajeth . ācāryadakṣiṇāṃ dadyādvaiṣṇavānpūjayedvidhiḥ .. 27.53 ..

Shloka 54

स्पर्शदुष्टे तथा बेरे स्नपनं शास्त्रतश्चरेथ् । पूर्वोक्तां निष्कृतिं कृत्वा पश्चात्कार्यं समाचरेथ् ॥ २७.५४ ॥

sparśaduṣṭe tathā bere snapanaṃ śāstrataścareth . pūrvoktāṃ niṣkṛtiṃ kṛtvā paścātkāryaṃ samācareth .. 27.54 ..

Shloka 55

न्रुवादीनामलाभेतु स्रुवेणैव हुनेद्धविः । श्वकुक्कुटाद्यैस्संस्पृष्टे कुण्डे तं तं व्यपोह्य च ॥ २७.५५ ॥

nruvādīnāmalābhetu sruveṇaiva huneddhaviḥ . śvakukkuṭādyaissaṃspṛṣṭe kuṇḍe taṃ taṃ vyapohya ca .. 27.55 ..

Shloka 56

कुण्डं तु पूर्ववत्कृत्वा कृत्वाघारं यथाविधि । आग्नेयं वैष्णवं पञ्चवारुणं मूलहोमकं ॥ २७.५६ ॥

kuṇḍaṃ tu pūrvavatkṛtvā kṛtvāghāraṃ yathāvidhi . āgneyaṃ vaiṣṇavaṃ pañcavāruṇaṃ mūlahomakaṃ .. 27.56 ..

Shloka 57

शतशो जुहुयात्कुर्याद्ब्राह्मणानां च भोजनं । अलाभे समिधां कृह्य पालाशीर्वटसंभवाः ॥ २७.५७ ॥

śataśo juhuyātkuryādbrāhmaṇānāṃ ca bhojanaṃ . alābhe samidhāṃ kṛhya pālāśīrvaṭasaṃbhavāḥ .. 27.57 ..

Shloka 58

आग्नेयं वैष्णवं ब्राह्मं हुत्वाकार्यं समाचरेथ् । दर्भान्कुशान्वा समिधो मासातीतान्प्रगृह्य च ॥ २७.५८ ॥

āgneyaṃ vaiṣṇavaṃ brāhmaṃ hutvākāryaṃ samācareth . darbhānkuśānvā samidho māsātītānpragṛhya ca .. 27.58 ..

Shloka 59

वारुणं वैष्णवं ब्राह्मं स्ॐयमाग्नेयमेव च । आदित्यं जुहुयाच्चैव दोष शान्तिर्भवेत्तथा ॥ २७.५९ ॥

vāruṇaṃ vaiṣṇavaṃ brāhmaṃ s_oṃyamāgneyameva ca . ādityaṃ juhuyāccaiva doṣa śāntirbhavettathā .. 27.59 ..

Shloka 60

दधि क्षीरं गृहीतं चेदाजं माहिषमेव वा । वैष्णवं ब्राह्ममाग्नेयं सौरं च व्याहृतीर्हुनेथ् ॥ २७.६० ॥

dadhi kṣīraṃ gṛhītaṃ cedājaṃ māhiṣameva vā . vaiṣṇavaṃ brāhmamāgneyaṃ sauraṃ ca vyāhṛtīrhuneth .. 27.60 ..

Shloka 61

अनुक्तदेशादानीता मृदो वा वालुकास्तथा । अग्निकुण्डार्थमाहृत्य वारुणं वैष्णवे हुनेथ् ॥ २७.६१ ॥

anuktadeśādānītā mṛdo vā vālukāstathā . agnikuṇḍārthamāhṛtya vāruṇaṃ vaiṣṇave huneth .. 27.61 ..

Shloka 62

आर्द्रं सधूमं दुर्गन्धं लेपयुक्तं सकण्टकं । जन्तुयुक्तं क्षिपेद्वह्नाविन्धनं तत्परित्यजेथ् ॥ २७.६२ ॥

ārdraṃ sadhūmaṃ durgandhaṃ lepayuktaṃ sakaṇṭakaṃ . jantuyuktaṃ kṣipedvahnāvindhanaṃ tatparityajeth .. 27.62 ..

Shloka 63

अन्यत्प्रक्षिप्य चाग्नेयं वैष्णवं व्याहृतीर्हुनेथ् । वस्त्रादिद्रव्ये दर्भेषु प्रपायां कूट एव वा ॥ २७.६३ ॥

anyatprakṣipya cāgneyaṃ vaiṣṇavaṃ vyāhṛtīrhuneth . vastrādidravye darbheṣu prapāyāṃ kūṭa eva vā .. 27.63 ..

Shloka 64

दग्धायामग्निना ब्राह्मं वैष्णवं सौरमेव च । आग्नेयं वैष्णवमिति प्रत्येकं दशशो हुनेथ् ॥ २७.६४ ॥

dagdhāyāmagninā brāhmaṃ vaiṣṇavaṃ saurameva ca . āgneyaṃ vaiṣṇavamiti pratyekaṃ daśaśo huneth .. 27.64 ..

Shloka 65

कलशन्यासरचनाविपर्याने तु वैष्णवं । पङ्क्तीशदैवत्यं च हुनेत्ततश्शास्त्रवदाचरेथ् ॥ २७.६५ ॥

kalaśanyāsaracanāviparyāne tu vaiṣṇavaṃ . paṅktīśadaivatyaṃ ca hunettataśśāstravadācareth .. 27.65 ..

Shloka 66

स्नपने तु विपर्याने बेरस्य जुहुयाद्बुधः । पञ्चवारुणमन्त्रांश्च वैष्णवं च यथाविधि ॥ २७.६६ ॥

snapane tu viparyāne berasya juhuyādbudhaḥ . pañcavāruṇamantrāṃśca vaiṣṇavaṃ ca yathāvidhi .. 27.66 ..

Shloka 67

शयने चेद्विपर्यासो वैष्णवं श्रीमहीमनून् । कलशस्नानशयने प्रत्येकं दशशो हुनेथ् ॥ २७.६७ ॥

śayane cedviparyāso vaiṣṇavaṃ śrīmahīmanūn . kalaśasnānaśayane pratyekaṃ daśaśo huneth .. 27.67 ..

Shloka 68

हीने वा विपरीते वा तत्र हौत्रप्रशंसने । ब्राह्मं मुनीन्द्रमन्त्रांश्चहुनेत्पारिषदामपि ॥ २७.६८ ॥

hīne vā viparīte vā tatra hautrapraśaṃsane . brāhmaṃ munīndramantrāṃścahunetpāriṣadāmapi .. 27.68 ..

Shloka 69

अवाहनादावर्चायां विपरीते विवर्जिते । वैष्णवं विष्णुसूक्तं च ब्राह्मं रौन्द्रं हुनेद्दश ॥ २७.६९ ॥

avāhanādāvarcāyāṃ viparīte vivarjite . vaiṣṇavaṃ viṣṇusūktaṃ ca brāhmaṃ raundraṃ huneddaśa .. 27.69 ..

Shloka 70

सर्वेषामुक्तहोमानां विपरीते विवर्जिते । पद्माग्नौ वैष्णवं विष्णुसूक्तं सूक्तं च पौरुषं ॥ २७.७० ॥

sarveṣāmuktahomānāṃ viparīte vivarjite . padmāgnau vaiṣṇavaṃ viṣṇusūktaṃ sūktaṃ ca pauruṣaṃ .. 27.70 ..

Shloka 71

शयानमुद्धरेद्देवमकाले चाप्यमन्त्रकं । हुत्वा श्रीभूमिदैवत्यं चतुष्कृत्वन्तु शाययेथ् ॥ २७.७१ ॥

śayānamuddhareddevamakāle cāpyamantrakaṃ . hutvā śrībhūmidaivatyaṃ catuṣkṛtvantu śāyayeth .. 27.71 ..

Shloka 72

हीने चाध्ययने सारस्वतमष्टाधिकं शतं । प्रायश्चित्तं च हुत्वैव यथाशास्त्रं समाचरेथ् ॥ २७.७२ ॥

hīne cādhyayane sārasvatamaṣṭādhikaṃ śataṃ . prāyaścittaṃ ca hutvaiva yathāśāstraṃ samācareth .. 27.72 ..

Shloka 73

यथालाभं च गृह्णीयादलाभे षोडशर्त्विजां । तन्त्रेण कारयेत्सर्वमेष शास्त्रविधिस्स्मृतः ॥ २७.७३ ॥

yathālābhaṃ ca gṛhṇīyādalābhe ṣoḍaśartvijāṃ . tantreṇa kārayetsarvameṣa śāstravidhissmṛtaḥ .. 27.73 ..

Shloka 74

प्रतिष्ठायामुत्सवेवा तथान्यच्छुभकर्मणि । कुर्वतां तु पुरश्चर्यामाचार्यस्य र्त्विजां तथा ॥ २७.७४ ॥

pratiṣṭhāyāmutsavevā tathānyacchubhakarmaṇi . kurvatāṃ tu puraścaryāmācāryasya rtvijāṃ tathā .. 27.74 ..

Shloka 75

आस्नानाद्दीक्षितानां तु नाशौचःपरिकीर्तितः । मोहादनुष्ठिताशौचाःपतन्तिनरकेऽशुचौ ॥ २७.७५ ॥

āsnānāddīkṣitānāṃ tu nāśaucaḥparikīrtitaḥ . mohādanuṣṭhitāśaucāḥpatantinarake'śucau .. 27.75 ..

Shloka 76

गृह्णीया त्संस्कृतांस्तान्वा पुनरन्यानथापि वा । आचार्य स्थ्सापकादींस्तु भर्त्सनादिकमाचरन् ॥ २७.७६ ॥

gṛhṇīyā tsaṃskṛtāṃstānvā punaranyānathāpi vā . ācārya sthsāpakādīṃstu bhartsanādikamācaran .. 27.76 ..

Shloka 77

वैष्णवं विष्णुसूक्तं च सूक्तं पौरुषमेव च । ब्राह्मं सारस्वतं हुत्वा ताननुज्ञाप्य चाचरेथ् ॥ २७.७७ ॥

vaiṣṇavaṃ viṣṇusūktaṃ ca sūktaṃ pauruṣameva ca . brāhmaṃ sārasvataṃ hutvā tānanujñāpya cācareth .. 27.77 ..

Shloka 78

आचार्यदक्षिणाकालेऽतीते हुत्वा तु वैष्णवं । मुनिमन्त्रञ्च जुहुयात्पृथगष्टोत्तरं शतं ॥ २७.७८ ॥

ācāryadakṣiṇākāle'tīte hutvā tu vaiṣṇavaṃ . munimantrañca juhuyātpṛthagaṣṭottaraṃ śataṃ .. 27.78 ..

Shloka 79

यथोक्तदक्षिणां दद्यादर्थलोभं न कारयेथ् । ब्राह्मणानामन्नदाने विहीने शान्तिमाचरेथ् ॥ २७.७९ ॥

yathoktadakṣiṇāṃ dadyādarthalobhaṃ na kārayeth . brāhmaṇānāmannadāne vihīne śāntimācareth .. 27.79 ..

Shloka 80

त्रियहं तु महाशान्ति स्तद्दोषविनिवारिणी । हन्त्यल्पदक्षिणो यागः फलं दद्यात्सदक्षिणः ॥ २७.८० ॥

triyahaṃ tu mahāśānti staddoṣavinivāriṇī . hantyalpadakṣiṇo yāgaḥ phalaṃ dadyātsadakṣiṇaḥ .. 27.80 ..

Shloka 81

यज्ञस्य दक्षिणा जीवस्तस्माद्यत्नेन पालयेथ् । इयं तात्कालिकीज्ञेया भूमिमग्रे प्रदापयेथ् ॥ २७.८१ ॥

yajñasya dakṣiṇā jīvastasmādyatnena pālayeth . iyaṃ tātkālikījñeyā bhūmimagre pradāpayeth .. 27.81 ..

Shloka 82

अर्चकस्यार्चनार्धं च कुटुंबार्थं विशेषतः । भूमिभोगमकल्प्यैव महाशान्तिं समाचरेथ् ॥ २७.८२ ॥

arcakasyārcanārdhaṃ ca kuṭuṃbārthaṃ viśeṣataḥ . bhūmibhogamakalpyaiva mahāśāntiṃ samācareth .. 27.82 ..

Shloka 83

असंकल्पितवृत्तिस्तु देवावासो न वर्धते । अर्चकः प्रणिधिर्यस्माद्राज्ञो राष्ट्रस्य कल्पते ॥ २७.८३ ॥

asaṃkalpitavṛttistu devāvāso na vardhate . arcakaḥ praṇidhiryasmādrājño rāṣṭrasya kalpate .. 27.83 ..

Shloka 84

तस्मात्समाहितः कुर्याद्यथा पूजा न लुप्यते । आपद्यपि च कष्टायां पूजामेतां न लोपयेथ् ॥ २७.८४ ॥

tasmātsamāhitaḥ kuryādyathā pūjā na lupyate . āpadyapi ca kaṣṭāyāṃ pūjāmetāṃ na lopayeth .. 27.84 ..

Shloka 85

यदैव लुप्यते पूजा येन केनापि हेतुना । अग्रेर्ऽचकमियाद्दोष आर्द्रमेषोऽपराध्यति ॥ २७.८५ ॥

yadaiva lupyate pūjā yena kenāpi hetunā . agrer'cakamiyāddoṣa ārdrameṣo'parādhyati .. 27.85 ..

Shloka 86

तस्माद्दायेन भूम्यादि स्थिरदानेन सादरं । रूढाधिकार एवाग्रे प्रवर्तेतार्ऽचनेर्ऽचकः ॥ २७.८६ ॥

tasmāddāyena bhūmyādi sthiradānena sādaraṃ . rūḍhādhikāra evāgre pravartetār'caner'cakaḥ .. 27.86 ..

Shloka 87

यस्मादर्चनहीने तु राजराष्ट्रादिसंक्षयः । तद्ग्रामवासिनस्तस्माद्राजा राष्ट्रगता अपि ॥ २७.८७ ॥

yasmādarcanahīne tu rājarāṣṭrādisaṃkṣayaḥ . tadgrāmavāsinastasmādrājā rāṣṭragatā api .. 27.87 ..

Shloka 88

भगवत्पूजनाहेतो रुपकुर्युः प्रयत्नतः । आर्द्रापराधो भवति यस्माद्दोषेषु पूजकः ॥ २७.८८ ॥

bhagavatpūjanāheto rupakuryuḥ prayatnataḥ . ārdrāparādho bhavati yasmāddoṣeṣu pūjakaḥ .. 27.88 ..

Shloka 89

तं वृत्तिकर्शितं दृष्य्वा राजा च ग्रामवासिनः । सुखितं तं तथा कुर्युर्यथा देवस्तथार्चकः ॥ २७.८९ ॥

taṃ vṛttikarśitaṃ dṛṣyvā rājā ca grāmavāsinaḥ . sukhitaṃ taṃ tathā kuryuryathā devastathārcakaḥ .. 27.89 ..

Shloka 90

दत्वृत्तिमधिकां चापिन शङ्केयुरसूयवः । यथार्हमुपयुञ्जीरन्स्वशक्तिं तत्सुखाय वै ॥ २७.९० ॥

datvṛttimadhikāṃ cāpina śaṅkeyurasūyavaḥ . yathārhamupayuñjīransvaśaktiṃ tatsukhāya vai .. 27.90 ..

Shloka 91

प्रतिष्ठान्ते तु विधिवदर्चके त्वप्रकल्पिते । आसुरी सा भवेदर्चा कर्ता नैवाप्नु यात्फलं ॥ २७.९१ ॥

pratiṣṭhānte tu vidhivadarcake tvaprakalpite . āsurī sā bhavedarcā kartā naivāpnu yātphalaṃ .. 27.91 ..

Shloka 92

देवेन सार्थमुद्दिष्टं यत्कुलं पूजकस्य तु । तदतिक्रम्य पूजां तु कारयेदितरेण चेथ् ॥ २७.९२ ॥

devena sārthamuddiṣṭaṃ yatkulaṃ pūjakasya tu . tadatikramya pūjāṃ tu kārayeditareṇa ceth .. 27.92 ..

Shloka 93

रौरवं नरकं याति कर्ता कारयिता च यः । तस्मा त्सर्वप्रयत्नेन शास्त्रोक्तं परिपालयेथ् ॥ २७.९३ ॥

rauravaṃ narakaṃ yāti kartā kārayitā ca yaḥ . tasmā tsarvaprayatnena śāstroktaṃ paripālayeth .. 27.93 ..

Shloka 94

श्वः कार्यमद्य कुर्वीत पूर्वाह्णे चापराह्णिकं । न हि प्रतीक्षते मृत्युः कर्तव्यो धर्मसंग्रहः ॥ २७.९४ ॥

śvaḥ kāryamadya kurvīta pūrvāhṇe cāparāhṇikaṃ . na hi pratīkṣate mṛtyuḥ kartavyo dharmasaṃgrahaḥ .. 27.94 ..

Shloka 95

न त्य क्तविभवो जातु भवेच्च विभवे सति । यथाशक्ति प्रकुर्वीत विभवांश्च न लोभयेथ् ॥ २७.९५ ॥

na tya ktavibhavo jātu bhavecca vibhave sati . yathāśakti prakurvīta vibhavāṃśca na lobhayeth .. 27.95 ..

Shloka 96

अलाभे कौतुकादीनां सुवर्णं न्यस्य वैष्मवं । विष्णुसूक्तं नृसुक्तं च वायव्यं दिगधीश्वरं ॥ २७.९६ ॥

alābhe kautukādīnāṃ suvarṇaṃ nyasya vaiṣmavaṃ . viṣṇusūktaṃ nṛsuktaṃ ca vāyavyaṃ digadhīśvaraṃ .. 27.96 ..

Shloka 97

सभ्येऽन्तहोमहीने तु वैष्णवं पावकं तथा । व्याहृतीश्च हुनेद्विद्वान्दशकृत्वस्समाहितः ॥ २७.९७ ॥

sabhye'ntahomahīne tu vaiṣṇavaṃ pāvakaṃ tathā . vyāhṛtīśca hunedvidvāndaśakṛtvassamāhitaḥ .. 27.97 ..

Shloka 98

अग्निग्रहणहीने तु हुत्वा पूर्वोक्तनिष्कृतिं । श्रोत्रियावसथादग्निमाहृत्याघारवूर्वकं ॥ २७.९८ ॥

agnigrahaṇahīne tu hutvā pūrvoktaniṣkṛtiṃ . śrotriyāvasathādagnimāhṛtyāghāravūrvakaṃ .. 27.98 ..

Shloka 99

नित्यहोमं च जुहुयात्ततः प्रभृति चाचरेथ् । ध्रुवादावाहयेद्यस्मात्कौतुकादि चतुर्ष्वपि ॥ २७.९९ ॥

nityahomaṃ ca juhuyāttataḥ prabhṛti cācareth . dhruvādāvāhayedyasmātkautukādi caturṣvapi .. 27.99 ..

Shloka 100

प्रमादात्कुंभतीर्थेन तेषामावाहने कृते । इषेत्वेऽत्यादिना स्नाप्य शीघ्रं शुद्धेन वारिणा ॥ २७.१०० ॥

pramādātkuṃbhatīrthena teṣāmāvāhane kṛte . iṣetve'tyādinā snāpya śīghraṃ śuddhena vāriṇā .. 27.100 ..

Shloka 101

अनुमान्य च देवेशं वैष्णवं विष्णुसूक्तकं । जुहुयात्पौरुषंसूक्तं ध्रुवादावाहयेत्पुनः ॥ २७.१०१ ॥

anumānya ca deveśaṃ vaiṣṇavaṃ viṣṇusūktakaṃ . juhuyātpauruṣaṃsūktaṃ dhruvādāvāhayetpunaḥ .. 27.101 ..

