प्रथमं शैलपुत्री च द्वितीयं ब्रह्मचारिणी । तृतीयं चन्द्रघण्टेति कूष्माण्डेति चतुर्थकम् ॥ 3 ॥
prathamam sailaputri cha dvitiyam brahmacharini । trtiyam chandraghanteti kusmanḍeti chaturthakam ॥ 3 ॥
पञ्चमं स्कन्दमातेति षष्ठं कात्यायनीति च । सप्तमं कालरात्रीति महागौरीति चाष्टमम् ॥ 4 ॥
panchamam skandamateti sastham katyayaniti cha । saptamam kalaratriti mahagauriti chastamam ॥ 4 ॥
नवमं सिद्धिदात्री च नवदुर्गाः प्रकीर्तिताः । उक्तान्येतानि नामानि ब्रह्मणैव महात्मना ॥ 5 ॥
navamam siddhidatri cha navadurgah prakirtitah । uktanyetani namani brahmanaiva mahatmana ॥ 5 ॥
अग्निना दह्यमानस्तु शत्रुमध्ये गतो रणे । विषमे दुर्गमे चैव भयार्ताः शरणं गताः ॥ 6 ॥
agnina dahyamanastu satrumadhye gato rane । visame durgame chaiva bhayartah saranam gatah ॥ 6 ॥
न तेषां जायते किञ्चिदशुभं रणसङ्कटे । नापदं तस्य पश्यामि शोकदुःखभयं न हि ॥ 7 ॥
na tesam jayate kinchidasubham ranasankate । napadam tasya pasyami sokaduhkhabhayam na hi ॥ 7 ॥
यैस्तु भक्त्या स्मृता नूनं तेषां वृद्धिः प्रजायते । ये त्वां स्मरन्ति देवेशि रक्षसे तान्नसंशयः ॥ 8 ॥
yaistu bhaktya smrta nunam tesam vrddhih prajayate । ye tvam smaranti devesi raksase tannasamsayah ॥ 8 ॥
प्रेतसंस्था तु चामुण्डा वाराही महिषासना । ऐन्द्री गजसमारूढा वैष्णवी गरुडासना ॥ 9 ॥
pretasamstha tu chamunḍa varahi mahisasana । aindri gajasamaruḍha vaisnavi garuḍasana ॥ 9 ॥
माहेश्वरी वृषारूढा कौमारी शिखिवाहना । लक्ष्मीः पद्मासना देवी पद्महस्ता हरिप्रिया ॥ 10 ॥
mahesvari vrsaruḍha kaumari sikhivahana । laksmih padmasana devi padmahasta haripriya ॥ 10 ॥
श्वेतरूपधरा देवी ईश्वरी वृषवाहना । ब्राह्मी हंससमारूढा सर्वाभरणभूषिता ॥ 11 ॥
svetarupadhara devi isvari vrsavahana । brahmi hamsasamaruḍha sarvabharanabhusita ॥ 11 ॥
इत्येता मातरः सर्वाः सर्वयोगसमन्विताः । नानाभरणाशोभाढ्या नानारत्नोपशोभिताः ॥ 12 ॥
ityeta matarah sarvah sarvayogasamanvitah । nanabharanasobhaḍhya nanaratnopasobhitah ॥ 12 ॥
दृश्यन्ते रथमारूढा देव्यः क्रोधसमाकुलाः । शङ्खं चक्रं गदां शक्तिं हलं च मुसलायुधम् ॥ 13 ॥
drsyante rathamaruḍha devyah krodhasamakulah । sankham chakram gadam saktim halam cha musalayudham ॥ 13 ॥
खेटकं तोमरं चैव परशुं पाशमेव च । कुन्तायुधं त्रिशूलं च शार्ङ्गमायुधमुत्तमम् ॥ 14 ॥
khetakam tomaram chaiva parasum pasameva cha । kuntayudham trisulam cha sarngamayudhamuttamam ॥ 14 ॥
दैत्यानां देहनाशाय भक्तानामभयाय च । धारयन्त्यायुधानीत्थं देवानां च हिताय वै ॥ 15 ॥
daityanam dehanasaya bhaktanamabhayaya cha । dharayantyayudhanittham devanam cha hitaya vai ॥ 15 ॥
नमस्तेऽस्तु महारौद्रे महाघोरपराक्रमे । महाबले महोत्साहे महाभयविनाशिनि ॥ 16 ॥
namaste'stu maharaudre mahaghoraparakrame । mahabale mahotsahe mahabhayavinasini ॥ 16 ॥
त्राहि मां देवि दुष्प्रेक्ष्ये शत्रूणां भयवर्धिनि । प्राच्यां रक्षतु मामैन्द्री आग्नेय्यामग्निदेवता ॥ 17 ॥
