| |
|

This overlay will guide you through the buttons:

Dhyanam

Adhyaya Begins
श्री रुद्र प्रश्नः

PADACHEDA

śrī rudra praśnaḥ

TRANSLITERATION

śrī rudra praśnaḥ

ENGLISH MEANING

Chamakam Begins

Adhyaya Begins
कृष्ण यजुर्वेदीय तैत्तिरीय संहिता चतुर्थं-वैँश्वदेवं काण्डं पञ्चमः प्रपाठकः

PADACHEDA

kṛṣṇa yajurvēdīya taittirīya saṃhitā chaturthaṃ vaiśvadēva-ṅkāṇḍa-mpañchamaḥ prapāṭhakaḥ

TRANSLITERATION

kṛṣṇa yajurvēdīya taittirīya saṃhitā chaturthaṃ vaiśvadēva-ṅkāṇḍa-mpañchamaḥ prapāṭhakaḥ

ENGLISH MEANING

अनुवाक १/Anuvaka 1

Shloka 1
ॐ अग्ना॑विष्णो स॒जोष॑से॒माव॑र्धन्तु वां॒ गिरः॑ । द्यु॒म्नैर्वाजे॑भि॒राग॑तम् । वाज॑श्च मे प्रस॒वश्च॑ मे॒ प्रय॑तिश्च मे॒ प्रसि॑तिश्च मे धी॒तिश्च॑ मे क्रतु॑श्च मे॒ स्वर॑श्च मे॒ श्लोक॑श्च मे श्रा॒वश्च॑ मे॒ श्रुति॑श्च मे॒ ज्योति॑श्च मे॒ सुव॑श्च मे प्रा॒णश्च॑ मेऽपा॒नश्च॑ मे व्या॒नश्च॒ मेऽसु॑श्च मे चि॒त्तं च॑ म॒ आधी॑तं च मे॒ वाक्च॑ मे॒ मन॑श्च मे॒ चक्षु॑श्च मे॒ श्रोत्रं॑ च मे॒ दक्ष॑श्च मे॒ बलं॑ च म॒ ओज॑श्च मे॒ सह॑श्च म॒ आयु॑श्च मे ज॒रा च॑ म आ॒त्मा च॑ मे त॒नूश्च॑ मे॒ शर्म॑ च मे॒ वर्म॑ च॒ मेऽङ्गा॑नि च मे॒ऽस्थानि॑ च मे॒ परूग्ं॑षि च मे॒ शरी॑राणि च मे ॥ 1 ॥

PADACHEDA

ōṃ agnā\'viṣṇō sa̠jōṣa\'sē̠māva\'rdhantu vā̠-ṅgira\'ḥ । dyu̠mnairvājē\'bhi̠rāga\'tam । vāja\'ścha mē prasa̠vaścha\' mē̠ praya\'tiścha mē̠ prasi\'tiścha mē dhī̠tiścha\' mē kratu\'ścha mē̠ svara\'ścha mē̠ ślōka\'ścha mē śrā̠vaścha\' mē̠ śruti\'ścha mē̠ jyōti\'ścha mē̠ suva\'ścha mē prā̠ṇaścha\' mē-'pā̠naścha\' mē vyā̠naścha̠ mē-'su\'ścha mē chi̠tta-ñcha\' ma̠ ādhī\'ta-ñcha mē̠ vākcha\' mē̠ mana\'ścha mē̠ chakṣu\'ścha mē̠ śrōtra\'-ñcha mē̠ dakṣa\'ścha mē̠ bala\'-ñcha ma̠ ōja\'ścha mē̠ saha\'ścha ma̠ āyu\'ścha mē ja̠rā cha\' ma ā̠tmā cha\' mē ta̠nūścha\' mē̠ śarma\' cha mē̠ varma\' cha̠ mē-'ṅgā\'ni cha mē̠-'sthāni\' cha mē̠ parūg\'ṃṣi cha mē̠ śarī\'rāṇi cha mē ॥ 1 ॥

TRANSLITERATION

ōṃ agnā̍viṣṇō sa̠jōṣa̍sē̠māva̍rdhantu vā̠-ṅgira̍ḥ . dyu̠mnairvājē̍bhi̠rāga̍tam . vāja̍ścha mē prasa̠vaścha̍ mē̠ praya̍tiścha mē̠ prasi̍tiścha mē dhī̠tiścha̍ mē kratu̍ścha mē̠ svara̍ścha mē̠ ślōka̍ścha mē śrā̠vaścha̍ mē̠ śruti̍ścha mē̠ jyōti̍ścha mē̠ suva̍ścha mē prā̠ṇaścha̍ mē-'pā̠naścha̍ mē vyā̠naścha̠ mē-'su̍ścha mē chi̠tta-ñcha̍ ma̠ ādhī̍ta-ñcha mē̠ vākcha̍ mē̠ mana̍ścha mē̠ chakṣu̍ścha mē̠ śrōtra̍-ñcha mē̠ dakṣa̍ścha mē̠ bala̍-ñcha ma̠ ōja̍ścha mē̠ saha̍ścha ma̠ āyu̍ścha mē ja̠rā cha̍ ma ā̠tmā cha̍ mē ta̠nūścha̍ mē̠ śarma̍ cha mē̠ varma̍ cha̠ mē-'ṅgā̍ni cha mē̠-'sthāni̍ cha mē̠ parūg̍ṃṣi cha mē̠ śarī̍rāṇi cha mē .. 1 ..