Shloka 102

अथनित्यार्चनायान्तु प्रायश्चित्तं प्रवक्ष्यते । सूर्योदयाच्च मध्याह्नात्पूर्व मस्तमयादपि ॥ २७.१०२ ॥

athanityārcanāyāntu prāyaścittaṃ pravakṣyate . sūryodayācca madhyāhnātpūrva mastamayādapi .. 27.102 ..

Shloka 103

कवाटोद्घाटने हीने नित्याग्नौ वा महानने । वैष्णवं धात्रादिदैवत्यं हुत्वा दौवारिकं तथा ॥ २७.१०३ ॥

kavāṭodghāṭane hīne nityāgnau vā mahānane . vaiṣṇavaṃ dhātrādidaivatyaṃ hutvā dauvārikaṃ tathā .. 27.103 ..

Shloka 104

शीघ्रमुद्घाटयेद्द्वारं देवदेवं प्रणम्य च । अमन्त्रकमथान्यैर्वा कवाटोद्घाटने कृते ॥ २७.१०४ ॥

śīghramudghāṭayeddvāraṃ devadevaṃ praṇamya ca . amantrakamathānyairvā kavāṭodghāṭane kṛte .. 27.104 ..

Shloka 105

पूर्वोक्तं जुहुयाच्छान्तिं जपेद्द्वादशसूक्तकं । मार्जनादिषु हीनेषु निर्माल्येचाप्यशोधिते ॥ २७.१०५ ॥

pūrvoktaṃ juhuyācchāntiṃ japeddvādaśasūktakaṃ . mārjanādiṣu hīneṣu nirmālyecāpyaśodhite .. 27.105 ..

Shloka 106

वैष्णवं वारुणं हुत्वा वायव्यं शान्तमेव च । यथावत्कारयेत्सर्वं मन्त्रेणैव पुनर्गुरुः ॥ २७.१०६ ॥

vaiṣṇavaṃ vāruṇaṃ hutvā vāyavyaṃ śāntameva ca . yathāvatkārayetsarvaṃ mantreṇaiva punarguruḥ .. 27.106 ..

Shloka 107

द्रव्यप्रतिनिधिस्तोयमलाभे तेन चाचरेथ् । देवस्य स्नपने हीने वैष्णवे वारुणं हुनेथ् ॥ २७.१०७ ॥

dravyapratinidhistoyamalābhe tena cācareth . devasya snapane hīne vaiṣṇave vāruṇaṃ huneth .. 27.107 ..

Shloka 108

अपो हिऽष्ठादिभिर्मन्त्रैस्स्नावयेन्निष्कृतिर्भवेथ् । पश्नान्नित्यं प्रकुर्वीत स्नानं नित्यार्चनोदितं ॥ २७.१०८ ॥

apo hi'ṣṭhādibhirmantraissnāvayenniṣkṛtirbhaveth . paśnānnityaṃ prakurvīta snānaṃ nityārcanoditaṃ .. 27.108 ..

Shloka 109

अशक्तौस्नापने प्रोक्ष्यं मन्त्रेण कुशवारिभिः । वस्त्रादींश्च व्यपोह्यैव धौतवस्त्रं समर्पयेथ् ॥ २७.१०९ ॥

aśaktausnāpane prokṣyaṃ mantreṇa kuśavāribhiḥ . vastrādīṃśca vyapohyaiva dhautavastraṃ samarpayeth .. 27.109 ..

Shloka 110

नित्यं स्नानमशक्यं चेद्विष्णुपञ्चदिनेषु वै । स्नापयेद्देवदेवेशमिति केचिद्वदन्तिहि ॥ २७.११० ॥

nityaṃ snānamaśakyaṃ cedviṣṇupañcadineṣu vai . snāpayeddevadeveśamiti kecidvadantihi .. 27.110 ..

Shloka 111

ध्रुवपीठेतु निर्माल्यं संशोध्य पुनरेव च । पुष्पन्यासं प्रकुर्वीत ध्रुवे नित्यार्चनं भवेथ् ॥ २७.१११ ॥

dhruvapīṭhetu nirmālyaṃ saṃśodhya punareva ca . puṣpanyāsaṃ prakurvīta dhruve nityārcanaṃ bhaveth .. 27.111 ..

Shloka 112

पुष्पन्यासं विनाकुर्यात्कौतुकस्यार्चनं यदि । वैष्णवं विष्णुसूक्तं च पुरुषसूक्तं तधैव च ॥ २७.११२ ॥

puṣpanyāsaṃ vinākuryātkautukasyārcanaṃ yadi . vaiṣṇavaṃ viṣṇusūktaṃ ca puruṣasūktaṃ tadhaiva ca .. 27.112 ..

Shloka 113

हुत्वा च विष्णुगायत्रीं पुष्बन्यासं क्रमाच्चरेथ् । संबन्धकूर्चहीनेतु वैष्णवं मुनिमन्त्रकं ॥ २७.११३ ॥

hutvā ca viṣṇugāyatrīṃ puṣbanyāsaṃ kramāccareth . saṃbandhakūrcahīnetu vaiṣṇavaṃ munimantrakaṃ .. 27.113 ..

Shloka 114

हुत्वासन्न्यस्य कूर्चं तु पश्चात्कार्यं समाचरेथ् । धात्राद्यर्चनहीने तु तद्दैवत्यं सवैष्णवं ॥ २७.११४ ॥

hutvāsannyasya kūrcaṃ tu paścātkāryaṃ samācareth . dhātrādyarcanahīne tu taddaivatyaṃ savaiṣṇavaṃ .. 27.114 ..

Shloka 115

हुत्वार्चयेद्धातृमुखान्तथा परिषदः क्रमाथ् । उपचारविपर्यासे क्षमऽन्वेति प्रणम्य च ॥ २७.११५ ॥

hutvārcayeddhātṛmukhāntathā pariṣadaḥ kramāth . upacāraviparyāse kṣama'nveti praṇamya ca .. 27.115 ..

Shloka 116

अनुमान्यार्चयेद्देवं हीने चैव तु विग्रहे । तद्देवतामनुं जप्त्वा वैष्णवं च विशेषतः ॥ २७.११६ ॥

anumānyārcayeddevaṃ hīne caiva tu vigrahe . taddevatāmanuṃ japtvā vaiṣṇavaṃ ca viśeṣataḥ .. 27.116 ..

Shloka 117

पुनस्तदुपचारादि पूजये त्सर्वविग्रहैः । उक्तद्रव्ये ष्वलब्धेषु पुष्पं तोयमथाक्षतं ॥ २७.११७ ॥

punastadupacārādi pūjaye tsarvavigrahaiḥ . uktadravye ṣvalabdheṣu puṣpaṃ toyamathākṣataṃ .. 27.117 ..

Shloka 118

गृहीत्वा चैव तत्सर्वं ध्यात्वा देवं समर्चयेथ् । अर्चाकालेऽन्यकालं वा स्मये वा मूषिकादिभिः ॥ २७.११८ ॥

gṛhītvā caiva tatsarvaṃ dhyātvā devaṃ samarcayeth . arcākāle'nyakālaṃ vā smaye vā mūṣikādibhiḥ .. 27.118 ..

Shloka 119

मरुता वापि विच्छिन्नमजस्रं दीपमादराथ् । द्विगुणं तु समुद्दीप्य सौरं रौद्रं च पावकं ॥ २७.११९ ॥

marutā vāpi vicchinnamajasraṃ dīpamādarāth . dviguṇaṃ tu samuddīpya sauraṃ raudraṃ ca pāvakaṃ .. 27.119 ..

Shloka 120

वैष्णवं च तथाहुत्वा पुनरर्चनमाचरेथ् । तत्काले सर्वदीपानां नाशे दोषो महत्तरः ॥ २७.१२० ॥

vaiṣṇavaṃ ca tathāhutvā punararcanamācareth . tatkāle sarvadīpānāṃ nāśe doṣo mahattaraḥ .. 27.120 ..

Shloka 121

देवं शुद्धोदकैस्स्नाप्य कुशोदैरभिषिच्य च । पूर्वोक्तां निष्कृतिं हुत्वा द्विगुणं तु निदेवयेथ् ॥ २७.१२१ ॥

devaṃ śuddhodakaissnāpya kuśodairabhiṣicya ca . pūrvoktāṃ niṣkṛtiṃ hutvā dviguṇaṃ tu nidevayeth .. 27.121 ..

Shloka 122

बहुदीपेषुचैकस्मिन्नष्टे तेनन दुष्यति । मन्त्राणां स्खलने मूर्त्याप्रणवेन सहाचरेथ् ॥ २७.१२२ ॥

bahudīpeṣucaikasminnaṣṭe tenana duṣyati . mantrāṇāṃ skhalane mūrtyāpraṇavena sahācareth .. 27.122 ..

Shloka 123

अर्चाकाले यवनिकाहीने चैव प्रजापतिं । वैष्णपं चैव हुत्वा तु पटं कृत्वार्ऽचयेत्पुनः ॥ २७.१२३ ॥

arcākāle yavanikāhīne caiva prajāpatiṃ . vaiṣṇapaṃ caiva hutvā tu paṭaṃ kṛtvār'cayetpunaḥ .. 27.123 ..

Shloka 124

वेददूषक पाषण्ड पापरोगान्वितैर्जनैः । प्रतिलोमादिभिर्ल्मेच्छैरन्त्यजातिभिरेव च ॥ २७.१२४ ॥

vedadūṣaka pāṣaṇḍa pāparogānvitairjanaiḥ . pratilomādibhirlmecchairantyajātibhireva ca .. 27.124 ..

Shloka 125

तत्काले दर्शने हुत्वा वैष्णवं ब्राह्ममेव च । रौद्रं च पावकं हुत्वा व्याहृतीश्च ततोर्ऽचयेथ् ॥ २७.१२५ ॥

tatkāle darśane hutvā vaiṣṇavaṃ brāhmameva ca . raudraṃ ca pāvakaṃ hutvā vyāhṛtīśca tator'cayeth .. 27.125 ..

Shloka 126

यदि चावरणाद्बाह्ये पञ्चाशद्दण्डकान्तरे । मनुष्याणां मृतिस्स्यात्तदुद्धृत्यैवार्चयेद्धरिं ॥ २७.१२६ ॥

yadi cāvaraṇādbāhye pañcāśaddaṇḍakāntare . manuṣyāṇāṃ mṛtissyāttaduddhṛtyaivārcayeddhariṃ .. 27.126 ..

Shloka 127

नैवार्चनं हविर्दानं ततः पूर्वं समाचरेथ् । ध्रुवकौतुकयोः कुर्यात्पुष्पन्यासावसानकं ॥ २७.१२७ ॥

naivārcanaṃ havirdānaṃ tataḥ pūrvaṃ samācareth . dhruvakautukayoḥ kuryātpuṣpanyāsāvasānakaṃ .. 27.127 ..

Shloka 128

पश्चात्कालात्यये शान्तिं हुत्वा द्विगुणमर्चयेथ् । एककालार्चने हीने द्वितीये द्विगुणं चरेथ् ॥ २७.१२८ ॥

paścātkālātyaye śāntiṃ hutvā dviguṇamarcayeth . ekakālārcane hīne dvitīye dviguṇaṃ careth .. 27.128 ..

Shloka 129

तृतीये त्रिगुणं कुर्यादेकाहेर्ऽचाविवर्जिते । वैष्णवं विष्णुसूक्तं च पुरुष सूक्तं तथैव च ॥ २७.१२९ ॥

tṛtīye triguṇaṃ kuryādekāher'cāvivarjite . vaiṣṇavaṃ viṣṇusūktaṃ ca puruṣa sūktaṃ tathaiva ca .. 27.129 ..

Shloka 130

हुनेच्छ्रीभूमिदैवत्यं द्व्यहे तु द्विगुणं भवेथ् । त्षहे त्रिगुणमेवन्तु द्वादशाहान्तमाचरेथ् ॥ २७.१३० ॥

hunecchrībhūmidaivatyaṃ dvyahe tu dviguṇaṃ bhaveth . tṣahe triguṇamevantu dvādaśāhāntamācareth .. 27.130 ..

Shloka 131

अतीते द्वादशाहेतु संधायौपासनानले । वैष्णवं विष्णुसूक्तं च पुरुषसूक्तं तथैव च ॥ २७.१३१ ॥

atīte dvādaśāhetu saṃdhāyaupāsanānale . vaiṣṇavaṃ viṣṇusūktaṃ ca puruṣasūktaṃ tathaiva ca .. 27.131 ..

Shloka 132

आलये परिषद्देव मन्त्रान्हुत्वा च शक्तितः । कलशैस्स्नाप्य देवेशमभ्यर्च्य हविरर्पयेथ् ॥ २७.१३२ ॥

ālaye pariṣaddeva mantrānhutvā ca śaktitaḥ . kalaśaissnāpya deveśamabhyarcya havirarpayeth .. 27.132 ..

Shloka 133

मासं हीनेर्ऽचने कुर्यादालयाभिमुखे गुरुः । सभ्याग्नौ वैष्णवं विष्णुसूक्तं सूक्तं च पौरुषं ॥ २७.१३३ ॥

māsaṃ hīner'cane kuryādālayābhimukhe guruḥ . sabhyāgnau vaiṣṇavaṃ viṣṇusūktaṃ sūktaṃ ca pauruṣaṃ .. 27.133 ..

Shloka 134

हुत्वा श्रीभूमिदैवत्यं सर्वदैवत्यमेव च । कलशैरष्टभिश्च त्वारिंशद्भिस्स्नापयेद्धरिं ॥ २७.१३४ ॥

hutvā śrībhūmidaivatyaṃ sarvadaivatyameva ca . kalaśairaṣṭabhiśca tvāriṃśadbhissnāpayeddhariṃ .. 27.134 ..

Shloka 135

विशेषेण हविर्दद्याद्द्वितीयेद्विगुणं तथा । तृतीये त्रिगुणं चैवं वत्सरानन्तु वर्धयेथ् ॥ २७.१३५ ॥

viśeṣeṇa havirdadyāddvitīyedviguṇaṃ tathā . tṛtīye triguṇaṃ caivaṃ vatsarānantu vardhayeth .. 27.135 ..

Shloka 136

अतीते वत्सरे चैवं पद्माग्नौ सप्तवासरं । महाशान्तिं तु हुत्वैव कृत्वा वैष्णवपूजनं ॥ २७.१३६ ॥

atīte vatsare caivaṃ padmāgnau saptavāsaraṃ . mahāśāntiṃ tu hutvaiva kṛtvā vaiṣṇavapūjanaṃ .. 27.136 ..

Shloka 137

ब्राह्मणान्भोजयित्वैव शताष्टकलशैः पुनः । संस्नाप्य देवदेवेशं पुनस्थ्सापन माचरेथ् ॥ २७.१३७ ॥

brāhmaṇānbhojayitvaiva śatāṣṭakalaśaiḥ punaḥ . saṃsnāpya devadeveśaṃ punasthsāpana mācareth .. 27.137 ..

Shloka 138

अक्ष्युन्नेषाधिवासौ तु पुनस्थ्सापनकर्मणि । हित्वान्यत्सकलं कर्म पूर्ववत्तु समाचरेथ् ॥ २७.१३८ ॥

akṣyunneṣādhivāsau tu punasthsāpanakarmaṇi . hitvānyatsakalaṃ karma pūrvavattu samācareth .. 27.138 ..

Shloka 139

हविर्हीने जनास्सर्वेतद्ग्रामस्थास्समीपगाः । पीडिताः क्षुत्पिपासाद्यैर्भवेयुर्व्याधिता अपि ॥ २७.१३९ ॥

havirhīne janāssarvetadgrāmasthāssamīpagāḥ . pīḍitāḥ kṣutpipāsādyairbhaveyurvyādhitā api .. 27.139 ..

Shloka 140

तस्मादतिप्रयत्नेन हविस्सम्य ङ्निवेदयेथ् । हीने हविष्येक काले द्वितीये द्विगुणं भवेथ् ॥ २७.१४० ॥

tasmādatiprayatnena havissamya ṅnivedayeth . hīne haviṣyeka kāle dvitīye dviguṇaṃ bhaveth .. 27.140 ..

Shloka 141

तृतीये त्रिगुणं कुर्यादेकस्मिन्दिवसे गते । वैष्णवं श्रीमहीमन्त्रान्मूर्ति होमं तथा हुनेथ् ॥ २७.१४१ ॥

tṛtīye triguṇaṃ kuryādekasmindivase gate . vaiṣṇavaṃ śrīmahīmantrānmūrti homaṃ tathā huneth .. 27.141 ..

Shloka 142

देवं शुद्धोदकैस्स्नाप्य प्रभूतं तु निवेदयेथ् । सोपदंशमपक्वं च शीतं पर्युषितं तथा ॥ २७.१४२ ॥

devaṃ śuddhodakaissnāpya prabhūtaṃ tu nivedayeth . sopadaṃśamapakvaṃ ca śītaṃ paryuṣitaṃ tathā .. 27.142 ..

Shloka 143

पात्रान्तरेष्वनिक्षिप्तं सावशेषं च लङ्घितं । विवृतं स्रावितं चैव विकृतं दृष्टि दूषितं ॥ २७.१४३ ॥

pātrāntareṣvanikṣiptaṃ sāvaśeṣaṃ ca laṅghitaṃ . vivṛtaṃ srāvitaṃ caiva vikṛtaṃ dṛṣṭi dūṣitaṃ .. 27.143 ..

Shloka 144

अप्रोक्षितमथास्पृष्ट मगृहीतममुद्रितं । हविर्निवेदयेच्चेत्तु वैष्णवं श्रीमहीमनून् ॥ २७.१४४ ॥

aprokṣitamathāspṛṣṭa magṛhītamamudritaṃ . havirnivedayeccettu vaiṣṇavaṃ śrīmahīmanūn .. 27.144 ..

Shloka 145

आग्नेयं वारुणं चैव वायव्यं दशशो हुनेथ् । द्विगुणं तु पुनःकृत्वा प्रभूतं तु निवेदयेथ् ॥ २७.१४५ ॥

āgneyaṃ vāruṇaṃ caiva vāyavyaṃ daśaśo huneth . dviguṇaṃ tu punaḥkṛtvā prabhūtaṃ tu nivedayeth .. 27.145 ..

Shloka 146

निवेद्य चाशुमिस्पृष्टं देवं संस्नाप्य मन्त्रतः । वैष्णवं विष्णुगायत्रीं त्रयस्त्रिंशत्क्रमाद्धुनेथ् ॥ २७.१४६ ॥

nivedya cāśumispṛṣṭaṃ devaṃ saṃsnāpya mantrataḥ . vaiṣṇavaṃ viṣṇugāyatrīṃ trayastriṃśatkramāddhuneth .. 27.146 ..

Shloka 147

जुहुयाद्विधिनाशान्तिं प्रोक्षणैरपि प्रोक्षयेथ् । पुण्याहं वाचयित्वैव द्विगुणं चार्चनं हविः ॥ २७.१४७ ॥

juhuyādvidhināśāntiṃ prokṣaṇairapi prokṣayeth . puṇyāhaṃ vācayitvaiva dviguṇaṃ cārcanaṃ haviḥ .. 27.147 ..

Shloka 148

व्रीह्यङ्गारतुषैर्युक्तेशर्करादिविमिश्रिते । निवेदिते तु हविषि मन्त्रेणाष्टाक्षरेण तु ॥ २७.१४८ ॥

vrīhyaṅgāratuṣairyukteśarkarādivimiśrite . nivedite tu haviṣi mantreṇāṣṭākṣareṇa tu .. 27.148 ..

