Gyaandweep | Atharva Veda , Kanda 6, Sukta 61

Sukta 1

मह्यमापो मधुमदेरयन्तां मह्यं सूरो अभरज्ज्योतिषे कम् ।मह्यं देवा उत विश्वे तपोजा मह्यं देवः सविता व्यचो धात्॥१॥

PADACHEDA

मह्यम् आपः मधुमत् ईरयन्ताम् मह्यम् सूरः अभरत् ज्योतिषे कम् ।मह्यम् देवाः उत विश्वे तपः-जाः मह्यम् देवः सविता व्यचः धात्॥१॥

mahyam āpaḥ madhumat īrayantām mahyam sūraḥ abharat jyotiṣe kam .mahyam devāḥ uta viśve tapaḥ-jāḥ mahyam devaḥ savitā vyacaḥ dhāt..1..

Sukta 2

अहं विवेच पृथिवीमुत द्यामहमृतूंरजनयं सप्त साकम् ।अहं सत्यमनृतं यद्वदाम्यहं दैवीं परि वाचं विशश्च ॥२॥

अहम् विवेच पृथिवीम् उत द्याम् अहम् ऋतूंर् अजनयम् सप्त साकम् ।अहम् सत्यम् अनृतम् यत् वदामि अहम् दैवीम् परि वाचम् विशः च ॥२॥

aham viveca pṛthivīm uta dyām aham ṛtūṃr ajanayam sapta sākam .aham satyam anṛtam yat vadāmi aham daivīm pari vācam viśaḥ ca ..2..

Sukta 3

अहं जजान पृथिवीमुत द्यामहमृतूंरजनयं सप्त सिन्धून् ।अहं सत्वमनृतं यद्वदामि यो अग्नीषोमावजुषे सखाया ॥३॥

अहम् जजान पृथिवीम् उत द्याम् अहम् ऋतूंर् अजनयम् सप्त सिन्धून् ।अहम् सत्वम् अनृतम् यत् वदामि यः अग्नीषोमौ अजुषे सखाया ॥३॥

aham jajāna pṛthivīm uta dyām aham ṛtūṃr ajanayam sapta sindhūn .aham satvam anṛtam yat vadāmi yaḥ agnīṣomau ajuṣe sakhāyā ..3..