ENGLISH MEANING

अनुवाक २/Anuvaka 2

Shloka 2
जैष्ठ्यं॑ च म॒ आधि॑पत्यं च मे म॒न्युश्च॑ मे॒ भाम॑श्च॒ मेऽम॑श्च॒ मेऽम्भ॑श्च मे जे॒मा च॑ मे महि॒मा च॑ मे वरि॒मा च॑ मे प्रथि॒मा च॑ मे व॒र्​ष्मा च॑ मे द्राघु॒या च॑ मे वृ॒द्धं च॑ मे॒ वृद्धि॑श्च मे स॒त्यं च॑ मे श्र॒द्धा च॑ मे॒ जग॑च्च मे॒ धनं॑ च मे॒ वश॑श्च मे॒ त्विषि॑श्च मे क्री॒डा च॑ मे॒ मोद॑श्च मे जा॒तं च॑ मे जनि॒ष्यमा॑णं च मे सू॒क्तं च॑ मे सुकृ॒तं च॑ मे वि॒त्तं च॑ मे॒ वेद्यं॑ च मे भू॒तं च॑ मे भवि॒ष्यच्च॑ मे सु॒गं च॑ मे सु॒पथं॑ च म ऋ॒द्धं च॑ म ऋद्धि॑श्च मे कॢ॒प्तं च॑ मे॒ कॢप्ति॑श्च मे म॒तिश्च॑ मे सुम॒तिश्च॑ मे ॥ 2 ॥

PADACHEDA

jaiṣṭhya\'-ñcha ma̠ ādhi\'patya-ñcha mē ma̠nyuścha\' mē̠ bhāma\'ścha̠ mē-'ma\'ścha̠ mē-'mbha\'ścha mē jē̠mā cha\' mē mahi̠mā cha\' mē vari̠mā cha\' mē prathi̠mā cha\' mē va̠r​ṣmā cha\' mē drāghu̠yā cha\' mē vṛ̠ddha-ñcha\' mē̠ vṛddhi\'ścha mē sa̠tya-ñcha\' mē śra̠ddhā cha\' mē̠ jaga\'chcha mē̠ dhana\'-ñcha mē̠ vaśa\'ścha mē̠ tviṣi\'ścha mē krī̠ḍā cha\' mē̠ mōda\'ścha mē jā̠ta-ñcha\' mē jani̠ṣyamā\'ṇa-ñcha mē sū̠kta-ñcha\' mē sukṛ̠ta-ñcha\' mē vi̠tta-ñcha\' mē̠ vēdya\'-ñcha mē bhū̠ta-ñcha\' mē bhavi̠ṣyachcha\' mē su̠ga-ñcha\' mē su̠patha\'-ñcha ma ṛ̠ddha-ñcha\' ma ṛddhi\'ścha mē kL​i̠pta-ñcha\' mē̠ kL​ipti\'ścha mē ma̠tiścha\' mē suma̠tiścha\' mē ॥ 2 ॥

TRANSLITERATION

jaiṣṭhya̍-ñcha ma̠ ādhi̍patya-ñcha mē ma̠nyuścha̍ mē̠ bhāma̍ścha̠ mē-'ma̍ścha̠ mē-'mbha̍ścha mē jē̠mā cha̍ mē mahi̠mā cha̍ mē vari̠mā cha̍ mē prathi̠mā cha̍ mē va̠r​ṣmā cha̍ mē drāghu̠yā cha̍ mē vṛ̠ddha-ñcha̍ mē̠ vṛddhi̍ścha mē sa̠tya-ñcha̍ mē śra̠ddhā cha̍ mē̠ jaga̍chcha mē̠ dhana̍-ñcha mē̠ vaśa̍ścha mē̠ tviṣi̍ścha mē krī̠ḍā cha̍ mē̠ mōda̍ścha mē jā̠ta-ñcha̍ mē jani̠ṣyamā̍ṇa-ñcha mē sū̠kta-ñcha̍ mē sukṛ̠ta-ñcha̍ mē vi̠tta-ñcha̍ mē̠ vēdya̍-ñcha mē bhū̠ta-ñcha̍ mē bhavi̠ṣyachcha̍ mē su̠ga-ñcha̍ mē su̠patha̍-ñcha ma ṛ̠ddha-ñcha̍ ma ṛddhi̍ścha mē kL​i̠pta-ñcha̍ mē̠ kL​ipti̍ścha mē ma̠tiścha̍ mē suma̠tiścha̍ mē .. 2 ..

ENGLISH MEANING

अनुवाक ३/Anuvaka 3

Shloka 3
शं च॑ मे॒ मय॑श्च मे प्रि॒यं च॑ मेऽनुका॒मश्च॑ मे॒ काम॑श्च मे सौमनस॒श्च॑ मे भ॒द्रं च॑ मे॒ श्रेय॑श्च मे॒ वस्य॑श्च मे॒ यश॑श्च मे॒ भग॑श्च मे॒ द्रवि॑णं च मे य॒न्ता च॑ मे ध॒र्ता च॑ मे॒ क्षेम॑श्च मे॒ धृति॑श्च मे॒ विश्वं॑ च मे॒ मह॑श्च मे सं॒​विँच्च॑ मे॒ ज्ञात्रं॑ च मे॒ सूश्च॑ मे प्र॒सूश्च॑ मे॒ सीरं॑ च मे ल॒यश्च॑ म ऋ॒तं च॑ मे॒ऽमृतं॑ च मेऽय॒क्ष्मं च॒ मेऽना॑मयच्च मे जी॒वातु॑श्च मे दीर्घायु॒त्वं च॑ मेऽनमि॒त्रं च॒ मेऽभ॑यं च मे सु॒गं च॑ मे॒ शय॑नं च मे सू॒षा च॑ मे सु॒दिनं॑ च मे ॥ 3 ॥

PADACHEDA

śa-ñcha\' mē̠ maya\'ścha mē pri̠ya-ñcha\' mē-'nukā̠maścha\' mē̠ kāma\'ścha mē saumanasa̠ścha\' mē bha̠dra-ñcha\' mē̠ śrēya\'ścha mē̠ vasya\'ścha mē̠ yaśa\'ścha mē̠ bhaga\'ścha mē̠ dravi\'ṇa-ñcha mē ya̠ntā cha\' mē dha̠rtā cha\' mē̠ kṣēma\'ścha mē̠ dhṛti\'ścha mē̠ viśva\'-ñcha mē̠ maha\'ścha mē sa̠ṃvichcha\' mē̠ jñātra\'-ñcha mē̠ sūścha\' mē pra̠sūścha\' mē̠ sīra\'-ñcha mē la̠yaścha\' ma ṛ̠ta-ñcha\' mē̠-'mṛta\'-ñcha mē-'ya̠kṣma-ñcha̠ mē-'nā\'mayachcha mē jī̠vātu\'ścha mē dīrghāyu̠tva-ñcha\' mē-'nami̠tra-ñcha̠ mē-'bha\'ya-ñcha mē su̠ga-ñcha\' mē̠ śaya\'na-ñcha mē sū̠ṣā cha\' mē su̠dina\'-ñcha mē ॥ 3 ॥