trahi mam devi duspreksye satrunam bhayavardhini । prachyam raksatu mamaindri agneyyamagnidevata ॥ 17 ॥
दक्षिणेऽवतु वाराही नैरृत्यां खड्गधारिणी । प्रतीच्यां वारुणी रक्षेद्वायव्यां मृगवाहिनी ॥ 18 ॥
daksine'vatu varahi nairrtyam khaḍgadharini । pratichyam varuni raksedvayavyam mrgavahini ॥ 18 ॥
उदीच्यां पातु कौमारी ऐशान्यां शूलधारिणी । ऊर्ध्वं ब्रह्माणी मे रक्षेदधस्ताद्वैष्णवी तथा ॥ 19 ॥
udichyam patu kaumari aisanyam suladharini । urdhvam brahmani me raksedadhastadvaisnavi tatha ॥ 19 ॥
एवं दश दिशो रक्षेच्चामुण्डा शववाहना । जया मे चाग्रतः पातु विजया पातु पृष्ठतः ॥ 20 ॥
evam dasa diso raksechchamunḍa savavahana । jaya me chagratah patu vijaya patu prsthatah ॥ 20 ॥
अजिता वामपार्श्वे तु दक्षिणे चापराजिता । शिखामुद्योतिनी रक्षेदुमा मूर्ध्नि व्यवस्थिता ॥ 21 ॥
ajita vamaparsve tu daksine chaparajita । sikhamudyotini rakseduma murdhni vyavasthita ॥ 21 ॥
मालाधरी ललाटे च भ्रुवौ रक्षेद्यशस्विनी । त्रिनेत्रा च भ्रुवोर्मध्ये यमघण्टा च नासिके ॥ 22 ॥
maladhari lalate cha bhruvau raksedyasasvini । trinetra cha bhruvormadhye yamaghanta cha nasike ॥ 22 ॥
शङ्खिनी चक्षुषोर्मध्ये श्रोत्रयोर्द्वारवासिनी । कपोलौ कालिका रक्षेत्कर्णमूले तु शाङ्करी ॥ 23 ॥
sankhini chaksusormadhye srotrayordvaravasini । kapolau kalika raksetkarnamule tu sankari ॥ 23 ॥
नासिकायां सुगन्धा च उत्तरोष्ठे च चर्चिका । अधरे चामृतकला जिह्वायां च सरस्वती ॥ 24 ॥
nasikayam sugandha cha uttarosthe cha charchika । adhare chamrtakala jihvayam cha sarasvati ॥ 24 ॥
दन्तान् रक्षतु कौमारी कण्ठदेशे तु चण्डिका । घण्टिकां चित्रघण्टा च महामाया च तालुके ॥ 25 ॥
dantan raksatu kaumari kanthadese tu chanḍika । ghantikam chitraghanta cha mahamaya cha taluke ॥ 25 ॥
कामाक्षी चिबुकं रक्षेद्वाचं मे सर्वमङ्गला । ग्रीवायां भद्रकाली च पृष्ठवंशे धनुर्धरी ॥ 26 ॥
kamaksi chibukam raksedvacham me sarvamangaḻa । grivayam bhadrakaḻi cha prsthavamse dhanurdhari ॥ 26 ॥
नीलग्रीवा बहिः कण्ठे नलिकां नलकूबरी । स्कन्धयोः खड्गिनी रक्षेद्बाहू मे वज्रधारिणी ॥ 27 ॥
nilagriva bahih kanthe nalikam nalakubari । skandhayoh khaḍgini raksedbahu me vajradharini ॥ 27 ॥
हस्तयोर्दण्डिनी रक्षेदम्बिका चाङ्गुलीषु च । नखाञ्छूलेश्वरी रक्षेत्कुक्षौ रक्षेत्कुलेश्वरी ॥ 28 ॥
hastayordanḍini raksedambika changulisu cha । nakhanChulesvari raksetkuksau raksetkulesvari ॥ 28 ॥
स्तनौ रक्षेन्महादेवी मनःशोकविनाशिनी । हृदये ललिता देवी उदरे शूलधारिणी ॥ 29 ॥
stanau raksenmahadevi manahsokavinasini । hrdaye lalita devi udare suladharini ॥ 29 ॥
नाभौ च कामिनी रक्षेद्गुह्यं गुह्येश्वरी तथा । पूतना कामिका मेढ्रं गुदे महिषवाहिनी ॥ 30 ॥
nabhau cha kamini raksedguhyam guhyesvari tatha । putana kamika meḍhram gude mahisavahini ॥ 30 ॥