Shloka 149

वैष्णप्या चैव गायत्षा मन्त्रैस्संस्तूय वैष्णवैः । क्षमऽस्वेत्यनुमान्यैव प्रणमयैव च याचयेथ् ॥ २७.१४९ ॥

vaiṣṇapyā caiva gāyatṣā mantraissaṃstūya vaiṣṇavaiḥ . kṣama'svetyanumānyaiva praṇamayaiva ca yācayeth .. 27.149 ..

Shloka 150

मक्षिकाद्यैर्जन्तुभिश्च केशाद्यैरपि दूषिते । निवेदिते तु हविषि शुद्धोदैस्स्नाव्यवै हरिं ॥ २७.१५० ॥

makṣikādyairjantubhiśca keśādyairapi dūṣite . nivedite tu haviṣi śuddhodaissnāvyavai hariṃ .. 27.150 ..

Shloka 151

वैष्णवं विष्णुसूक्तं च श्रीभूदैवत्यमेव च । अष्टोत्तरशतं हुत्वा द्विगुणं तु निवेदयेथ् ॥ २७.१५१ ॥

vaiṣṇavaṃ viṣṇusūktaṃ ca śrībhūdaivatyameva ca . aṣṭottaraśataṃ hutvā dviguṇaṃ tu nivedayeth .. 27.151 ..

Shloka 152

महाहविषि चैतैन्तु संयुक्ते तत्र दूषितं । पुरुषाशनमात्रं तु व्यपोह्य तदनन्तरं ॥ २७.१५२ ॥

mahāhaviṣi caitaintu saṃyukte tatra dūṣitaṃ . puruṣāśanamātraṃ tu vyapohya tadanantaraṃ .. 27.152 ..

Shloka 153

भस्मांभसाकुशै रापो हिरण्य पवमानऽकैः । प्रोक्ष्य देवं सुसंप्रार्ध्य तद्गृहीत्वा निवेदयेथ् ॥ २७.१५३ ॥

bhasmāṃbhasākuśai rāpo hiraṇya pavamāna'kaiḥ . prokṣya devaṃ susaṃprārdhya tadgṛhītvā nivedayeth .. 27.153 ..

Shloka 154

पूर्वमर्कोदयात्पक्व मुपदंशमथो हविः । कोष्णं चेदर्पयेत्प्रातरर्चनान्तेन दोषभाक् ॥ २७.१५४ ॥

pūrvamarkodayātpakva mupadaṃśamatho haviḥ . koṣṇaṃ cedarpayetprātararcanāntena doṣabhāk .. 27.154 ..

Shloka 155

पूर्व मस्तमयात्पक्वं तथा सायं निवेदयेथ् । असंस्कृतं तु तांबूलं लेपकेशान्वितं तथा ॥ २७.१५५ ॥

pūrva mastamayātpakvaṃ tathā sāyaṃ nivedayeth . asaṃskṛtaṃ tu tāṃbūlaṃ lepakeśānvitaṃ tathā .. 27.155 ..

Shloka 156

जन्तुस्पृष्टं निवेद्यैव वैष्णवंश्रीमहीमनुन् । हुत्वा संस्कृत्य तांबूलं पुनरन्यन्निवेदयेथ् ॥ २७.१५६ ॥

jantuspṛṣṭaṃ nivedyaiva vaiṣṇavaṃśrīmahīmanun . hutvā saṃskṛtya tāṃbūlaṃ punaranyannivedayeth .. 27.156 ..

Shloka 157

अर्चनांगेषु चान्येषु पदार्थेष्वेवमेव हि । दूषितेष्वध हीनेषु तस्य तस्याधिदैवतं ॥ २७.१५७ ॥

arcanāṃgeṣu cānyeṣu padārtheṣvevameva hi . dūṣiteṣvadha hīneṣu tasya tasyādhidaivataṃ .. 27.157 ..

Shloka 158

मन्त्रं स वैष्णवं हुत्वा पुनरन्यैस्समर्चयेथ् । अलाभे चैव सर्वेषां पुष्पं तोयं प्रगृह्यच ॥ २७.१५८ ॥

mantraṃ sa vaiṣṇavaṃ hutvā punaranyaissamarcayeth . alābhe caiva sarveṣāṃ puṣpaṃ toyaṃ pragṛhyaca .. 27.158 ..

Shloka 159

संकल्प्यैव प्रतिनिधिं तत्तत्स्मृत्वा समर्चयेथ् । नित्यहोमे विहीनेतु वैष्णवं दशशो हुनेथ् ॥ २७.१५९ ॥

saṃkalpyaiva pratinidhiṃ tattatsmṛtvā samarcayeth . nityahome vihīnetu vaiṣṇavaṃ daśaśo huneth .. 27.159 ..

Shloka 160

यथोक्तहोमं द्विगुणमाचरेत्तदनन्तरं । अग्निसंरक्षणेऽशक्ता "वयन्ते योऽनिमुच्चरन् ॥ २७.१६० ॥

yathoktahomaṃ dviguṇamācarettadanantaraṃ . agnisaṃrakṣaṇe'śaktā "vayante yo'nimuccaran .. 27.160 ..

Shloka 161

समिध्यारोपयेत्कुण्डात्पश्चात्संस्थाप्य लौकिके । न्यस्य "चोपावरोऽहेतिप्रत्यहं जुहुयात्क्रमाथ् ॥ २७.१६१ ॥

samidhyāropayetkuṇḍātpaścātsaṃsthāpya laukike . nyasya "copāvaro'hetipratyahaṃ juhuyātkramāth .. 27.161 ..

Shloka 162

सुरर्षिमनुजानां तु बलं यस्मात्पृवर्धते । तस्माद्बलिस्समाख्यातस्तदर्थं प्रत्यहं हरिं ॥ २७.१६२ ॥

surarṣimanujānāṃ tu balaṃ yasmātpṛvardhate . tasmādbalissamākhyātastadarthaṃ pratyahaṃ hariṃ .. 27.162 ..

Shloka 163

उक्तद्रव्येषु चावाह्य त्रिषु कालेषु देशिकः । अभ्यर्च्य भ्रामयेदेवमशक्तः कर्तुमुत्तमं ॥ २७.१६३ ॥

uktadravyeṣu cāvāhya triṣu kāleṣu deśikaḥ . abhyarcya bhrāmayedevamaśaktaḥ kartumuttamaṃ .. 27.163 ..

Shloka 164

यथोक्तपात्रे निक्षिप्य बलिद्कव्यन्तु केवलं । तस्योपरि यथोक्तं तु बलिबेरं च विन्यसेथ् ॥ २७.१६४ ॥

yathoktapātre nikṣipya balidkavyantu kevalaṃ . tasyopari yathoktaṃ tu baliberaṃ ca vinyaseth .. 27.164 ..

Shloka 165

शिरसा धारयन्पात्रं त्रिर्द्विर्वा सकृदेव वा । देने ततः परीयाच्च देवागारं प्रदक्षिणं ॥ २७.१६५ ॥

śirasā dhārayanpātraṃ trirdvirvā sakṛdeva vā . dene tataḥ parīyācca devāgāraṃ pradakṣiṇaṃ .. 27.165 ..

Shloka 166

अथ हित्वा बलिद्रव्यं शिबिकादौ गजेऽथवा । अरोप्य याने विधिवत्कारयेच्च प्रदक्षिणं ॥ २७.१६६ ॥

atha hitvā balidravyaṃ śibikādau gaje'thavā . aropya yāne vidhivatkārayecca pradakṣiṇaṃ .. 27.166 ..

Shloka 167

प्रातर्भ्रमणहीने तु वैष्मवं सौरस्ॐयकं । प्राजापत्यं च जुहुयाद्धीने चोक्तप्रदक्षिणे ॥ २७.१६७ ॥

prātarbhramaṇahīne tu vaiṣmavaṃ sauras_oṃyakaṃ . prājāpatyaṃ ca juhuyāddhīne coktapradakṣiṇe .. 27.167 ..

Shloka 168

वैष्णवं गारुडं हुत्वा बलिभ्रमणमाचरेथ् । हीने प्रातर्बलौ कुर्यान्मध्याह्ने द्विगुणं बलिं ॥ २७.१६८ ॥

vaiṣṇavaṃ gāruḍaṃ hutvā balibhramaṇamācareth . hīne prātarbalau kuryānmadhyāhne dviguṇaṃ baliṃ .. 27.168 ..

Shloka 169

तथा हीने च मध्याह्ने रात्रौ त्रिगुणमाचरेथ् । एकाहे तु बलौ हीने नित्याग्नौ वा महानने ॥ २७.१६९ ॥

tathā hīne ca madhyāhne rātrau triguṇamācareth . ekāhe tu balau hīne nityāgnau vā mahānane .. 27.169 ..

Shloka 170

वैष्णवं विष्णुसूक्तं च पुरुषसूक्तं तथैव च । दिग्दैवत्यं च हुत्वा तु प्रदक्षिणनुथाचरेथ् ॥ २७.१७० ॥

vaiṣṇavaṃ viṣṇusūktaṃ ca puruṣasūktaṃ tathaiva ca . digdaivatyaṃ ca hutvā tu pradakṣiṇanuthācareth .. 27.170 ..

Shloka 171

देवालङ्कारहीने तु श्रीदैवत्यं यजेद्बुधः । छत्रपिञ्छाद्यलाभे तु वारुणं जुहुयात्तथा ॥ २७.१७१ ॥

devālaṅkārahīne tu śrīdaivatyaṃ yajedbudhaḥ . chatrapiñchādyalābhe tu vāruṇaṃ juhuyāttathā .. 27.171 ..

Shloka 172

अलाभे चामरादीनां वायव्यं चैव हूयते । दीपालाभे पावकं च व्याहृत्यन्तं यजेत्त्रयं ॥ २७.१७२ ॥

alābhe cāmarādīnāṃ vāyavyaṃ caiva hūyate . dīpālābhe pāvakaṃ ca vyāhṛtyantaṃ yajettrayaṃ .. 27.172 ..

Shloka 173

द्व्यहे तु द्विगुणं कुर्वात्त्षहे त्रिगुणमेव च । द्वादशाहान्तमेवं स्याद्द्वादशाहे गते ततः ॥ २७.१७३ ॥

dvyahe tu dviguṇaṃ kurvāttṣahe triguṇameva ca . dvādaśāhāntamevaṃ syāddvādaśāhe gate tataḥ .. 27.173 ..

Shloka 174

औपासनाग्निमाधाय वैष्णवं विष्णुसूक्तकं । पुरुषसूक्तं च श्रीभूमिदैवत्यं ब्राह्म मेव च ॥ २७.१७४ ॥

aupāsanāgnimādhāya vaiṣṇavaṃ viṣṇusūktakaṃ . puruṣasūktaṃ ca śrībhūmidaivatyaṃ brāhma meva ca .. 27.174 ..

Shloka 175

रौद्रं दिग्देवतामन्त्रं हुत्वैव भ्रमणं चरेथ् । मानेऽतीते तु पद्माग्नौ वैष्णवं विष्णुसूक्तं ॥ २७.१७५ ॥

raudraṃ digdevatāmantraṃ hutvaiva bhramaṇaṃ careth . māne'tīte tu padmāgnau vaiṣṇavaṃ viṣṇusūktaṃ .. 27.175 ..

Shloka 176

नृसूक्तं पारमात्मीकमीङ्कारादीं स्तदालये । परिषद्देवमन्त्रांश्च हुत्वा भ्रमणमाचरेथ् ॥ २७.१७६ ॥

nṛsūktaṃ pāramātmīkamīṅkārādīṃ stadālaye . pariṣaddevamantrāṃśca hutvā bhramaṇamācareth .. 27.176 ..

Shloka 177

द्विमासे द्विगुणं कुर्यात्त्रिमासे त्रिगुणं चरेथ् । वर्धये द्वत्सरान्तं चाप्यतीते वत्सरे पुनः ॥ २७.१७७ ॥

dvimāse dviguṇaṃ kuryāttrimāse triguṇaṃ careth . vardhaye dvatsarāntaṃ cāpyatīte vatsare punaḥ .. 27.177 ..

Shloka 178

सभ्यं संसाध्य देवाभिमुखे वा दक्षिणे नलं । वैष्णवं विष्णुसूक्तं च सूक्तं पौरुषमेव च ॥ २७.१७८ ॥

sabhyaṃ saṃsādhya devābhimukhe vā dakṣiṇe nalaṃ . vaiṣṇavaṃ viṣṇusūktaṃ ca sūktaṃ pauruṣameva ca .. 27.178 ..

Shloka 179

श्रीभूम्योश्चैव दैवत्यं सर्वदैवत्यमेव च । हुत्वा चार्यं च संपूज्य बल्युद्धरणमाचरेथ् ॥ २७.१७९ ॥

śrībhūmyoścaiva daivatyaṃ sarvadaivatyameva ca . hutvā cāryaṃ ca saṃpūjya balyuddharaṇamācareth .. 27.179 ..

Shloka 180

पतितेऽन्नबलौ भूम्यां भिन्ने जीर्णे च पूर्ववथ् । बलिमापाद्य हुत्वा च वैष्णवं गारुडं तथा ॥ २७.१८० ॥

patite'nnabalau bhūmyāṃ bhinne jīrṇe ca pūrvavath . balimāpādya hutvā ca vaiṣṇavaṃ gāruḍaṃ tathā .. 27.180 ..

Shloka 181

प्राजापत्यं तु विधिना ततः कुर्यात्प्रदक्षिणं । बल्युद्धरणकाले तु विघ्नश्चेदापतेत्तदा ॥ २७.१८१ ॥

prājāpatyaṃ tu vidhinā tataḥ kuryātpradakṣiṇaṃ . balyuddharaṇakāle tu vighnaścedāpatettadā .. 27.181 ..

Shloka 182

सौरं स्ॐयं वैष्णवं च हुत्वा पुनरथाचरेथ् । पात्रालाभे हविःपात्रं हुनैदादाय वैष्णवं ॥ २७.१८२ ॥

sauraṃ s_oṃyaṃ vaiṣṇavaṃ ca hutvā punarathācareth . pātrālābhe haviḥpātraṃ hunaidādāya vaiṣṇavaṃ .. 27.182 ..

Shloka 183

प्रमाणहीनेऽन्नबलौ वैष्णवं च प्रजापतिं । जुहुयाद्दोषदुष्टे तु हविर्निष्कृतिमाचरेथ् ॥ २७.१८३ ॥

pramāṇahīne'nnabalau vaiṣṇavaṃ ca prajāpatiṃ . juhuyāddoṣaduṣṭe tu havirniṣkṛtimācareth .. 27.183 ..

Shloka 184

आवाहनं विना चान्नबलौ तु भ्रमणेकृते । वैष्णवं विष्णुसूक्तं च पुरुषसूक्तं तथैव च ॥ २७.१८४ ॥

āvāhanaṃ vinā cānnabalau tu bhramaṇekṛte . vaiṣṇavaṃ viṣṇusūktaṃ ca puruṣasūktaṃ tathaiva ca .. 27.184 ..

Shloka 185

हुत्वा श्रीभूमिदैवत्यं विधिना भ्रमणं चरेथ् । बल्यग्रखण्डे विधिना शान्ताय त्वनिवेदिते ॥ २७.१८५ ॥

hutvā śrībhūmidaivatyaṃ vidhinā bhramaṇaṃ careth . balyagrakhaṇḍe vidhinā śāntāya tvanivedite .. 27.185 ..

Shloka 186

वैष्णवं मूर्तिमन्त्रं च हुत्वैव दशशः क्रमाथ् । निवेद्य विष्वक्चेनाय प्रदाय मुखवासनं ॥ २७.१८६ ॥

vaiṣṇavaṃ mūrtimantraṃ ca hutvaiva daśaśaḥ kramāth . nivedya viṣvakcenāya pradāya mukhavāsanaṃ .. 27.186 ..

Shloka 187

पुनश्च बल्युद्धरणं विधिना कारयेत्ततः । अकृते बलिदाने तु प्राश्य पादोदकं हरेः ॥ २७.१८७ ॥

punaśca balyuddharaṇaṃ vidhinā kārayettataḥ . akṛte balidāne tu prāśya pādodakaṃ hareḥ .. 27.187 ..

Shloka 188

प्रसादं चापि संप्राश्य पुनर्द्विगुणमर्चयेथ् । प्रवृत्तायां तु पूजायां हविर्दानान्तमेव च ॥ २७.१८८ ॥

prasādaṃ cāpi saṃprāśya punardviguṇamarcayeth . pravṛttāyāṃ tu pūjāyāṃ havirdānāntameva ca .. 27.188 ..

Shloka 189

तीर्थप्रसाददानं वा पादुकाग्रहणं तथा । नशस्तमन्यथा कृत्वा शान्तिहोमं समाचरेथ् ॥ २७.१८९ ॥

tīrthaprasādadānaṃ vā pādukāgrahaṇaṃ tathā . naśastamanyathā kṛtvā śāntihomaṃ samācareth .. 27.189 ..

Shloka 190

पूजान्ते पूजकात्पूर्वमन्यस्तीर्थादिकं पिबेथ् । प्रसादं वापि गृह्णीयात्तत्पूजा निष्फला भवेथ् ॥ २७.१९० ॥

pūjānte pūjakātpūrvamanyastīrthādikaṃ pibeth . prasādaṃ vāpi gṛhṇīyāttatpūjā niṣphalā bhaveth .. 27.190 ..

Shloka 191

महाशान्तिं तथा हुत्वा पुनःपूजां समाचरेथ् । तीर्थं पुष्पं ततः क्षीरं गन्धं च तदनन्तरं ॥ २७.१९१ ॥

mahāśāntiṃ tathā hutvā punaḥpūjāṃ samācareth . tīrthaṃ puṣpaṃ tataḥ kṣīraṃ gandhaṃ ca tadanantaraṃ .. 27.191 ..

Shloka 192

सर्वाण्वपि हवींष्यत्र नागवल्लीदलान्यपि । यद्यन्निवेदितं देवे दद्यादग्रेर्ऽचकाय च ॥ २७.१९२ ॥

sarvāṇvapi havīṃṣyatra nāgavallīdalānyapi . yadyanniveditaṃ deve dadyādagrer'cakāya ca .. 27.192 ..

Shloka 193

अर्चकस्तु हरिस्साक्षाच्चररूपो यतस्स्मृतः । नित्ये कर्मणि सर्वत्र पूजकं पूर्वमर्चयेथ् ॥ २७.१९३ ॥

arcakastu harissākṣāccararūpo yatassmṛtaḥ . nitye karmaṇi sarvatra pūjakaṃ pūrvamarcayeth .. 27.193 ..

Shloka 194

आचार्य मर्चकं वाथ तथा नैमित्तिकेर्ऽचयेथ् । यद्यवैखानसो विप्रः कदापि हरिमन्दिरे ॥ २७.१९४ ॥

ācārya marcakaṃ vātha tathā naimittiker'cayeth . yadyavaikhānaso vipraḥ kadāpi harimandire .. 27.194 ..

Shloka 195

समिच्छेदग्रसन्मानं तद्देवस्य विमाननं । यजमानो विपन्नस्स्याद्राजराष्ट्रं विनश्यति ॥ २७.१९५ ॥

samicchedagrasanmānaṃ taddevasya vimānanaṃ . yajamāno vipannassyādrājarāṣṭraṃ vinaśyati .. 27.195 ..

Shloka 196

अज्ञानादथ वा मोहादाचले दन्यथायदि । द्विगुणं तु समभ्यर्च्य चान्यद्द्विगुण माचरेथ् ॥ २७.१९६ ॥

ajñānādatha vā mohādācale danyathāyadi . dviguṇaṃ tu samabhyarcya cānyaddviguṇa mācareth .. 27.196 ..

Shloka 197

अशुचिर्वाप्यनाचारः सदावैखानस श्शुचिः । पिता मृष्यति पुत्राणां विशङ्कं दोषसंचयं ॥ २७.१९७ ॥

aśucirvāpyanācāraḥ sadāvaikhānasa śśuciḥ . pitā mṛṣyati putrāṇāṃ viśaṅkaṃ doṣasaṃcayaṃ .. 27.197 ..