TRANSLITERATION

śa-ñcha̍ mē̠ maya̍ścha mē pri̠ya-ñcha̍ mē-'nukā̠maścha̍ mē̠ kāma̍ścha mē saumanasa̠ścha̍ mē bha̠dra-ñcha̍ mē̠ śrēya̍ścha mē̠ vasya̍ścha mē̠ yaśa̍ścha mē̠ bhaga̍ścha mē̠ dravi̍ṇa-ñcha mē ya̠ntā cha̍ mē dha̠rtā cha̍ mē̠ kṣēma̍ścha mē̠ dhṛti̍ścha mē̠ viśva̍-ñcha mē̠ maha̍ścha mē sa̠ṃvichcha̍ mē̠ jñātra̍-ñcha mē̠ sūścha̍ mē pra̠sūścha̍ mē̠ sīra̍-ñcha mē la̠yaścha̍ ma ṛ̠ta-ñcha̍ mē̠-'mṛta̍-ñcha mē-'ya̠kṣma-ñcha̠ mē-'nā̍mayachcha mē jī̠vātu̍ścha mē dīrghāyu̠tva-ñcha̍ mē-'nami̠tra-ñcha̠ mē-'bha̍ya-ñcha mē su̠ga-ñcha̍ mē̠ śaya̍na-ñcha mē sū̠ṣā cha̍ mē su̠dina̍-ñcha mē .. 3 ..

ENGLISH MEANING

अनुवाक ४/Anuvaka 4

Shloka 4
ऊर्क्च॑ मे सू॒नृता॑ च मे॒ पय॑श्च मे॒ रस॑श्च मे घृ॒तं च॑ मे॒ मधु॑ च मे॒ सग्धि॑श्च मे॒ सपी॑तिश्च मे कृ॒षिश्च॑ मे॒ वृष्टि॑श्च मे॒ जैत्रं॑ च म॒ औद्भि॑द्यं च मे र॒यिश्च॑ मे॒ राय॑श्च मे पु॒ष्टं च मे॒ पुष्टि॑श्च मे वि॒भु च॑ मे प्र॒भु च॑ मे ब॒हु च॑ मे॒ भूय॑श्च मे पू॒र्णं च॑ मे पू॒र्णत॑रं च॒ मेऽक्षि॑तिश्च मे॒ कूय॑वाश्च॒ मेऽन्नं॑ च॒ मेऽक्षु॑च्च मे व्री॒हय॑श्च मे॒ यवा᳚श्च मे॒ माषा᳚श्च मे॒ तिला᳚श्च मे मु॒द्गाश्च॑ मे ख॒ल्वा᳚श्च मे गो॒धूमा᳚श्च मे म॒सुरा᳚श्च मे प्रि॒यङ्ग॑वश्च॒ मेऽण॑वश्च मे श्या॒माका᳚श्च मे नी॒वारा᳚श्च मे ॥ 4 ॥

PADACHEDA

ūrkcha\' mē sū̠nṛtā\' cha mē̠ paya\'ścha mē̠ rasa\'ścha mē ghṛ̠ta-ñcha\' mē̠ madhu\' cha mē̠ sagdhi\'ścha mē̠ sapī\'tiścha mē kṛ̠ṣiścha\' mē̠ vṛṣṭi\'ścha mē̠ jaitra\'-ñcha ma̠ audbhi\'dya-ñcha mē ra̠yiścha\' mē̠ rāya\'ścha mē pu̠ṣṭa-ñcha mē̠ puṣṭi\'ścha mē vi̠bhu cha\' mē pra̠bhu cha\' mē ba̠hu cha\' mē̠ bhūya\'ścha mē pū̠rṇa-ñcha\' mē pū̠rṇata\'ra-ñcha̠ mē-'kṣi\'tiścha mē̠ kūya\'vāścha̠ mē-'nna\'-ñcha̠ mē-'kṣu\'chcha mē vrī̠haya\'ścha mē̠ yavā\"ścha mē̠ māṣā\"ścha mē̠ tilā\"ścha mē mu̠dgāścha\' mē kha̠lvā\"ścha mē gō̠dhūmā\"ścha mē ma̠surā\"ścha mē pri̠yaṅga\'vaścha̠ mē-'ṇa\'vaścha mē śyā̠mākā\"ścha mē nī̠vārā\"ścha mē ॥ 4 ॥

TRANSLITERATION

ūrkcha̍ mē sū̠nṛtā̍ cha mē̠ paya̍ścha mē̠ rasa̍ścha mē ghṛ̠ta-ñcha̍ mē̠ madhu̍ cha mē̠ sagdhi̍ścha mē̠ sapī̍tiścha mē kṛ̠ṣiścha̍ mē̠ vṛṣṭi̍ścha mē̠ jaitra̍-ñcha ma̠ audbhi̍dya-ñcha mē ra̠yiścha̍ mē̠ rāya̍ścha mē pu̠ṣṭa-ñcha mē̠ puṣṭi̍ścha mē vi̠bhu cha̍ mē pra̠bhu cha̍ mē ba̠hu cha̍ mē̠ bhūya̍ścha mē pū̠rṇa-ñcha̍ mē pū̠rṇata̍ra-ñcha̠ mē-'kṣi̍tiścha mē̠ kūya̍vāścha̠ mē-'nna̍-ñcha̠ mē-'kṣu̍chcha mē vrī̠haya̍ścha mē̠ yavā̎ścha mē̠ māṣā̎ścha mē̠ tilā̎ścha mē mu̠dgāścha̍ mē kha̠lvā̎ścha mē gō̠dhūmā̎ścha mē ma̠surā̎ścha mē pri̠yaṅga̍vaścha̠ mē-'ṇa̍vaścha mē śyā̠mākā̎ścha mē nī̠vārā̎ścha mē .. 4 ..