कट्यां भगवती रक्षेज्जानुनी विन्ध्यवासिनी । जङ्घे महाबला रक्षेत्सर्वकामप्रदायिनी ॥ 31 ॥
katyam bhagavati raksejjanuni vindhyavasini । janghe mahabala raksetsarvakamapradayini ॥ 31 ॥
गुल्फयोर्नारसिंही च पादपृष्ठे तु तैजसी । पादाङ्गुलीषु श्री रक्षेत्पादाधस्तलवासिनी ॥ 32 ॥
gulphayornarasimhi cha padaprsthe tu taijasi । padangulisu sri raksetpadadhastalavasini ॥ 32 ॥
नखान् दंष्ट्रकराली च केशांश्चैवोर्ध्वकेशिनी । रोमकूपेषु कौबेरी त्वचं वागीश्वरी तथा ॥ 33 ॥
nakhan damstrakarali cha kesamschaivordhvakesini । romakupesu kauberi tvacham vagisvari tatha ॥ 33 ॥
रक्तमज्जावसामांसान्यस्थिमेदांसि पार्वती । अन्त्राणि कालरात्रिश्च पित्तं च मुकुटेश्वरी ॥ 34 ॥
raktamajjavasamamsanyasthimedamsi parvati । antrani kalaratrischa pittam cha mukutesvari ॥ 34 ॥
पद्मावती पद्मकोशे कफे चूडामणिस्तथा । ज्वालामुखी नखज्वालामभेद्या सर्वसन्धिषु ॥ 35 ॥
padmavati padmakose kaphe chuḍamanistatha । jvalamukhi nakhajvalamabhedya sarvasandhisu ॥ 35 ॥
शुक्रं ब्रह्माणि! मे रक्षेच्छायां छत्रेश्वरी तथा । अहङ्कारं मनो बुद्धिं रक्षेन्मे धर्मधारिणी ॥ 36 ॥
sukram brahmani! me raksechChayam Chatresvari tatha । ahankaram mano buddhim raksenme dharmadharini ॥ 36 ॥
प्राणापानौ तथा व्यानमुदानं च समानकम् । वज्रहस्ता च मे रक्षेत्प्राणं कल्याणशोभना ॥ 37 ॥
pranapanau tatha vyanamudanam cha samanakam । vajrahasta cha me raksetpranam kalyanasobhana ॥ 37 ॥
रसे रूपे च गन्धे च शब्दे स्पर्शे च योगिनी । सत्त्वं रजस्तमश्चैव रक्षेन्नारायणी सदा ॥ 38 ॥
rase rupe cha gandhe cha sabde sparse cha yogini । sattvam rajastamaschaiva raksennarayani sada ॥ 38 ॥
आयू रक्षतु वाराही धर्मं रक्षतु वैष्णवी । यशः कीर्तिं च लक्ष्मीं च धनं विद्यां च चक्रिणी ॥ 39 ॥
ayu raksatu varahi dharmam raksatu vaisnavi । yasah kirtim cha laksmim cha dhanam vidyam cha chakrini ॥ 39 ॥
गोत्रमिन्द्राणि! मे रक्षेत्पशून्मे रक्ष चण्डिके । पुत्रान् रक्षेन्महालक्ष्मीर्भार्यां रक्षतु भैरवी ॥ 40 ॥
gotramindrani! me raksetpasunme raksa chanḍike । putran raksenmahalaksmirbharyam raksatu bhairavi ॥ 40 ॥
पन्थानं सुपथा रक्षेन्मार्गं क्षेमकरी तथा । राजद्वारे महालक्ष्मीर्विजया सर्वतः स्थिता ॥ 41 ॥
panthanam supatha raksenmargam ksemakari tatha । rajadvare mahalaksmirvijaya sarvatah sthita ॥ 41 ॥
रक्षाहीनं तु यत्-स्थानं वर्जितं कवचेन तु । तत्सर्वं रक्ष मे देवि! जयन्ती पापनाशिनी ॥ 42 ॥
raksahinam tu yat-sthanam varjitam kavachena tu । tatsarvam raksa me devi! jayanti papanasini ॥ 42 ॥
पदमेकं न गच्छेत्तु यदीच्छेच्छुभमात्मनः । कवचेनावृतो नित्यं यत्र यत्रैव गच्छति ॥ 43 ॥
padamekam na gachChettu yadichChechChubhamatmanah । kavachenavrto nityam yatra yatraiva gachChati ॥ 43 ॥
तत्र तत्रार्थलाभश्च विजयः सार्वकामिकः । यं यं चिन्तयते कामं तं तं प्राप्नोति निश्चितम् ॥ 44 ॥