Shloka 198

पिता हि भगवान्विष्णुपुत्रास्स्युः पूजका हरेः । तस्मात्तेषु न कुप्येत दीर्घमायुर्जिजीविषुः ॥ २७.१९८ ॥

pitā hi bhagavānviṣṇuputrāssyuḥ pūjakā hareḥ . tasmātteṣu na kupyeta dīrghamāyurjijīviṣuḥ .. 27.198 ..

Shloka 199

अतःपरं प्रवक्ष्यामि निष्कृतिं स्नपनाश्रितां । नित्यं नैमित्तिकं काम्यं त्रिविधं स्नपनं भवेथ् ॥ २७.१९९ ॥

ataḥparaṃ pravakṣyāmi niṣkṛtiṃ snapanāśritāṃ . nityaṃ naimittikaṃ kāmyaṃ trividhaṃ snapanaṃ bhaveth .. 27.199 ..

Shloka 200

विषुवे चायनद्वन्द्वे स्नपनं नित्यमुच्यते । चन्द्र सूर्योपरोगे यन्नैमित्तिकमिति स्मृतं ॥ २७.२०० ॥

viṣuve cāyanadvandve snapanaṃ nityamucyate . candra sūryoparoge yannaimittikamiti smṛtaṃ .. 27.200 ..

Shloka 201

शेषेषु स्नपनं यत्तत्काम्यं तु परिकीर्तितं । नित्यस्नापनहीने तु वैष्णवं विष्णुसूक्तकं ॥ २७.२०१ ॥

śeṣeṣu snapanaṃ yattatkāmyaṃ tu parikīrtitaṃ . nityasnāpanahīne tu vaiṣṇavaṃ viṣṇusūktakaṃ .. 27.201 ..

Shloka 202

पुरुषसूक्तं वारुणं च दशकृत्वो हुनेत्पुनः । स्नपनं विधिवत्कुर्यान्नि त्यस्नपन निष्कृतिः ॥ २७.२०२ ॥

puruṣasūktaṃ vāruṇaṃ ca daśakṛtvo hunetpunaḥ . snapanaṃ vidhivatkuryānni tyasnapana niṣkṛtiḥ .. 27.202 ..

Shloka 203

ग्रहणे स्नपने हीने पूर्ववन्निष्कृतिं चरेथ् । काम्ये च पूर्ववत्कृत्वा शुद्धोदैरभिषेचयेथ् ॥ २७.२०३ ॥

grahaṇe snapane hīne pūrvavanniṣkṛtiṃ careth . kāmye ca pūrvavatkṛtvā śuddhodairabhiṣecayeth .. 27.203 ..

Shloka 204

अन्यथा चेन्महादोषो यजमानो विनश्यति । आलयात्पुरतश्चैव उत्तरे वा मनोरमे ॥ २७.२०४ ॥

anyathā cenmahādoṣo yajamāno vinaśyati . ālayātpurataścaiva uttare vā manorame .. 27.204 ..

Shloka 205

उत्तमं स्नपनागारमैशान्यां मध्यमं भवेथ् । पश्चिमे दक्षिणे चैवमधमं संप्रकीर्तितं ॥ २७.२०५ ॥

uttamaṃ snapanāgāramaiśānyāṃ madhyamaṃ bhaveth . paścime dakṣiṇe caivamadhamaṃ saṃprakīrtitaṃ .. 27.205 ..

Shloka 206

आग्नेय्यादिषु कोणेषु स्नपने वैष्णवं तथा । विष्णुसूक्तं नृसूक्तं च दिगीशानां मनुं हुनेथ् ॥ २७.२०६ ॥

āgneyyādiṣu koṇeṣu snapane vaiṣṇavaṃ tathā . viṣṇusūktaṃ nṛsūktaṃ ca digīśānāṃ manuṃ huneth .. 27.206 ..

Shloka 207

स्नपनं कारयेत्पश्चादेषा व्यत्यय निष्कृतिः । संध्याकालेतु संप्राप्ते निमित्तस्नपने तथा ॥ २७.२०७ ॥

snapanaṃ kārayetpaścādeṣā vyatyaya niṣkṛtiḥ . saṃdhyākāletu saṃprāpte nimittasnapane tathā .. 27.207 ..

Shloka 208

नैमित्तिकं समाप्यैव नित्यपूजं समाचरेथ् । अन्यथा वैष्णवं मन्त्रं शतवारं जपेत्सुधीः ॥ २७.२०८ ॥

naimittikaṃ samāpyaiva nityapūjaṃ samācareth . anyathā vaiṣṇavaṃ mantraṃ śatavāraṃ japetsudhīḥ .. 27.208 ..

Shloka 209

पूर्वरात्रौ प्रतिसरे हीने च शयने तथा । वैष्णवं श्रीमहीमन्त्रान्हुत्वा सौदर्शनं तथा ॥ २७.२०९ ॥

pūrvarātrau pratisare hīne ca śayane tathā . vaiṣṇavaṃ śrīmahīmantrānhutvā saudarśanaṃ tathā .. 27.209 ..

Shloka 210

शय्याधिवासनं हित्वा बन्धयेत्कौतुकं पुनः । एमबेरे कौतुके तु कर्तव्ये शयनं विना ॥ २७.२१० ॥

śayyādhivāsanaṃ hitvā bandhayetkautukaṃ punaḥ . emabere kautuke tu kartavye śayanaṃ vinā .. 27.210 ..

Shloka 211

बद्ध्वा प्रतिसरं सद्यस्स्नपनं सम्यगाचरेथ् । कृतेऽंकुरार्पणे हीने स्नपने वैष्णपं तथा ॥ २७.२११ ॥

baddhvā pratisaraṃ sadyassnapanaṃ samyagācareth . kṛte'ṃkurārpaṇe hīne snapane vaiṣṇapaṃ tathā .. 27.211 ..

Shloka 212

स्ॐयं श्रीभूमिदैवत्यं वैघ्नं हुत्वाभिषेचयेथ् । विनांकुरार्पणं चाथ स्नापयेदिति केचन ॥ २७.२१२ ॥

s_oṃyaṃ śrībhūmidaivatyaṃ vaighnaṃ hutvābhiṣecayeth . vināṃkurārpaṇaṃ cātha snāpayediti kecana .. 27.212 ..

Shloka 213

प्रमाणहीनेऽधिके वा पङ्क्तौ स्नानावटेऽपि च । वैष्णवं भूमिदैवत्यं पङ्क्तीशस्य मनुं यजेथ् ॥ २७.२१३ ॥

pramāṇahīne'dhike vā paṅktau snānāvaṭe'pi ca . vaiṣṇavaṃ bhūmidaivatyaṃ paṅktīśasya manuṃ yajeth .. 27.213 ..

Shloka 214

हीने शान्ताद्यर्चने च वैष्णवं शान्तमेव च । पङ्क्तीशस्यार्चने हीने तन्मन्त्रं च जयादीकान् ॥ २७.२१४ ॥

hīne śāntādyarcane ca vaiṣṇavaṃ śāntameva ca . paṅktīśasyārcane hīne tanmantraṃ ca jayādīkān .. 27.214 ..

Shloka 215

इन्द्राद्यर्चनहीने तु तन्मन्त्रं वैष्णवं हुनेथ् । कलशेष्वप्रमाणेषु वैष्णवं वायुदैवतं ॥ २७.२१५ ॥

indrādyarcanahīne tu tanmantraṃ vaiṣṇavaṃ huneth . kalaśeṣvapramāṇeṣu vaiṣṇavaṃ vāyudaivataṃ .. 27.215 ..

Shloka 216

आग्नेयं जुहुयान्मृत्सु हीनास्वत्र च वैष्णवं । भूदैवत्यं च जुहुयान्मृत्सु सर्वास्वयं विधिः ॥ २७.२१६ ॥

āgneyaṃ juhuyānmṛtsu hīnāsvatra ca vaiṣṇavaṃ . bhūdaivatyaṃ ca juhuyānmṛtsu sarvāsvayaṃ vidhiḥ .. 27.216 ..

Shloka 217

पर्वतेष्यप्रमाणेषु वैष्णवं पावकं हुनेथ् । धान्येषु वैष्णवं चैव वायव्यं च हुनेद्बुधः ॥ २७.२१७ ॥

parvateṣyapramāṇeṣu vaiṣṇavaṃ pāvakaṃ huneth . dhānyeṣu vaiṣṇavaṃ caiva vāyavyaṃ ca hunedbudhaḥ .. 27.217 ..

Shloka 218

अङ्कुरेषु विहीनेषु वैष्णवं गारुडं तथा । जुहुयाद्व्याहृतीश्चैव यथार्हं संभरेत्पुनः ॥ २७.२१८ ॥

aṅkureṣu vihīneṣu vaiṣṇavaṃ gāruḍaṃ tathā . juhuyādvyāhṛtīścaiva yathārhaṃ saṃbharetpunaḥ .. 27.218 ..

Shloka 219

वर्णहीनेष्वमानेषु मङ्गलेषु तु वैष्णवं । ऐन्द्रं च जुहुयात्कुर्याद्यथार्हं संभरेदपि ॥ २७.२१९ ॥

varṇahīneṣvamāneṣu maṅgaleṣu tu vaiṣṇavaṃ . aindraṃ ca juhuyātkuryādyathārhaṃ saṃbharedapi .. 27.219 ..

Shloka 220

पञ्चगव्ये मन्त्रहीने विहीने योगकर्मणि । जुहुयाद्वैष्णवं रौद्रं मन्त्रेणैव सुयोजयेथ् ॥ २७.२२० ॥

pañcagavye mantrahīne vihīne yogakarmaṇi . juhuyādvaiṣṇavaṃ raudraṃ mantreṇaiva suyojayeth .. 27.220 ..

Shloka 221

उक्तप्रमाणहीनेषु पञ्चगव्यादिषु क्रमाथ् । प्रधानेषु जलैःपूर्व द्रव्याधिपमनुं तथा ॥ २७.२२१ ॥

uktapramāṇahīneṣu pañcagavyādiṣu kramāth . pradhāneṣu jalaiḥpūrva dravyādhipamanuṃ tathā .. 27.221 ..

Shloka 222

वैष्णवेनैव मन्त्रेण सह हुत्वा समाचरेथ् । प्राशनं प्रोक्षं वापि शास्त्रेऽस्मिन्यत्र चोद्यते ॥ २७.२२२ ॥

vaiṣṇavenaiva mantreṇa saha hutvā samācareth . prāśanaṃ prokṣaṃ vāpi śāstre'sminyatra codyate .. 27.222 ..

Shloka 223

अयमेव विधिर्ज्ञेयः पञ्चगव्यस्य सर्वतः । साधिते कलशेभिन्ने त्वन्यमादाय पूर्ववथ् ॥ २७.२२३ ॥

ayameva vidhirjñeyaḥ pañcagavyasya sarvataḥ . sādhite kalaśebhinne tvanyamādāya pūrvavath .. 27.223 ..

Shloka 224

आपूर्याभ्यर्च्य दशशो वैष्णवं जुहुयात्ततः । कलशानां विपर्यामे तद्धृतेनैव चाप्लुते ॥ २७.२२४ ॥

āpūryābhyarcya daśaśo vaiṣṇavaṃ juhuyāttataḥ . kalaśānāṃ viparyāme taddhṛtenaiva cāplute .. 27.224 ..

Shloka 225

वैष्णवं द्रव्यदैवत्यं हुत्वा संशोध्य तत्पुनः । शुद्धोदैस्स्नापयेच्चैव यथावच्च पुनर्न्यसेथ् ॥ २७.२२५ ॥

vaiṣṇavaṃ dravyadaivatyaṃ hutvā saṃśodhya tatpunaḥ . śuddhodaissnāpayeccaiva yathāvacca punarnyaseth .. 27.225 ..

Shloka 226

कृते तु कलशन्यासे श्वकाकादिभिरेव वा । अस्पृश्यैर्वापि संस्पर्शे संसाध्यान्यत्तु पूर्ववथ् ॥ २७.२२६ ॥

kṛte tu kalaśanyāse śvakākādibhireva vā . aspṛśyairvāpi saṃsparśe saṃsādhyānyattu pūrvavath .. 27.226 ..

Shloka 227

शान्तिं वैष्णवमन्त्रांश्च हुत्वा कार्यं समाचरेथ् । कृमिकीटादिपतने तत्तद्द्रव्यं परित्यजेथ् ॥ २७.२२७ ॥

śāntiṃ vaiṣṇavamantrāṃśca hutvā kāryaṃ samācareth . kṛmikīṭādipatane tattaddravyaṃ parityajeth .. 27.227 ..

Shloka 228

अन्यदादाय जुहुयाद्वैष्णवं द्रव्यदैवतं । रत्नालाभे वैष्णवं तु हुत्वा स्वर्णं तु निक्षिपेथ् ॥ २७.२२८ ॥

anyadādāya juhuyādvaiṣṇavaṃ dravyadaivataṃ . ratnālābhe vaiṣṇavaṃ tu hutvā svarṇaṃ tu nikṣipeth .. 27.228 ..

Shloka 229

वस्त्रालाभे वैष्णवं च श्रीदैवत्यं च हावयेथ् । यथोक्तस्नपने हीने कथं चित्स्नपनं चरेथ् ॥ २७.२२९ ॥

vastrālābhe vaiṣṇavaṃ ca śrīdaivatyaṃ ca hāvayeth . yathoktasnapane hīne kathaṃ citsnapanaṃ careth .. 27.229 ..

Shloka 230

अथ वा कारयेच्छुद्धस्नपनं वा विधानतः । अत ऊर्ध्वं प्रवक्ष्यामि प्रायश्चित्तमथोत्सवे ॥ २७.२३० ॥

atha vā kārayecchuddhasnapanaṃ vā vidhānataḥ . ata ūrdhvaṃ pravakṣyāmi prāyaścittamathotsave .. 27.230 ..

Shloka 231

कालादिभेदन्तेषां च लक्षणं च पुरोदितं । पुरस्कृत्य तिथिं केचित्केचिन्नक्षत्रपूर्वकं ॥ २७.२३१ ॥

kālādibhedanteṣāṃ ca lakṣaṇaṃ ca puroditaṃ . puraskṛtya tithiṃ kecitkecinnakṣatrapūrvakaṃ .. 27.231 ..

Shloka 232

संकल्पयन्त्यवभृथं वरमृक्षापवर्गकं । अकृते नियते कालं कृते वानियते तथा ॥ २७.२३२ ॥

saṃkalpayantyavabhṛthaṃ varamṛkṣāpavargakaṃ . akṛte niyate kālaṃ kṛte vāniyate tathā .. 27.232 ..

Shloka 233

कालोत्सवे महान्दोषस्तत्र कुर्यात्तुनिष्कृतिं । उत्सवात्पूर्वमुद्दिस्य महाशान्तिं त्षहं चरेथ् ॥ २७.२३३ ॥

kālotsave mahāndoṣastatra kuryāttuniṣkṛtiṃ . utsavātpūrvamuddisya mahāśāntiṃ tṣahaṃ careth .. 27.233 ..

Shloka 234

विज्ञाप्य देवदेवेशं ततः कालोत्सवं चरेथ् । अन्यथा तु कृतं कार्यमकृतं स्यादसंशयं ॥ २७.२३४ ॥

vijñāpya devadeveśaṃ tataḥ kālotsavaṃ careth . anyathā tu kṛtaṃ kāryamakṛtaṃ syādasaṃśayaṃ .. 27.234 ..

Shloka 235

अन्यस्मिन्वापि मासे तु न कुर्याद्यदि चोत्सवं । एष एव विधिः प्रोक्तः परस्मिन्वत्सरे कृते ॥ २७.२३५ ॥

anyasminvāpi māse tu na kuryādyadi cotsavaṃ . eṣa eva vidhiḥ proktaḥ parasminvatsare kṛte .. 27.235 ..

Shloka 236

एवं त्रिवत्सरेभ्यस्स्यादत ऊर्ध्वं विशेषतः । सप्ताहन्तु महाशान्तिं कृत्वा तूत्सव माचरेथ् ॥ २७.२३६ ॥

evaṃ trivatsarebhyassyādata ūrdhvaṃ viśeṣataḥ . saptāhantu mahāśāntiṃ kṛtvā tūtsava mācareth .. 27.236 ..

Shloka 237

एवे द्वादशवर्षान्तं ततश्चस्थापनं पुनः । तत्र देवो न रमते योऽसावुत्सव दैवतं ॥ २७.२३७ ॥

eve dvādaśavarṣāntaṃ tataścasthāpanaṃ punaḥ . tatra devo na ramate yo'sāvutsava daivataṃ .. 27.237 ..

Shloka 238

यत्र देवालये विष्णुस्थ्साप्यते प्रथमं ततः । तेनैव कारयेत्सर्वमाचार्येणार्ऽचकेन च ॥ २७.२३८ ॥

yatra devālaye viṣṇusthsāpyate prathamaṃ tataḥ . tenaiva kārayetsarvamācāryeṇār'cakena ca .. 27.238 ..

Shloka 239

तदभावे तु तत्पुत्रैःपौत्रैस्तद्वंशजैस्तथा । तन्नियुक्तैस्तदीयैर्वापूर्वाभावे परैश्चरेथ् ॥ २७.२३९ ॥

tadabhāve tu tatputraiḥpautraistadvaṃśajaistathā . tanniyuktaistadīyairvāpūrvābhāve paraiścareth .. 27.239 ..

Shloka 240

अन्यथा क्रियते चेत्तु यजमानो विनश्यति । उत्सवाहस्सु हीनेषु प्रायश्चित्तं समाचरेथ् ॥ २७.२४० ॥

anyathā kriyate cettu yajamāno vinaśyati . utsavāhassu hīneṣu prāyaścittaṃ samācareth .. 27.240 ..

Shloka 241

वर्धयेद्वैष्णवं कार्यं ह्रासयेन्न कदा चन । प्रमादाद्वाप्यशक्तौ वा कृत्वा संप्रार्थयेद्धरिं ॥ २७.२४१ ॥

vardhayedvaiṣṇavaṃ kāryaṃ hrāsayenna kadā cana . pramādādvāpyaśaktau vā kṛtvā saṃprārthayeddhariṃ .. 27.241 ..

Shloka 242

महाशान्तिं तु हुत्वैव शेषं कुर्यात्प्रयत्नतः । एष एव विधिर्वृद्धौ स तु श्रेयोऽभिवृद्धिदः ॥ २७.२४२ ॥

mahāśāntiṃ tu hutvaiva śeṣaṃ kuryātprayatnataḥ . eṣa eva vidhirvṛddhau sa tu śreyo'bhivṛddhidaḥ .. 27.242 ..

Shloka 243

यदा त्ववभृथेदैवात्कृते विनिमयेन तु । असंकल्पितवत्कुर्यात्तत्र पूर्वोक्त निष्कृतिः ॥ २७.२४३ ॥

yadā tvavabhṛthedaivātkṛte vinimayena tu . asaṃkalpitavatkuryāttatra pūrvokta niṣkṛtiḥ .. 27.243 ..

Shloka 244

प्रमादाद्बुद्धिपूर्वं वा तत्तद्वेलोत्सवादिषु । अकृतेषु यथाशास्त्रं कृत्वा तन्त्रेण वैपुनः ॥ २७.२४४ ॥

pramādādbuddhipūrvaṃ vā tattadvelotsavādiṣu . akṛteṣu yathāśāstraṃ kṛtvā tantreṇa vaipunaḥ .. 27.244 ..

Shloka 245

मन्त्रेण वा पुनस्सूक्ष्मं कालेऽवभृथमाचरेथ् । यज्ञस्यापभृथोऽन्तस्स्यान्नोत्सवस्तदनन्तरं ॥ २७.२४५ ॥

mantreṇa vā punassūkṣmaṃ kāle'vabhṛthamācareth . yajñasyāpabhṛtho'ntassyānnotsavastadanantaraṃ .. 27.245 ..