ENGLISH MEANING

अनुवाक ५/Anuvaka 5

Shloka 5
अश्मा॑ च मे॒ मृत्ति॑का च मे गि॒रय॑श्च मे॒ पर्व॑ताश्च मे॒ सिक॑ताश्च मे॒ वन॒स्पत॑यश्च मे॒ हिर॑ण्यं च॒ मेऽय॑श्च मे॒ सीसं॑ च॒ मे त्रपु॑श्च मे श्या॒मं च॑ मे लो॒हं च॑ मेऽग्निश्च॑ म आप॑श्च मे वी॒रुध॑श्च म॒ ओष॑धयश्च मे कृष्टप॒च्यं च॑ मेऽकृष्टपच्यं च॑ मे ग्रा॒म्याश्च॑ मे प॒शव॑ आर॒ण्याश्च॑ य॒ज्ञेन॑ कल्पन्तां-विँ॒त्तं च॑ मे॒ वित्ति॑श्च मे भू॒तं च॑ मे॒ भूति॑श्च मे॒ वसु॑ च मे वस॒तिश्च॑ मे॒ कर्म॑ च मे॒ शक्ति॑श्च॒ मेऽर्थ॑श्च म॒ एम॑श्च म इति॑श्च मे॒ गति॑श्च मे ॥ 5 ॥

PADACHEDA

aśmā\' cha mē̠ mṛtti\'kā cha mē gi̠raya\'ścha mē̠ parva\'tāścha mē̠ sika\'tāścha mē̠ vana̠spata\'yaścha mē̠ hira\'ṇya-ñcha̠ mē-'ya\'ścha mē̠ sīsa\'-ñcha̠ mē trapu\'ścha mē śyā̠ma-ñcha\' mē lō̠ha-ñcha\' mē-'gniścha\' ma āpa\'ścha mē vī̠rudha\'ścha ma̠ ōṣa\'dhayaścha mē kṛṣṭapa̠chya-ñcha\' mē-'kṛṣṭapachya-ñcha\' mē grā̠myāścha\' mē pa̠śava\' āra̠ṇyāścha\' ya̠jñēna\' kalpantāṃ vi̠tta-ñcha\' mē̠ vitti\'ścha mē bhū̠ta-ñcha\' mē̠ bhūti\'ścha mē̠ vasu\' cha mē vasa̠tiścha\' mē̠ karma\' cha mē̠ śakti\'ścha̠ mē-'rtha\'ścha ma̠ ēma\'ścha ma iti\'ścha mē̠ gati\'ścha mē ॥ 5 ॥

TRANSLITERATION

aśmā̍ cha mē̠ mṛtti̍kā cha mē gi̠raya̍ścha mē̠ parva̍tāścha mē̠ sika̍tāścha mē̠ vana̠spata̍yaścha mē̠ hira̍ṇya-ñcha̠ mē-'ya̍ścha mē̠ sīsa̍-ñcha̠ mē trapu̍ścha mē śyā̠ma-ñcha̍ mē lō̠ha-ñcha̍ mē-'gniścha̍ ma āpa̍ścha mē vī̠rudha̍ścha ma̠ ōṣa̍dhayaścha mē kṛṣṭapa̠chya-ñcha̍ mē-'kṛṣṭapachya-ñcha̍ mē grā̠myāścha̍ mē pa̠śava̍ āra̠ṇyāścha̍ ya̠jñēna̍ kalpantāṃ vi̠tta-ñcha̍ mē̠ vitti̍ścha mē bhū̠ta-ñcha̍ mē̠ bhūti̍ścha mē̠ vasu̍ cha mē vasa̠tiścha̍ mē̠ karma̍ cha mē̠ śakti̍ścha̠ mē-'rtha̍ścha ma̠ ēma̍ścha ma iti̍ścha mē̠ gati̍ścha mē .. 5 ..

ENGLISH MEANING

अनुवाक ६/Anuvaka 6

Shloka 6
अ॒ग्निश्च॑ म॒ इन्द्र॑श्च मे॒ सोम॑श्च म॒ इन्द्र॑श्च मे सवि॒ता च॑ म॒ इन्द्र॑श्च मे॒ सर॑स्वती च म॒ इन्द्र॑श्च मे पू॒षा च॑ म॒ इन्द्र॑श्च मे॒ बृह॒स्पति॑श्च म॒ इन्द्र॑श्च मे मि॒त्रश्च॑ म॒ इन्द्र॑श्च मे॒ वरु॑णश्च म॒ इन्द्र॑श्च मे॒ त्वष्ठा॑ च म॒ इन्द्र॑श्च मे धा॒ता च॑ म॒ इन्द्र॑श्च मे॒ विष्णु॑श्च म॒ इन्द्र॑श्च मेऽश्विनौ॑ च म॒ इन्द्र॑श्च मे म॒रुत॑श्च म॒ इन्द्र॑श्च मे॒ विश्वे॑ च मे दे॒वा इन्द्र॑श्च मे पृथि॒वी च॑ म॒ इन्द्र॑श्च मेऽन्तरि॑क्षं च म॒ इन्द्र॑श्च मे द्यौश्च॑ म॒ इन्द्र॑श्च मे॒ दिश॑श्च म॒ इन्द्र॑श्च मे मू॒र्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥ 6 ॥