tatra tatrarthalabhascha vijayah sarvakamikah । yam yam chintayate kamam tam tam prapnoti nischitam ॥ 44 ॥
परमैश्वर्यमतुलं प्राप्स्यते भूतले पुमान् । निर्भयो जायते मर्त्यः सङ्ग्रामेष्वपराजितः ॥ 45 ॥
paramaisvaryamatulam prapsyate bhutale puman । nirbhayo jayate martyah sangramesvaparajitah ॥ 45 ॥
त्रैलोक्ये तु भवेत्पूज्यः कवचेनावृतः पुमान् । इदं तु देव्याः कवचं देवानामपि दुर्लभम् ॥ 46 ॥
trailokye tu bhavetpujyah kavachenavrtah puman । idam tu devyah kavacham devanamapi durlabham ॥ 46 ॥
यः पठेत्प्रयतो नित्यं त्रिसन्ध्यं श्रद्धयान्वितः । दैवीकला भवेत्तस्य त्रैलोक्येष्वपराजितः । 47 ॥
yah pathetprayato nityam trisandhyam sraddhayanvitah । daivikala bhavettasya trailokyesvaparajitah । 47 ॥
जीवेद्वर्षशतं साग्रमपमृत्युविवर्जितः । नश्यन्ति व्याधयः सर्वे लूताविस्फोटकादयः ॥ 48 ॥
jivedvarsasatam sagramapamrtyuvivarjitah । nasyanti vyadhayah sarve lutavisphotakadayah ॥ 48 ॥
स्थावरं जङ्गमं चैव कृत्रिमं चैव यद्विषम् । अभिचाराणि सर्वाणि मन्त्रयन्त्राणि भूतले ॥ 49 ॥
sthavaram jangamam chaiva krtrimam chaiva yadvisam । abhicharani sarvani mantrayantrani bhutale ॥ 49 ॥
भूचराः खेचराश्चैव जुलजाश्चोपदेशिकाः । सहजा कुलजा माला डाकिनी शाकिनी तथा ॥ 50 ॥
bhucharah khecharaschaiva julajaschopadesikah । sahaja kulaja mala ḍakini sakini tatha ॥ 50 ॥
अन्तरिक्षचरा घोरा डाकिन्यश्च महाबलाः । ग्रहभूतपिशाचाश्च यक्षगन्धर्वराक्षसाः ॥ 51 ॥
antariksachara ghora ḍakinyascha mahabalah । grahabhutapisachascha yaksagandharvaraksasah ॥ 51 ॥
ब्रह्मराक्षसवेतालाः कूष्माण्डा भैरवादयः । नश्यन्ति दर्शनात्तस्य कवचे हृदि संस्थिते ॥ 52 ॥
brahmaraksasavetalah kusmanḍa bhairavadayah । nasyanti darsanattasya kavache hrdi samsthite ॥ 52 ॥
मानोन्नतिर्भवेद्राज्ञस्तेजोवृद्धिकरं परम् । यशसा वर्धते सोऽपि कीर्तिमण्डितभूतले ॥ 53 ॥
manonnatirbhavedrajnastejovrddhikaram param । yasasa vardhate so'pi kirtimanḍitabhutale ॥ 53 ॥
जपेत्सप्तशतीं चण्डीं कृत्वा तु कवचं पुरा । यावद्भूमण्डलं धत्ते सशैलवनकाननम् ॥ 54 ॥
japetsaptasatim chanḍim krtva tu kavacham pura । yavadbhumanḍalam dhatte sasailavanakananam ॥ 54 ॥
तावत्तिष्ठति मेदिन्यां सन्ततिः पुत्रपौत्रिकी । देहान्ते परमं स्थानं यत्सुरैरपि दुर्लभम् ॥ 55 ॥
tavattisthati medinyam santatih putrapautriki । dehante paramam sthanam yatsurairapi durlabham ॥ 55 ॥
प्राप्नोति पुरुषो नित्यं महामायाप्रसादतः । लभते परमं रूपं शिवेन सह मोदते ॥ 56 ॥
prapnoti puruso nityam mahamayaprasadatah । labhate paramam rupam sivena saha modate ॥ 56 ॥
॥ इति वाराहपुराणे हरिहरब्रह्म विरचितं देव्याः कवचं सम्पूर्णम् ॥
॥ iti varahapurane hariharabrahma virachitam devyah kavacham sampurnam ॥
AnonymousUser
150
5 Days
Learn
Teach
Discuss
Dashboard
Verses & Playlist
Flashcards
Saved Chants
Saved Discussions
Logout
Copy Shloka
Shloka Link