Shloka 246

अकृतोत्सवकार्याणि यथोक्तं पूर्वमाचरेथ् । नित्योत्सवं हरेः कुर्यान्नित्यश्री र्नित्यमङ्गलः ॥ २७.२४६ ॥

akṛtotsavakāryāṇi yathoktaṃ pūrvamācareth . nityotsavaṃ hareḥ kuryānnityaśrī rnityamaṅgalaḥ .. 27.246 ..

Shloka 247

हरिर्नारायणो देवो नालं देवा स्तमर्चितुं । आचार्ये यजमाने वा पूजकेऽन्यपदार्थिनि ॥ २७.२४७ ॥

harirnārāyaṇo devo nālaṃ devā stamarcituṃ . ācārye yajamāne vā pūjake'nyapadārthini .. 27.247 ..

Shloka 248

नष्टे सद्यस्तदान्यन्तु वरयित्वा समाचरेथ् । न दैवं प्रतिबध्नाति कार्यं यत्कर्म मानुषं ॥ २७.२४८ ॥

naṣṭe sadyastadānyantu varayitvā samācareth . na daivaṃ pratibadhnāti kāryaṃ yatkarma mānuṣaṃ .. 27.248 ..

Shloka 249

देवेशमनुमान्याथ महाशान्तिं तु पद्मके । समृतो ब्रह्ममेधार्ऽहः पूतं तद्गात्रमुच्यते ॥ २७.२४९ ॥

deveśamanumānyātha mahāśāntiṃ tu padmake . samṛto brahmamedhār'haḥ pūtaṃ tadgātramucyate .. 27.249 ..

Shloka 250

सर्वे पदार्थिनः प्रोक्ता गुरुपूर्वाःपदार्थिनः । ग्रामान्तरं प्रयाते तु दीक्षामध्ये पदार्थिनि ॥ २७.२५० ॥

sarve padārthinaḥ proktā gurupūrvāḥpadārthinaḥ . grāmāntaraṃ prayāte tu dīkṣāmadhye padārthini .. 27.250 ..

Shloka 251

अस्पृश्यस्पर्शदोषेण सुरापानादिना तथा । अनुक्तदोषैर्वा दुष्टे रोगाच्छौचाद्यसंभवे ॥ २७.२५१ ॥

aspṛśyasparśadoṣeṇa surāpānādinā tathā . anuktadoṣairvā duṣṭe rogācchaucādyasaṃbhave .. 27.251 ..

Shloka 252

शावाद्याशौसयोग्ये वा शवानुगमने तथा । वाहने दाहने चैव प्रेतान्नश्राद्धभोक्तरि ॥ २७.२५२ ॥

śāvādyāśausayogye vā śavānugamane tathā . vāhane dāhane caiva pretānnaśrāddhabhoktari .. 27.252 ..

Shloka 253

श्राद्धस्य याजके श्राद्धशिष्टभोक्तरिभोक्तरि । दोषस्स्याद्विधिना तत्र महाशान्तिमथाचरेथ् ॥ २७.२५३ ॥

śrāddhasya yājake śrāddhaśiṣṭabhoktaribhoktari . doṣassyādvidhinā tatra mahāśāntimathācareth .. 27.253 ..

Shloka 254

श्राद्धकर्तिरि नो दोष स्तत्र दाता भवेत्सहि । परान्नेन मुखं दग्धं हस्तौ दग्धौ प्रतिग्रहाथ् ॥ २७.२५४ ॥

śrāddhakartiri no doṣa statra dātā bhavetsahi . parānnena mukhaṃ dagdhaṃ hastau dagdhau pratigrahāth .. 27.254 ..

Shloka 255

परस्त्रीभिर्मनोदग्धं ब्रह्मशापः कुतः कलौ । दीक्षामध्ये नान्यदीक्षां गर्भदीक्षां विना चरेथ् ॥ २७.२५५ ॥

parastrībhirmanodagdhaṃ brahmaśāpaḥ kutaḥ kalau . dīkṣāmadhye nānyadīkṣāṃ garbhadīkṣāṃ vinā careth .. 27.255 ..

Shloka 256

विधुरे यजमाने तु दीक्षितः पुरुषो भवेथ् । सदारो वा प्यदारोवा दीक्षितस्स्यात्कलत्रवान् ॥ २७.२५६ ॥

vidhure yajamāne tu dīkṣitaḥ puruṣo bhaveth . sadāro vā pyadārovā dīkṣitassyātkalatravān .. 27.256 ..

Shloka 257

दंपती यजमानो चेदयमभ्युदयो भवेथ् । अनग्निमत्यदारे वा गुरौ तं तु न दीक्षयेथ् ॥ २७.२५७ ॥

daṃpatī yajamāno cedayamabhyudayo bhaveth . anagnimatyadāre vā gurau taṃ tu na dīkṣayeth .. 27.257 ..

Shloka 258

अन्यस्मिन्पदभाजी स्याद्यथासंभवमादरः । वैधुर्यसंभवे त्वेषां मध्ये दुष्यन्ति नैव ते ॥ २७.२५८ ॥

anyasminpadabhājī syādyathāsaṃbhavamādaraḥ . vaidhuryasaṃbhave tveṣāṃ madhye duṣyanti naiva te .. 27.258 ..

Shloka 259

वत्सराशौचमितरच्चाशौचं न प्रवर्तते । मातापित्रोर्मृतौ यत्तु प्रोक्तमभ्युदये पुनः ॥ २७.२५९ ॥

vatsarāśaucamitaraccāśaucaṃ na pravartate . mātāpitrormṛtau yattu proktamabhyudaye punaḥ .. 27.259 ..

Shloka 260

ध्वजारोहणहीने तु कृते निष्फल उत्सवः । कृत्वैवारोहणं तस्माद्ध्वजस्योत्सवमाचरेथ् ॥ २७.२६० ॥

dhvajārohaṇahīne tu kṛte niṣphala utsavaḥ . kṛtvaivārohaṇaṃ tasmāddhvajasyotsavamācareth .. 27.260 ..

Shloka 261

ध्वजस्यारोहणं कृत्वा नाचरेद्यदि चोत्सवं । अज्ञानादर्थलोभाद्वामासेऽ न्यस्मिन्त्समाचरेथ् ॥ २७.२६१ ॥

dhvajasyārohaṇaṃ kṛtvā nācaredyadi cotsavaṃ . ajñānādarthalobhādvāmāse' nyasmintsamācareth .. 27.261 ..

Shloka 262

नकुर्याच्चेद्द्वितीये तु मासे कर्ता विनश्यति । तस्मान्निष्कृतिमब्जाग्नौ हुत्वा तूत्सवमाचरेथ् ॥ २७.२६२ ॥

nakuryācceddvitīye tu māse kartā vinaśyati . tasmānniṣkṛtimabjāgnau hutvā tūtsavamācareth .. 27.262 ..

Shloka 263

वैष्णवं विष्णुसूक्तं च नृसूक्तं चैव गारुडं । ध्वाजं शान्तं च चक्रं च तथैवोत्सवदैवतं ॥ २७.२६३ ॥

vaiṣṇavaṃ viṣṇusūktaṃ ca nṛsūktaṃ caiva gāruḍaṃ . dhvājaṃ śāntaṃ ca cakraṃ ca tathaivotsavadaivataṃ .. 27.263 ..

Shloka 264

व्याहृत्यन्तं च हुत्वा तु वैष्णवान्पूज्य चाचरेथ् । ध्वजस्य लक्षणं वक्ष्ये येन मानेन कारयेथ् ॥ २७.२६४ ॥

vyāhṛtyantaṃ ca hutvā tu vaiṣṇavānpūjya cācareth . dhvajasya lakṣaṇaṃ vakṣye yena mānena kārayeth .. 27.264 ..

Shloka 265

विमानेन समं वाथ पादेनार्ऽधेन वाधिकं । पादेनार्धेन हीसं वा पञ्चधापि प्रकल्पयेथ् ॥ २७.२६५ ॥

vimānena samaṃ vātha pādenār'dhena vādhikaṃ . pādenārdhena hīsaṃ vā pañcadhāpi prakalpayeth .. 27.265 ..

Shloka 266

जयश्रीकीर्तिविजयमङ्गलाख्याः प्रकीर्तिताः । अर्धहीनं न कुर्वीत तदेवागतिकं भवेथ् ॥ २७.२६६ ॥

jayaśrīkīrtivijayamaṅgalākhyāḥ prakīrtitāḥ . ardhahīnaṃ na kurvīta tadevāgatikaṃ bhaveth .. 27.266 ..

Shloka 267

तस्माच्चहीनं नैव स्यादधिकं स्यात्तु शक्तितः । अवक्रमृजुमन्येनासंबद्धं कीलितादिभिः ॥ २७.२६७ ॥

tasmāccahīnaṃ naiva syādadhikaṃ syāttu śaktitaḥ . avakramṛjumanyenāsaṃbaddhaṃ kīlitādibhiḥ .. 27.267 ..

Shloka 268

श्लक्ष्णं मनोहरं दारु गृहीत्वाखण्डमुत्तमं । तं चतुर्दशधा कुर्याम्मालाग्रे तेन कारयेथ् ॥ २७.२६८ ॥

ślakṣṇaṃ manoharaṃ dāru gṛhītvākhaṇḍamuttamaṃ . taṃ caturdaśadhā kuryāmmālāgre tena kārayeth .. 27.268 ..

Shloka 269

भागमेकं विहायाग्रे तत्र कुर्यात्त्रिमेखलाः । मेखलानामथायामस्तद्भागेन समो भवेत्, ॥ २७.२६९ ॥

bhāgamekaṃ vihāyāgre tatra kuryāttrimekhalāḥ . mekhalānāmathāyāmastadbhāgena samo bhavet, .. 27.269 ..

Shloka 270

त्रितालविस्तृतं कुर्याद्दण्डविस्तृतमेव वा । अन्तरं च समं तेषां तिस्रः कुर्यात्तु यष्टिकाः ॥ २७.२७० ॥

tritālavistṛtaṃ kuryāddaṇḍavistṛtameva vā . antaraṃ ca samaṃ teṣāṃ tisraḥ kuryāttu yaṣṭikāḥ .. 27.270 ..

Shloka 271

यष्टी द्वे पुरतः कुर्यात्पश्चादेका विधीयते । सर्वत्र किङ्किणीनां तु कुर्याच्छतम शेषतः ॥ २७.२७१ ॥

yaṣṭī dve purataḥ kuryātpaścādekā vidhīyate . sarvatra kiṅkiṇīnāṃ tu kuryācchatama śeṣataḥ .. 27.271 ..

Shloka 272

पश्चाच्छेषं त्रिधा कुर्याच्चतुर्धा वा ध्वजं बुधः । अष्टाश्रं च षडश्रं च चतुरश्रं च वृत्तकं ॥ २७.२७२ ॥

paścāccheṣaṃ tridhā kuryāccaturdhā vā dhvajaṃ budhaḥ . aṣṭāśraṃ ca ṣaḍaśraṃ ca caturaśraṃ ca vṛttakaṃ .. 27.272 ..

Shloka 273

मूलादारभ्य कुर्वीत चतुर्धा विहितं ध्वजं । त्रिधा कृते न कुर्यात्तु षडश्रं शेषमाचरेथ् ॥ २७.२७३ ॥

mūlādārabhya kurvīta caturdhā vihitaṃ dhvajaṃ . tridhā kṛte na kuryāttu ṣaḍaśraṃ śeṣamācareth .. 27.273 ..

Shloka 274

आद्यं भागं त्रिधा कृत्वा केचिदेवं प्रकुर्वते । शिखरं शिर इत्याहुरर्धेन शिखरं भवेथ् ॥ २७.२७४ ॥

ādyaṃ bhāgaṃ tridhā kṛtvā kecidevaṃ prakurvate . śikharaṃ śira ityāhurardhena śikharaṃ bhaveth .. 27.274 ..

Shloka 275

प्रमादात्पतितं गृह्य शिखरं स्थापयेद्विधिः । स्पुटितेवाथ भिन्ने वा बिंबस्योक्तवदाचरेथ् ॥ २७.२७५ ॥

pramādātpatitaṃ gṛhya śikharaṃ sthāpayedvidhiḥ . spuṭitevātha bhinne vā biṃbasyoktavadācareth .. 27.275 ..

Shloka 276

अधिष्टिते तु शिखरे द्विजैर्गृध्रादिभिस्सकृथ् । विष्ठादिकरणे वापि उषिते वा निरन्तरं ॥ २७.२७६ ॥

adhiṣṭite tu śikhare dvijairgṛdhrādibhissakṛth . viṣṭhādikaraṇe vāpi uṣite vā nirantaraṃ .. 27.276 ..

Shloka 277

वास्तुहोमं च हुत्वैव पर्यग्निकरणं चरेथ् । एष एव विधिः प्रोक्तो विमानशिखरादिषु ॥ २७.२७७ ॥

vāstuhomaṃ ca hutvaiva paryagnikaraṇaṃ careth . eṣa eva vidhiḥ prokto vimānaśikharādiṣu .. 27.277 ..

Shloka 278

अधिष्ठानेन पादेन प्रस्तरेण च संयुतं । ध्वजमूले त्विष्टकाभिर्वेदिं कुर्यान्मनोहरां ॥ २७.२७८ ॥

adhiṣṭhānena pādena prastareṇa ca saṃyutaṃ . dhvajamūle tviṣṭakābhirvediṃ kuryānmanoharāṃ .. 27.278 ..

Shloka 279

न तामप्यधितिष्ठेत नरो दीर्घं जिजीविषुः । किं पुनस्तत्र वक्तव्यमालयाद्यवरोहणे ॥ २७.२७९ ॥

na tāmapyadhitiṣṭheta naro dīrghaṃ jijīviṣuḥ . kiṃ punastatra vaktavyamālayādyavarohaṇe .. 27.279 ..

Shloka 280

विमानं विष्णुरूपं स्यान्न तत्पादादिवा क्रमेथ् । धामप्रदक्षिणे पूर्वं कुर्यात्तत्र नमस्त्रियाः ॥ २७.२८० ॥

vimānaṃ viṣṇurūpaṃ syānna tatpādādivā krameth . dhāmapradakṣiṇe pūrvaṃ kuryāttatra namastriyāḥ .. 27.280 ..

Shloka 281

न लङ्घयेद्ध्वजछायां प्रदक्षिणविधिं विना । गोपुरस्य विमानस्य प्राकारस्यालयस्य च ॥ २७.२८१ ॥

na laṅghayeddhvajachāyāṃ pradakṣiṇavidhiṃ vinā . gopurasya vimānasya prākārasyālayasya ca .. 27.281 ..

Shloka 282

प्रमादादतिलङ्घ्यैव प्राणायामशतं चरेथ् । शिवदृष्टिं विष्णुवृष्ठं दुर्गायाः पार्श्वतो दृशं ॥ २७.२८२ ॥

pramādādatilaṅghyaiva prāṇāyāmaśataṃ careth . śivadṛṣṭiṃ viṣṇuvṛṣṭhaṃ durgāyāḥ pārśvato dṛśaṃ .. 27.282 ..

Shloka 283

विघ्नेशस्योर्ध्वदृष्टिं च तीक्ष्णमाहुर्मनीषिणः । यावच्छावतरेच्छाया तावती दोषभूमिका ॥ २७.२८३ ॥

vighneśasyordhvadṛṣṭiṃ ca tīkṣṇamāhurmanīṣiṇaḥ . yāvacchāvatarecchāyā tāvatī doṣabhūmikā .. 27.283 ..

Shloka 284

दोषभूमिं परित्यज्य निवासं परिकल्पयेथ् । त्यागे संपत्समृद्धिस्स्यादन्यथा विपरीतकृथ् ॥ २७.२८४ ॥

doṣabhūmiṃ parityajya nivāsaṃ parikalpayeth . tyāge saṃpatsamṛddhissyādanyathā viparītakṛth .. 27.284 ..

Shloka 285

रध्यादिभिर्यथा भूयादन्तरं तन्न दोषकृथ् । अथ वा शतदण्डान्तं त्यक्त्वान्वे वसतिं जगुः ॥ २७.२८५ ॥

radhyādibhiryathā bhūyādantaraṃ tanna doṣakṛth . atha vā śatadaṇḍāntaṃ tyaktvānve vasatiṃ jaguḥ .. 27.285 ..

Shloka 286

यावद्धामायतं दावत्पृष्ठं वा मुघमेव वा । ततोधिकं तच्च तच्च केचिदाहुर्मनीषिणः ॥ २७.२८६ ॥

yāvaddhāmāyataṃ dāvatpṛṣṭhaṃ vā mughameva vā . tatodhikaṃ tacca tacca kecidāhurmanīṣiṇaḥ .. 27.286 ..

Shloka 287

ध्वजं नित्यमुशन्त्येके यत्रैको ह्यनवायिषु । तत्रारोहणकर्मादि नेच्छन्ति परमर्षयः ॥ २७.२८७ ॥

dhvajaṃ nityamuśantyeke yatraiko hyanavāyiṣu . tatrārohaṇakarmādi necchanti paramarṣayaḥ .. 27.287 ..

Shloka 288

औत्सवं ध्वजमास्थाप्य तत्र कार्यं प्रकुर्वते । ध्वजमेकं तु सर्वत्र केचिदाहुर्मनीषिणः ॥ २७.२८८ ॥

autsavaṃ dhvajamāsthāpya tatra kāryaṃ prakurvate . dhvajamekaṃ tu sarvatra kecidāhurmanīṣiṇaḥ .. 27.288 ..

Shloka 289

अतः परं प्रवक्ष्यामि ध्वजदण्डे तु निष्कृतिं । प्रमादात्पतिते भूम्यां ध्वजे वातादिना दृढे ॥ २७.२८९ ॥

ataḥ paraṃ pravakṣyāmi dhvajadaṇḍe tu niṣkṛtiṃ . pramādātpatite bhūmyāṃ dhvaje vātādinā dṛḍhe .. 27.289 ..

Shloka 290

अभग्ने वाथ भग्ने वा ध्वजं तत्र पूनः क्षिपेथ् । अभग्ने तं ध्वजं गृह्य कृत्वा मन्त्रेण तक्षणं ॥ २७.२९० ॥

abhagne vātha bhagne vā dhvajaṃ tatra pūnaḥ kṣipeth . abhagne taṃ dhvajaṃ gṛhya kṛtvā mantreṇa takṣaṇaṃ .. 27.290 ..

Shloka 291

अधिवासादिकं कृत्वा तत्थ्साने स्थापयेद्बुधः । भग्ने ध्वजे न सग्राह्यस्तमप्सु विधिना त्यजेथ् ॥ २७.२९१ ॥

adhivāsādikaṃ kṛtvā tatthsāne sthāpayedbudhaḥ . bhagne dhvaje na sagrāhyastamapsu vidhinā tyajeth .. 27.291 ..

Shloka 292

ततोऽन्यं ध्वजमादाय स्थापयेदविलंबितं । चोराद्यैर्बुद्धिपूर्वं वा पातिते पूर्ववद्विधिः ॥ २७.२९२ ॥

tato'nyaṃ dhvajamādāya sthāpayedavilaṃbitaṃ . corādyairbuddhipūrvaṃ vā pātite pūrvavadvidhiḥ .. 27.292 ..

Shloka 293

तत्राधिकं प्रकुर्वीत शिल्पिभिस्तक्षणं पुनः । अभग्नध्वजवत्कुर्यादन्यत्पूर्ववदत्वरः ॥ २७.२९३ ॥

tatrādhikaṃ prakurvīta śilpibhistakṣaṇaṃ punaḥ . abhagnadhvajavatkuryādanyatpūrvavadatvaraḥ .. 27.293 ..