PADACHEDA

a̠gniścha\' ma̠ indra\'ścha mē̠ sōma\'ścha ma̠ indra\'ścha mē savi̠tā cha\' ma̠ indra\'ścha mē̠ sara\'svatī cha ma̠ indra\'ścha mē pū̠ṣā cha\' ma̠ indra\'ścha mē̠ bṛha̠spati\'ścha ma̠ indra\'ścha mē mi̠traścha\' ma̠ indra\'ścha mē̠ varu\'ṇaścha ma̠ indra\'ścha mē̠ tvaṣṭhā\' cha ma̠ indra\'ścha mē dhā̠tā cha\' ma̠ indra\'ścha mē̠ viṣṇu\'ścha ma̠ indra\'ścha mē-'śvinau\' cha ma̠ indra\'ścha mē ma̠ruta\'ścha ma̠ indra\'ścha mē̠ viśvē\' cha mē dē̠vā indra\'ścha mē pṛthi̠vī cha\' ma̠ indra\'ścha mē-'ntari\'kṣa-ñcha ma̠ indra\'ścha mē dyauścha\' ma̠ indra\'ścha mē̠ diśa\'ścha ma̠ indra\'ścha mē mū̠rdhā cha\' ma̠ indra\'ścha mē pra̠jāpa\'tiścha ma̠ indra\'ścha mē ॥ 6 ॥

TRANSLITERATION

a̠gniścha̍ ma̠ indra̍ścha mē̠ sōma̍ścha ma̠ indra̍ścha mē savi̠tā cha̍ ma̠ indra̍ścha mē̠ sara̍svatī cha ma̠ indra̍ścha mē pū̠ṣā cha̍ ma̠ indra̍ścha mē̠ bṛha̠spati̍ścha ma̠ indra̍ścha mē mi̠traścha̍ ma̠ indra̍ścha mē̠ varu̍ṇaścha ma̠ indra̍ścha mē̠ tvaṣṭhā̍ cha ma̠ indra̍ścha mē dhā̠tā cha̍ ma̠ indra̍ścha mē̠ viṣṇu̍ścha ma̠ indra̍ścha mē-'śvinau̍ cha ma̠ indra̍ścha mē ma̠ruta̍ścha ma̠ indra̍ścha mē̠ viśvē̍ cha mē dē̠vā indra̍ścha mē pṛthi̠vī cha̍ ma̠ indra̍ścha mē-'ntari̍kṣa-ñcha ma̠ indra̍ścha mē dyauścha̍ ma̠ indra̍ścha mē̠ diśa̍ścha ma̠ indra̍ścha mē mū̠rdhā cha̍ ma̠ indra̍ścha mē pra̠jāpa̍tiścha ma̠ indra̍ścha mē .. 6 ..

ENGLISH MEANING

अनुवाक ७/Anuvaka 7

Shloka 7
अ॒ग्ं॒शुश्च॑ मे र॒श्मिश्च॒ मेऽदा᳚भ्यश्च॒ मेऽधि॑पतिश्च म उपा॒ग्ं॒शुश्च॑ मेऽन्तर्या॒मश्च॑ म ऐन्द्रवाय॒वश्च॑ मे मैत्रावरु॒णश्च॑ म आश्वि॒नश्च॑ मे प्रतिप्र॒स्थान॑श्च मे शु॒क्रश्च॑ मे म॒न्थी च॑ म आग्रय॒णश्च॑ मे वैश्वदे॒वश्च॑ मे ध्रु॒वश्च॑ मे वैश्वान॒रश्च॑ म ऋतुग्र॒हाश्च॑ मेऽतिग्रा॒ह्या᳚श्च म ऐन्द्रा॒ग्नश्च॑ मे वैश्वदे॒वश्च॑ मे मरुत्व॒तीया᳚श्च मे माहे॒न्द्रश्च॑ म आदि॒त्यश्च॑ मे सावि॒त्रश्च॑ मे सारस्व॒तश्च॑ मे पौ॒ष्णश्च॑ मे पात्नीव॒तश्च॑ मे हारियोज॒नश्च॑ मे ॥ 7 ॥

PADACHEDA

a̠gṃ̠śuścha\' mē ra̠śmiścha̠ mē-'dā\"bhyaścha̠ mē-'dhi\'patiścha ma upā̠gṃ̠śuścha\' mē-'ntaryā̠maścha\' ma aindravāya̠vaścha\' mē maitrāvaru̠ṇaścha\' ma āśvi̠naścha\' mē pratipra̠sthāna\'ścha mē śu̠kraścha\' mē ma̠nthī cha\' ma āgraya̠ṇaścha\' mē vaiśvadē̠vaścha\' mē dhru̠vaścha\' mē vaiśvāna̠raścha\' ma ṛtugra̠hāścha\' mē-'tigrā̠hyā\"ścha ma aindrā̠gnaścha\' mē vaiśvadē̠vaścha\' mē marutva̠tīyā\"ścha mē māhē̠ndraścha\' ma ādi̠tyaścha\' mē sāvi̠traścha\' mē sārasva̠taścha\' mē pau̠ṣṇaścha\' mē pātnīva̠taścha\' mē hāriyōja̠naścha\' mē ॥ 7 ॥

TRANSLITERATION

a̠gṃ̠śuścha̍ mē ra̠śmiścha̠ mē-'dā̎bhyaścha̠ mē-'dhi̍patiścha ma upā̠gṃ̠śuścha̍ mē-'ntaryā̠maścha̍ ma aindravāya̠vaścha̍ mē maitrāvaru̠ṇaścha̍ ma āśvi̠naścha̍ mē pratipra̠sthāna̍ścha mē śu̠kraścha̍ mē ma̠nthī cha̍ ma āgraya̠ṇaścha̍ mē vaiśvadē̠vaścha̍ mē dhru̠vaścha̍ mē vaiśvāna̠raścha̍ ma ṛtugra̠hāścha̍ mē-'tigrā̠hyā̎ścha ma aindrā̠gnaścha̍ mē vaiśvadē̠vaścha̍ mē marutva̠tīyā̎ścha mē māhē̠ndraścha̍ ma ādi̠tyaścha̍ mē sāvi̠traścha̍ mē sārasva̠taścha̍ mē pau̠ṣṇaścha̍ mē pātnīva̠taścha̍ mē hāriyōja̠naścha̍ mē .. 7 ..

