Gyaandweep | Atharva Veda , Kanda 7, Sukta 6

Sukta 1

अदितिर्द्यौरदितिरन्तरिक्षमदितिर्माता स पिता स पुत्रः ।विश्वे देवा अदितिर्पञ्च जना अदितिर्जातमदितिर्जनित्वम् ॥१॥

PADACHEDA

अदितिः द्यौः अदितिः अन्तरिक्षम् अदितिः माता स पिता स पुत्रः ।विश्वे देवाः अदितिः पञ्च जनाः अदितिः जातम् अदितिः जनित्वम् ॥१॥

aditiḥ dyauḥ aditiḥ antarikṣam aditiḥ mātā sa pitā sa putraḥ .viśve devāḥ aditiḥ pañca janāḥ aditiḥ jātam aditiḥ janitvam ..1..

Sukta 2

महीमू षु मातरं सुव्रतानामृतस्य पत्नीमवसे हवामहे ।तुविक्षत्रामजरन्तीमुरूचीं सुशर्माणमदितिं सुप्रणीतिम् ॥२॥

महीम् उ सु मातरम् सुव्रतानाम् ऋतस्य पत्नीम् अवसे हवामहे ।तुवि-क्षत्राम् अ जरन्तीम् उरूचीम् सु शर्माणम् अदितिम् सु प्रणीतिम् ॥२॥

mahīm u su mātaram suvratānām ṛtasya patnīm avase havāmahe .tuvi-kṣatrām a jarantīm urūcīm su śarmāṇam aditim su praṇītim ..2..

Sukta 3

सुत्रामाणं पृथिवीं द्यामनेहसं सुशर्माणमदितिं सुप्रणीतिम् ।दैवीं नावं स्वरित्रामनागसो अस्रवन्तीमा रुहेमा स्वस्तये ॥३॥

सु त्रामाणम् पृथिवीम् द्याम् अनेहसम् सु शर्माणम् अदितिम् सु प्रणीतिम् ।दैवीम् नावम् सु अरित्राम् अनागसः अस्रवन्ति इमाः रुहेम स्वस्तये ॥३॥

su trāmāṇam pṛthivīm dyām anehasam su śarmāṇam aditim su praṇītim .daivīm nāvam su aritrām anāgasaḥ asravanti imāḥ ruhema svastaye ..3..

Sukta 4

वाजस्य नु प्रसवे मातरं महीमदितिं नाम वचसा करामहे ।यस्या उपस्थ उर्वन्तरिक्षं सा नः शर्म त्रिवरूथं नि यछात्॥४॥

वाजस्य नु प्रसवे मातरम् महीम् अदितिम् नाम वचसा करामहे ।यस्याः उपस्थे उरु अन्तरिक्षम् सा नः शर्म त्रि-वरूथम् नि यच्छात्॥४॥

vājasya nu prasave mātaram mahīm aditim nāma vacasā karāmahe .yasyāḥ upasthe uru antarikṣam sā naḥ śarma tri-varūtham ni yacchāt..4..