Shloka 294

भागेनानुपयुक्तस्य ध्वजस्य त्याज्यतैव हि । दुष्टभागस्य दानेन न कदाचित्परिग्रहः ॥ २७.२९४ ॥

bhāgenānupayuktasya dhvajasya tyājyataiva hi . duṣṭabhāgasya dānena na kadācitparigrahaḥ .. 27.294 ..

Shloka 295

अथ वा सुदृडं गृह्य प्रतिष्ठां महतीं चरेथ् । दुष्टं भागं व्यपोह्यैव प्रमाणं लक्षयेत्पुनः ॥ २७.२९५ ॥

atha vā sudṛḍaṃ gṛhya pratiṣṭhāṃ mahatīṃ careth . duṣṭaṃ bhāgaṃ vyapohyaiva pramāṇaṃ lakṣayetpunaḥ .. 27.295 ..

Shloka 296

प्रमाणमप्रमाणं वा ध्वजं नान्येन दारुणा । संयुतां वर्धितां कुर्यादेष सार्वत्रिको विधिः ॥ २७.२९६ ॥

pramāṇamapramāṇaṃ vā dhvajaṃ nānyena dāruṇā . saṃyutāṃ vardhitāṃ kuryādeṣa sārvatriko vidhiḥ .. 27.296 ..

Shloka 297

यन्तु ताम्रादिना कुर्याल्लोहेन कवचादिकं । बालालयं प्रकल्प्यैव तत्रकार्यं समाचरेथ् ॥ २७.२९७ ॥

yantu tāmrādinā kuryāllohena kavacādikaṃ . bālālayaṃ prakalpyaiva tatrakāryaṃ samācareth .. 27.297 ..

Shloka 298

स्थितमेव ध्वजं कुर्यान्न तु तं चालयेत्क्वचिथ् । दग्धं ध्वजं परित्यज्य पुनरन्यं समाहरेथ् ॥ २७.२९८ ॥

sthitameva dhvajaṃ kuryānna tu taṃ cālayetkvacith . dagdhaṃ dhvajaṃ parityajya punaranyaṃ samāhareth .. 27.298 ..

Shloka 299

ध्वजेऽन्त्यजातिभिस्स्पृष्टे महाशान्तिमथाचरेथ् । तैस्समीपमुपेतैन्तु सहस्राहुतिमाचरेथ् ॥ २७.२९९ ॥

dhvaje'ntyajātibhisspṛṣṭe mahāśāntimathācareth . taissamīpamupetaintu sahasrāhutimācareth .. 27.299 ..

Shloka 300

पतिते वात्यया चैवं ध्वजस्य शिखरे तथा । मेखलासु च तत्सर्वं नवीकृत्य यथाविधि ॥ २७.३०० ॥

patite vātyayā caivaṃ dhvajasya śikhare tathā . mekhalāsu ca tatsarvaṃ navīkṛtya yathāvidhi .. 27.300 ..

Shloka 301

ध्वजदण्डे तु संयोज्य प्रतिष्ठां पुनराचरेथ् । ध्वजस्य चलने चापि प्रमादाद्व्रश्चने तथा ॥ २७.३०१ ॥

dhvajadaṇḍe tu saṃyojya pratiṣṭhāṃ punarācareth . dhvajasya calane cāpi pramādādvraścane tathā .. 27.301 ..

Shloka 302

भग्नाभग्न ध्वजस्योक्तनिष्कृतिं तु समाचरेथ् । एष एव विधिः प्रोक्तो दण्डेष्वन्वेषु सर्वतः ॥ २७.३०२ ॥

bhagnābhagna dhvajasyoktaniṣkṛtiṃ tu samācareth . eṣa eva vidhiḥ prokto daṇḍeṣvanveṣu sarvataḥ .. 27.302 ..

Shloka 303

अशन्यादिनिपातेन धामन्यन्तरिते यदि । देवे नष्टे ध्वजे सुस्थे ध्वजस्याराधनं भवेथ् ॥ २७.३०३ ॥

aśanyādinipātena dhāmanyantarite yadi . deve naṣṭe dhvaje susthe dhvajasyārādhanaṃ bhaveth .. 27.303 ..

Shloka 304

आलयं च पुनःकृत्वा तमेवाराधयेद्ध्वजं । निरीक्ष्यत्रीणि वर्षाणि देवागारे त्वनिर्मिते ॥ २७.३०४ ॥

ālayaṃ ca punaḥkṛtvā tamevārādhayeddhvajaṃ . nirīkṣyatrīṇi varṣāṇi devāgāre tvanirmite .. 27.304 ..

Shloka 305

तत्र देवो न रमते तद्ध्वजं तु त्यजेत्सुधीः । अथ वा यत्र कुत्रापि प्रतिष्ठाप्य समर्चयेथ् ॥ २७.३०५ ॥

tatra devo na ramate taddhvajaṃ tu tyajetsudhīḥ . atha vā yatra kutrāpi pratiṣṭhāpya samarcayeth .. 27.305 ..

Shloka 306

अथ वक्ष्ये ध्वजस्थानं यथाशास्त्रविनिश्चितं । पिठगोपुरयोर्मध्ये पञ्चभागं प्रकल्प्य च ॥ २७.३०६ ॥

atha vakṣye dhvajasthānaṃ yathāśāstraviniścitaṃ . piṭhagopurayormadhye pañcabhāgaṃ prakalpya ca .. 27.306 ..

Shloka 307

पीठात्त्यक्त्या चतुर्भागं पञ्चमे ध्वजसंस्थितिः । तत्संधौ तु प्रशस्तं स्याद्यथा संफवमाचरेथ् ॥ २७.३०७ ॥

pīṭhāttyaktyā caturbhāgaṃ pañcame dhvajasaṃsthitiḥ . tatsaṃdhau tu praśastaṃ syādyathā saṃphavamācareth .. 27.307 ..

Shloka 308

यदि प्राकारबाह्ये स्याद्ध्वजश्शास्त्रवदाचरेथ् । अनुक्तस्थाननिहितं तं च शास्त्रवदाचरेथ् ॥ २७.३०८ ॥

yadi prākārabāhye syāddhvajaśśāstravadācareth . anuktasthānanihitaṃ taṃ ca śāstravadācareth .. 27.308 ..

Shloka 309

अशक्तौ पुनरन्यं च प्राकारं कारयेत्क्रमाथ् । देवदृग्विषयं कुर्याद्ध्वजं लैवापरोक्षयेथ् ॥ २७.३०९ ॥

aśaktau punaranyaṃ ca prākāraṃ kārayetkramāth . devadṛgviṣayaṃ kuryāddhvajaṃ laivāparokṣayeth .. 27.309 ..

Shloka 310

यदा चान्यालयैर्वापि गोपुरादिभिरेव वा । अभ्यन्तरं भवेच्चेत्तु छिद्रं कुर्यात्तु दृक्पथे ॥ २७.३१० ॥

yadā cānyālayairvāpi gopurādibhireva vā . abhyantaraṃ bhaveccettu chidraṃ kuryāttu dṛkpathe .. 27.310 ..

Shloka 311

वृक्षाद्यैःपतितैर्नष्टे चालितेऽवनतेऽपि च । तद्ध्यजं पूर्ववत्कुर्यात्त्रिमासाभ्यन्तरेऽत्वरः ॥ २७.३११ ॥

vṛkṣādyaiḥpatitairnaṣṭe cālite'vanate'pi ca . taddhyajaṃ pūrvavatkuryāttrimāsābhyantare'tvaraḥ .. 27.311 ..

Shloka 312

कृम्यादिभिर्विहङ्गैर्वाकोटरादौ कृते ध्वजे । कृत्वा बालालयं पश्चात्समीकृत्यार्चयेत्पुनः ॥ २७.३१२ ॥

kṛmyādibhirvihaṅgairvākoṭarādau kṛte dhvaje . kṛtvā bālālayaṃ paścātsamīkṛtyārcayetpunaḥ .. 27.312 ..

Shloka 313

रज्जुबन्धादिकरणे ध्वजस्यारोहणे कृते । बालालयं न तत्र स्याद्वास्तुशुद्धिं समाचरेथ् ॥ २७.३१३ ॥

rajjubandhādikaraṇe dhvajasyārohaṇe kṛte . bālālayaṃ na tatra syādvāstuśuddhiṃ samācareth .. 27.313 ..

Shloka 314

प्राक्षयेत्पञ्चगव्यैस्तु ध्वजमन्त्रेण हूयते । अत ऊर्ध्वं प्रवक्ष्यामि निष्कृतावर्चनक्रमं ॥ २७.३१४ ॥

prākṣayetpañcagavyaistu dhvajamantreṇa hūyate . ata ūrdhvaṃ pravakṣyāmi niṣkṛtāvarcanakramaṃ .. 27.314 ..

Shloka 315

उक्तेन विधिना यत्र नष्टे दुष्टेऽपि वा ध्वजे । पुनस्थ्सापनपर्यन्तं कुर्याद्वेणुध्वजं शुभं ॥ २७.३१५ ॥

uktena vidhinā yatra naṣṭe duṣṭe'pi vā dhvaje . punasthsāpanaparyantaṃ kuryādveṇudhvajaṃ śubhaṃ .. 27.315 ..

Shloka 316

अथ वा कारयेद्विद्वान्सुवर्णरजतादिभिः । ध्वजं तालोन्नतं स्थाप्य गर्भगेहे तु पूजयेथ् ॥ २७.३१६ ॥

atha vā kārayedvidvānsuvarṇarajatādibhiḥ . dhvajaṃ tālonnataṃ sthāpya garbhagehe tu pūjayeth .. 27.316 ..

Shloka 317

अधिवासादि तत्सर्वं प्रतिष्ठोक्तवदाचरेथ् । अचलो वेणुदण्डः स्याद्गर्भगेहे भवेच्चलः ॥ २७.३१७ ॥

adhivāsādi tatsarvaṃ pratiṣṭhoktavadācareth . acalo veṇudaṇḍaḥ syādgarbhagehe bhaveccalaḥ .. 27.317 ..

Shloka 318

उत्सवादौ तु सर्वत्र वेणुदण्डं समाचरेथ् । चलदण्डो वेणुदण्ड इति स्यादुत्सवेद्वयं ॥ २७.३१८ ॥

utsavādau tu sarvatra veṇudaṇḍaṃ samācareth . caladaṇḍo veṇudaṇḍa iti syādutsavedvayaṃ .. 27.318 ..

Shloka 319

उत्सवादौ प्रवृत्ते तु उक्तदोषे त्वयं विधिः । ध्वजस्थं गरुडं तस्मादवमुच्य समाहितः ॥ २७.३१९ ॥

utsavādau pravṛtte tu uktadoṣe tvayaṃ vidhiḥ . dhvajasthaṃ garuḍaṃ tasmādavamucya samāhitaḥ .. 27.319 ..

Shloka 320

नीत्वातु यागशालायां संस्थाप्य तु समर्चयेथ् । वेणुदण्डं प्रतिष्ठाप्य सद्यस्तस्मिन्प्रयोजयेथ् ॥ २७.३२० ॥

nītvātu yāgaśālāyāṃ saṃsthāpya tu samarcayeth . veṇudaṇḍaṃ pratiṣṭhāpya sadyastasminprayojayeth .. 27.320 ..

Shloka 321

महाशान्तिं तथा कुर्यात्सहस्राहुतिमेव च । वैष्णवं विष्णुदैवत्यं गारुडं ध्वाजमेव च ॥ २७.३२१ ॥

mahāśāntiṃ tathā kuryātsahasrāhutimeva ca . vaiṣṇavaṃ viṣṇudaivatyaṃ gāruḍaṃ dhvājameva ca .. 27.321 ..

Shloka 322

सौदर्शनं च कूश्माण्डान्शतमष्टाधिकं यजेथ् । तथैव दीपदण्डस्य भवेत्सर्वत्र चक्रमः ॥ २७.३२२ ॥

saudarśanaṃ ca kūśmāṇḍānśatamaṣṭādhikaṃ yajeth . tathaiva dīpadaṇḍasya bhavetsarvatra cakramaḥ .. 27.322 ..

Shloka 323

ध्वजे नारोपयेद्दीपं दीपदण्डः पृथग्भवेथ् । तत्र दीपं समारोप्य न लभेत्फलमव्ययं ॥ २७.३२३ ॥

dhvaje nāropayeddīpaṃ dīpadaṇḍaḥ pṛthagbhaveth . tatra dīpaṃ samāropya na labhetphalamavyayaṃ .. 27.323 ..

Shloka 324

ध्वजे दीपं समारोप्य वैष्णवं शतशो यजेथ् । आपत्कल्पं प्रवक्ष्यन्ति ध्वजे दीपावरोहणं ॥ २७.३२४ ॥

dhvaje dīpaṃ samāropya vaiṣṇavaṃ śataśo yajeth . āpatkalpaṃ pravakṣyanti dhvaje dīpāvarohaṇaṃ .. 27.324 ..

Shloka 325

दीपयुक्ते ध्वजे नष्टे पूर्ववन्निष्कृतिं चरेथ् । वीशप्रतिष्ठाहीने तु ध्वजस्यारोहणे कृते ॥ २७.३२५ ॥

dīpayukte dhvaje naṣṭe pūrvavanniṣkṛtiṃ careth . vīśapratiṣṭhāhīne tu dhvajasyārohaṇe kṛte .. 27.325 ..

Shloka 326

वैष्णवं विष्णुसूक्तं च नृसूक्तं ध्वाजमेव च । गारुडं दशशो हुत्वा प्रतिष्ठां पुनराचरेथ् ॥ २७.३२६ ॥

vaiṣṇavaṃ viṣṇusūktaṃ ca nṛsūktaṃ dhvājameva ca . gāruḍaṃ daśaśo hutvā pratiṣṭhāṃ punarācareth .. 27.326 ..

Shloka 327

ध्वजदेवस्य चक्रस्य शान्तनन्दीशयोस्तथा । हीनेर्ऽचने वैष्णवं च तद्दैवत्यसमन्वितं ॥ २७.३२७ ॥

dhvajadevasya cakrasya śāntanandīśayostathā . hīner'cane vaiṣṇavaṃ ca taddaivatyasamanvitaṃ .. 27.327 ..

Shloka 328

हुत्वैव पुनरभ्यर्च्य पश्चात्कार्यं समाचरेथ् । भेरीताडनहीने च रौद्रं च व्याहृतीस्तथा ॥ २७.३२८ ॥

hutvaiva punarabhyarcya paścātkāryaṃ samācareth . bherītāḍanahīne ca raudraṃ ca vyāhṛtīstathā .. 27.328 ..

Shloka 329

हुत्वा महाव्याहृतीश्च भेरीताडनमाचरेथ् । अर्चनादिषु सर्वत्र यत्र घण्टानिनादनं ॥ २७.३२९ ॥

hutvā mahāvyāhṛtīśca bherītāḍanamācareth . arcanādiṣu sarvatra yatra ghaṇṭāninādanaṃ .. 27.329 ..

Shloka 330

एष एव विधिः प्रोक्तः प्रायश्चित्तं समाचरेथ् । आरोपिते तु गरुडे हीने चैव निवेदने ॥ २७.३३० ॥

eṣa eva vidhiḥ proktaḥ prāyaścittaṃ samācareth . āropite tu garuḍe hīne caiva nivedane .. 27.330 ..

Shloka 331

वैष्णवं ध्वंमेत्रौ च हुत्वा गारुडमेव च । निवेदयेत्तुद्विगुणं "क्षमऽस्वेत्यनुमानयेथ् ॥ २७.३३१ ॥

vaiṣṇavaṃ dhvaṃmetrau ca hutvā gāruḍameva ca . nivedayettudviguṇaṃ "kṣama'svetyanumānayeth .. 27.331 ..

Shloka 332

मुद्गान्ने तु तथा हीने वैष्णवं वायुदैवतं । आग्नेयमीङ्कारादींश्च गारुडं ध्वाजमेव च ॥ २७.३३२ ॥

mudgānne tu tathā hīne vaiṣṇavaṃ vāyudaivataṃ . āgneyamīṅkārādīṃśca gāruḍaṃ dhvājameva ca .. 27.332 ..

Shloka 333

हुत्वा यत्नेन बहुशो मौद्गिकं च निवेदयेथ् । वर्षवातातपैस्सम्यगुपघातादिसंभवे ॥ २७.३३३ ॥

hutvā yatnena bahuśo maudgikaṃ ca nivedayeth . varṣavātātapaissamyagupaghātādisaṃbhave .. 27.333 ..

Shloka 334

विष्ठाद्युपहते चैव पक्षिणामसकृत्सकृथ् । रज्ज्वादित्रुटने चैव प्रमादात्पतनेऽपि च ॥ २७.३३४ ॥

viṣṭhādyupahate caiva pakṣiṇāmasakṛtsakṛth . rajjvāditruṭane caiva pramādātpatane'pi ca .. 27.334 ..

Shloka 335

पातिते बुद्धिपूर्वं वा अकालेऽप्यवरोपिते । शूद्राद्यैरनुलोमैर्वा स्पृष्टे ध्वजगते पटे ॥ २७.३३५ ॥

pātite buddhipūrvaṃ vā akāle'pyavaropite . śūdrādyairanulomairvā spṛṣṭe dhvajagate paṭe .. 27.335 ..

Shloka 336

अशुचिं शोधयित्वान्यत्समीकृत्यासमीकृतं । उत्सवाधिपदैवत्यं षड्वारं जुहुयाद्गुरुः ॥ २७.३३६ ॥

aśuciṃ śodhayitvānyatsamīkṛtyāsamīkṛtaṃ . utsavādhipadaivatyaṃ ṣaḍvāraṃ juhuyādguruḥ .. 27.336 ..

Shloka 337

गारुडं ध्वजमन्त्रं च सहस्तं चैव हूयतां । ततश्शेषं समाप्येत विपरीतं न कारयेथ् ॥ २७.३३७ ॥

gāruḍaṃ dhvajamantraṃ ca sahastaṃ caiva hūyatāṃ . tataśśeṣaṃ samāpyeta viparītaṃ na kārayeth .. 27.337 ..

Shloka 338

प्रमादाद्बुद्धिपूर्वं वा पटे दग्धेऽन्यमाहरेथ् । शान्तिं पूर्वोदितां कृत्वा प्रतिष्ठां पुनराचरेथ् ॥ २७.३३८ ॥

pramādādbuddhipūrvaṃ vā paṭe dagdhe'nyamāhareth . śāntiṃ pūrvoditāṃ kṛtvā pratiṣṭhāṃ punarācareth .. 27.338 ..

Shloka 339

अवरोहणमुद्वासन्तं च मन्त्रेण कारयेथ् । अवरोहणहीने तु मन्त्रेणोद्वासनं भवेथ् ॥ २७.३३९ ॥

avarohaṇamudvāsantaṃ ca mantreṇa kārayeth . avarohaṇahīne tu mantreṇodvāsanaṃ bhaveth .. 27.339 ..

Shloka 340

ततश्शेषं प्रकूर्वीत अशक्ताववरोहणे । अप्रमाणं पटं गृह्य महाशान्तिं समाचरेथ् ॥ २७.३४० ॥

tataśśeṣaṃ prakūrvīta aśaktāvavarohaṇe . apramāṇaṃ paṭaṃ gṛhya mahāśāntiṃ samācareth .. 27.340 ..

Shloka 341

पुनरन्यं समादाय कर्मशेषं समाचरेथ् । हीने तु चोत्सवारंभस्नपने वैष्णवं तथा ॥ २७.३४१ ॥

punaranyaṃ samādāya karmaśeṣaṃ samācareth . hīne tu cotsavāraṃbhasnapane vaiṣṇavaṃ tathā .. 27.341 ..