ENGLISH MEANING

अनुवाक ८/Anuvaka 8

Shloka 8
इ॒ध्मश्च॑ मे ब॒र्​हिश्च॑ मे॒ वेदि॑श्च मे॒ दिष्णि॑याश्च मे॒ स्रुच॑श्च मे चम॒साश्च॑ मे॒ ग्रावा॑णश्च मे॒ स्वर॑वश्च म उपर॒वाश्च॑ मेऽधि॒षव॑णे च मे द्रोणकल॒शश्च॑ मे वाय॒व्या॑नि च मे पूत॒भृच्च॑ म आधव॒नीय॑श्च म॒ आग्नी᳚ध्रं च मे हवि॒र्धानं॑ च मे गृ॒हाश्च॑ मे॒ सद॑श्च मे पुरो॒डाशा᳚श्च मे पच॒ताश्च॑ मेऽवभृथश्च॑ मे स्वगाका॒रश्च॑ मे ॥ 8 ॥

PADACHEDA

i̠dhmaścha\' mē ba̠r​hiścha\' mē̠ vēdi\'ścha mē̠ diṣṇi\'yāścha mē̠ srucha\'ścha mē chama̠sāścha\' mē̠ grāvā\'ṇaścha mē̠ svara\'vaścha ma upara̠vāścha\' mē-'dhi̠ṣava\'ṇē cha mē drōṇakala̠śaścha\' mē vāya̠vyā\'ni cha mē pūta̠bhṛchcha\' ma ādhava̠nīya\'ścha ma̠ āgnī\"dhra-ñcha mē havi̠rdhāna\'-ñcha mē gṛ̠hāścha\' mē̠ sada\'ścha mē purō̠ḍāśā\"ścha mē pacha̠tāścha\' mē-'vabhṛthaścha\' mē svagākā̠raścha\' mē ॥ 8 ॥

TRANSLITERATION

i̠dhmaścha̍ mē ba̠r​hiścha̍ mē̠ vēdi̍ścha mē̠ diṣṇi̍yāścha mē̠ srucha̍ścha mē chama̠sāścha̍ mē̠ grāvā̍ṇaścha mē̠ svara̍vaścha ma upara̠vāścha̍ mē-'dhi̠ṣava̍ṇē cha mē drōṇakala̠śaścha̍ mē vāya̠vyā̍ni cha mē pūta̠bhṛchcha̍ ma ādhava̠nīya̍ścha ma̠ āgnī̎dhra-ñcha mē havi̠rdhāna̍-ñcha mē gṛ̠hāścha̍ mē̠ sada̍ścha mē purō̠ḍāśā̎ścha mē pacha̠tāścha̍ mē-'vabhṛthaścha̍ mē svagākā̠raścha̍ mē .. 8 ..

ENGLISH MEANING

अनुवाक ९/Anuvaka 9

Shloka 9
अ॒ग्निश्च॑ मे घ॒र्मश्च॑ मे॒ऽर्कश्च॑ मे॒ सूर्य॑श्च मे प्रा॒णश्च॑ मेऽश्वमे॒धश्च॑ मे पृथि॒वी च॒ मेऽदि॑तिश्च मे॒ दिति॑श्च मे॒ द्यौश्च॑ मे॒ शक्व॑रीर॒ङ्गुल॑यो॒ दिश॑श्च मे य॒ज्ञेन॑ कल्पन्ता॒मृक्च॑ मे॒ साम॑ च मे॒ स्तोम॑श्च मे॒ यजु॑श्च मे दी॒क्षा च॑ मे॒ तप॑श्च म ऋ॒तुश्च॑ मे व्र॒तं च॑ मेऽहोरा॒त्रयो᳚र्वृ॒ष्ट्या बृ॑हद्रथन्त॒रे च॒ मे य॒ज्ञेन॑ कल्पेताम् ॥ 9 ॥

PADACHEDA

a̠gniścha\' mē gha̠rmaścha\' mē̠-'rkaścha\' mē̠ sūrya\'ścha mē prā̠ṇaścha\' mē-'śvamē̠dhaścha\' mē pṛthi̠vī cha̠ mē-'di\'tiścha mē̠ diti\'ścha mē̠ dyauścha\' mē̠ śakva\'rīra̠ṅgula\'yō̠ diśa\'ścha mē ya̠jñēna\' kalpantā̠mṛkcha\' mē̠ sāma\' cha mē̠ stōma\'ścha mē̠ yaju\'ścha mē dī̠kṣā cha\' mē̠ tapa\'ścha ma ṛ̠tuścha\' mē vra̠ta-ñcha\' mē-'hōrā̠trayō\"rvṛ̠ṣṭyā bṛ\'hadrathanta̠rē cha̠ mē ya̠jñēna\' kalpētām ॥ 9 ॥

TRANSLITERATION

a̠gniścha̍ mē gha̠rmaścha̍ mē̠-'rkaścha̍ mē̠ sūrya̍ścha mē prā̠ṇaścha̍ mē-'śvamē̠dhaścha̍ mē pṛthi̠vī cha̠ mē-'di̍tiścha mē̠ diti̍ścha mē̠ dyauścha̍ mē̠ śakva̍rīra̠ṅgula̍yō̠ diśa̍ścha mē ya̠jñēna̍ kalpantā̠mṛkcha̍ mē̠ sāma̍ cha mē̠ stōma̍ścha mē̠ yaju̍ścha mē dī̠kṣā cha̍ mē̠ tapa̍ścha ma ṛ̠tuścha̍ mē vra̠ta-ñcha̍ mē-'hōrā̠trayō̎rvṛ̠ṣṭyā bṛ̍hadrathanta̠rē cha̠ mē ya̠jñēna̍ kalpētām .. 9 ..

