Gyaandweep | Atharva Veda , Kanda 20, Sukta 14

Sukta 1

वयमु त्वामपूर्व्य स्थूरं न कच्चिद्भरन्तोऽवस्यवः ।वाजे चित्रं हवामहे ॥१॥

PADACHEDA

वयम् उ त्वाम् अपूर्व्य स्थूरम् न कच्चित् भरन्तः अवस्यवः ।वाजे चित्रम् हवामहे ॥१॥

vayam u tvām apūrvya sthūram na kaccit bharantaḥ avasyavaḥ .vāje citram havāmahe ..1..

Sukta 2

उप त्वा कर्मन्न् ऊतये स नो युवोग्रश्चक्राम यो धृषत्।त्वामिद्ध्यवितारं ववृमहे सखाय इन्द्र सानसिम् ॥२॥

उप त्वा कर्मन् ऊतये स नः युवा उग्रः चक्राम यः धृषत्।त्वाम् इद् हि अवितारम् ववृमहे सखायः इन्द्र सानसिम् ॥२॥

upa tvā karman ūtaye sa naḥ yuvā ugraḥ cakrāma yaḥ dhṛṣat.tvām id hi avitāram vavṛmahe sakhāyaḥ indra sānasim ..2..

Sukta 3

यो न इदमिदं पुरा प्र वस्य आनिनाय तमु व स्तुषे ।सखाय इन्द्रमूतये ॥३॥

यः नः इदम् इदम् पुरा प्र वस्यः आनिनाय तम् उ वः स्तुषे ।सखायः इन्द्रमूतये ॥३॥

yaḥ naḥ idam idam purā pra vasyaḥ ānināya tam u vaḥ stuṣe .sakhāyaḥ indramūtaye ..3..

Sukta 4

हर्यश्वं सत्पतिं चर्षणीसहं स हि ष्मा यो अमन्दत ।आ तु नः स वयति गव्यमश्व्यं स्तोतृभ्यो मघवा शतम् ॥४॥

हर्यश्वम् सत्पतिम् चर्षणीसहम् स हि स्म यः अमन्दत ।आ तु नः स वयति गव्यम् अश्व्यम् स्तोतृभ्यः मघवा शतम् ॥४॥

haryaśvam satpatim carṣaṇīsaham sa hi sma yaḥ amandata .ā tu naḥ sa vayati gavyam aśvyam stotṛbhyaḥ maghavā śatam ..4..