Shloka 342

विष्णुसूक्तं नृसूक्तं च वारुणं चैव हूयते । शुद्धोददैरभिषाकस्स्यात्प्रायश्चित्तविधिस्स्मृतः ॥ २७.३४२ ॥

viṣṇusūktaṃ nṛsūktaṃ ca vāruṇaṃ caiva hūyate . śuddhodadairabhiṣākassyātprāyaścittavidhissmṛtaḥ .. 27.342 ..

Shloka 343

हीने कौतुकबन्धे तु वैष्णवं शान्तमेव च । सौदर्शनं च हुत्वा तु कौतुकं बन्धयेत्पुनः ॥ २७.३४३ ॥

hīne kautukabandhe tu vaiṣṇavaṃ śāntameva ca . saudarśanaṃ ca hutvā tu kautukaṃ bandhayetpunaḥ .. 27.343 ..

Shloka 344

यज्ञागारे कुंभवेद्याहीने वाप्यधिकेऽपि वा । वैष्णवं पावकं भूमिदैवत्यं च हुनेद्बुधः ॥ २७.३४४ ॥

yajñāgāre kuṃbhavedyāhīne vāpyadhike'pi vā . vaiṣṇavaṃ pāvakaṃ bhūmidaivatyaṃ ca hunedbudhaḥ .. 27.344 ..

Shloka 345

तोरणानामलाभे तु हुनेद्दौवारिकान्मनून् । हीनायां दर्भमालायामार्षं हुत्वेतराङ्क्रियाथ् ॥ २७.३४५ ॥

toraṇānāmalābhe tu huneddauvārikānmanūn . hīnāyāṃ darbhamālāyāmārṣaṃ hutvetarāṅkriyāth .. 27.345 ..

Shloka 346

अलङ्कारविहीने तु श्रीदैवत्यं तधा हुनेथ् । प्रातर्बलिं तु निर्वाप्य हीने नित्योत्सवे तथा ॥ २७.३४६ ॥

alaṅkāravihīne tu śrīdaivatyaṃ tadhā huneth . prātarbaliṃ tu nirvāpya hīne nityotsave tathā .. 27.346 ..

Shloka 347

वैष्णवं शान्तवीशौ च हुत्वा चोत्सवदैवतं । सायं कुर्यादुत्सवं तु द्विगुणं कारयेत्क्रमाथ् ॥ २७.३४७ ॥

vaiṣṇavaṃ śāntavīśau ca hutvā cotsavadaivataṃ . sāyaṃ kuryādutsavaṃ tu dviguṇaṃ kārayetkramāth .. 27.347 ..

Shloka 348

सायं हीनं तु द्विगुणं प्रातरुत्सवमाचरेथ् । एककालोत्सवश्चेत्तु कृत्वा कालद्वयं बलिं ॥ २७.३४८ ॥

sāyaṃ hīnaṃ tu dviguṇaṃ prātarutsavamācareth . ekakālotsavaścettu kṛtvā kāladvayaṃ baliṃ .. 27.348 ..

Shloka 349

सायाह्ने चोत्सवं कुर्यात्कालातीतेऽप्ययं विधिः । दिग्देवतास्समावाह्य प्रथमेऽहनि पूजयेथ् ॥ २७.३४९ ॥

sāyāhne cotsavaṃ kuryātkālātīte'pyayaṃ vidhiḥ . digdevatāssamāvāhya prathame'hani pūjayeth .. 27.349 ..

Shloka 350

प्राच्यादि बलिदानं स्यादीशानान्तं प्रदक्षिणं । देवाह्वाने व्यत्ययस्स्याद्व्यतीहारोऽथ वा भवेथ् ॥ २७.३५० ॥

prācyādi balidānaṃ syādīśānāntaṃ pradakṣiṇaṃ . devāhvāne vyatyayassyādvyatīhāro'tha vā bhaveth .. 27.350 ..

Shloka 351

पूर्वोक्तां निष्कृतिं कृत्वा द्विगुणं तु बलिं ददेथ् । ब्रह्मणश्च दिगीशानां बलिदानं तु नैत्यिकं ॥ २७.३५१ ॥

pūrvoktāṃ niṣkṛtiṃ kṛtvā dviguṇaṃ tu baliṃ dadeth . brahmaṇaśca digīśānāṃ balidānaṃ tu naityikaṃ .. 27.351 ..

Shloka 352

अदाने निष्कृतिं कृत्वा पूर्वोक्तं षड्गुणं बलिः । चतुष्पथाधिदेवानां वृक्षादीनामथेच्छया ॥ २७.३५२ ॥

adāne niṣkṛtiṃ kṛtvā pūrvoktaṃ ṣaḍguṇaṃ baliḥ . catuṣpathādhidevānāṃ vṛkṣādīnāmathecchayā .. 27.352 ..

Shloka 353

प्रथमावाहनादर्वाग्व्यत्यये पूर्वनिष्कृतिः । प्रथमं वास्तुशुद्धिस्स्याद्य वै दीयते बलिः ॥ २७.३५३ ॥

prathamāvāhanādarvāgvyatyaye pūrvaniṣkṛtiḥ . prathamaṃ vāstuśuddhissyādya vai dīyate baliḥ .. 27.353 ..

Shloka 354

अन्तं शुद्ध्यन्ति रथ्यास्ताश्शुर्ध्यन्ति समये पुनः । अकृतायां वास्तुशुद्धौ दद्याद्रथ्यासु चेद्बलिं ॥ २७.३५४ ॥

antaṃ śuddhyanti rathyāstāśśurdhyanti samaye punaḥ . akṛtāyāṃ vāstuśuddhau dadyādrathyāsu cedbaliṃ .. 27.354 ..

Shloka 355

शान्तिं कृत्वातु पूर्वोक्तां वास्तुशुद्धिं पनर्बलिः । अन्तश्शचे वास्तुनि तु न बलिभ्रमणं चरेथ् ॥ २७.३५५ ॥

śāntiṃ kṛtvātu pūrvoktāṃ vāstuśuddhiṃ panarbaliḥ . antaśśace vāstuni tu na balibhramaṇaṃ careth .. 27.355 ..

Shloka 356

शवमुद्धृत्य पश्चात्तु पर्यग्नि करणं भवेथ् । अकाले बलिदानं स्यादसुरप्रीतिवर्धनं ॥ २७.३५६ ॥

śavamuddhṛtya paścāttu paryagni karaṇaṃ bhaveth . akāle balidānaṃ syādasuraprītivardhanaṃ .. 27.356 ..

Shloka 357

अकाले तु बलिं दत्वा काले तु त्रिगुणं बलिः । बलिभ्रमणदेशस्स्याद्देवस्य भ्रमणाय हि ॥ २७.३५७ ॥

akāle tu baliṃ datvā kāle tu triguṇaṃ baliḥ . balibhramaṇadeśassyāddevasya bhramaṇāya hi .. 27.357 ..

Shloka 358

नान्यत्र चर्या देवस्य लघुप्रोक्षण मन्यथा । न हि श्रद्धोत्सवे दोषमुशन्त्येनं स हीतरः ॥ २७.३५८ ॥

nānyatra caryā devasya laghuprokṣaṇa manyathā . na hi śraddhotsave doṣamuśantyenaṃ sa hītaraḥ .. 27.358 ..

Shloka 359

वास्तुवृद्धौ तथा ह्रासे ग्रामसीमानवीकृतौ । अनुमान्य च देवेशं शताष्टकलशाप्लवः ॥ २७.३५९ ॥

vāstuvṛddhau tathā hrāse grāmasīmānavīkṛtau . anumānya ca deveśaṃ śatāṣṭakalaśāplavaḥ .. 27.359 ..

Shloka 360

कृत्वा सीमां विनिश्चित्य ततः कार्यं समाचरेथ् । अस्तरा चोत्सवं कुर्यात्सहस्रकलशाप्लवः ॥ २७.३६० ॥

kṛtvā sīmāṃ viniścitya tataḥ kāryaṃ samācareth . astarā cotsavaṃ kuryātsahasrakalaśāplavaḥ .. 27.360 ..

Shloka 361

देवतावाहनं कृत्वा तथैवोत्सव माचरेथ् । देवादीनां बलं यस्माद्वर्धते स बलिस्स्मृतः ॥ २७.३६१ ॥

devatāvāhanaṃ kṛtvā tathaivotsava mācareth . devādīnāṃ balaṃ yasmādvardhate sa balissmṛtaḥ .. 27.361 ..

Shloka 362

श्वसूकरादिभिर्दुष्टैर्नभक्ष्यो बलिरुच्यते । बलिभुग्वायसः प्रोक्तो गोमुख्या मेध्यजन्तवः ॥ २७.३६२ ॥

śvasūkarādibhirduṣṭairnabhakṣyo balirucyate . balibhugvāyasaḥ prokto gomukhyā medhyajantavaḥ .. 27.362 ..

Shloka 363

विपरीते महान्दोषस्तन्मन्त्रैर्हावयेच्छतं । बलिशेषं न शूद्रोऽद्यादर्चको बलिशेषभाक् ॥ २७.३६३ ॥

viparīte mahāndoṣastanmantrairhāvayecchataṃ . baliśeṣaṃ na śūdro'dyādarcako baliśeṣabhāk .. 27.363 ..

Shloka 364

बलावमन्त्रकं क्षिप्ते संक्षिप्ते विधिवर्जिते । भक्षिते चानुलोमाद्यैःपूर्वोक्तां निष्कृतिं चरेथ् ॥ २७.३६४ ॥

balāvamantrakaṃ kṣipte saṃkṣipte vidhivarjite . bhakṣite cānulomādyaiḥpūrvoktāṃ niṣkṛtiṃ careth .. 27.364 ..

Shloka 365

बलौ पर्युषितेऽत्युष्णे तथा चैवानिवेदिते । निवेदनात्प्रागर्वाग्वादृष्टे शूद्रादिभिर्बलौ ॥ २७.३६५ ॥

balau paryuṣite'tyuṣṇe tathā caivānivedite . nivedanātprāgarvāgvādṛṣṭe śūdrādibhirbalau .. 27.365 ..

Shloka 366

पूर्वोक्तां निष्कृतिं कृत्वा सर्वत्र द्विगुणं बलिः । देवतावाहनं यत्र देशेप्राक्क्रियते ततः ॥ २७.३६६ ॥

pūrvoktāṃ niṣkṛtiṃ kṛtvā sarvatra dviguṇaṃ baliḥ . devatāvāhanaṃ yatra deśeprākkriyate tataḥ .. 27.366 ..

Shloka 367

तत्रैव बलिदानं स्याद्यावदुद्वासनं भवेथ् । मण्डलं च जलं कूर्चमाह्वानाधार उच्यते ॥ २७.३६७ ॥

tatraiva balidānaṃ syādyāvadudvāsanaṃ bhaveth . maṇḍalaṃ ca jalaṃ kūrcamāhvānādhāra ucyate .. 27.367 ..

Shloka 368

रथ्यासु बलिदानाय पीठं शैलादिभिर्भवेथ् । बलिदानं तु गुप्तं स्यान्न तत्बश्यन्त्यवैदिकाः ॥ २७.३६८ ॥

rathyāsu balidānāya pīṭhaṃ śailādibhirbhaveth . balidānaṃ tu guptaṃ syānna tatbaśyantyavaidikāḥ .. 27.368 ..

Shloka 369

तत्थ्सावं तु तिरस्कुर्यात्काले यवनिकादिभिः । बलिप्रदानहीने तु वैष्णवं बलिरक्षकं ॥ २७.३६९ ॥

tatthsāvaṃ tu tiraskuryātkāle yavanikādibhiḥ . balipradānahīne tu vaiṣṇavaṃ balirakṣakaṃ .. 27.369 ..

Shloka 370

हुत्वा तु निष्कृतिं कुर्याद्बलिदानं पुनस्तदा । बलिद्रव्येऽथ वा पात्रे पतिते भूतले तथा ॥ २७.३७० ॥

hutvā tu niṣkṛtiṃ kuryādbalidānaṃ punastadā . balidravye'tha vā pātre patite bhūtale tathā .. 27.370 ..

Shloka 371

भिन्ने नष्टे च पूर्वोक्तं हुत्वान्यं बलिमाहरेथ् । बलिदानं तु कृत्वैव भुतपीठे क्षिपेत्ततः ॥ २७.३७१ ॥

bhinne naṣṭe ca pūrvoktaṃ hutvānyaṃ balimāhareth . balidānaṃ tu kṛtvaiva bhutapīṭhe kṣipettataḥ .. 27.371 ..

Shloka 372

बलिशेषमनुक्ते तु स्थाने बुद्ध्या तु निर्वपेथ् । वैष्णवं चाक्षहमनुं वैष्वक्चेनं च गारुडं ॥ २७.३७२ ॥

baliśeṣamanukte tu sthāne buddhyā tu nirvapeth . vaiṣṇavaṃ cākṣahamanuṃ vaiṣvakcenaṃ ca gāruḍaṃ .. 27.372 ..

Shloka 373

सौदर्शनं च हुत्वैव भूतपीठे बलि क्षिपेथ् । हविर्निवेदने हीनेहीने च द्विगुणार्चने ॥ २७.३७३ ॥

saudarśanaṃ ca hutvaiva bhūtapīṭhe bali kṣipeth . havirnivedane hīnehīne ca dviguṇārcane .. 27.373 ..

Shloka 374

शान्तिं च वैष्णवं हुत्वा तथाभ्यर्च्य निवेदयेथ् । यथोक्तहोमे हीने तु वैष्णवं विष्णुसूक्तकं ॥ २७.३७४ ॥

śāntiṃ ca vaiṣṇavaṃ hutvā tathābhyarcya nivedayeth . yathoktahome hīne tu vaiṣṇavaṃ viṣṇusūktakaṃ .. 27.374 ..

Shloka 375

नृसूक्तं च त्रयस्त्रिंशत्कृत्वो हुत्वा हुनेत्पुनः । चक्रवीशामितानां च कुंभस्थानामथापिवा ॥ २७.३७५ ॥

nṛsūktaṃ ca trayastriṃśatkṛtvo hutvā hunetpunaḥ . cakravīśāmitānāṃ ca kuṃbhasthānāmathāpivā .. 27.375 ..

Shloka 376

देवानामर्चने हीने वैष्णवं विष्णुसूक्तकं । नृसूक्तं सान्तमन्त्रौ च गारुडं चाक्रमेव च ॥ २७.३७६ ॥

devānāmarcane hīne vaiṣṇavaṃ viṣṇusūktakaṃ . nṛsūktaṃ sāntamantrau ca gāruḍaṃ cākrameva ca .. 27.376 ..

Shloka 377

हुत्वा पुनस्समभ्यर्च्य विशेषेण निवेदयेथ् । देवालङ्करणे हीने श्रीदैवत्यं च वैष्णवं ॥ २७.३७७ ॥

hutvā punassamabhyarcya viśeṣeṇa nivedayeth . devālaṅkaraṇe hīne śrīdaivatyaṃ ca vaiṣṇavaṃ .. 27.377 ..

Shloka 378

हुद्वालङ्कारमासाद्य विधीना भूषयेद्गुरुः । अलङ्कारेषु द्रव्येषु निर्यासं चन्दनं सुमं ॥ २७.३७८ ॥

hudvālaṅkāramāsādya vidhīnā bhūṣayedguruḥ . alaṅkāreṣu dravyeṣu niryāsaṃ candanaṃ sumaṃ .. 27.378 ..

Shloka 379

तद्धित्वान्यत्समादाय द्रव्यं प्रक्षाल्यमन्त्रतः । पञ्चगव्यैस्समभ्युक्ष्य तेनालङ्कार उच्यते ॥ २७.३७९ ॥

taddhitvānyatsamādāya dravyaṃ prakṣālyamantrataḥ . pañcagavyaissamabhyukṣya tenālaṅkāra ucyate .. 27.379 ..

Shloka 380

नृत्ते गेयेऽथ वा हीने वैष्णवं रुद्रदैवतं । स्तोत्रहीने तथा ब्राह्मं हुत्वा सारस्वतं ततः ॥ २७.३८० ॥

nṛtte geye'tha vā hīne vaiṣṇavaṃ rudradaivataṃ . stotrahīne tathā brāhmaṃ hutvā sārasvataṃ tataḥ .. 27.380 ..

Shloka 381

भक्तबृन्दैः परिवृतौ हीनायां वारुणं तथा । वैष्णवं शान्तदैवत्यं हीने पिच्छादिके तथा ॥ २७.३८१ ॥

bhaktabṛndaiḥ parivṛtau hīnāyāṃ vāruṇaṃ tathā . vaiṣṇavaṃ śāntadaivatyaṃ hīne picchādike tathā .. 27.381 ..

Shloka 382

वैष्णवं जुहुयात्तद्वद्धविरक्षमनुं ततः । यानात्काले यागशालां देवे न प्रतिगच्छति ॥ २७.३८२ ॥

vaiṣṇavaṃ juhuyāttadvaddhavirakṣamanuṃ tataḥ . yānātkāle yāgaśālāṃ deve na pratigacchati .. 27.382 ..

Shloka 383

भवेन्नित्यार्चनं तत्र यत्रदेवोऽधिवासितः । ध्रुवार्चनं यथा पूर्वं न तत्रास्ति व्यतिक्रमः ॥ २७.३८३ ॥

bhavennityārcanaṃ tatra yatradevo'dhivāsitaḥ . dhruvārcanaṃ yathā pūrvaṃ na tatrāsti vyatikramaḥ .. 27.383 ..

Shloka 384

देवं प्रत्यागतं दृष्ट्या पुनरन्योत्सवं चरेथ् । दिनव्यपाये कुर्याच्च तत्कालनियतोत्सवं ॥ २७.३८४ ॥

devaṃ pratyāgataṃ dṛṣṭyā punaranyotsavaṃ careth . dinavyapāye kuryācca tatkālaniyatotsavaṃ .. 27.384 ..

Shloka 385

अतीतमुत्सवं चापि तन्त्रेणात्र समाचरेथ् । तद्दिनेप्यप्रमादाच्चेद्भूयात्कालस्य यापनं ॥ २७.३८५ ॥

atītamutsavaṃ cāpi tantreṇātra samācareth . taddinepyapramādāccedbhūyātkālasya yāpanaṃ .. 27.385 ..

Shloka 386

न जह्या देवकुर्याच्च तत्कालोचितमुत्सवं । अत्र प्रमादेतु भवेत्पूर्वोक्तैव हि निष्कृतिः ॥ २७.३८६ ॥

na jahyā devakuryācca tatkālocitamutsavaṃ . atra pramādetu bhavetpūrvoktaiva hi niṣkṛtiḥ .. 27.386 ..

Shloka 387

दीक्षितो वस्त्रमाल्याद्यैः पञ्चागार्पितभूषणैः । चरेन्नित्यं विशुद्धात्मा विपरीते तु दोषकृथ् ॥ २७.३८७ ॥

dīkṣito vastramālyādyaiḥ pañcāgārpitabhūṣaṇaiḥ . carennityaṃ viśuddhātmā viparīte tu doṣakṛth .. 27.387 ..

Shloka 388

दीक्षाङ्गस्य तु वस्त्रस्य तथा प्रतिसरस्य वा । नाशे तत्र महान्दोषस्तदान्यत्पुनराहरेथ् ॥ २७.३८८ ॥

dīkṣāṅgasya tu vastrasya tathā pratisarasya vā . nāśe tatra mahāndoṣastadānyatpunarāhareth .. 27.388 ..

Shloka 389

सहस्रं विष्णुगायत्रीं हुत्वा शान्तिमथाचरेथ् । यावद्दीक्षाभवेत्तावद्दीक्षाङ्गस्य परिग्रहः ॥ २७.३८९ ॥

sahasraṃ viṣṇugāyatrīṃ hutvā śāntimathācareth . yāvaddīkṣābhavettāvaddīkṣāṅgasya parigrahaḥ .. 27.389 ..

