Gyaandweep | Narayaneeyam Dashkam

Shloka 1

अथ वारिणि घोरतरं फणिनंप्रतिवारयितुं कृतधीर्भगवन् । द्रुतमारिथ तीरगनीपतरुंविषमारुतशोषितपर्णचयम् ॥ 55.1 ॥

atha vāriṇi ghorataraṃ phaṇinaṃprativārayituṃ kṛtadhīrbhagavan . drutamāritha tīraganīpataruṃviṣamārutaśoṣitaparṇacayam .. 55.1 ..

Shloka 2

अधिरुह्य पदाम्बुरुहेण चतं नवपल्लवतुल्यमनोज्ञरुचा । ह्रदवारिणि दूरतरं न्यपतःपरिघूर्णितघोरतरङ्गगणे ॥ 55.2 ॥

adhiruhya padāmburuheṇa cataṃ navapallavatulyamanojñarucā . hradavāriṇi dūrataraṃ nyapataḥparighūrṇitaghorataraṅgagaṇe .. 55.2 ..

Shloka 3

भुवनत्रयभारभृतो भवतोगुरुभारविकम्पिविजृम्भिजला । परिमज्जयति स्म धनुःशतकंतटिनी झटिति स्फुटघोषवती ॥ 55.3 ॥

bhuvanatrayabhārabhṛto bhavatogurubhāravikampivijṛmbhijalā . parimajjayati sma dhanuḥśatakaṃtaṭinī jhaṭiti sphuṭaghoṣavatī .. 55.3 ..

Shloka 4

अथ दिक्षु विदिक्षु परिक्षुभित-भ्रमितोदरवारिनिनादभरैः । उदकादुदगादुरगाधिपति-स्त्वदुपान्तमशान्तरुषान्धमनाः ॥ 55.4 ॥

atha dikṣu vidikṣu parikṣubhita-bhramitodaravārininādabharaiḥ . udakādudagāduragādhipati-stvadupāntamaśāntaruṣāndhamanāḥ .. 55.4 ..

Shloka 5

फणशृङ्गसहस्रविनिस्सृमर-ज्वलदग्निकणोग्रविषाम्बुधरम् । पुरतः फणिनं समलोकयथाबहुशृङ्गिणमञ्जनशैलमिव ॥ 55.5 ॥

phaṇaśṛṅgasahasravinissṛmara-jvaladagnikaṇograviṣāmbudharam . purataḥ phaṇinaṃ samalokayathābahuśṛṅgiṇamañjanaśailamiva .. 55.5 ..

Shloka 6

ज्वलदक्षिपरिक्षरदुग्रविष-श्वसनोष्मभरः स महाभुजगः । परिदश्य भवन्तमनन्तबलंसमवेष्टयदस्फुटचेष्टमहो ॥ 55.6 ॥

jvaladakṣiparikṣaradugraviṣa-śvasanoṣmabharaḥ sa mahābhujagaḥ . paridaśya bhavantamanantabalaṃsamaveṣṭayadasphuṭaceṣṭamaho .. 55.6 ..

Shloka 7

अविलोक्य भवन्तमथाकुलितेतटगामिनि बालकधेनुगणे । व्रजगेहतलेऽप्यनिमित्तशतंसमुदीक्ष्य गता यमुनां पशुपाः ॥ 55.7 ॥

avilokya bhavantamathākulitetaṭagāmini bālakadhenugaṇe . vrajagehatale'pyanimittaśataṃsamudīkṣya gatā yamunāṃ paśupāḥ .. 55.7 ..

Shloka 8

अखिलेषु विभो भवदीयदशा-मवलोक्य जिहासुषु जीवभरम् । फणिबन्धनमाशु विमुच्यजवादुदगम्यत हासजुषा भवता ॥ 55.8 ॥

akhileṣu vibho bhavadīyadaśā-mavalokya jihāsuṣu jīvabharam . phaṇibandhanamāśu vimucyajavādudagamyata hāsajuṣā bhavatā .. 55.8 ..

Shloka 9

अधिरुह्य ततः फणिराजफणा-न्ननृते भवता मृदुपादरुचा । कलशिञ्जितनूपुरमञ्जुमिल-त्करकङ्कणसंकुलसङ्क्वणितम् ॥ 55.9 ॥

adhiruhya tataḥ phaṇirājaphaṇā-nnanṛte bhavatā mṛdupādarucā . kalaśiñjitanūpuramañjumila-tkarakaṅkaṇasaṃkulasaṅkvaṇitam .. 55.9 ..

Shloka 10

जहृषुः पशुपास्तुतुषुर्मुनयोववृषुः कुसुमानि सुरेन्द्रगणाः । त्वयि नृत्यति मारुतगेहपतेपरिपाहि स मां त्वमदान्तगदात् ॥ 55.10 ॥

jahṛṣuḥ paśupāstutuṣurmunayovavṛṣuḥ kusumāni surendragaṇāḥ . tvayi nṛtyati mārutagehapateparipāhi sa māṃ tvamadāntagadāt .. 55.10 ..

Languages