ENGLISH MEANING

अनुवाक १०/Anuvaka 10

Shloka 10
गर्भा᳚श्च मे व॒त्साश्च॑ मे॒ त्र्यवि॑श्च मे त्र्य॒वीच॑ मे दित्य॒वाट् च॑ मे दित्यौ॒ही च॑ मे॒ पञ्चा॑विश्च मे पञ्चा॒वी च॑ मे त्रिव॒त्सश्च॑ मे त्रिव॒त्सा च॑ मे तुर्य॒वाट् च॑ मे तुर्यौ॒ही च॑ मे पष्ठ॒वाट् च॑ मे पष्ठौ॒ही च॑ म उ॒क्षा च॑ मे व॒शा च॑ म ऋष॒भश्च॑ मे वे॒हच्च॑ मेऽन॒ड्वाञ्च मे धे॒नुश्च॑ म॒ आयु॑र्य॒ज्ञेन॑ कल्पतां प्रा॒णो य॒ज्ञेन॑ कल्पतामपा॒नो य॒ज्ञेन॑ कल्पतां॒-व्याँ॒नो य॒ज्ञेन॑ कल्पतां॒ चक्षु॑र्य॒ज्ञेन॑ कल्पता॒ग्॒ श्रोत्रं॑-यँ॒ज्ञेन॑ कल्पतां॒ मनो॑ य॒ज्ञेन॑ कल्पतां॒-वाँग्य॒ज्ञेन॑ कल्पतामा॒त्मा य॒ज्ञेन॑ कल्पतां-यँ॒ज्ञो य॒ज्ञेन॑ कल्पताम् ॥ 10 ॥

PADACHEDA

garbhā\"ścha mē va̠tsāścha\' mē̠ tryavi\'ścha mē trya̠vīcha\' mē ditya̠vāṭ cha\' mē dityau̠hī cha\' mē̠ pañchā\'viścha mē pañchā̠vī cha\' mē triva̠tsaścha\' mē triva̠tsā cha\' mē turya̠vāṭ cha\' mē turyau̠hī cha\' mē paṣṭha̠vāṭ cha\' mē paṣṭhau̠hī cha\' ma u̠kṣā cha\' mē va̠śā cha\' ma ṛṣa̠bhaścha\' mē vē̠hachcha\' mē-'na̠ḍvāñcha mē dhē̠nuścha\' ma̠ āyu\'rya̠jñēna\' kalpatā-mprā̠ṇō ya̠jñēna\' kalpatāmapā̠nō ya̠jñēna\' kalpatā̠ṃ vyā̠nō ya̠jñēna\' kalpatā̠-ñchakṣu\'rya̠jñēna\' kalpatā̠g̠ śrōtra\'ṃ ya̠jñēna\' kalpatā̠-mmanō\' ya̠jñēna\' kalpatā̠ṃ vāgya̠jñēna\' kalpatāmā̠tmā ya̠jñēna\' kalpatāṃ ya̠jñō ya̠jñēna\' kalpatām ॥ 10 ॥

TRANSLITERATION

garbhā̎ścha mē va̠tsāścha̍ mē̠ tryavi̍ścha mē trya̠vīcha̍ mē ditya̠vāṭ cha̍ mē dityau̠hī cha̍ mē̠ pañchā̍viścha mē pañchā̠vī cha̍ mē triva̠tsaścha̍ mē triva̠tsā cha̍ mē turya̠vāṭ cha̍ mē turyau̠hī cha̍ mē paṣṭha̠vāṭ cha̍ mē paṣṭhau̠hī cha̍ ma u̠kṣā cha̍ mē va̠śā cha̍ ma ṛṣa̠bhaścha̍ mē vē̠hachcha̍ mē-'na̠ḍvāñcha mē dhē̠nuścha̍ ma̠ āyu̍rya̠jñēna̍ kalpatā-mprā̠ṇō ya̠jñēna̍ kalpatāmapā̠nō ya̠jñēna̍ kalpatā̠ṃ vyā̠nō ya̠jñēna̍ kalpatā̠-ñchakṣu̍rya̠jñēna̍ kalpatā̠g̠ śrōtra̍ṃ ya̠jñēna̍ kalpatā̠-mmanō̍ ya̠jñēna̍ kalpatā̠ṃ vāgya̠jñēna̍ kalpatāmā̠tmā ya̠jñēna̍ kalpatāṃ ya̠jñō ya̠jñēna̍ kalpatām .. 10 ..

ENGLISH MEANING

अनुवाक ११/Anuvaka 11

Shloka 11
एका॑ च मे ति॒स्रश्च॑ मे॒ पञ्च॑ च मे स॒प्त च॑ मे॒ नव॑ च म॒ एका॑दश च मे॒ त्रयो॑दश च मे॒ पञ्च॑दश च मे स॒प्तद॑श च मे॒ नव॑दश च म॒ एक॑विग्ंशतिश्च मे॒ त्रयो॑विग्ंशतिश्च मे॒ पञ्च॑विग्ंशतिश्च मे स॒प्तविग्ं॑शतिश्च मे॒ नव॑विग्ंशतिश्च म॒ एक॑त्रिग्ंशच्च मे॒ त्रय॑स्त्रिग्ंशच्च मे॒ चत॑स्रश्च मे॒ऽष्टौ च॑ मे॒ द्वाद॑श च मे॒ षोड॑श च मे विग्ंश॒तिश्च॑ मे॒ चतु॑र्विग्ंशतिश्च मे॒ऽष्टाविग्ं॑शतिश्च मे॒ द्वात्रिग्ं॑शच्च मे॒ षट्-त्रिग्ं॑शच्च मे चत्वारि॒ग्ं॒शच्च॑ मे॒ चतु॑श्चत्वारिग्ंशच्च मेऽष्टाच॑त्वारिग्ंशच्च मे॒ वाज॑श्च प्रस॒वश्चा॑पि॒जश्च क्रतु॑श्च॒ सुव॑श्च मू॒र्धा च॒ व्यश्नि॑यश्चान्त्याय॒नश्चान्त्य॑श्च भौव॒नश्च॒ भुव॑न॒श्चाधि॑पतिश्च ॥ 11 ॥