Shloka 390

अन्तेतु तद्गताशक्तिस्स्वयमेवावहीयते । अथ वा मोचनं कुर्यादिते के चिद्वदन्तिहि ॥ २७.३९० ॥

antetu tadgatāśaktissvayamevāvahīyate . atha vā mocanaṃ kuryādite ke cidvadantihi .. 27.390 ..

Shloka 391

तत्र पूर्णाहुतिं कालं प्रवदन्ति विपश्चितः । प्रतिष्ठान्ते तु सा दीक्षा भवेदुत्सवसंगता ॥ २७.३९१ ॥

tatra pūrṇāhutiṃ kālaṃ pravadanti vipaścitaḥ . pratiṣṭhānte tu sā dīkṣā bhavedutsavasaṃgatā .. 27.391 ..

Shloka 392

न तत्र दीक्षासांकर्यं द्वयमेकत्र चेद्यदि । अन्योन्यं कलहायन्ते यद्याचार्यादयःक्रतौ ॥ २७.३९२ ॥

na tatra dīkṣāsāṃkaryaṃ dvayamekatra cedyadi . anyonyaṃ kalahāyante yadyācāryādayaḥkratau .. 27.392 ..

Shloka 393

महाननर्थस्तत्र स्यात्प्रतिभूर्गुरुरत्र हि । गुरुवाक्यं च राजाज्ञां सममाहुर्महर्षयः ॥ २७.३९३ ॥

mahānanarthastatra syātpratibhūrgururatra hi . guruvākyaṃ ca rājājñāṃ samamāhurmaharṣayaḥ .. 27.393 ..

Shloka 394

दीक्षिते वर्तमाने तु नान्यं तत्र प्रवेशयेथ् । नह्येकस्मिन्भवेत्कार्य आचार्यद्वय संगतिः ॥ २७.३९४ ॥

dīkṣite vartamāne tu nānyaṃ tatra praveśayeth . nahyekasminbhavetkārya ācāryadvaya saṃgatiḥ .. 27.394 ..

Shloka 395

प्रमादाद्बुद्धिपूर्वं वा कलहे क्षतजस्रुतिः । क्षतानि वा भवेयुस्तं विसृज्यान्येन कारयेथ् ॥ २७.३९५ ॥

pramādādbuddhipūrvaṃ vā kalahe kṣatajasrutiḥ . kṣatāni vā bhaveyustaṃ visṛjyānyena kārayeth .. 27.395 ..

Shloka 396

न तस्य तु भवेद्दीक्षा महाशान्तिं तु कारयेथ् । स दीक्षितो भवेदेव पूर्वस्य प्कणिधिस्स हि ॥ २७.३९६ ॥

na tasya tu bhaveddīkṣā mahāśāntiṃ tu kārayeth . sa dīkṣito bhavedeva pūrvasya pkaṇidhissa hi .. 27.396 ..

Shloka 397

यावदाशौचसंक्रान्ति राशौचेत्वशुचिर्भवेथ् । पुनरन्यं समादाय शेषं पूर्ववदायरेथ् ॥ २७.३९७ ॥

yāvadāśaucasaṃkrānti rāśaucetvaśucirbhaveth . punaranyaṃ samādāya śeṣaṃ pūrvavadāyareth .. 27.397 ..

Shloka 398

आदौ मध्ये तधान्ते च हीने ब्राह्मणभोजने । त्रिवाकं तु महाशान्तिं हुत्वा ब्राह्मणभोजनम्, ॥ २७.३९८ ॥

ādau madhye tadhānte ca hīne brāhmaṇabhojane . trivākaṃ tu mahāśāntiṃ hutvā brāhmaṇabhojanam, .. 27.398 ..

Shloka 399

द्विगुणं कारयेच्चैव वैष्णवानां तु पूजनं । पुनाति पूजितस्सद्यः पाप्मभ्यो वैष्णपस्सकृथ् ॥ २७.३९९ ॥

dviguṇaṃ kārayeccaiva vaiṣṇavānāṃ tu pūjanaṃ . punāti pūjitassadyaḥ pāpmabhyo vaiṣṇapassakṛth .. 27.399 ..

Shloka 400

अवैष्णवैश्च पाषण्डैरूढे देवे द्वनर्थकृथ् । तद्दोषशान्तये कुर्यात्सहस्रकलशाप्लवं ॥ २७.४०० ॥

avaiṣṇavaiśca pāṣaṇḍairūḍhe deve dvanarthakṛth . taddoṣaśāntaye kuryātsahasrakalaśāplavaṃ .. 27.400 ..

Shloka 401

अवैष्णवकृतापूजा हन्ति पुण्यं पुरातनं । यानात्तु पतिते देवे शीघ्रमुद्धृत्य सादरं ॥ २७.४०१ ॥

avaiṣṇavakṛtāpūjā hanti puṇyaṃ purātanaṃ . yānāttu patite deve śīghramuddhṛtya sādaraṃ .. 27.401 ..

Shloka 402

क्षमऽस्वेत्यनुमान्यैव शुद्धोदैरभिषिच्यच । वैष्णवं विष्णुसूक्तं च नृसूक्तं सहितं क्रमाथ् ॥ २७.४०२ ॥

kṣama'svetyanumānyaiva śuddhodairabhiṣicyaca . vaiṣṇavaṃ viṣṇusūktaṃ ca nṛsūktaṃ sahitaṃ kramāth .. 27.402 ..

Shloka 403

दिनाधिपस्य दैवत्यं हुत्वा चोत्सवमाचरेथ् । चक्रवीशाखमितादीनां बिंबाभावे पृथक्पृथक् ॥ २७.४०३ ॥

dinādhipasya daivatyaṃ hutvā cotsavamācareth . cakravīśākhamitādīnāṃ biṃbābhāve pṛthakpṛthak .. 27.403 ..

Shloka 404

तण्डुलोपरिपात्रेषु कूर्चेष्वावाह्य मन्त्रतः । तत्तद्रूपं तु संस्मृत्य समभ्यर्च्य विधानतः ॥ २७.४०४ ॥

taṇḍuloparipātreṣu kūrceṣvāvāhya mantrataḥ . tattadrūpaṃ tu saṃsmṛtya samabhyarcya vidhānataḥ .. 27.404 ..

Shloka 405

हुत्वा च तत्तद्दैवत्यं पश्चादुत्सवमाचरेथ् । पतने तु तथैतेषामुद्धृत्यैव च पूर्ववथ् ॥ २७.४०५ ॥

hutvā ca tattaddaivatyaṃ paścādutsavamācareth . patane tu tathaiteṣāmuddhṛtyaiva ca pūrvavath .. 27.405 ..

Shloka 406

स्नापयित्वा हुनेत्तत्तद्दैवत्यं वैष्णवं तथा । यानात्तु पतिते बिंबे हीनाङ्गे दोषगौरवे ॥ २७.४०६ ॥

snāpayitvā hunettattaddaivatyaṃ vaiṣṇavaṃ tathā . yānāttu patite biṃbe hīnāṅge doṣagaurave .. 27.406 ..

Shloka 407

पद्मानले महाशान्तिं हुत्वा तद्दोषशान्तये । ध्रुवबेरे समारोप्य तच्चक्तिं विधिना ततः ॥ २७.४०७ ॥

padmānale mahāśāntiṃ hutvā taddoṣaśāntaye . dhruvabere samāropya taccaktiṃ vidhinā tataḥ .. 27.407 ..

Shloka 408

कौतुकं स्नापनं वाथ बलिबेरमथापि वा । यथार्हं समलङ्कृत्य समावाह्य यथाविधि ॥ २७.४०८ ॥

kautukaṃ snāpanaṃ vātha baliberamathāpi vā . yathārhaṃ samalaṅkṛtya samāvāhya yathāvidhi .. 27.408 ..

Shloka 409

समभ्यर्च्योत्सवं कुर्यान्न तत्रस्याद्व्यतिक्रमः । बेरान्तरस्यालाभे तु रत्नं वा काञ्चनं तथा ॥ २७.४०९ ॥

samabhyarcyotsavaṃ kuryānna tatrasyādvyatikramaḥ . berāntarasyālābhe tu ratnaṃ vā kāñcanaṃ tathā .. 27.409 ..

Shloka 410

न्यस्य पात्रे समावाह्य समभ्यर्च्य दिने दिने । महाशान्तिं च हुत्वैव पुनरुत्सवमाचरेथ् ॥ २७.४१० ॥

nyasya pātre samāvāhya samabhyarcya dine dine . mahāśāntiṃ ca hutvaiva punarutsavamācareth .. 27.410 ..

Shloka 411

हीनाङ्गं च पुनर्बेरं संधानविधिना पुनः । संधाय चात्वरेणैव प्रतिष्ठां पुनराचरेथ् ॥ २७.४११ ॥

hīnāṅgaṃ ca punarberaṃ saṃdhānavidhinā punaḥ . saṃdhāya cātvareṇaiva pratiṣṭhāṃ punarācareth .. 27.411 ..

Shloka 412

पतने गायगादीनां श्रीदैवत्यं च वैष्णवं । वादकानां तु पतनै ब्राह्मं रौद्रं तथैव च ॥ २७.४१२ ॥

patane gāyagādīnāṃ śrīdaivatyaṃ ca vaiṣṇavaṃ . vādakānāṃ tu patanai brāhmaṃ raudraṃ tathaiva ca .. 27.412 ..

Shloka 413

आचार्यादीनां तु पतने संक्षोभे च तथाकृते । आर्षभं वैष्णवं तद्वद्ध्वजादीनां च पातने ॥ २७.४१३ ॥

ācāryādīnāṃ tu patane saṃkṣobhe ca tathākṛte . ārṣabhaṃ vaiṣṇavaṃ tadvaddhvajādīnāṃ ca pātane .. 27.413 ..

Shloka 414

ध्वाजं च वारुणं चैव वायव्यं च हुनेद्विधिः । वर्षधारासु वात्यायां विद्युद्व्रजसमाहतौ ॥ २७.४१४ ॥

dhvājaṃ ca vāruṇaṃ caiva vāyavyaṃ ca hunedvidhiḥ . varṣadhārāsu vātyāyāṃ vidyudvrajasamāhatau .. 27.414 ..

Shloka 415

काले न चोत्सवं कुर्यात्कुर्याच्चेद्वैष्णवं तथा । विष्णुसूक्तं नृसूक्तं च श्रीभूदैवत्यमेव च ॥ २७.४१५ ॥

kāle na cotsavaṃ kuryātkuryāccedvaiṣṇavaṃ tathā . viṣṇusūktaṃ nṛsūktaṃ ca śrībhūdaivatyameva ca .. 27.415 ..

Shloka 416

हुत्वोत्सवं प्रकुर्वीत विपरीते तु दोषकृथ् । वीथ्यन्तरे वर्षधाराप्रवेशेऽशनिगर्जिते ॥ २७.४१६ ॥

hutvotsavaṃ prakurvīta viparīte tu doṣakṛth . vīthyantare varṣadhārāpraveśe'śanigarjite .. 27.416 ..

Shloka 417

तृणपांसु समायुक्तवातस्पर्शे विशेषतः । कलहध्वनिसंयुक्ते देवं संस्नाप्य मन्त्रविथ् ॥ २७.४१७ ॥

tṛṇapāṃsu samāyuktavātasparśe viśeṣataḥ . kalahadhvanisaṃyukte devaṃ saṃsnāpya mantravith .. 27.417 ..

Shloka 418

वैष्णवं दिग्दैवत्यं च वारुणं वायुदैवतं । यद्देवादींश्च हुत्वैव पुनरुत्सवमाचरेथ् ॥ २७.४१८ ॥

vaiṣṇavaṃ digdaivatyaṃ ca vāruṇaṃ vāyudaivataṃ . yaddevādīṃśca hutvaiva punarutsavamācareth .. 27.418 ..

Shloka 419

कलहे रुधिरस्रावे दाहे चाप्युत्सवे ततः । वैष्णपं चाग्निदैवत्यं ब्राह्मं रौद्रं तथैव च ॥ २७.४१९ ॥

kalahe rudhirasrāve dāhe cāpyutsave tataḥ . vaiṣṇapaṃ cāgnidaivatyaṃ brāhmaṃ raudraṃ tathaiva ca .. 27.419 ..

Shloka 420

तद्दिनाधिपदैवत्यं जुहुयात्प्रार्थयेद्धरिं । आलयाभ्यन्तरे चैव शस्त्राद्यैर्मरणे सति ॥ २७.४२० ॥

taddinādhipadaivatyaṃ juhuyātprārthayeddhariṃ . ālayābhyantare caiva śastrādyairmaraṇe sati .. 27.420 ..

Shloka 421

तच्छीघ्रमपहायैव पद्माग्नौ जुहुयात्तथा । महाशान्तिं तद्दिनाधिदैवत्यं च विशेषतः ॥ २७.४२१ ॥

tacchīghramapahāyaiva padmāgnau juhuyāttathā . mahāśāntiṃ taddinādhidaivatyaṃ ca viśeṣataḥ .. 27.421 ..

Shloka 422

वीथ्यां चेन्मरहणादौतु तच्छीघ्रं तु व्यपोह्य च । शान्तिहोमं च हुत्वैव पुनरुत्सवमाचरेथ् ॥ २७.४२२ ॥

vīthyāṃ cenmarahaṇādautu tacchīghraṃ tu vyapohya ca . śāntihomaṃ ca hutvaiva punarutsavamācareth .. 27.422 ..

Shloka 423

नाडिकाया अथार्याक्चेत्पुनरुत्सवमाचरेथ् । आलयस्याशीतिदण्डाभ्यन्तरे तु शवे सति ॥ २७.४२३ ॥

nāḍikāyā athāryākcetpunarutsavamācareth . ālayasyāśītidaṇḍābhyantare tu śave sati .. 27.423 ..

Shloka 424

तत्रोत्सवं न कुर्यात्तु कुर्याच्चेत्स विनश्यति । तच्छीघ्रमपहायेव प्रायश्चित्तं यथोदितं ॥ २७.४२४ ॥

tatrotsavaṃ na kuryāttu kuryāccetsa vinaśyati . tacchīghramapahāyeva prāyaścittaṃ yathoditaṃ .. 27.424 ..

Shloka 425

महाशान्तिं पार्षदं च चहुत्वा चोत्सवमाचरेथ् । लगरे विधिरेषस्स्याद्ग्रामेनैष विकल्प्यते ॥ २७.४२५ ॥

mahāśāntiṃ pārṣadaṃ ca cahutvā cotsavamācareth . lagare vidhireṣassyādgrāmenaiṣa vikalpyate .. 27.425 ..

Shloka 426

अन्तश्सवेनैव कुर्यादुत्सवं ग्रामवृद्धये । ध्वजस्वारोहणादुर्ध्वं यावत्तीर्थदिनं भवेथ् ॥ २७.४२६ ॥

antaśsavenaiva kuryādutsavaṃ grāmavṛddhaye . dhvajasvārohaṇādurdhvaṃ yāvattīrthadinaṃ bhaveth .. 27.426 ..

Shloka 427

अन्यात्सवं शुभं कर्म कुर्याच्चेदाभिचारिकं । तद्दोषशमनायैव वैष्णवं विष्णुसूक्तकं ॥ २७.४२७ ॥

anyātsavaṃ śubhaṃ karma kuryāccedābhicārikaṃ . taddoṣaśamanāyaiva vaiṣṇavaṃ viṣṇusūktakaṃ .. 27.427 ..

Shloka 428

नृसूक्तं पार्षदं चैव हुत्वा विप्रांस्तु भोजयेथ् । तीर्थाहात्पूर्वरात्रौ तु हीने कौतुक बन्धने ॥ २७.४२८ ॥

nṛsūktaṃ pārṣadaṃ caiva hutvā viprāṃstu bhojayeth . tīrthāhātpūrvarātrau tu hīne kautuka bandhane .. 27.428 ..

Shloka 429

शयने वा वैष्णवं च श्रीभूदैवत्यमेव च । सौदर्शनं च हुत्वान्ते यथोक्तं तु समाचरेथ् ॥ २७.४२९ ॥

śayane vā vaiṣṇavaṃ ca śrībhūdaivatyameva ca . saudarśanaṃ ca hutvānte yathoktaṃ tu samācareth .. 27.429 ..

Shloka 430

तीर्थस्नाने तु कालस्यातीते हीने च वैष्मवं । वारुणं स्कन्ददैवत्यं हुत्वा चौक्तं समाचरेथ् ॥ २७.४३० ॥

tīrthasnāne tu kālasyātīte hīne ca vaiṣmavaṃ . vāruṇaṃ skandadaivatyaṃ hutvā cauktaṃ samācareth .. 27.430 ..

Shloka 431

ध्वजावरोहणे हीने तद्रात्रौ ध्वाजमेव च । गारुडं वैष्णवं हुत्वा देवेशं प्रार्थयेद्गुरुः ॥ २७.४३१ ॥

dhvajāvarohaṇe hīne tadrātrau dhvājameva ca . gāruḍaṃ vaiṣṇavaṃ hutvā deveśaṃ prārthayedguruḥ .. 27.431 ..

Shloka 432

अवरोहणकारे तु बलौ हीने विशेषतः । ध्वजदेवं सुसंपूज्य वैष्णवं विष्णुसूक्तकं ॥ २७.४३२ ॥

avarohaṇakāre tu balau hīne viśeṣataḥ . dhvajadevaṃ susaṃpūjya vaiṣṇavaṃ viṣṇusūktakaṃ .. 27.432 ..

Shloka 433

तदालयस्थदेवानां मन्त्रांश्चैव विशेषतः । हुत्वा देवेशमभ्यर्छ्य ध्वजं समवरोहयेथ् ॥ २७.४३३ ॥

tadālayasthadevānāṃ mantrāṃścaiva viśeṣataḥ . hutvā deveśamabhyarchya dhvajaṃ samavarohayeth .. 27.433 ..

Shloka 434

उत्सवान्ताप्लवेहीने वैष्णवं विष्णुसूक्तकं । पुरुषसूक्तं जयादीनश्च मूर्तिमन्त्राश्च हावयेथ् ॥ २७.४३४ ॥

utsavāntāplavehīne vaiṣṇavaṃ viṣṇusūktakaṃ . puruṣasūktaṃ jayādīnaśca mūrtimantrāśca hāvayeth .. 27.434 ..

Shloka 435

अत्रानुक्तेषु दोषेषु प्रायश्चित्तं भवेदिदं । वैष्णवं विष्णुसूक्तं च नृसूक्तं च तथैव च ॥ २७.४३५ ॥

atrānukteṣu doṣeṣu prāyaścittaṃ bhavedidaṃ . vaiṣṇavaṃ viṣṇusūktaṃ ca nṛsūktaṃ ca tathaiva ca .. 27.435 ..

Shloka 436

हूयते विष्णुगायत्री सर्वपापप्राणाशिनि । एवमष्टाविंशतिर्वा शक्तावष्टोत्तरं शतं ॥ २७.४३६ ॥

hūyate viṣṇugāyatrī sarvapāpaprāṇāśini . evamaṣṭāviṃśatirvā śaktāvaṣṭottaraṃ śataṃ .. 27.436 ..

Shloka 437

इति श्रीवैखानसे भगवच्छास्त्रे भृगुप्रोक्तायां संहितायां प्रकीर्णाधिकारे सप्तविंशोऽध्यायः.

iti śrīvaikhānase bhagavacchāstre bhṛguproktāyāṃ saṃhitāyāṃ prakīrṇādhikāre saptaviṃśo'dhyāyaḥ.

Languages

Saved

Languages

Saved

Mudra Cost for Each Feature

Practice Later

No Playlist Found

Create a Verse Post

namo namaḥ!

भाषा चुने (Choose Language)

namo namaḥ!

Sign Up to practice more than 60 Vedic Scriptures and 100 of chants, one verse at a time.

Login to track your learning and teaching progress.