PADACHEDA

ēkā\' cha mē ti̠sraścha\' mē̠ pañcha\' cha mē sa̠pta cha\' mē̠ nava\' cha ma̠ ēkā\'daśa cha mē̠ trayō\'daśa cha mē̠ pañcha\'daśa cha mē sa̠ptada\'śa cha mē̠ nava\'daśa cha ma̠ ēka\'vigṃśatiścha mē̠ trayō\'vigṃśatiścha mē̠ pañcha\'vigṃśatiścha mē sa̠ptavig\'ṃśatiścha mē̠ nava\'vigṃśatiścha ma̠ ēka\'trigṃśachcha mē̠ traya\'strigṃśachcha mē̠ chata\'sraścha mē̠-'ṣṭau cha\' mē̠ dvāda\'śa cha mē̠ ṣōḍa\'śa cha mē vigṃśa̠tiścha\' mē̠ chatu\'rvigṃśatiścha mē̠-'ṣṭāvig\'ṃśatiścha mē̠ dvātrig\'ṃśachcha mē̠ ṣaṭ-trig\'ṃśachcha mē chatvāri̠g̠ṃśachcha\' mē̠ chatu\'śchatvārigṃśachcha mē-'ṣṭācha\'tvārigṃśachcha mē̠ vāja\'ścha prasa̠vaśchā\'pi̠jaścha kratu\'ścha̠ suva\'ścha mū̠rdhā cha̠ vyaśni\'yaśchāntyāya̠naśchāntya\'ścha bhauva̠naścha̠ bhuva\'na̠śchādhi\'patiścha ॥ 11 ॥

TRANSLITERATION

ēkā̍ cha mē ti̠sraścha̍ mē̠ pañcha̍ cha mē sa̠pta cha̍ mē̠ nava̍ cha ma̠ ēkā̍daśa cha mē̠ trayō̍daśa cha mē̠ pañcha̍daśa cha mē sa̠ptada̍śa cha mē̠ nava̍daśa cha ma̠ ēka̍vigṃśatiścha mē̠ trayō̍vigṃśatiścha mē̠ pañcha̍vigṃśatiścha mē sa̠ptavig̍ṃśatiścha mē̠ nava̍vigṃśatiścha ma̠ ēka̍trigṃśachcha mē̠ traya̍strigṃśachcha mē̠ chata̍sraścha mē̠-'ṣṭau cha̍ mē̠ dvāda̍śa cha mē̠ ṣōḍa̍śa cha mē vigṃśa̠tiścha̍ mē̠ chatu̍rvigṃśatiścha mē̠-'ṣṭāvig̍ṃśatiścha mē̠ dvātrig̍ṃśachcha mē̠ ṣaṭ-trig̍ṃśachcha mē chatvāri̠g̠ṃśachcha̍ mē̠ chatu̍śchatvārigṃśachcha mē-'ṣṭācha̍tvārigṃśachcha mē̠ vāja̍ścha prasa̠vaśchā̍pi̠jaścha kratu̍ścha̠ suva̍ścha mū̠rdhā cha̠ vyaśni̍yaśchāntyāya̠naśchāntya̍ścha bhauva̠naścha̠ bhuva̍na̠śchādhi̍patiścha .. 11 ..

ENGLISH MEANING

Shlokas

Shloka 12
ॐ इडा॑ देव॒हू-र्मनु॑र्यज्ञ॒नी-र्बृह॒स्पति॑रुक्थाम॒दानि॑ शग्ंसिष॒द्विश्वे॑ दे॒वाः सू᳚क्त॒वाचः॒ पृथि॑विमात॒र्मा मा॑ हिग्ंसी॒र्म॒धु॑ मनिष्ये॒ मधु॑ जनिष्ये॒ मधु॑ वक्ष्यामि॒ मधु॑ वदिष्यामि॒ मधु॑मतीं दे॒वेभ्यो॒ वाच॒मुद्यासग्ंशुश्रूषे॒ण्यां᳚ मनु॒ष्ये᳚भ्य॒स्तं मा॑ दे॒वा अ॑वन्तु शो॒भायै॑ पि॒तरोऽनु॑मदन्तु ॥

PADACHEDA

ōṃ iḍā\' dēva̠hū-rmanu\'ryajña̠nī-rbṛha̠spati\'rukthāma̠dāni\' śagṃsiṣa̠dviśvē\' dē̠vā-ssū\"kta̠vācha̠ḥ pṛthi\'vimāta̠rmā mā\' higṃsī̠rma̠dhu\' maniṣyē̠ madhu\' janiṣyē̠ madhu\' vakṣyāmi̠ madhu\' vadiṣyāmi̠ madhu\'matī-ndē̠vēbhyō̠ vācha̠mudyāsagṃśuśrūṣē̠ṇyā\"-mmanu̠ṣyē\"bhya̠sta-mmā\' dē̠vā a\'vantu śō̠bhāyai\' pi̠tarō-'nu\'madantu ॥

TRANSLITERATION

ōṃ iḍā̍ dēva̠hū-rmanu̍ryajña̠nī-rbṛha̠spati̍rukthāma̠dāni̍ śagṃsiṣa̠dviśvē̍ dē̠vā-ssū̎kta̠vācha̠ḥ pṛthi̍vimāta̠rmā mā̍ higṃsī̠rma̠dhu̍ maniṣyē̠ madhu̍ janiṣyē̠ madhu̍ vakṣyāmi̠ madhu̍ vadiṣyāmi̠ madhu̍matī-ndē̠vēbhyō̠ vācha̠mudyāsagṃśuśrūṣē̠ṇyā̎-mmanu̠ṣyē̎bhya̠sta-mmā̍ dē̠vā a̍vantu śō̠bhāyai̍ pi̠tarō-'nu̍madantu ..

ENGLISH MEANING

Shloka 13
ॐ शान्तिः॒ शान्तिः॒ शान्तिः॑ ॥

PADACHEDA

ōṃ śānti̠-śśānti̠-śśānti\'ḥ ॥

TRANSLITERATION

ōṃ śānti̠-śśānti̠-śśānti̍ḥ ..

ENGLISH MEANING

Add to Playlist

Practice Later

No Playlist Found

Create a Verse Post


Shloka QR Code

🔗

🪔 Powered by Gyaandweep.com

namo namaḥ!

भाषा चुने (Choose Language)

namo namaḥ!

Sign Up to practice more than 100 Vedic Scriptures and 1000s of chants, one verse at a time.

Login to track your learning and teaching progress.


Sign In